祥香茶餐廳 (已結業)

睇食評才知這裡有蓮蓉的雞尾包，專程去西環試一試。坐了二樓雅座，真係好懷舊，係用一個小型食物，來運送食物及落單。本來一心試雞尾包，去到時見D西餅麵包唔係新鮮出爐，唔想浪費quota，無食到。但既然一場o黎到，試下佢的蛋撻，是凍冰冰的，撻皮是牛油皮，唔夠鬆化，蛋亦唔夠香無蛋味，始終唔係熱食，效果會差好遠。老公要了個常餐，沙爹牛肉米粉，牛肉又"鞋"又韌，火腿雙蛋落了勁多油去煎。我就要了份蕃茄吞拿魚三文治，三種都係來貨即整，沒有話唔好的食。最後飲了杯奶茶，唔太掂，雖然色水ok，但係完全沒有茶味，只得奶味。叫做又試過一間舊式的茶餐廳，水準唔合格，用阿Q精神來諗，幸好唔多好食，下次唔駛山長水遠來食一餐。