秋田鐵板燒刺身專門店

營業中

休息中

我好中意食日式野，又中意食海鮮，今年生日男友帶我去秋田食，仲 book 左 Edmond 添 ! 之前睇食評呢間唔錯，估唔到親身感受之後發現真係超正，有得食又有得玩！準時 8 點去到，當時已經有另一班客人係到，佢地 5 個人都係來慶生的，而生日果位個擺位會有個紅布識別的。因為行過來行到我好熱，坐低 Edmond 聽到我同男友講想像野，就推介我地試下個巨峰溝七喜，都幾好味，之後我地叫左熊本果個餐，同埋單點左個帶子。第一道：龍蝦見到佢燒果陣已經流哂口水，隻龍蝦好大隻，食落口時覺得好爽，而且味道唔太濃岩岩好，之後佢仲玩火添！第二道：飽魚好大隻飽魚呀 ~ 入口好爽完全唔韌 ~ 正 !第三道：帶子手掌咁大既帶子，三成熟 ~ 好鮮嫩 ! 第四道：鵝肝好厚身，夾埋法包食，鵝肝入口即溶完全唔覺得流。第五道：龍蝦面豉湯我平時係唔飲面豉湯的，但係用龍蝦頭煮既湯好鮮，我成碗飲哂。第六道：薄切牛分別試左三、五、七成熟，三成同五成一咬肉汁就出哂來，七成既好香口。第七道：超人炒飯食到呢個時間，明明已經飽，但係飯太香忍唔住清哂了。@_@第八道：炒野菜平時我好少食菜的(食肉獸)，不過又係太香啦，爽口到不得了，又清埋。