影片
更多
2009-03-22
45 瀏覽
男朋友生日, 同佢講食鐵板燒, 見到佢嘅眼神有d疑惑... 哈! 可能因為呢個唔似係一般人慶祝生日嘅地方... 不過到食完呢餐... 佢主動咁同我講真係好驚喜同回味...仲講足幾日添! 因為太想多謝師傅呀Joe嘅安排, 就決定為他奉獻我的第一個open rice食評!之前研究了無數個秋田的食評,訂位的時候原本是book了人氣爆燈的edmond, 但他們說未必一定安排得到, 但會make sure負責的師傅可以辦妥我的生日request (即係用蛋寫字)...其實我都無咩所謂,因為見食評寫的大部份師傅都好ok...就交俾餐廳安排!當晚到達時已是八點半 (因為由disney出來), 環顧全餐廳只有數檯客人, 正好可以給我們靜靜享受這頓生日飯... 我們點了熊本二人套餐, +$208轉了厚燒澳洲和牛. 點菜後見到一位四眼大廚過來say hello.... 佢就係令我地全晚都好開心嘅呀Joe喇! (佢同我地講原本安排咗呀roy, 因為edmond放假, 後來呀roy又攞大假...所以就安排佢serve我哋喇! 我諗呢d就係緣份啦~哈哈!)全晚嘅嘢食都超好味! 等我逐一介紹吓先1) 雞泡魚干
之前研究了無數個秋田的食評,訂位的時候原本是book了人氣爆燈的edmond, 但他們說未必一定安排得到, 但會make sure負責的師傅可以辦妥我的生日request (即係用蛋寫字)...其實我都無咩所謂,因為見食評寫的大部份師傅都好ok...就交俾餐廳安排!
當晚到達時已是八點半 (因為由disney出來), 環顧全餐廳只有數檯客人, 正好可以給我們靜靜享受這頓生日飯... 我們點了熊本二人套餐, +$208轉了厚燒澳洲和牛. 點菜後見到一位四眼大廚過來say hello.... 佢就係令我地全晚都好開心嘅呀Joe喇! (佢同我地講原本安排咗呀roy, 因為edmond放假, 後來呀roy又攞大假...所以就安排佢serve我哋喇! 我諗呢d就係緣份啦~哈哈!)
全晚嘅嘢食都超好味! 等我逐一介紹吓先:
(1) 雞泡魚干 -- 送的餐前小吃... 點沙律醬好好味!
(2) 龍蝦 -- 全晚最最最好食嘅主菜!!我去toilet時見到呀Joe幫我哋捉緊龍蝦, 仲同我講要上去幫我搵隻多羔嘅"乸" ... 隻龍蝦好生猛, 個頭真係超多羔!! 呀Joe將d羔用一個小pan煮熱...到龍蝦肉差不多熟時加入一起炒... 真係好味到呢....!!!
(3) 鮑魚 -- 男友未食過鐵板鮑魚, 以為無咩特別, 點知一試難忘... 又滑又彈牙! 梗係啦! 新鮮撈起嘅鮑魚加上香口嘅牛油同蔥花 (多d仲好)... 同清蒸鮮鮑比梗係香口好多!
(4) 鵝肝 -- 大大件鵝肝加上臨尾灒嘅葡萄酒, 配上香脆多士....真係好食到唔停得口!! (如果鵝肝面可以再脆d就更完美... 不過我都諗唔到灒完酒點可以同時保持鵝肝表面乾身同脆口....下次問吓呀Joe先)
(5) 龍蝦麵豉湯 -- 用之前嘅龍蝦頭煲成嘅麵豉湯... 好鮮甜呀!!
(6) 厚燒澳洲和牛 -- 之前嘅每一味我哋都一致認為比喺日本食的鐵板燒更impressive... 但可能我哋喺神戶食嘅和牛實在無懈可撃... 這道澳洲和牛相比之下始終稍遜一籌... 但仍然好香口好好味... 只是有某個部位口感不夠腍和juicy... 要apple to apple comparison的話, 可能要upgrade到日本和牛了! ... 不過下次我可能會索性keep番薄燒... (因為好鍾意捲住蔥蒜嘅食法!) 另外值得一提嘅係d蒜片超好味! 又脆又香口, 一d都唔苦...加埋牛肉食一流!!
(7) 秋田炒飯 -- 嘩! 食咁多次鐵板燒, 都未見過咁重本同多料的嘅炒飯... 有炸香嘅煙肉啦, 櫻花蝦啦, 鵝肝啦... 仲有我哋嗰塊大碼和牛嘅肥膏呀! 加埋寫完字嘅蛋蛋... 炒呀炒...就成為香口到爆嘅秋田炒飯... 真係幾飽都食得落呀!
(8) 炒野菜 -- 呢味都有加入和牛脂去炒... 清清地好好味
(9) 叮噹豆沙餅 -- 去toilet時見到另一張檯嘅師傅整緊呢個...我問呀Joe咩嚟....佢話係燒豆沙餅...叮噹食嗰d呢... 我心諗人哋梗係散叫...就無再擺係心... 到食完炒飯呀Joe話有兩個甜品選擇-- 雪糕或豆沙餅... 我即刻問"頭先即煎嗰隻呀?"... confirm係之後梗係選豆沙餅啦! 淨係睇即煎表演都值回票價!... 個餅一d都唔甜 (其實我鍾意甜d不過男友就鍾意少甜),好香豆沙味, 個皮好脆好得意... 如果可以再鬆軟d就perfect喇!... 我下次會試埋點雪糕食
全晚除咗嘢食好得, 我哋更欣賞餐廳同呀Joe嘅貼心服務和為我們不斷製造的驚喜!其中最得表揚的包括:
(1) 全晚呀Joe和我們言談甚歡, 絕無冷場...佢仲好有心機咁教我地分龍蝦公乸... 令我哋學咗好多嘢... (最緊要係令我知道原來"乸"係好食好多ga!!!)
(2) 佢知道我男友生日... 特別為他用蛋寫"生日快樂"... 點知批蛋唔生性...試咗幾次都唔得... 但佢不斷話佢會盡力滿足我哋... 最後試到第四隻蛋終於得喇! 我仲開心過佢... 男友初頭唔知我哋搞咩鬼, 當佢見呀Joe成功寫出生日快樂時... 真係好surprise同好開心呀!
(3) 差不多炒好飯... 呀Joe將d飯砌成" I LOVE U" 形狀, 仲邀請我入去佢個位, 拿起鑊摌扮係我為男友煮嘅嚟影相... 好sweet!
(4) 因為失敗咗好多隻蛋... 我同呀Joe講不如加哂落去炒飯...因為我地都鍾意食蛋... 點知佢話加咁多唔好食ga... 後來我哋發覺仲有好多炒飯淨低, 原來佢特登炒多d等我哋可以拎返屋企食...呢個時候佢突然喺塊鐵板上煎蛋!!!! 跟住話... "見你哋鍾意食蛋... 就幫你哋份打包嘅炒飯加料!"... 佢仲記得我地鍾意食牛油... 喺煎蛋面加咗d煎溶嘅牛油... 仲問我男友蛋黃要生定熟.... 真係超感動!! (男友事後話呢盒加料炒飯係十級好食!! 仲好食過堂食嗰碗!~ 真係多謝你呀, Joe!!! 不過男友問可唔可以次次都有呢個特別驚喜喎!!)
(5) 最後, 呀Joe仲表演魔術, 幾個魔術都好特別... 但最驚喜的, 係佢用兩塊blank嘅黑板仔變出"生日快樂"字樣送給我男朋友... 這個安排連我也不知... 所以連我也喜出望外!
總括成晚都過得好開心亦充滿驚喜... 除了Joe, 其他staff都十分nice, 不停問我們夠唔夠甜品,又和我們一起睇魔術表演... 我哋走時見佢哋圍埋一齊食緊宵夜...氣紛好融洽, 我想這就是秋田成功之處...staff本身做得開心, 對客都自然好d... 跟住d客食得開心就會再嚟甚至幫手宣傳... 以前食親鐵板燒都去銀座, 我諗以後我都會轉嚟呢度了!
呀Joe... 我驚寫完呢篇食評你會好多人mark, 下次都唔知book唔book到你! 不過如果你聽到上次那位"炒飯加蛋"book你... 你記住抽時間俾我哋呀!
張貼
