秋田鐵板燒刺身專門店

營業中

休息中

想食鐵板燒，見呢間餐廳好似幾受歡迎，就決定一試，結果沒有失望。我同朋友都揀咗「櫻」一人套餐。套餐有：三文魚子蒸完殼蛋、田園沙律、燒完隻虎蝦、（西京燒銀雪魚、香煎法國鵝肝、板燒成田鰻魚三選一）、大蜆面豉湯、特色炒飯、炒野菜同埋甜品，非常豐富。我揀咗燒銀雪魚，朋友就揀咗鵝肝。蒸蛋非常滑溜。田園沙律芝麻醬香。虎蝦十分大隻，啖啖肉，肉質爽口。銀雪魚燒得香口，魚油豐富，肉質嫩滑。朋友的煎鵝肝亦燒得外脆內軟，非常甘香。大蜆面豉湯用料足，面豉味香濃加上大蜆鮮味，正！特色炒飯惹味十足，有好多櫻花蝦，加上黑椒香蔥， 炒得十分香口，話咁快就食完一碗。炒野菜用上牛油，師傅一路炒已經好香，又係食到唔停口。甜品有紅豆銅鑼燒，師傅即場做，熱辣辣食好好味。食完銅鑼燒，原來還可以選要雪糕或者嘢飲。我哋都揀咗雪糕，分別係綠茶同埋曲奇味。食完大滿足。