祥香茶餐廳 (已結業)

上星期响度食咗個下午茶餐,沙嗲牛麵得三片牛肉,味道不特別好但不致於太差,懷舊氣氛濃,下次路過或者試吓旦撻

其實都唔好意思短期內寫3篇食評都係俾同一間食肆, 不過真係好想講。話說尋晚為左將會影響公開試某一科成績o既project捱至凌晨5時, 然後未訓夠又要再出自修室繼續作戰, 身心都好疲累。或者係睡眠不足影響食慾, "午餐"只係草草食兩件隔夜糕點同一盒鮮奶, 或者根本稱唔上"午餐"。4點幾, 朋友落街同媽媽享受下午茶, 問我要唔要食d咩。精神差, 就托朋友替我買一杯熱鴛鴦。誰不知佢返黎o既時候竟然仲買左一個蛋撻俾我, 最後更加係唔收返我錢。蛋撻同鴛鴦都係熱辣辣, 外賣鴛鴦感覺上好似比堂食大杯少少, 而且外賣杯設計頗為精美, 唔講唔知係茶餐廳, 以為係西餐廳出品, 外賣飲品已落糖, 省卻左落糖同攪拌o既麻煩, 但冇叫少甜o既情況下亦唔太甜, 只係面頭冇咁甜, 底下甜少少, 並冇一大堆糖沉底o既情況出現, 值得一讚。蛋撻幾乎係燙手, 應該係新鮮出爐, 自然係非常美味。呢度o既蛋撻係曲奇皮, 非常脆口亦好香, 依稀聞到牛油味, 可能落牛油落得唔重手, 喜愛牛油o既朋友可能唔鍾意, 但正適合正在瘦身o既我。第一咬時唔為意, 因為皮實在好脆, 所以有幾小塊皮碎彈左出黎, 蛋唔太香, 唔算好出色, 當

朝9午3 o既密集式補課後, 肚餓到咕咕聲, 午餐只食左一個包同一包菊花茶。換著係幾個月前, 應該唔會餓, 但係暑假後好似生左大食積咁, 而且, 為左應付打後幾小時o既溫習, 不得不食d野順路經過, 就同同學一齊係度買包, 難得一試, 梗係要食罕有o既蓮蓉雞尾包。比起一般雞尾包, 呢度o既蓮蓉又確係冇咁甜, 味道清淡少少, 麵包放左一陣都仲暖暖地咁, 好好味。係包外層o既紋上有少少味道帶鹹o既野, 唔知係咩, 但係鹹鹹地咁, 更加中和返d甜味, 又真係幾過癮。雖然, 佢一d都唔大個, 大概只比嘉頓迷你瑞士卷大少少, 而且又唔太甜, 但係一諗起蓮蓉始終係用豬油做, 對於正在瘦身中o既我, 始終都食得唔安樂, 食完都有點兒後悔。注: 呢度對正大馬路, 附近又有修路工程, 佢o既麵包櫃置於路邊, 即使有玻璃隔住, 感覺始終好似食埋唔少塵咁樣...不過, 其實都只係感覺而己。

係學校補完課, 再小巴落西環尾o既士修下半場溫書冇食lunch去補課, 已經好肚餓, 當然要醫醫肚先, 順腳經過就同朋友入去食樓下冇位, 上左樓上, 幾個伙記係度吹水, 冇催人落單到我地落單時, 就即刻走埋黎, 叫左熱鴛鴦+咸牛治炕底+蛋撻, 朋友叫左凍奶茶+菠蘿油叫蛋撻o既候勁煩咁問"係咪岩岩出爐呀?!" 伙記話唔知...笑笑口咁話"你都問得幾刁鑽喎, 我d伙記仔唔知咁多野架喎, 你係大學生, 我呢d小學生咋喎! 幫你睇睇啦" 佢臨走果時我同佢講我只係中學生, 佢就抓抓頭笑住咁話"哎呀, 搞錯左tim!"野食都算快黎, 個伙記拎蛋撻黎果時仲問我會考幾分, 厲害喎! 又知我考左會考仲係過去式果隻!係度聽伙記吹水真係好過聽d失戀苦戀k戀情歌...風趣幽默講左好多無聊野...講返d食物, 蛋撻皮係牛油皮, 好脆好香口, 認為比泰昌個皮仲好食, 不過蛋就一般, 始終泰昌o既蛋先係蛋王=] 鴛鴦都算好, 聞落奶香強d, 飲落第一下感覺都係奶勁d, 但係之後d啡味就慢慢滲出黎, 幾好! 最好係唔鞋口! 牛治最平凡, 如果方飽厚d就好喇, 不過都算炕得脆口, 牛肉係碎牛, 油左少少, 味道都夠但又

西環係一個舊區，所以有不少開業好耐嘅食肆。之前去過卓記食中式晏，噚日我同阿K再去到西環食港式特餐同蛋撻。特餐包括火腿蛋、牛油麵包、午餐肉湯麵同熱奶茶。牛油麵包又凍又硬，顯然擺咗好耐。火腿蛋同午餐肉湯麵都係一般貨式，冇乜特別。不過蛋撻同奶茶已經足夠吸引我地再去幫襯。蛋撻係牛油皮，新鮮出爐不久，仲熱辣辣，牛油皮好香，好鬆化甘香。蛋撻心有好豐富嘅蛋味，可以講係我食過最好味嘅蛋撻之一，仲好味過未搬之前嘅泰昌。奶茶又係一絕，奶同茶比例啱啱好，有奶香之餘同時有茶香，入口好滑，一啲都唔鞋口。唔靚嘅奶茶飲完之後個口會好鞋；稍為好啲嘅會等奶茶嘅殘餘在口腔內揮發之後就感到鞋口，通常要飲完大約十五分鐘就發生；上品嘅就飲完之後永無鞋口。祥香係繼上環永合成後另一間提供上品奶茶。特餐加蛋撻一共廿三蚊，非常滿意。

食完附近既彈牙魚旦粉後大食怪未夠飽, 本身想去食腸粉煎旦, 但未開...行行下見到蛋撻剛出爐, 好似好正咁, 諗住入出每人食番件.坐低後發覺茶餐中有一種小食- 吞拿魚西多薯餅茶餐售$16, 忍唔住就叫左份試試.幾有heart喎, 新鮮熱辣,係半份既西多內來住吞拿魚再并多件薯餅.檸茶夠香蛋撻係曲奇餅皮, 曖既, 好味總結係: 平, 靚, 正!

多謝食友介紹..原來真的有蓮蓉雞尾麭...不太甜...好似健康d...肯定會成日食!!!謝謝介紹!!!

睇食評才知這裡有蓮蓉的雞尾包，專程去西環試一試。坐了二樓雅座，真係好懷舊，係用一個小型食物，來運送食物及落單。本來一心試雞尾包，去到時見D西餅麵包唔係新鮮出爐，唔想浪費quota，無食到。但既然一場o黎到，試下佢的蛋撻，是凍冰冰的，撻皮是牛油皮，唔夠鬆化，蛋亦唔夠香無蛋味，始終唔係熱食，效果會差好遠。老公要了個常餐，沙爹牛肉米粉，牛肉又"鞋"又韌，火腿雙蛋落了勁多油去煎。我就要了份蕃茄吞拿魚三文治，三種都係來貨即整，沒有話唔好的食。最後飲了杯奶茶，唔太掂，雖然色水ok，但係完全沒有茶味，只得奶味。叫做又試過一間舊式的茶餐廳，水準唔合格，用阿Q精神來諗，幸好唔多好食，下次唔駛山長水遠來食一餐。

講起祥香,細時成日攞佢個名開玩笑,祥香"長香",真係唔係幾利是。小弟都唔知呢間老字號有幾多年歷史,只係記得細時有機會係祥香飲個煲檸樂,已經不知幾咁開心,邊似得宜家d細路,可以可樂送雪榚咁幸福....越講越遠添,都係入番正題,想講祥香嘅,唔係佢d奶茶咖啡牛肉通,宜係一個只值兩蚊嘅雞尾包--無錯,係雞尾包呀!!雞尾包,間間麵包舖都有,但係我唯獨是鍾情祥香嘅雞尾包,鍾意佢用蓮容做饀,又香又甜,係第二都搵唔到(除祥香外,我搵唔到邊到有用蓮容做饀雞尾包,如大家知到,請告知)。係酒樓都無蓮容包食嘅情況下,祥香嘅雞尾包,已經變得獨一無二了。

只要不是賽馬日, 去嘆杯奶茶都可以說一件賞心樂事。香濃且滑, 價錢亦不算貴。兩個人坐著聊天, 也不會有人趕客, 何必跟大隊去做「星巴克人」呢?

尋日食o左個下午茶餐- 熱狗加奶茶一個熱辣辣o既軟豬,少少沙律醬,一條熱狗腸. 軟豬質地好鬆軟. 唔錯. 永樂園vs 祥香1. 餐包永樂園- 小餐包. 用旋轉多士機烘熱祥香- 港式軟豬, 有芝麻, 熱戰果: 和2. 沙律醬永樂園- 秘製醬汁(永樂園熱狗咁出名都係靠佢)祥香- 卡夫沙律醬戰果: 永樂園勝!3. 熱狗腸永樂園- 荷蘭入口,口感似三花但更好味祥香- 硬身豬肉腸戰果: 永樂園勝!永樂園vs 祥香總括: 永樂園勝!

祥香園茶餐廳，在西環至少屹立了三十年之久。然而，於西環打滾了二十年的我卻第一次光顧這間茶餐廳。今早吃了常餐，有煎蛋加火腿沙嗲牛肉麵餐飽啡或茶$20凍飲加$1.5哄底加$1.5轉了炒蛋和要了凍鴛鴦，水準以上。最特別的是沙嗲牛肉麵，沙嗲和牛肉藏在麵裡，自己撈，別有一番滋味。坐樓上，接近爆滿。阿姐服務很好，很快就能給我安排到一個滿意的座位。另整體效率亦很好。下次一定要試下蛋撻和菠蘿油！

唔係咁多食物可以令我有'crave'o既感覺祥香熱奶茶係其中之一. 連我打緊字o黎一刻想起都即刻想去飲番杯我喜歡祥香茶味夠香濃.茶同奶o既比例做得剛剛好,入口夠滑.茶味唔會被花奶蓋過.茶仲似普洱般香,純如果,金鳳凍奶茶係No.1,我絕對覺得祥香好過蘭芳園,勝香園,翠華等等西環最好的熱奶茶,當之無愧

唔知第二度有冇, 我so far 只在此店找到: 蓮蓉餡雞尾飽!!! 新鮮出爐時超正!!! (但不記得幾點出爐,下次知道再留言)

作為西環舊區見證,新中華,祥香一定是崇拜之地由於工作關係終日游走各區但我認為奶茶質素能跟祥香平起平坐的只有金華冰廳同某數間的翠華對我黎講,祥香奶茶水準高於以奶茶馳名的灣仔金鳳作為一間擁有30年以上歷史的茶餐\廳,水準穩定及風趣低死o既伙計對話正是這間老字號的靈魂所在從賭馬tips到城巴司機番大陸搭黃巴唔洗錢各種基層的風貌也呈現出來除左近年多左幾款飯外祥香的餐\牌是五十年不變,加1.5的凍飲那裡找?作為一個長期fans 我不同意樓下有人話祥香d 蛋撻唔好味,有咩可能凍o既蛋撻會好食,自己唔岩時間就唔好怨啦, 我識好多人都係渣車黎買兩打跟住番屋企焗熱食,閣下可考慮這個方法...