影片
更多
2006-08-07
16 瀏覽
係學校補完課, 再小巴落西環尾o既士修下半場溫書冇食lunch去補課, 已經好肚餓, 當然要醫醫肚先, 順腳經過就同朋友入去食樓下冇位, 上左樓上, 幾個伙記係度吹水, 冇催人落單到我地落單時, 就即刻走埋黎, 叫左熱鴛鴦+咸牛治炕底+蛋撻, 朋友叫左凍奶茶+菠蘿油叫蛋撻o既候勁煩咁問"係咪岩岩出爐呀?!" 伙記話唔知...笑笑口咁話"你都問得幾刁鑽喎, 我d伙記仔唔知咁多野架喎, 你係大學生, 我呢d小學生咋喎! 幫你睇睇啦" 佢臨走果時我同佢講我只係中學生, 佢就抓抓頭笑住咁話"哎呀, 搞錯左tim!"野食都算快黎, 個伙記拎蛋撻黎果時仲問我會考幾分, 厲害喎! 又知我考左會考仲係過去式果隻!係度聽伙記吹水真係好過聽d失戀苦戀k戀情歌...風趣幽默講左好多無聊野...講返d食物, 蛋撻皮係牛油皮, 好脆好香口, 認為比泰昌個皮仲好食, 不過蛋就一般, 始終泰昌o既蛋先係蛋王=] 鴛鴦都算好, 聞落奶香強d, 飲落第一下感覺都係奶勁d, 但係之後d啡味就慢慢滲出黎, 幾好! 最好係唔鞋口! 牛治最平凡, 如果方飽厚d就好喇, 不過都算炕得脆口, 牛肉係碎牛, 油左少少, 味道都夠但又
冇食lunch去補課, 已經好肚餓, 當然要醫醫肚先, 順腳經過就同朋友入去食
樓下冇位, 上左樓上, 幾個伙記係度吹水, 冇催人落單
到我地落單時, 就即刻走埋黎, 叫左熱鴛鴦+咸牛治炕底+蛋撻, 朋友叫左凍奶茶+菠蘿油
叫蛋撻o既候勁煩咁問"係咪岩岩出爐呀?!" 伙記話唔知...笑笑口咁話"你都問得幾刁鑽喎, 我d伙記仔唔知咁多野架喎, 你係大學生, 我呢d小學生咋喎! 幫你睇睇啦" 佢臨走果時我同佢講我只係中學生, 佢就抓抓頭笑住咁話"哎呀, 搞錯左tim!"
野食都算快黎, 個伙記拎蛋撻黎果時仲問我會考幾分, 厲害喎! 又知我考左會考仲係過去式果隻!
係度聽伙記吹水真係好過聽d失戀苦戀k戀情歌...風趣幽默
講左好多無聊野...講返d食物, 蛋撻皮係牛油皮, 好脆好香口, 認為比泰昌個皮仲好食, 不過蛋就一般, 始終泰昌o既蛋先係蛋王=] 鴛鴦都算好, 聞落奶香強d, 飲落第一下感覺都係奶勁d, 但係之後d啡味就慢慢滲出黎, 幾好! 最好係唔鞋口! 牛治最平凡, 如果方飽厚d就好喇, 不過都算炕得脆口, 牛肉係碎牛, 油左少少, 味道都夠但又唔過濃。
朋友o既凍奶茶都幾滑, 但係輕輕甜左少少, 飲到最後俾d冰溝淡晒...始終冰多, 唔係金鳳。
以後如果係附近溫書溫到過晒鐘, 頭昏腦脹又冇能量, 黎呢d食個lunch-tea都幾好=]
價錢: 蛋撻$3, 咸牛治$8(炕底+$1.5), 熱鴛鴦$9, 菠蘿油$4, 凍奶茶$10
注: 呢度o既餐轉凍飲只係+$1.5, 認真開心
全店職員都唔黑面, 成日笑, 入到黎都開心d, 而且見到其他熟客同伙記一齊吹水, 好開心
張貼