祥香茶餐廳 (已結業)

呢度一直出名蓮蓉雞尾. 我係細個個陣媽媽都成日買俾我食. 有日經開過見到有花形紅豆包賣.就一直記係個腦入面. 有次終於忍唔住買個試喇.紅豆包＄３.５阿姨俾個袋我個陣. 嘩. 好墜手呀. 就知份量十足.佢好傳統. 包身甜甜. 一咬已經係紅包餡.一直食到麵包底都係紅豆餡. 好滿足. 真係好滿足架個感覺不過紅豆餡偏甜. 食完之後我個胃又係咁嗝了.但唔怕甜的朋友真係好推介去食.

有事做得很沉悶，於是從山上一直走下來，地點比想象中遠。很幸運，來到時剛好蛋撻出爐，買一盒拿走。蛋撻怎何白白攤凍，立即拿一個出來食。牛油咸香很濃，喜歡的曲奇餅蛋撻不少，有這種咸香的這裡獨有，熱食真是一流。可能撻皮較搶味，蛋香不算濃。路途遙遠，特別來又好像太夸張，路過就一定會再買蛋撻食。阿叔禮貌甚佳，敬業樂業，服務當然加分。邊食蛋撻邊吹海風，昏悶亦吹走了。

執筆的前幾天在OR FORUM 上 post 了新帖, 要求更正此店的名字. 得知正名才能寫食評. "祥香園"算是老店, 蛋撻叫好叫座. 食友影的相片把我帶去該處"朝聖". 甫進店內便聞到濃濃的牛油味從廚房傳出來, 但未見伙計阿哥捧著新鮮出爐蛋撻, 唯有先要了奶茶. 只見左,右手從拿起碟子, 倒茶, 加奶 並端上桌上前後不到3分鐘. 手勢是不錯的,還要了蛋撻($3), 室溫的照吃. 跟著從口袋拿出相機拍2張, 伙計沒好氣的問. "你影來幹麼?""擺上網, 等多些人看到我吃了你們的蛋撻" (這是我一貫的解釋)"是不是那個咩Openrice?" 伙計續問."是的, 當然還有其他..." 我趁伙計大哥講述OR會員們"咩都影一餐"時一口咬掉1/2個蛋撻. 酥皮的蛋撻經常吃, 但牛油曲奇皮的反而暫時未有"心水餐廳". 祥香園的是不錯的. 皮身並不厚, 牛油味重但不膩. 蛋漿較稀, 所以做出來的餡料比較軟滑顏色亦較淺. 熱奶茶($10)用舊式瓦杯盛著, 奶和茶的比例幾平均, 但茶的濃郁程度和"甘"味是不及"金鳳"或"祥利". 但相對是比較滑的. 講得興起,忽然感覺到一陣熱風從後面湧出來, 看

蛋撻周圍都有得買,但正得好既就吾系間間都得!其實個人黎講比較鍾意食酥皮,但呢到雖然系曲奇皮但真系好正! 蛋撻有濃濃蛋香我最愛蛋漿面上面果d皺左皮既物體,正!我覺得祥香間鋪頭吾系幾乾淨;所以多數都系買走{ P.S. 多數都系撞正新鮮出爐先買! }熱辣辣放入口, 果種幸福感覺真系難以形容奶茶都吾錯! 建議熱飲

27-4-2009講緊的係蛋撻, 但勢估唔到, 呢度0既出品攤凍0左都好食!蛋撻 ($3) 的曲奇皮甘香鬆化, 如果撞正新鮮出爐就好了; 蛋漿表面上有點皺皮, 但中間係頗滑溜的, 而且帶點蛋香, 以攤凍0左的蛋撻計, 好好食了.0黎到冰室, 又忍唔住叫杯熱奶茶 ($10) 飲 -- 色水好「奶」, 但奶味茶味好平均, 好滑喉, 同上次的 (http://www.openrice.com/restaurant/commentdetail.htm?commentid=1943820) 一樣正! 下次食埋沙爹牛肉麵「完成」埋「任務」(講緊 d 乜: http://www.openrice.com/restaurant/commentdetail.htm?commentid=1972778) 先.

星期一，天氣開始有點翳熱，幸好下午落咗一場雨，驅驅早來嘅暑氣。與太座往西環中醫求診之後，時間差不多五時，還來得及食一個輕便的下午茶。於是我們一直往西走，去祥香歎一歎下午茶。未到門口，已隱約傳來陣陣蛋撻香味，筆者與太座互相交換一個眼色，往閣樓就座之後，先嚟兩個新鮮蛋撻。到舊色茶餐廳，飲奶茶是少不免的了，再加一份蛋治烘底。祥香嘅蛋撻係以牛油餅做皮，與牛油酥皮各有所長。牛油餅皮烘得十分香，牛油香氣四射，入口亦鬆脆。中間嘅蛋心熱辣辣，蛋味亦濃郁，蛋漿與糖嘅比例剛好，甜味恰如其分，入口香滑，十分出色，所以食完都要打包拎走。奶茶亦相當有水準，紅茶香與奶香配合得宜，而且沖得十分滑，飲完都唔會於口腔中殘留鞋口感。蛋治合格，蛋炒得香滑，奈何炒蛋份量太少，有麵包多過炒蛋嘅感覺，難令人因炒蛋份量而產生滿足嘅感覺。奶茶一杯十蚊，蛋撻一件三蚊，蛋治九蚊烘底多一蚊，實屬經濟抵食之選。

今天去西環補習，順道去祥香園看看有沒有新鮮出爐的食物~我見蛋撻和雞尾包也應該是出爐不久，最後因為本人不餓的關係，選擇了蛋撻試試~下次才試蓮蓉雞尾飽~曲奇是醎的，我第一次食這種特別的蛋撻喎~~雖然也是鬆化，重牛油味，但不是我杯茶~蛋漿都算夠香夠甜~ 都幾滑~ 不過還是泰昌好~~!因為這裡的曲奇餅底和蛋漿是可以分開的，做唔到朋友，我不喜歡曲奇和蛋漿要分開吃的蛋撻~因為涷左真係唔會太好食...這個蛋撻 $3, 普普通通啦~~ depends on 你鍾唔鍾意食又醎又甜的蛋撻啦~~

對於上次食唔到熱辣辣既雞尾包同蛋橽後今日又再同bb來這兒食tea呀今次叫個特餐配凍奶茶,少甜 (味道好了很多呀) 但我依然食不到熱辣辣既雞尾包(我己經落單前講明要出爐既雞尾包&蛋"達"...但係佢既然無聽到仲比咗我添........)原本無出爐既蛋橽架... 後來坐坐下佢就比咗我~但我真係唔覺得佢係新鮮出爐囉..... (騙子......)唉~ 去呢d舊色既茶餐廳真係不會有好的service呀~下次要坐樓下望住有咩係新鮮出爐先得呀~

今日行山前嚟咗呢度醫肚先^^二個人叫了以下食物丫蛋達,雞尾包加一個特餐呀沙爹牛肉面~ 好味呀~ 配餐包加火腿煎蛋蛋橽雖然了不是剛出爐~但仍有微温的~都好味..仲有蛋汁流出嚟既~雞尾包~ 由細到大我都鍾意食~ 因為呢度既雞尾包不是椰絲料而是蓮蓉丫(出面的面包舖一定沒有者)奶茶很有茶味~甜度適中呀~雞尾包～　因為凍了．．所以不是太好味～但熱食一定好味好多架～沙爹牛肉面～招牌面～牛肉好入味～面質轉做出前一丁一定更加好味呀＾＾ｂｂ　話下次等出爐食呀

次次去祥香...都係因為病...因為唔病都唔會去西環睇醫生...所以清清地去祥香食返個特餐就o岩晒喇...因為病...所以一面病態+大褸+頸巾...仲拎住一大包藥咁行入去...侍應哥哥見到已經叫人讓o左收銀後面果個卡位俾我...話冇咁大風...暖d...平時一坐低就有o既茶...今日變o左一杯熱水...本身Order o左沙牛通...炒旦多士...凍奶茶...點知搭檯睇緊報紙o既太太竟然出聲話...病就唔好食通粉同埋牛肉啦...肥膩呀...轉米粉啦...幫佢轉火腿米粉...之後...另一個侍應搭咀...唔好食炒旦同埋多士喇...轉煎旦同埋餐包好唔好呀...之後...幫我落單果位哥哥仔...仲將我杯凍奶茶轉埋做熱奶茶添...雖然成份早餐都唔係我原先想食o既野...不過...我覺得呢份就係西環獨有o既人情味...都OK 啦...

住係西環咁多年,今日終於入去祥香食下午茶.呢度出名奶茶同蛋撻,但今日選擇食下午茶餐,吞那魚西多士加薯餅配奶茶.呢度環境比像中乾淨,話都冇咁快已經開咗幾＋年,但都幾企理,我唸下次都會再來奶茶真係好香,好滑,可以同蘭芳園睇齊吞那魚西多士加薯餅,未食過咸嘅西多士,都幾好

不知從何時起，到祥香（近年才易名為祥香園）午膳是每逢星期六都做的動作。無他，套飯（$24）假日不供應，但我平日要上班，只有週六才能來嘆。祥香的「名物」菠蘿油、蛋撻、奶茶等不贅述了，來這裡午膳，我和同伴有兩句口訣：「豬扒飯，豉油汁，碎上」；「晏仔，丁麵」。（「晏仔」是伙計對特餐的暱稱。）說實話，「特餐」（$22）並不特別：餐包、火腿煎蛋、湯麵、餐茶。本來可改多士（要加錢）、炒蛋等，但最近加了規定，週末假期一律不設更改，心裡戚戚然：人家蘭芳、金鳳等連平日繁忙時間都有得改，那未免 … 不如下次坐樓下，吼佢冇咁忙時去茶檔哀求一下！其實豬扒飯本來不是每次必食，其緣由是有一次想有米粒到肚，便叫來試試；怎料勁好味，豬扒醃得剛剛好，煎過後更令它的表面有少少脆！廿四蚊套餐，竟有兩塊扒！驚嘆之後從此上癮。當然，並不是每次都一樣好味（阿媽煮飯嘅味道都唔係餐餐一樣啦！），但比起一些不醃不煎的處理手法，實在好太多了！正餐過後通常點甜品：菠蘿油（$4.5），再餓些時還叫蛋撻、雞尾包、雞批（咁都算甜品？！）任擇其一。今天的菠蘿油好食到飛起！不太熱（個人認為不能熱，否則牛油溶化，吃時便沒有冰火感），但皮竟然勁脆，睇外

幫襯左＋年, 依兩年 d 質素越走下坡啦慣性呢到樓上雅座 + 特餐, 除左杯奶茶, 其他只是平平老公仲意佢 d 面煮到未過線, 唔會太淋 ; 但近來我食米粉, 卻依然可以未過線, 有 d 過份; 所以今日食通粉, 呢到 d 沙爹牛肉一直都凍上架嘞, 但d 湯粉係夠熱就無問題, BUT 通粉無煮熱, 微暖湯通 + 凍沙爹牛肉= 室温牛通, 唔合格.一向都唔鍾意個餐包, 會轉之為方包, 但依家唔再比人轉方包 OR 多士勒, (都係話廚房很忙之類的原因) , OK, 甘我地 ORDER 多件旦治食, 嘩 !! 大縮水呀 ! 個片旦大概有 3MM 甘厚, 真係食到擰哂頭情况太極端, 真係要寫返呢個食評

次次來西環都要來買個雞尾包先安樂, 今次來也不例外, 怎知一來到的時候店內爆到不得了, 外面又有大班人在買新鮮出爐的麵包和蛋糕, 插針不入, 只好隔一會來再來吧。反正是日有時間, 就走入店內吧。兩點多人也不少, 多數是熟客, 都在和店員打牙較。要了一杯熱齋啡 ($10), 年前吃過它的蓮蓉雞尾包覺得麻麻, 反而未吃過蛋撻, 也要了 ($3) 。人多不便拍照, 也就沒拍水吧, 但見水吧的兩位哥仔一唱一和, 合拍非常, 舊式茶廳就是有這種情味。齋啡初喝沒什麼特別, 就是很濃; 一小時後回到家才知道它的厲害, 很久未喝過咖啡會令人有心跳的感覺了 (只是咖啡因作祟啦) 。蛋撻呢, 卻是凍冰冰的, 好在樣子也算靚仔, 蛋面光滑, 曲奇皮也算甘香, 只是有點一咬即散, 蛋撻當然是熱的好吃啦。$13 吃到稱心的下午茶, 抵啦。

好耐無「周圍坐」, 今日拉埋朋友0黎呢度飲杯茶食個包. 叫了奶油多 ($5.50), 西多士, 及凍熱奶茶各一.熱奶茶用厚瓷杯載住, 仲係滾熱的, 飲落幾滑, 茶味香濃, 正. 果然係舊式茶記出品! 凍奶茶就較淡口.奶油多屬薄身多士, 留了少少邊, 雖然麵包唔算新鮮, 但烘得幾脆, 外亦算軟, 加埋份量夠的奶油牛油, 都 ok 啦.西多士炸得金黃, 賣相不錯, 不過牛油多得有「氾濫」效果, 實在落得太太太重手了. 食了 3 件, 蛋香一般, 不過自行落多兩篤糖漿, 味道都 ok 啦. 我覺得上環「海安」的西多士 (http://www.openrice.com/restaurant/commentdetail.htm?commentid=1934422) 做得比佢好唔少.環境舊式又麻甩, 唔知有幾多年歷史? 招呼亦 ok.每人放低 $18, 有機會再0黎試試呢度自家出品蛋撻及菠蘿包吧.