秋田鐵板燒刺身專門店

營業中

休息中

Happy birthday to u, Happy birthday to u, Happy birthday to me ,Happy birthday to u!祝自已生日快樂，開開心心，幸福美滿，雖然，已經過左我既生曰，(到依家先寫生日日記，真係過份=P)同大家分享一下我生日既DINNER，呢一餐真係好貴，雖然有人請但都好肉痛下，首先，第一樣頭盤有: 由左至右甘睇，1. 田園沙津，清清地幾好呀。2. 魚子醬蒸蛋，好滑，魚子味好重，好新鮮既感覺。3. 伊勢龍蝦， 煎蝦身，留蝦頭煲湯，清甜。4. 鮑魚，有小小靭。5. 香煎鵝肝，好大塊呀，配烘包，好正呀，十個推呀!6. 澳州牛扒，一般牛扒，早知食薄牛肉加勁多蔥啦，睇落好食好多甘。7. 炒翠玉瓜，瓜甜清爽。8. 表演用飯砌成公仔圖案，我指定了鬆弛熊。(~ P~)9. 炒飯，比較乾身，仲有的喬頭呀，魚仔送飯。10. 呢個時候就係飲番碗湯啦。好味。11. 甜品時間到， 銅鑼燒，熱呼呼架，配埋雪糕好正呀。12. 最後，估唔到有生日蛋糕仔送。好窩心呀。.好多謝MR B為我精心安排了呢餐飯，真係好SWEET呀。 >3< >

今次係慶祝男朋友生日 環境不錯坐得舒服 待應們都好醒目兩人set有三個 我地叫左包魚個個set 因為男朋友唔食魚咪睇好似少少嘢咁 食到炒飯個度已經好飽 龍蝦肉爽口 包魚夠彈牙 鵝肝多士男友大讚 唯獨所選的日本和牛有啲韌 總之整体黎講味道都有90分 師傅可能有啲怕醜初初無咩講嘢 但後尾熟洛左就非常健談 食得好開心 咪睇師傅好似年紀輕輕但技巧一流 整個公仔炒飯亦十分神似叫左杯飲品埋單total $1950之後一定會再黎食！

之前想試下鐵板燒好耐，咁啱係朋友Facebook見到啲相，所以約埋我好朋友去試試，順便慶祝生日！去相又香又滑，下面重有鵝肝添係個鐵板度都重郁緊，有啲於心不忍，但最後我既食慾都蓋過左我既良心！耀師父重用啲膏加牛油整汁，味道一流！呢個係今晚為我地煮野食既耀師父，年紀輕輕，煮得一手好菜，令我地品嚐到食物真正味道！耀師父特別地將多士壓扁，大家都都好好奇，但食落至知壓扁左，感覺冇咁油之餘重非常脆，同鵝肝既口感非常之夾，多謝你既堅持，令我地食到咁好味既鵝肝和牛好食，連唔食蔥既我都要讚不絶口。耀師父一開始炒左既蒜片亦功不可沒，非常鬆脆，我地重叫佢留啲比我地送飯好得意丫加左美味既蒜片，一流〜〜多謝風趣幽默又細心既耀師父帶比我地開心既一晚下次再見~

每每踏入人生的另一個十年，應該都有不同的感覺。小妹記得自己踏入十歲那年，覺得自己大個女，很威；二十歲呢，有點興奮，畢竟開始亭亭玉立；三十則未到，暫時未能想像。至於我家MP，就是個大細路，一直不肯面對自己已開展另一個十年，但不認不認還需認，就讓我們吃一頓豐富的來kick start他未來的豐盛人生吧！想到來吃鐵板燒，是因為我們平時比較少吃，所以來搞搞新意思；也是因為知道鐵板燒師傅都可以來個玩味炒飯，很適合慶祝特別節日，尤其可以讓像MP這種小孩心態的人興奮一輪。我們有個小習慣，就是帶對方吃生日飯的道路總要于迴曲折，讓對方邊行邊心思思。像MP這種很會看地圖的人，是要刻意帶我走多餘路，而小妹，則無須額外花心思，因為本身都不會走最快的路徑！這次我也是第一次到訪，差點連門口都找不到呢，最後要MP問：我們是不是去秋田，方才發現已近在咫呎！一個鐵板燒師傅大約serve四至六位客人，是晚雖是星期一，也都九成滿座，因部分人都有不同事情要慶祝，或是生日，或是週年紀念，做鐵板燒師傅每天都與不同的客人渡過他們的重要時刻，地位真崇高！話說回頭，晚餐套餐有三款，而有鵝肝的佔兩款，分別在於一款吃鮑魚，另一款則吃鱈魚，

正當我煩惱同女友去邊度慶祝生日之際，友人推介我去呢間食鐵板燒，話好食又好玩喎。咁我就試下啦！餐廳有代客泊車，一落車行兩步就到，好方便！我地叫左兩個餐，都係有龍蝦既，不過就冇叫鮑魚，因為我地兩個好唔認為鮑魚會好食。點完菜後，大概等左15分鐘到就有野食喇，唔算等得耐啦。因為我地璩個都唔食牛肉既，所以都轉了羊扒。如果仲係我食牛果陣，一定會食晒所以和牛！龍蝦好大隻，就算未食得住，只係睇住佢燒已經有一份滿足既感覺！因為期待永遠是最好的！當然唔少得最邪惡既鵝肝多士啦，好大件，食完有一份好重既罪惡感。全晚最好玩既當然係公仔飯時間，師傅問我地鐘意咩公仔，我地毫不猶豫話鬆弛熊，師傅就話有難道，不過會盡人事喎！

當天一班姊妹慶祝Mag 之last single b-d@y，夜晚7:30 就到，間餐廳好寧靜，我地被安排到一張五位的鐵板枱，可以霸晒成張枱，好free 耶！翻開個menu，起初諗住叫一個set，然後散叫，最經濟莫過於此，横掂五個小妮子食量不大，點知有min charge, $58x/head，重新整理策略，點了兩個二人set，另加一客sushi，唔記得set order name (印象中有熊本)，cover-dishes如下︰首先來一個蒸蛋，內有魚子醬，一人有一個，睇下d 魚子醬一d 都唔吝嗇，蛋夠滑。其次上了兩個大龍蝦，食到忙了是什麼品種，蝦沾了蒜頭，新鮮彈牙，之後師傅表演火燒龍蝦頭作為miso soup 備用。再來四個鮑魚 (又忙了何品種)，雖然不夠淋，有點un，但幾百蚊有龍蝦、魚子醬、鮑魚，夫復何求？依客三文魚壽司係當晚最讚之作，三文魚好肥，一咬即溶，真係好美味！反之個人認為鵝干就真的遜色，一咬滿口油，可能係師傳太重手，其本身口感都偏“鞋”，麻麻desu。個miso soup ready la，好香濃，應該是龍蝦頭的作用吧，但計落頂多煲了45mins，無諗過一碗湯都勝過鵝干。

之前試秋田係灣仔QRE既lunch, 其實以百多元既價錢黎講, 有鵝肝同虎虾算係過得去~只係環境較為迫夾, 坐得冇咁舒服~ 今晚係老公既神秘安排下, 重臨秋田, 地點轉左去天文台道既總店, 由於當晚一樓已經包左場, 我地被安排三樓一間VIP房坐, 𡙁呀! 當晚既大廚叫Yiu Kong, 佢又後生又靚仔, 其實有幾分似袁偉豪, 不過唔好睇佢咁後生, 佢既廚藝一D都唔簡單, 令我同老公都覺得好有驚喜! 三大驚喜包括龍虾, 鮑魚同埋鵝肝多士~ 龍虾彈牙連埋蝦膏汁, 一流! 我係蝦痴, 食虾資歷豐富, 真不枉我加了$80加大左隻龍蝦! 第二道菜係鮑魚, 煮得一D都唔韌, 好juicy, 仲有龍蝦既味道, 呢種烹調方法我從來都冇試過呀! 鵝肝多士既製法更令我驚喜, 師傅將塊多士壓扁, 初時唔明點解佢要咁整, 佢係咁叫我地試左佢先講原因, 食落個多士好香脆, 又不失鵝肝既甘香, 入口即溶, 配上壓扁後既多士, 真係wonderful, 好suprise!牛肉薄燒亦係誠意之作, 師傅好有誠意, 一開始用左好耐時間去將D生蒜片炒成乾蒜片, 牛肉片好嫩, 唔食沖既我, 都因為師傅既堅持, 破例食左沖呢~

食物新鮮, 環境以及服務也不錯。地點稍微隔涉。鐵板燒最重要有得食，有得睇，廚師搞下氣氛。今次來Akita, 嗰廚yk值得一讚，年紀輕輕，對煮野食也有一手，並不會隨波逐流，對一啲細節也很講究，假以時日必成大氣。特別一提是他煮的鵝肝，時間掌握得剛好，不怕太油膩，墊底的麵包壓扁咗結實一啲，一軟一硬，口感非常豐富

Third time to this resturant! Came with friends in previous two times found the food really good, therefore brought my parents, who are both meticulous over food quality, to have a try , and late celebration for father"s day Tonight we got a young handsome chef to serve us ! Make my mum really happy ! Most importantly, he looks much professional then his age ! We can taste his secinerity from the food! Really excellent for foie gras and the wagyu! Since mum and I really can't tolerate the beef

上兩個星期, 想同朋友享受一餐正既鐵板燒, 即刻諗到秋田, 其實之前都食過, 味道相當不錯, 所以決定再試O 預早兩日BOOK左位, 所以唔使等, 坐的位置都十分好, 而且開始的時候不是太多人, 可以一邊傾偈, 一邊欣賞師父的表演, 負責幫我整的是一個很年青的師傅, 叫阿耀, 雖然年青, 但技巧純熟, 而且十分懂得攪氣氛,又健談, 所以整晚都沒有冷場, 坐左接近4個幾鐘都唔覺得悶,真係要多謝耀師父.食物方面, 沒有令我們失望, waitress 姐姐仲介紹左日本酒比我地, 最初都驚兩個人飲唔晒, 但原來入口清甜, 最後都飲晒, 十分正.龍蝦球, 鮑魚當然十分可口, 保持水準. 而鵝肝多士,經耀師傅處理,令我們更加享受到鵝肝的味道.最值得一提的就是厚燒牛柳, 耀師傅可以燒到五成熟而不見血水, 令我的朋友十分驚喜, 因她一直怕見到血水而不吃五成熟的牛肉.那牛柳令我們十分驚喜.....謝謝耀師傅!我同朋友都話一定會再黎

Farewell 飯局，祝學業進步 ﹗麥小姐仲未到架，依然離我多麼遠啊，餓到我手軟腳軟喇 ﹗無食 lunch 再加上剛操完泰拳啊，睏死人咩。年幾兩年無黎幫襯，全新裝修，座位多左，但地方細左，比人感覺有點窄、有點侷促，以前坐得舒服好多，開掦又寬倘架麻。枱面上的茶杯，一向都好喜歡日式茶杯，好靚好自然。先預備三份汁料，蒜豉油配紅肉、甜酸汁配炸物、淡豉油配壽司及刺生。 以枝豆作為小食，朋友仔唔喜歡枝豆，好快就比我食晒咯，等野食無野做麻，咸咸地又脆口送酒幾好呀。 櫻花大吟釀，我係要 HKD500 嗰支呀，產地唔同架，依支只係 HKD200，我都無留意比錯左我添，帶甜味既清酒易入口。 胡麻醬鮮茄蕃沙律，好鍾意胡麻醬既香味同酸甜味道，配新鮮蔬菜好醒胃。 鵝肝蒸蛋，鵝肝油潤、蒸蛋清甜又滑溜，味濃帶上湯味道甜甜地。蒜蓉牛油活鮑魚，好生猛即劏即煎，鮮甜彈牙，正呀 ﹗佢地會將內臟除去，想食既要趁早揚聲喇，我今次都忘記左，無得食。香煎青龍蝦球，先將龍蝦膏全部攞出備用，一陣用黎做個芡汁。龍蝦生猛札札跳，所以師父煎既時候要好大力按實佢地，如果唔係，都唔知飛左去邊 ﹗按實龍蝦煎到直至無再爭札既時候就可以拆肉喇。龍蝦

幾個好朋友新年一齊食餐團拜飯! 之前朋友食過秋田唔錯, 所以就嚟試吓 !但真係都幾貴吓, 4個人order , 師傅幫我哋揀咗2款唔同set, 可以試多幾款食物!食物都好新鮮, 而且師傳唔只手藝好好, 仲好識攪氣氛!先嚟送洒小食鵝肝魚子蒸蛋, 魚子無乜味嘅, 但鵝肝切成一粒粒, 再配蛋去蒸, 好香好滑呀!龍蝦2味 (包括鐵板燒 + 即煮新鮮龍蝦頭湯) ,鐵板燒龍蝦肉, 配上龍蝦膏煮嘅汁, 香濃新鮮! 龍蝦頭湯, 鮮甜!鮑魚, 做到肉質軟又多汁!和牛,燒好後, 好簡單配少少即磨"岩鹽"食, 帶出晒牛嘅香味!鵝肝, 厚厚嘅鵝肝, 又大又juice! 正 !魚就ok啦, 但師傅將魚皮燒到好似紫菜乾咁, 真係好香口, 又好考功夫啦!炒飯, 師傅之前好似好神秘咁話做個我哋未必估到! 點知初型未做好已經俾我哋估到, 哈哈, 佢即刻要轉第二款! 最後仲有即做豆沙餅同green tea ice-cream, 都好好味呀!成餐飯食咗3.5-4個鐘頭, 大家都好滿足咁離開!

老公為我安排生日飯燉蛋：好滑龍蝦：即切即整，好新鮮呀鵝肝配面包：大大塊，好味到爆！！炒菜：不過不失牛肉：我地加錢叫左塊和牛炒飯：老公比左個公仔佢整個圖案出來，好有心思：）

今日係第一次,亦係唯一一次以 fiance and fiancee 既身份慶祝呢一日,下一年身份就唔同咗la,所以我地book咗黎呢度食,confirm質數有保證丫麻!! 同行還有男友妹妹和她的男友,既然有4個人,夠min. charge,就book埋私人房,食得暢快d la!!普普通通又香又滑,yummy!!熱辣辣,夠juicy!! 好彈牙ar!!用番晒d膏黎整個醬,好鮮甜!!夠爽口!!用我地set入面既虎蝦+龍蝦既殼&頭去煮成湯,配上我至愛既白麵豉黎煮,所以又鮮又甜 煎香咗既鵝肝配上烘到脆卜卜既多士,一d都唔油膩好肥美Sam師傅特登唔加蒜片煎,因為咁樣d蒜味會濃過牛味,特別奉上岩鹽俾我地配,完全食到個牛既原味,正!!之後仲用蛋漿寫上「求婚一周年」「聖誕快樂」最後就把呢個公仔 ---> 招牌秋田炒飯 ~ 額外加咗好多配料,比平時又香又好味炒野菜 ~ 普普通通個皮超超超好味,仲好味過之前在日本食到既,因為個漿入面加咗蜜糖,所以又香甜又帶點脆最後就係黑芝麻or綠茶雪糕是日晚餐完滿結束!! 多謝收睇!!

朋友仔差不了要出國留學，咁當然要食餐最後的晚餐啦 ~ 麥小姐仲未到架，依然離我多麼遠啊，餓到我手軟腳軟喇 ﹗無食 lunch 再加上剛操完泰拳啊。年幾兩年無黎幫襯，全新裝修，座位多左，但地方細左，比人感覺有點窄、有點焗束，以前坐得舒服好多，開掦又寬倘。以枝豆作為小食，朋友仔唔喜歡枝豆，好快就比我食晒咯，等野食無野做麻。糊麻醬鮮茄蕃沙律，好鍾意糊麻醬既香味同酸甜味道，配新鮮蔬菜好醒胃。鵝肝蒸蛋，鵝肝油潤、蒸蛋清甜又滑溜，味濃帶上湯味道。活青龍蝦，依然好生猛札札跳，所以師父煎既時候要好大力按實佢地，如果唔係，都唔知飛左去邊 ﹗按實龍蝦煎到直至佢地無再爭札既時候就可以拆肉喇。龍蝦膏全部攞出備用，一陣用黎做個芡汁既。隻隻龍蝦都勁多膏架 ﹗橙紅色既蝦膏，好期待。煎香龍蝦頭備用，一陣攞去廚房做湯用架。龍蝦煎到差不多熟，就會散上烈酒，用熊熊烈火使佢地既肉質更加收緊彈牙 ﹗香煎龍蝦球，八九成熟勁爽口，龍蝦味濃，好鮮甜，芡汁好香蝦膏牛油蒜容味，剛好又不太嗆，very good ﹗蒜蓉牛油活鮑魚，好生猛即劏即煎，鮮甜彈牙，正 ﹗鵝肝多士，先將法包壓扁放係鐵板上烤脆 ，新做法喎。但我較喜歡舊煮法多啲，鵝肝放