秋田鐵板燒刺身專門店

營業中

休息中

男朋友生日, 同佢講食鐵板燒, 見到佢嘅眼神有d疑惑... 哈! 可能因為呢個唔似係一般人慶祝生日嘅地方... 不過到食完呢餐... 佢主動咁同我講真係好驚喜同回味...仲講足幾日添! 因為太想多謝師傅呀Joe嘅安排, 就決定為他奉獻我的第一個open rice食評!之前研究了無數個秋田的食評,訂位的時候原本是book了人氣爆燈的edmond, 但他們說未必一定安排得到, 但會make sure負責的師傅可以辦妥我的生日request (即係用蛋寫字)...其實我都無咩所謂,因為見食評寫的大部份師傅都好ok...就交俾餐廳安排!當晚到達時已是八點半 (因為由disney出來), 環顧全餐廳只有數檯客人, 正好可以給我們靜靜享受這頓生日飯... 我們點了熊本二人套餐, +$208轉了厚燒澳洲和牛. 點菜後見到一位四眼大廚過來say hello.... 佢就係令我地全晚都好開心嘅呀Joe喇! (佢同我地講原本安排咗呀roy, 因為edmond放假, 後來呀roy又攞大假...所以就安排佢serve我哋喇! 我諗呢d就係緣份啦~哈哈!)全晚嘅嘢食都超好味! 等我逐一介紹吓先1) 雞泡魚干

上個月中細妹生日，佢話想食鐵板燒，所以上openrice睇下有無介紹．Search 左有兩間專食鐵板燒既都好似幾好，一間叫“和三味”不過係銅鑼灣，另一間“秋田”就係尖沙咀，岩晒我地要求，所以book 左依間．Openrice 好多食評都介紹 Edmond 師傅，話佢招呼好又識攪氣氛，所以我地都book 左佢．我地三個人叫左兩個一人份量既二人餐(“秋田”二人前套餐 & “熊本”二人前御膳套餐)，好似有d複雜．其實係本來應該兩個人叫同一個二人餐二人份量，不過依家可以比你兩個餐都食到，只係每個餐都係一入份量咁囉，咁都幾好可以試晒兩款．之後我地再加錢將個餐入面既薄燒牛肉upgrade 做A5松板霜降神牛，另外再加個原隻活赤貝刺身，同埋叫左五柸飲品，埋單$22xx．三個人唔係太大食已經好足夠，大家都食到好飽好滿足，仲有Edmond 師傅真係無令人失望，好好傾、煮野好食、又送小食、又幫我地特製飲品、又表現雞蛋寫字，寫左個“生日快樂”比細妹，成晚既氣氛都好好，完全唔覺食左三個鐘咁耐．Good! Good! Good! 有機會要帶埋爸爸媽媽來食，佢地應該都會幾開心的．餐廳環境都唔錯，雖然唔係太大，不過

家庭日。 好耐無食鐵板燒。 N 年前食開個間松菱唔知搬去邊。 OPENRICE 上秋田好評如潮﹐ 希望唔係鱔稿。 地點幾偏僻﹐ 天文台道重要轉個彎。 美麗華停車場假日長滿。 又唔想代客泊車有點難度。最後死死氣交低架車比秋田搏一搏。好彩無事。假日八成客﹐ 幾熱鬧。 食鐵板已有心理準備﹐ 唔好着得太肆正﹐ 結果都係滿頭煙﹐ 回家後由頭內外洗過晒。 鐵板和通風有改進空間。 前文有食友提過。同意。 兩份二人套餐﹐ 好似六百幾/head. 份牛肉改A5和牛加 $1200﹐ 加多份手卷﹐ 埋單約 $3700﹐ 唔平﹐ 但諗下個場成晚只做一轉客﹐ 我地食到 11pm 點幾﹐ 計落又唔係太貴。主菜﹕ 四人有兩隻龍蝦 (印尼蝦)﹐ 四隻 南非七孔鮑﹐ 鵝肝多士﹐ 一塊和牛﹐ 師父仔RONALD煮得幾好。 炒飯用料加D煙肉﹐ 蝦仔﹐ 蟹籽﹐ 和牛剩下來的牛糕煎成牛油渣﹐ 等等煎炒﹐ 諗落都好香也﹐ 但嫌干身少少。 食唔晒打包隔日蒸一蒸﹐ 好食好多。 師父仔待客熱誠﹐ 雖則經驗有進步空間﹐ 但睇得出比個心黎做。 加分 ﹗﹗唔嫌貴﹐ 推薦。

話咁快又到情人節，如此重要的節日當然揀個好一點的地方去慶祝﹗明知呢0的日子去食西餐實俾人斬到一頸血，今年不吃西餐，轉吃日式鐵板燒﹗地點是天文台道的秋田﹗很開心兩個星期前已大家傾好去吃個痛快﹗都係要食餐啦，要我地揀都唔多識，所以揀左呢個情人海鮮鐵板燒套餐﹗$500一位﹗先來一個溫室蕃茄沙律，蕃茄不酸帶清甜，好開胃﹗之後係刺身組合，有三文魚、池魚皇、油甘魚同埋牡丹蝦﹗食家一向都鍾意食池魚，呢個池魚皇無令佢失望，一點也不腥，入口充滿鮮香，又腍又滑，連不吃魚的我也覺得味道不錯﹗牡丹蝦大大隻，入口蝦肉軟糯粘粘的mon住成個口，充滿蝦既香甜，好好食﹗之後到主菜喇，先來就係最令人期待既龍蝦﹗師傅阿Joe先將佢燒一燒，手起刀落之際已將佢成隻分體再取出頭部的龍蝦膏﹗將個肉身燒熟﹗起左0的殼之後，將龍蝦膏再倒番落去0的肉度﹗睇見都覺得好正﹗有得食喇，燒得岩岩好，肉身彈牙而不老，0的膏味好鬼甘香，咁大個仔都係第一次食龍蝦鐵板燒，十分之滿意呢﹗龍蝦頭就用仔整麵豉湯，香濃好飲﹗咁開心當然吃番支清酒啦﹗飲杯先﹗無驚無險又一年喇﹗情人節快樂﹗之後係燒蠔，上面加左既係蝦乾仔，更加惹味﹗仲有燒露荀配巨型鮮帶子，充滿牛油

我隔幾個月就會黎呢度幫襯，d水準依然咁好。主菜樣樣都正，我最鍾意係果個鵝肝多士，外面金黃香脆既鵝肝，面依然好juicy，配合埋多士，正！就連d配菜都好正，炒蒜片好脆；d櫻花蝦同煙肉粒既味道好夾，又香又有咬口。Edmond 煮得d火喉好好，d野食唔會過熟。招呼又好，成餐飯既氣氛好輕鬆、好舒服！但~~openrice 既影響力實在太大，Edmond未必一定可以黎招呼！（舊客優先！ heeheeheee~~）

前晚(15-1-2008Thur)同男友為返o黎個幾月o既男友人LSK洗塵,我o地揀o左呢間.我同男友先o黎,才7點鐘,唔多人,我o地已被安排坐o係鐵板枱睇表演.LSK半個鐘後到.我o地order o左兩個$488.00o既秋田套餐同一個$538.00o既熊本套餐.我o地o係等LSK時食食沙律,有栗米,蕃茄,沙律菜等,全部都好新鮮鮮甜,只係我唔鍾意食沙律菜.重有一碟芽菜仔,汁係韓國泡菜汁,唔太辣,不過我自己唔多鍾意食.而我不停咁讚粟米好甜好味,主理o既係Joe師傅就炒多啲粟米請我o地食.多謝Joe.而佢亦都炒蒜片,先為套餐預備好,蒜片炒到好似炸咁,好香脆,真係好心機.LSK o黎到喇,Joe都正式開始為我o地炮製美食.先o黎1.鮑魚每人一隻.(Joe幫我o地改o左,將 套餐o個半隻龍蝦改為一隻鮑魚,令我o地個個都食到一隻,唔該晒.)睇住啲鮑魚以90度旋轉咁掙扎,Joe輕易地將佢o地切開,上碟.鮑魚煙韌,夠鮮.2.伊勢龍蝦又全程睇住隻龍蝦掙扎,分o左體啲腳重郁o緊.龍蝦膏拎o左出o黎煮汁,頭就拎o左去餚麵豉湯.龍蝦肉加o左龍蝦汁煮,味道濃返啲,好好味.3.銀鱈魚Joe上碟時提示我o地蘸

今日媽咪請我地食鐵板燒,好HAPPY!鵝肝:入口即溶,正!牛肩肉:唔硬唔林,正!龍蝦:FANTASTlC!沙津:GOOD!煙肉+蝦米(小食):正!不過食到喉龍痛。炒飯:玩雜耍,好精彩!龍蝦麵豉湯:熱辣辣,好味!YUMMY!

星期二同姐姐食團年飯,自從春日關門後仍未有一間合口味的鐵板燒,因見Openrice D評分都幾高,所以就來一試.這裏只做晚餐,已減了小小分.坐低叫了鵝干龍蝦餐,鐵板既設計不好,因為只有板頂上的抽氣而缺了板四周的抽氣,這使油煙較易被客人給收(結果我是對的),又被扣了分.第一度菜上龍蝦,因隔離有另一對食差不多的食物,所以有兩隻,當蝦放在板上時,我已同姐講"有一隻唔係咁新鮮"因為放在熱板上那神經反應並不特出,當放進口裏時,發覺真的有很大分別.到鵝干時,因鵝干仍見冰點,師父就放在板上,這樣鵝干一定唔好食,因為熱力不能均衡地轉到干上,失敗.到炒飯,玩雜耍,寫字,飛蛋,好精彩,但唔好食,無味,有D涷.其實服務、環境都唔錯,但我係黎食野,服務同環境只可以令食物更好食

一早知bf o向平安夜同我o黎呢度, 之前又有朋友o黎過, 帶住好期待既心情o黎呢~平安夜只有2個set dinner, 我地選o左平d o個個 ($4xx)個set d食物同平時差唔多, 不過冇鵝肝, 好彩我都唔食, 唔緊要~最好味係薄燒牛, 用d牛卷住d蒜同埋蔥去煎, 好好味呢~龍蝦都好味, 用返d龍蝦膏去炒香佢呢~不過我地唔係大廚edmond serve, 係一個part time 師父, 佢表演唔到用蛋寫字o個part, 仲要話d蛋穀有時會整唔到, 最後我地叫返edmond O黎表演比我地睇, 佢一次就得呢~仲有, 個part time 師父就O敢炒埋一碟飯就上, 唔似其他人O敢會整到D飯好似個公仔或者係心心o敢, 我地食完見到其他人D飯整得好靚, 有D唔開心lor! overall 都值得去既, 因為用蛋寫字o個part真係好特別, 不過一定一定要reserve edmond師父, 如果唔係好似我地個part time師父就失色好多了~ps. edmond叫我地一定要o向openrice 度寫佢好靚仔wor~

　今年聖誕節又食セ野好尼？BBQ?自助餐？又或者普普通通算尼？普普通通甘食就當然唔得啦、難得一年一次今年我同個朋友都決定要食好D! 　今回係我第２次係香港食鉄板焼、一入到去秋田既感覺都唔錯、無論擺設同ｄ staff都好有禮貌、比我既感覺真係好似返左去日本一様、E一點真係値得一讚。講番個餐先、甘我地一行４個人還掂都係食緊係食好D啦、所以我地就簡左『松阪４人御膳套餐』甘個套餐都好豊富架～有係沙律、龍蝦、大鮑魚、老虎蟹、A5松阪牛、炒飯、龍蝦麺豉湯同炒野菜！　　甘一開始就先來個我至like既《沙律》、沙律既材料都好新鮮個汁同本身既份量都好適中、真係唔錯！食完個沙律之後就來左一個【伝説の型男師傅Edmond】E個Edmond師傅尼真係型得來又玩得、煮野又有heart又好食、如果10満分、我比佢9.9（減0.1係因為佢靚仔過我）、甘之後Edmond師傅就拎左其中３様菜既海鮮《龍蝦》《大鮑魚》《老虎蟹》比我地睇、唔係講笑、d海鮮真係新鮮到無人有！睇完之後當然就係要係我地面前煮啦。《龍蝦》～龍蝦肉真係好爽、食落仲好有口感同鮮甜味、再加上用左龍蝦本身既膏精製而成既金黄汁、真係天衣無縫好味到絶！継龍蝦之

睇左食評好多次，朋友去過又讚好，結果趁這個剛轉凍的聖誕和老公去慶祝～～食物方面，之前的食評已講了！不想重覆又重覆～只想提一提，我覺得鮑魚味不是太濃，其他的實在值得一讚！尤其A5 鹿兒島和牛，一口即入溶（真的唔好加汁食！）睇完呢度的食評，以後專登MARK 左EDMOND，果然係傳說中的幽默風趣！我同老公都係鐘意講野之人，所以今晚又玩又傾又食得開心～～雖然在金融海嘯時間食咁貴的一餐，但仍然覺得物有所值

今年提早過聖誕節.....因為正日要同男朋友車會的人一齊去BBQ``///男朋友(大雄)就帶左我地去秒田食''日式鐵板燒'`` 我地叫左個『松阪４人御膳套餐』個套餐有係沙律、龍蝦、大鮑魚、老虎蟹、A5松阪牛、炒飯、龍蝦麺豉湯同炒野菜！！還有Edmond 師父送既冷盤。最後還有甜品食，4個唔同味道既雪糕球。呢度的野食...真係唔洗多講...因為食評已經講曬...所用既料都好新鮮...最特別是Edmond師傅主理...超級精彩`` 這一餐飯，真係好感謝Edmond師傅，因為你帶給我們很多既歡樂。遇到你真係我地既榮幸。

其實今次黎呢度食飯...係因為老公生日...所以我地同埋家姐, 姐夫1行四人黎呢度食鮑魚, 實行促進經濟! 呢度D野食...唔駛講...其他食評已經講左...用料好新鮮...D材料上到鐵板時仲係會郁架~~~我地8對眼睇住Edmond師傅主理...非常精彩!其實食1餐飯, 食物好味固然重要, 不過同邊個食飯+廚師有無用心煮都好重要! 最嘆為觀止既係Edmond既熱誠! 簡直溶化左客人間既隔膜! 點解咁講...因為師傅1路整野食, 1路俾好多好多驚喜俾我地...(看圖便知) 我們真係1路食1路笑...真係好耐無笑到咁開懷! 想忘憂..黎呢度呀! 哈哈! 唔係誇張...我地係開心到連隔離枱既客人都同我地1齊玩!!! (玩咩? 咁你地真係要黎試下!) 1間食店能夠令客人如此暢快開心...真係好難得! 我俾10個叻!

食鐵板燒的好與壞，取決於兩樣野，第一就係材料是否新鮮，第二就係師傅的刀法和烹調技術。 好，廢話少說，馬上入正題。今晚係第一次到秋田食飯，其實一早就知到有這間店的存在，只係一直都無機會試，今次有朋友提意去試下，所以就二話不說，決定一試！ 一入到秋田就感到非常舒服的感覺，絕對沒在有給人半點高不可攀的感覺。其實這點好重要，香港有好多日本餐廳唔明點解要扮高級，搞到所有客人都有種無影的拘緊，食到周身都唔舒服。記得每一次去日本，最欣賞就係一些小鋪，裝修簡單到不得了，有D可能只得一張bar枱，但係永遠給人一種說不出舒服的感覺，有如到朋友家在食飯的感覺。 今晚為我地主理的師傅叫Edmond，佢個人好nice同好好傾，一開始佢就好仔細講解餐牌的選擇，每樣東西的分別，當然，最緊要就係講下今期有乜野特別正同新鮮。經過一番思量，最後我地每人都決定揀個鮑魚套餐，套餐有活龍蝦，活鮑魚，鵝肝多士，簿燒牛，炒飯同錫紙焗皇帝菜。套餐包的是簿燒牛，但我地加左$208轉厚燒澳洲和牛，記住$208已經用係二人價錢，真係認真超值價，自己買都差唔到幾多。澳洲和牛，主要係脂肪分布平均，油分入口甘香，但牛肉味則比日本和牛濃烈。對於牛

鍾意佢地既service同特別表演，加上男友愛吃鐵板燒，深信這裡可以讓男友食到個開心生日飯~當然，這裡沒令我們失望~叫左兩個唔同set，跟其他食客一樣加錢錢轉牛肩。每一樣食物都真係好新鮮，我地仲見住隻鮑魚"陏來陏去"，隻龍蝦煮果陣都還在動，說真的還是會覺殘忍，但食完又真係好好味~鮑魚︰很新鮮爽口，讚~龍蝦︰也很新鮮，男友力讚~鵝肝︰我最愛，超級美味>v<炒飯︰joe師傅確認左我們是拖友後，整左個心心炒飯，男友笑得開懷>v<當然用料不馬虎，正~ 還有雞蛋寫字，我期待這刻很久，因等待男友的反應，見他很高興，值晒~環境︰不錯，不會吵，而且乾淨有氣氛。不過，本來我們被安排坐L型邊位，若然要看師傅表演便不是太好，幸好有客人剛吃完離開，才主動要求換位置，如果他們可以主動發現並提出會較好。食物︰很好，真的用有質素的食物。不過最後的甜品雪糕真的建議換掉，男友和我都覺不好吃(當配上其他高質素的食材時)。男友不好甜食覺得沒相干，但愛好甜品的我覺得這餐的句號不夠完美，有少少失望。服務︰很好，每個服務員都很有禮貌，serve我們的joe師傅也很nice，主動和我們聊天和玩魔術，