秋田鐵板燒刺身專門店

營業中

休息中

睇左食評好多次，朋友去過又讚好，結果趁這個剛轉凍的聖誕和老公去慶祝～～食物方面，之前的食評已講了！不想重覆又重覆～只想提一提，我覺得鮑魚味不是太濃，其他的實在值得一讚！尤其A5 鹿兒島和牛，一口即入溶（真的唔好加汁食！）睇完呢度的食評，以後專登MARK 左EDMOND，果然係傳說中的幽默風趣！我同老公都係鐘意講野之人，所以今晚又玩又傾又食得開心～～雖然在金融海嘯時間食咁貴的一餐，但仍然覺得物有所值

今年提早過聖誕節.....因為正日要同男朋友車會的人一齊去BBQ``///男朋友(大雄)就帶左我地去秒田食''日式鐵板燒'`` 我地叫左個『松阪４人御膳套餐』個套餐有係沙律、龍蝦、大鮑魚、老虎蟹、A5松阪牛、炒飯、龍蝦麺豉湯同炒野菜！！還有Edmond 師父送既冷盤。最後還有甜品食，4個唔同味道既雪糕球。呢度的野食...真係唔洗多講...因為食評已經講曬...所用既料都好新鮮...最特別是Edmond師傅主理...超級精彩`` 這一餐飯，真係好感謝Edmond師傅，因為你帶給我們很多既歡樂。遇到你真係我地既榮幸。

其實今次黎呢度食飯...係因為老公生日...所以我地同埋家姐, 姐夫1行四人黎呢度食鮑魚, 實行促進經濟! 呢度D野食...唔駛講...其他食評已經講左...用料好新鮮...D材料上到鐵板時仲係會郁架~~~我地8對眼睇住Edmond師傅主理...非常精彩!其實食1餐飯, 食物好味固然重要, 不過同邊個食飯+廚師有無用心煮都好重要! 最嘆為觀止既係Edmond既熱誠! 簡直溶化左客人間既隔膜! 點解咁講...因為師傅1路整野食, 1路俾好多好多驚喜俾我地...(看圖便知) 我們真係1路食1路笑...真係好耐無笑到咁開懷! 想忘憂..黎呢度呀! 哈哈! 唔係誇張...我地係開心到連隔離枱既客人都同我地1齊玩!!! (玩咩? 咁你地真係要黎試下!) 1間食店能夠令客人如此暢快開心...真係好難得! 我俾10個叻!

食鐵板燒的好與壞，取決於兩樣野，第一就係材料是否新鮮，第二就係師傅的刀法和烹調技術。 好，廢話少說，馬上入正題。今晚係第一次到秋田食飯，其實一早就知到有這間店的存在，只係一直都無機會試，今次有朋友提意去試下，所以就二話不說，決定一試！ 一入到秋田就感到非常舒服的感覺，絕對沒在有給人半點高不可攀的感覺。其實這點好重要，香港有好多日本餐廳唔明點解要扮高級，搞到所有客人都有種無影的拘緊，食到周身都唔舒服。記得每一次去日本，最欣賞就係一些小鋪，裝修簡單到不得了，有D可能只得一張bar枱，但係永遠給人一種說不出舒服的感覺，有如到朋友家在食飯的感覺。 今晚為我地主理的師傅叫Edmond，佢個人好nice同好好傾，一開始佢就好仔細講解餐牌的選擇，每樣東西的分別，當然，最緊要就係講下今期有乜野特別正同新鮮。經過一番思量，最後我地每人都決定揀個鮑魚套餐，套餐有活龍蝦，活鮑魚，鵝肝多士，簿燒牛，炒飯同錫紙焗皇帝菜。套餐包的是簿燒牛，但我地加左$208轉厚燒澳洲和牛，記住$208已經用係二人價錢，真係認真超值價，自己買都差唔到幾多。澳洲和牛，主要係脂肪分布平均，油分入口甘香，但牛肉味則比日本和牛濃烈。對於牛

鍾意佢地既service同特別表演，加上男友愛吃鐵板燒，深信這裡可以讓男友食到個開心生日飯~當然，這裡沒令我們失望~叫左兩個唔同set，跟其他食客一樣加錢錢轉牛肩。每一樣食物都真係好新鮮，我地仲見住隻鮑魚"陏來陏去"，隻龍蝦煮果陣都還在動，說真的還是會覺殘忍，但食完又真係好好味~鮑魚︰很新鮮爽口，讚~龍蝦︰也很新鮮，男友力讚~鵝肝︰我最愛，超級美味>v<炒飯︰joe師傅確認左我們是拖友後，整左個心心炒飯，男友笑得開懷>v<當然用料不馬虎，正~ 還有雞蛋寫字，我期待這刻很久，因等待男友的反應，見他很高興，值晒~環境︰不錯，不會吵，而且乾淨有氣氛。不過，本來我們被安排坐L型邊位，若然要看師傅表演便不是太好，幸好有客人剛吃完離開，才主動要求換位置，如果他們可以主動發現並提出會較好。食物︰很好，真的用有質素的食物。不過最後的甜品雪糕真的建議換掉，男友和我都覺不好吃(當配上其他高質素的食材時)。男友不好甜食覺得沒相干，但愛好甜品的我覺得這餐的句號不夠完美，有少少失望。服務︰很好，每個服務員都很有禮貌，serve我們的joe師傅也很nice，主動和我們聊天和玩魔術，

I went there with my husband yesterday, we ordered 2 $538 set + $80 for the steak + $20 for the cod fish . Each set share half of a lobster, however the size of the lobster is super mini, with dark green colour "go". The quality of the lobster does not match the price of the set at all, terribly disappointed!! To be honest, I visited another teppanyaki restaurant in mongkok, the lobster of a $400 set for 2 person was much better.I am a lobster lover and I expected the most a delicious lobster

30oct, 男朋友仔生日, 我上網搵左好耐, 最終決定試吓依間鐵板燒, 結果大家都好滿意.meun有幾個set dinner俾我地選擇, 我地簡左2個set, 因每個set係人頭計.頭盤 : 蕃茄salad主菜 : 原隻龍蝦, 原隻鮑魚, 銀雪魚, 鵝肝麵包, 羊架湯 : 龍蝦麵豉湯飯 : 炒飯野菜 : 炒什菜甜品 : 雪糕原隻龍蝦 - 個set其實得半隻, 我地簡左2個set, 所以有一隻, 煮之前隻龍蝦仲係生架, 好新鮮原隻鮑魚 + 銀雪魚 - 其中一個set係一隻鮑魚, 一個set係銀雪魚, 我地就max 2個set, 所以試哂咁多食物鵝肝麵包 - 必吃食物, 鵝肝超肥美, 麵包勁脆龍蝦麵豉湯 - 師傅會將之前隻龍蝦頭及殼煮湯炒飯 - 蝦干, 黑魚子 *誠意之作,知道我男朋友仔生日, 就用蛋寫左生日快樂*炒野菜 - 銀芽, 韮菜, 紅蘿蔔, 什菌

06-NOV-08 8:30PM 近月私事甚忙, 積下一大埋食評都沒有力執筆, 但昨日的晚飯又幾精彩, 所以"插隊"先寫. 由於星期日要表演了, 今年便提早同bf 慶生日. 上星期我生日已吃了法國菜, 所以今次想試日本菜,.不斷問朋友, 上OR,search , 最後都決定去秋田. 一個冷清的天文台圍, 一個冷清的餐廳, 全店只有不到10個食客, 畢竟在海啸下要花貴過千吃飯的人減少了 . 我們被安排入座於其中一張bar 枱, 同枱還有一pair男女, 今夜就由一位師傅負責我們4位的晚餐了, 經理跟我們介紹一翻套餐內容, 決定order一個$ 488 及 $538的套餐, 包括沙律, 原隻活伊勢龍蝦, 鮮活鮑魚,($538餐) / 銀雪魚($488 餐) 香煎頂級鵝肝, 澳洲頂級和牛薄燒, (+$80 轉左厚燒澳洲和牛牛肩),特式秋田炒飯, 炒野菜, 龍蝦麵豉湯同雪糕. 前菜的枝豆, 灑上少許盬粒, 不知不覺吃了很多, 先止止口痕吧~ 什菜沙律亦是很蕃茄粟米.由前菜到甜品, 全程 2.5 小時, 按上菜順次序為: 1. 炸蒜片: 大量蒜片 +用上很多油啊,但出來的是甘香小吃!

去完日本後, 迷上了日本的teppanyaki, 喜歡佢地用料新鮮同師傅的技術, 但係香港食一餐有水準日式鐵板燒並不便宜, 所以襯我太座生日就選擇去秋田試下, 聽聞果度d師傅好出色喎!! 當晚我地被安排坐係一個較為寂靜嘅角位, 總算坐得幾舒服, 而且餐廳嘅客人唔算多, 所以環境都幾靜, 一位貌似譚耀文嘅 Roy師傅負責整鐵板燒比我地食, 因為慶祝生日, 所以我地叫左個貴少少的熊本二人前御前套餐/ kumamoto set ($1,076), 個餐都幾豐富, 有沙律, 原隻活伊勢龍蝦, 鮮活鮑魚, 香煎頂級鵝肝, 澳洲頂級和牛薄燒, 特式秋田炒飯, 炒野菜, 龍蝦麵豉湯同季節甜品餐前小食先送上枝豆同魚仔乾, 係香港真係比較少食枝豆, 枝豆外灑上少少鹽, 咸咸地幾好味, 再配上在鐵板炒香的煙肉同櫻花蝦, 咸咸地幾香口, 佐酒一流所有材料都好新鮮, 都係燒前先係魚缸撈出來, 首先整鮑魚 ,睇住師傅將兩隻生鮑魚燒到甩殼再煮到熟, 再加 d 牛油, 蔥花, 調味料, 然後切粒上碟, 入口味道鮮甜, 我估唔到完全唔un, 仲要粒粒都好彈牙, 好味道!!跟住就燒龍蝦, 龍蝦係新鮮本地龍蝦, 個子較小

6/9 gf 生日，見到呢間有廚師可以係鐵板寫字咁得意，咁當然要趁機攪攪新意啦。當日負責serve既廚師阿ROY，好人，健談同手勢唔錯。首先係整左碟由煙肉同d蝦米仔炒既小食，好香口，唔油膩，食完呢味都已經feel到個師父手勢唔會差得去邊。果日食既有1.龍蝦: 好新鮮，好彈牙，龍蝦頭會用黎煮日本味曾湯。2.鰻魚 (另叫): 肉同皮分開上，d皮燒到脆扑扑，比薯片更脆，唔濃，肉質彈牙，肉味亦保存得好好，唔會比d調味料遮左，必食推介 3. 銀雪魚: 呢個無乜特別，不過都係新鮮4. 鵝肝多士: 正，鵝肝外香，內軟，鵝肝香味，食完都揮之不去5. 厚身澳洲牛肩(要另加 $80 ): 5 成熟，肉味濃，火喉控制好好，完全唔會over cook，掂6. 炒飯: 用煙肉，黑蟹子，雞蛋同一本米，(當然阿roy亦有寫返句「生日快樂」，在此講聲多謝先 )，本來都好飽，點知食完一口就唔停得口，真係好香，最終食洒 7. 炒菜: 呢個無乜特別，菜新鮮同好甜咁8. 日式雪糕: 分別叫左綠茶同柚子兩種味。果然同香港食個d唔同，非常好味。係嫌份量太細阿 roy 哥真係好好人，食完晚餐後，仲請我地食日本粟米，好清甜，好味，在

和老婆大人去了嘗一嘗﹐不錯。沙律 (普通) 龍蝦 (好好味，新鮮彈牙) 銀雪魚 (普通)鵝肝多士 (鵝肝﹐ 這個超正﹐厚厚的鵝肝+多士﹐口感豐富)厚燒澳洲牛肩 (+80﹐ 好味)炒飯 (普通)炒雜菜 (好飽﹐不想食﹐全部送往老婆大人的胃)雪糕 (普通﹐ 因為好飽)

我地去左秋田食鐵板燒，好好味架，用料又新鮮，價錢貴貴地啦，但係物有所值，因為全部都係貴價食材(評分以5* x 為最高)：沙律 (很普通) **龍蝦 *****銀雪魚 (普通無特別) **鵝肝多士 (鵝肝煎得唔夠香脆, 我地鍾意食外脆內軟) ****厚燒澳洲和牛 (好好味，3成較5成好味) *****套餐包的是簿燒牛, +$208轉厚燒炒飯 (老公覺得好食，我就覺得ok啦) ****炒雜菜 (D菜好清甜) ***生食日本超甜粟米(廚師送的，好清甜未試過生食粟米，口感似馬蹄) ***雪糕 (無特別) **另加2支啤酒

Honey生日,於是上嚟睇下TST有咩好食又特別,可以慶祝一番,見秋田好似有d特備節目,而我地又冇食過正宗嘅鐵板燒,所以決定去豪一豪!事前訂左位,Sat 嘅7pm就上到去,時間尚早,仍未有客人,所以d waiter都好幾個黎serve好地兩個人!哈!被安排坐向較安靜嘅坐位,兩個人坐得舒舒服服,唔會迫．今晚我地果圍鐵板可以話我地二人獨佔一個師傅，因為到走嘅時候先有三個客坐我地果圍 (就我所見，一圍鐵板大約５－６個人)，所以成晚食得好舒服同埋service都好好，成晚師傳都會講下笑同埋介紹下ｄ菜式．今晚揀左$5xx per head 嘅set，有活龍蝦，活鮑魚，生蠔，牛肉厚切，炒飯同炒野菜．原本有鵝肝嘅，但我同另一半都少食，唔想晒左，所以即使生蠔係平ｄ，我地都決定以鵝肝換生蠔．另外又加左$2xx UPGRADE左個牛肉厚切．龍蝦：整得好好味，本身唔特別嗜龍蝦，但佢ｄ龍蝦煮得好好味，ｄ龍蝦活生生捉出黎煮，佢用蝦羔煮果ｄ汁真係好正，龍蝦又好爽甜，係今晚嘅至愛！鮑魚：唔識評點先叫好，個人感覺係新鮮，好鮮味同爽，都好GOOD！生蠔：略嫌細隻左ｄ，同埋唔用煙肉炒會好ｄ，因為ｄ煙肉好咸，不過ｄ蠔仍然係

Went to have a family dinner in this restaurant, we ordered two sets for two people. The set has many things to eat and we ended up very very full. The things are very fresh and its even still moving when its been cooked. The chef is very nice and very talented too. I could say its worth for the price that we pay.

今日係女朋友生日, 晚餐訂了秋田鐵板燒同女朋友慶祝. 啲食物真係同之前好多食評一樣, 好新鮮好好味. 我除了欣賞這裡的食物好味之外, 最欣賞的係serve 我o地 果位好細心o既鐵板燒師父. 佢見我 miss 左影火燒龍蝦o既環節, 佢就再做多一次給我影, 而且還間不中幫我o地下影合照.......非常好人........此外,佢見到我o地有束花就好醒目問我o地今日係唔係一d 特別日子, 當佢知道是我女朋友生日, 就係鐵板寫上"生日快樂"給我女朋友, 除此之外, 還幫我整左個 " l love u" 抄飯給我女朋友..............真係非常多謝鐵板燒師父阿 ben....令我o地今餐晚飯食得好開心.