影片
更多
2009-08-21
33 瀏覽
男朋友叫我下午唔好食咁飽，話夜晚同我去食好野。神神秘秘！心情極度興奮，因為第一次食爐端燒。成日以為響你面前燒會搞到成身都係油煙味，今次又唔會喎，可能個位安排得好啦！職員態度親切，友善地介紹咗個套餐比我地。都未來得切叫野食，已經有一碟枝豆放響你面前等你。由於肚餓嘅關系，好快就比我地消滅咗！職員亦好細心，立刻送上前菜(帶子裙邊加汁煮吞拿魚)同沙律。師傅Edmond正招呼另一位生日客人，變咗我地要等佢。佢見我地飲sake，就好識做咁整咗D小食比我地(蝦仔燒煙肉)。三支saki都唔錯，職員推薦得幾好。我最鐘意山花！不過等還等，佢都無比我地有悶場。結果，我地同埋第二台客一齊玩。Edmond師傅風趣幽默，低死搞笑，整晚個氣氛都十分好！食品方面，食材勁新鮮！套餐包括：1) 龍蝦我好貪玩，捉住佢影咗D相。初初以為佢唔生猛，因為佢條尾唔會'發'。後來Edmond師傅話佢已經切開咗佢條筋，所以唔會'發'到嚇死你！2) 飽魚飽魚好鮮味，縮下縮下咁同我地say hi。D肉好'林'，帶少少海水咸味。Edmond師傅後來燒埋佢個內藏比我地，佢話一邊美顏，一邊壯陽。我男朋友食完果晚...皮膚敏感，起晒Rash，所以
心情極度興奮，因為第一次食爐端燒。成日以為響你面前燒會搞到成身都係油煙味，今次又唔會喎，可能個位安排得好啦！職員態度親切，友善地介紹咗個套餐比我地。都未來得切叫野食，已經有一碟枝豆放響你面前等你。由於肚餓嘅關系，好快就比我地消滅咗！職員亦好細心，立刻送上前菜(帶子裙邊加汁煮吞拿魚)同沙律。
師傅Edmond正招呼另一位生日客人，變咗我地要等佢。佢見我地飲sake，就好識做咁整咗D小食比我地(蝦仔燒煙肉)。三支saki都唔錯，職員推薦得幾好。我最鐘意山花！
不過等還等，佢都無比我地有悶場。結果，我地同埋第二台客一齊玩。Edmond師傅風趣幽默，低死搞笑，整晚個氣氛都十分好！
食品方面，食材勁新鮮！
套餐包括：
1) 龍蝦
我好貪玩，捉住佢影咗D相。初初以為佢唔生猛，因為佢條尾唔會'發'。後來Edmond師傅話佢已經切開咗佢條筋，所以唔會'發'到嚇死你！
2) 飽魚
飽魚好鮮味，縮下縮下咁同我地say hi。D肉好'林'，帶少少海水咸味。Edmond師傅後來燒埋佢個內藏比我地，佢話一邊美顏，一邊壯陽。我男朋友食完果晚...皮膚敏感，起晒Rash，所以大家小心。
3) 銀雪魚
本身好歡喜銀雪魚，好滑好滑！
4) 鵝肝
塊鵝肝勁厚!!!!!法包唔硬，好脆好香口！鵝肝D油要一面食一面啜，完全唔覺肥膩。食佢食到我地醉晒(陶醉)！
5)龍蝦湯
真係唔好意思，因為開始有點飽，又唔想霸住個肚D空間，所以只係飲咗兩口。
6) 薄切牛
怕太生，所以一開波就叫Edmond師傅做五成熟。好滑，入口即溶Edmond話三成的話都唔會太生，血水都唔會太多，所以試試。三成的確比五成正，食得生嘅值得試試！
7) 豬樣炒飯
呢個炒飯，似乎都唔致在食，係攞唻玩嘅多！
8) 炒野菜
菜十分清甜，炒得香噴噴！
9) 朱古力蛋糕
Edmond 師傅送的生日蛋糕，我超鐘意，好味到連男朋友果份都搶埋。
10) 日式燒餅
叮噹燒餅，Edmond師傅都係想比我玩下，親手造，點知太好味，食晒！
總括來講，今年生日過得好開心。又食好野，又玩得高興。多謝男朋友！
張貼
