祥香茶餐廳 (已結業)

這是一間很舊式的茶餐廳，食物款式懷舊，但最懷舊是這裏的招呼，侍應大呼小叫落單，用的是老香港稱呼，他們會與客人有講有笑閒話家常，絕對沒有坊間連鎖快餐店機械式的招呼，雖然環境較逼和不太干淨，但可以接授，食物方面，茶底是絲襪茶底，很香和濃，多士不錯但較細份，蛋撻很經典是餅皮的一種，門外有舊式茶餐廳必有的蛋糕麵包售賣，價錢又平宜，大家經過可以一試。http://icuteee.mysinablog.com/index.php?op=ViewArticle&articleId=1272455

祥香園在西環可說是享負盛名，無人不曉，蛋撻雞尾包奶茶賣到街知巷聞，相信沒有幾個西環人未曾幫襯過。以前在西環居住多年，雖然光顧次數不多，但上述既招牌菜已經品嚐過，講真，味道都唔錯ga。人在西環，當然不能錯過，反正平日放工後來到店舖已經打烊了。我與男友點了蓮蓉雞尾包及凍熱奶茶各一杯作為下午茶餐，雞尾包棄用傳統的椰蓉作餡，選用蓮蓉代替，蓮蓉雖份量不多，但不太甜，合乎港人的口味，可惜包身不夠熱，似乎錯過了新鮮出爐既時間，有些兒失望。熱奶茶比凍奶茶更好飲，茶香醇滑，茶與奶既分量調較得恰到好處，誰也沒有搶了誰的風頭，正合本人心意。

一看那三尖八角格局，才醒起原來以前也曾來過祥香。常餐特餐的沙爹牛和火腿通，非我所好，唯有散叫：豬扒蛋麵（$18）和熱奶茶（$10）。奶茶味道一般，茶香弱，奶稍多。蛋黃梗硬熟透，煎得過了火。即食麵煮得求其，湯本身更是沒有什麽味道可言。但那塊豬扒卻是不俗。醃得入味，帶點蒜香，化學味亦不濃，火路恰到好處，煎得香鬆美味。此店當年沒留下印象，已説明一切。今天再來，亦不過爾爾。順路來幫襯可以，山長水遠走來可不必。

呢間係我最鐘意食既奶茶, 蛋撻! (鐘意餅皮蛋撻)最常食的:~常餐~火腿煎旦、牛油餐包沙嗲牛肉麵 (可轉米粉、通粉)必飲奶茶 (凍、熱都咁好味! 不過我個人愛偏甜的)$24 (轉多士要加錢，多士好味D (個人喜歡, 不等於餐包唔好食。))味道：好好好好好! 環境：5分因為我喜歡這種懷舊味道........ 服務：好NICE架! 對老人家又好! 衛生：AGAIN..... 懷舊有好有唔好... 抵食：抵

遊電車河遊到堅尼地城。肚餓了,便來食個午餐。上一次來是坐樓下,今次應來樓上雅座。樓上比樓下人少,也比樓下靜少少。上次是點特餐,,今次就試試飯。點個粟米雞翼飯,加杯奶茶。粟米雞翼飯,其實是雞翼+粟米汁撈飯。粟米汁不太杰身,份量不足,粟米不多,味道不濃但可以的。雞翼是煎雞翼,煎得入味,雞翼皮帶脆,但肉有少少不熟透。至於奶茶,雖頗滑但奶味重過茶味。食畢,步出外面,下雨起來。

在某大讀書時住在西環, 當年還未懂欣賞這類老式茶餐廳, 又怕裏面太市井的味道, 是以多年都未入嘗過店內。不過, 它應是全港獨家的蓮蓉雞尾包, 倒是誤打誤撞吃過一次。是一班人圍著放在店外的麵包盤, 見人人都買, 我又唔執輸, 一買買了兩個回家。吃著還以為我搞錯了, 點解係蓮蓉? 蓮蓉分量不多, 且有點乾身, 好在不太甜, 個包本身也是有些乾。當時也不覺有什麼特別, 反是現在個個趕懷舊, 古老當時興。只是闊別西環好幾年, 四周事物都變了, 唯獨是這兒不變。

一直都鍾情d古老或舊式茶餐廳/冰室..人地每次揸車經過..都被佢門外有d似個d懐舊茶餐廳而吸引.. 今次趁有空..冒住被抄牌0既危險都要過來試下.....叫左一個茶餐有包有蛋有火腿.. 有沙爹牛公仔麵..有凍檸茶。另外再加左蛋撻同菠蘿油~個茶餐麻麻地..普通過普通~~~~蛋撻幾好味..~~~ 最失望係個菠蘿油... 塊牛油都幾好..但個菠蘿包就差d...又凍又硬.. 夾埋來食似乎冇左個種.."菠蘿油.正呀!" 0既感覺~~~最唔好0既係..當人地一坐低口渴得滯飲左個阿叔擺低個杯茶0既時候..覺得有怪味...望下杯茶..發覺異常混濁...之後仲發覺人地杯杯茶都係熱0既...零舍舍我地兩杯係凍茶.......... 人地即刻想嘔.. 愈諗愈恐怖..唔知係咪拎錯人地杯洗筷子0既茶俾我地.... .............

三時一刻,人在西環的話,除卓記的熱辣辣炸兩之外,還有蛋撻.本來在同一條街吃魚蛋粉,路過見到此店的蛋撻新鮮出爐,即刻轉移視線.此店的格局又是一些老茶記,相信住在西環尾的朋友也不會陌生,對我這個外人,就不同了.步上閣樓瑟縮在一角,如果想避世,也是一個不錯之選.為吃蛋撻,就叫奶茶.本來叫雞批,結果上來菠蘿包.既來之,則安之.蛋撻是傳統做法,不是現今流行的酥皮,新鮮出爐不久的蛋撻,一定不會差得去邊.餅皮酥化,蛋漿充滿蛋香,質感香滑,菠蘿包只是平平無奇.其奶茶就茶味過盛了.吃罷再打包一打蛋撻,作客契仔一家.

奶茶超級香滑,菠蘿油好香又熱烘烘!

跟印刷朋友吃飯，本想試新張的燒肉店，可惜在沒有訂位的情況下，一位難求，唯有轉場。行過一個街口，見這裡的雞尾包剛出爐，在沒有什麼選擇的情況下，走了進來幫襯。出爐麵包沒有道理不叫，就叫了兩個蓮蓉雞尾包，另外兩個常餐。這裡的雞尾包，以蓮蓉代替了一向的椰蓉，特別是特別的，但味道卻不夠椰蓉的香甜。蓮蓉餡份量也太少，吃得不夠滿足。常餐用的是大光伊麵，一時不記得轉「丁」，失敗。還有煎蛋、火腿及多士，份量絕對足夠。街坊茶記，水吧跟客人是談得投契，打成一片。埋單21蚊，經濟實惠。

男友想試下佢地個沙爹牛麵, 於是叫左個沙爹牛麵早餐, 21蚊, 餐包轉多士要加2蚊, 凍奶茶又要加2蚊, 攪下攪下都25蚊一個早餐, 真係幾貴. 結果是…沙牛普普通通, 凍奶茶又無味無道, 炒蛋油淋淋, 火腿又普通, 無下次! 等我重山長水遠由灣仔去試.連紙包蛋榚都無香味!!!!!!!!!!

咖啡、炒蛋、厚多士我唔敢講但呢度Ｏ既茶、央、麵包我覺得只有過之尤其係央，澳洲同普遍水準相近，偏重啡味，但呢度唔到，因為本身茶靚，呢度Ｏ既央係茶啡都咁香，再加上凍央唔知點解好似有淡淡Ｏ既焦糖味，感覺上重正過ＳＴＡＲＢＸＸＫＤ咖啡添呀配埋佢個脆皮菠蘿油真係無以上之。重有Ｄ伙計超掂，一次生兩次就真係認得你，正！！！

讚佢ｄ雞尾包。佢同出面d雞尾包好唔同，係蓮蓉做饀。由細到大都中意食。

星期日下晝要山長水遠入去石塘咀室內睇公司籃球比賽, 一直餓住個肚睇到4點幾, 立即四周圍搵地方食野。得到住西灣朋友既介紹, 去左呢間冰室食野。一心打算食通粉,一見個特餐就二話不說地落單。$20既特餐有餐飽﹑火腿煎蛋﹑沙爹牛肉麵轉通粉同一杯飲品。個通一來時奇怪只見通粉不見牛肉,原來牛肉係放哂向底,同平時就咁倒d沙爹上面唔同。唔知係咪肚餓,連火腿煎蛋都特吃好食~~^^~~杯凍咖啡都唔錯!!因為太飽食唔落個餐飽,不過我估應該同出面既差唔多。撞正有新鮮出爐蛋撻,可惜太飽食唔落,下一次來西灣都要再來食佢個特餐呢~~^0^/

「雞尾蓮蓉包」是也：麵包烘過了頭，呈深褐色，只得雞尾型，同勉強的雞尾樣…尚算軟熟；蓮蓉也是呈深褐色，是比較稠的那種- 蓮子味不強，普通至極。朋友吃的蛋撻，賣相也普普通通，製作過程粗糙（有好多蛋漿泡的「痕跡」）；若夾硬要數一樣吸引我的，恐怕只有「曲奇皮」三字。賣佢「創新」，賣佢夠舊。