神虎麺商店

營業中

休息中

來自大阪嘅神虎拉麵幾年前曾經係香港開店, 當年非常有人氣, 係灣仔廈門街經常見到排隊等食神虎嘅人龍, 不過早前神虎突然撤出香港, 神虎迷要同日本先可以再嚐到神虎拉麵嘅味道。最近神虎係灣仔重新開業, 我同老友呢d標準嘅拉麵控當然要去食啦。😁我地今日一收工即刻趕去, 趁6點幾人未多唔需要排隊, 神虎新店比舊店大間而且光猛, 門外都係掛上霸氣十足嘅神虎燈籠, 座位以bar枱座為主, 另有幾張2人枱同1張大枱。餐牌同以前差唔多, 有6款拉麵選擇, 我揀左神虎精選, 老友就揀左赤虎加精選配料, 另外加左一份店員推介嘅唐揚雞share食。神虎精選 $118除左有叉燒之外, 仲有豚腩肉同肉丸, 加上溏心蛋, 非常豐富, 湯底味道濃厚, 豬骨味極重, 油香適中, 麵條富有彈性而且好掛湯, 叉燒軟滑多汁, 最好食係豚腩肉, 雖然好厚身, 不過非常軟腍入味。😋赤虎 $93 + 精選配料 $32老友點呢款赤虎我試左少少湯底, 香辣之餘帶有濃濃豬骨味, 加$32有厚厚豚腩肉, 溏心蛋, 紫菜同筍, 好值得加。👍唐揚雞 $38店員推介呢款唐揚雞超有驚喜, 師傅即場將雞腿肉沾上炸漿炸, 外層超香脆, 雞腿肉質軟腍

呢間餐廳就新開既, 店面有普通4人桌同bar桌,地方唔算太大, 所以好容易就full嫁啦! 呢間店主要出色既地方係湯底同極叉燒~先講下極叉燒先, 極叉燒超好食, 味道就入口會即溶既感覺,肉味都好濃, 唔洗調味,份量唔好睇佢得2件, 因為相當厚同大件, 絕對夠食,拉麵方面, 我自己食麵身唔算話好特別, 比較爽口,幼身, 份量正常,我可以食到加底都k! 湯底就好濃下, 味道偏結, 飲上黎唔會話過重味, 但又清清甜甜幾好飲既感覺.整體價錢不算貴! 但極叉燒一定要試!服務算係熱情!

今晚起灣仔收工同同事搵野食同事話想食拉麵即刻search附近既拉麵店搵到起利東街附近既神虎麵一於去試下門口已經有濃厚既日本既decorations 離遠都見到 夠哂醒目果然係日本過江龍 日本都有好幾家分店店員仲同我地講 廚師係日本人而且為香港人既口味改良左拉麵既湯底講完已經好想即刻食我要左神虎精選 係豬骨湯底有叉燒同極叉燒 豬肉丸 溏心蛋 等等配菜先試左個湯底 果然好香濃 但唔會好'杰'飲落香得黎都清爽 好飲！粗既拉麵夠哂爽口 吸滿哂湯底既濃郁叉燒同極叉燒都好好食 唔會韌 又夠入味同事叫左神虎佢都好like之後店員仲同我地講豬肉丸係師傅自己整加左蓮藕落去 食落好感好正 而且好滑唔會稔到冇哂咬口溏心蛋係超級流心 100分！再加左2個小食神虎餃子 煎得金黃 好香口裡面有好多豬肉 食落好juicy而且真係好大隻 唔似以前食既日本餃子份量十足叫多左個炸雞塊好大件 炸得外脆內嫩 裡面仲可以鎖住雞肉既肉汁好食！做野咁辛苦 收工食返餐好既真係好滿足推薦比大家！

濃而不鹹拉麵@灣仔拉麵店喺利東街過一條街，係喺大阪過嚟嘅過江龍，連大陸都有分店，好似好厲害！師傅見我影相仲望哂鏡頭咁（仲講哂日文打招呼），好熱情 細節位都 feel 到好日本，例如每枱嘅冰水都夠哂凍，仲有淡淡嘅檸檬味，連濕紙巾都有唔同顏色同埋好柔韌～價錢同坊間嘅拉麵店差不多，「精選配料」都幾正，好似加個 combo 咁。$32 就有溏心蛋、豚腩肉加其他配料，真係好抵，所以加咗一個試試店員介紹個神虎餃子係每朝早包㗎，包得好飽滿，唔怪得肉汁爆棚！食嗰時真係要小心熱，因為真係好多汁 個底都煎得好靚～桃味梳打汽水係日本飲品，實好飲㗎啦，哈哈！桃味甜得嚟唔渴喉。特別啲嘅仲有波子汽水同綠茶可樂，之前飲過綠茶可樂都唔錯，真係有啲茶味咁㗎，但又有氣喎。拉麵嘅基底都係豚骨湯底，一碗揀咗海老虎（蝦味），一碗就揀咗黑虎（黑蒜味），兩款都係濃味得嚟唔死鹹！黑虎湯底味道好濃厚，可以見到啲黑蒜，同得一浸黑蒜油嘅拉麵好唔同。就算無加精選配料都會有豬肉丸、叉燒（豚肩肉）、筍同木耳，嗰兩粒豬肉丸應該都係新鮮打，好彈牙，真係勁好食！極叉燒（豚腩肉）係厚啲嗰塊，另外兩塊係叉燒（豚肩肉），厚薄都係用咗西班牙豬肉，口感好嫩滑！

Before I came, I got this confused with another Kamitora nearby which has closed down.Anyway, this one is on Tai Wong Road East and is evidently different.I love those cute colourful napkins.There were five different ramens to choose from:Started with the gyoza which were bursting with juices inside.The ramen was evidently the stars of the show and they come with these cute pork meatballs which were tasty.They were soft just like homemade meatballs.Personally I was really fond of my pork broth b

同老公兩公婆係灣仔揾野食，老公由其喜愛日本拉麵，剛諗起之前有個朋友講過話有間係灣仔近喜帖街附近嘅神虎拉麵店，今晚就順路去食。離遠已被大大燈籠吸引。門外已經有人安排入坐，內裡裝修整潔但同我想像有點不同。兩個坐低之後就睇下點餐紙同埋問下店員邊樣拉麵最受歡迎囉，佢地以虎紙做膽，以元虎為主打，不過亦有多款唔同口味嘅拉麵，小食同飲品選擇。我選左海老虎湯底係用上蝦白麵豉，拉麵面還鋪滿櫻花虾，叉燒，肉丸，木耳當然還有正宗拉麵啦， 麵質彈牙爽口配濃湯無得輸。先飲一口湯，簡直好似幾百斤虾淆製出來。老公選擇元虎+ 精選配料(要另加$32) ,不過值得的，元虎以超濃豬骨湯基本已有叉燒，木耳，肉丸。而另加紫菜，厚切燒腩肉，附味筍同極流心嘅流心蛋，我更加鐘意佢嘅厚切燒腩肉，煮得入晒味又嫩口，油脂分佈適中又有層次口感，我最為欣賞。還叫左款小食- 唐揚雞塊金黃香脆炸雞塊，見到覺得乾乾咁，食落真係脆扑扑肉嫩多汁，店員話係用上雞脾肉，所以特別嫩滑好味。價錢合理，性價比高！

好耐無食拉麵，今次去左灣仔新開無耐拉麵店試.據說係Osaka過黎.來到自然要order signatute 神虎拉麵. 朋友order 左海老虎，兩碗都係$98，其實menu 上全部都係豬骨湯底，唔同既係海老虎再另外加左櫻花蝦. 佢另外再加左$32要左個豪華版，多左紫菜，筍，極叉燒同溏心蛋上黎真係豪華好多塊極叉燒其實係豚腩肉，煮得好軟腍，大力夾多下都似會散開. 而肥肉只有中間薄薄一層，香又唔怕會太肥膩. 覺得如果再略微炙燒表層應該會更香新開張客人唔算多，老闆娘問起意見傾起先知原來呢度豚肉都係西班牙入口，為免太肥老闆專登request 豚腩肉要先切去一層肥肉.海老虎有唔少櫻花蝦，湯底蝦香鮮味頗足，不錯神虎就更能嘗出原汁原味豬骨湯，湯底幾濃郁. 有趣係一邊仲有兩粒肉丸，口感唔算好彈牙，不過幾有肉香略可惜係麵texture，其實幼身麵剛開始幾口還不錯，而且掛湯力亦幾高. 老闆娘話係特登日本訂購.但食到一半浸於湯中既麵就開始變腍. 其實個人偏好硬身d 既麵，所以比較prefer麵時間煮得短d，剛開始硬身一點食到一半亦唔怕會變得太腍. 不過呢度order 紙無得request 軟硬度....溏

我喜歡到不同的拉麵店吃拉麵, 因為我自己覺得每一間拉麵店也會做出不同味道和風味的拉麵。即使是同一款拉麵湯底, 不同的拉麵店也會做出不同的味道, 這要視乎他們選用的材料和烹調技巧。 我們點了一碗蝦味湯底拉麵和神虎拉麵。另外, 再點了一碟煎餃子吃。海老虎拉麵是香港限定的, 湯底是櫻花蝦味噌味。拉麵上有味付溏心蛋、木耳、櫻花蝦、豚肉、蔥等等。 湯底比較杰身, 它的鮮蝦味很突出、鮮味濃, 拉麵充分吸收到鮮蝦的味道。我要推介這裏的味付溏心蛋! 味付溏心蛋非常嫩滑, 入面的蛋黃是呈半流心狀態的, 非常好吃!!神虎拉麵的湯底是豚肉湯底, 味道也很香濃, 拉麵亦充分吸收到豚肉的味道, 湯底濃而不膩。煎餃子是他們自己包的, 所以皮薄多餡, 煎餃子的皮帶少少脆口的質感。

睇完Kooza，去食好西，找到灣仔有間新的拉麵店，來自大阪関西。日本有分店，很多食物都是日本產地直送，仲有日籍師傅駐場。乾潔的店面。Menu主打虎麵，有不同口味。用上日本新瀉米，晚上黎已經食唔飯，sold out。木筷子非常有質量，粉紅色的濕紙巾很可愛。海老虎 ($98)有瘦叉燒、木耳、櫻花蝦、葱、紅洋蔥，豬肉丸自家手打的，豬肉味濃郁，不是彈牙個種，食到粒粒肉，有咬口。蝦味噌加入湯頭，蝦油令到蝦湯很濃郁，帶點甜味，唔會膩，可以飲個種。大塊薄叉燒很嫩，超好味！麵質不錯，掛到很多湯汁。師傅另外再附上辣椒蝦醬，喜歡spicy的朋友不可錯過，真係好辣，好惹味。桃味梳打汽水 ($30)桃味香，甜味適中。綠茶可樂 ($22)不太甜，清清地。神虎餃子 ($42)每日新鮮包餃子，即叫即煎，小心燙口，。肉汁滿滿，非常juicy，菜和肉比例剛好，很棒的餃子。赤虎 ($93)，加精選配料($32)，包括味付溏心蛋+極叉燒（豚腩肉）+味付筍+紫菜 ，豬骨湯底辣味不會很重，還可以喝湯。味付荀很嫩，小木耳爽口。西班牙豬腩肉，大大塊很有口感，西班牙豬肉質鬆軟，味道香甜。蛋煮得很好，半熟狀態的糖心呈半膏狀半液狀，不會

灣仔一向都有好多拉麵店，近期就有大阪過江龍神虎麺商店插旗，主打豚骨湯底，使用大量豚骨同蔬菜煲足8小時，非常濃郁！共有五款拉麵：元虎、神虎、黑虎、赤虎同海老虎。神虎精選神虎精選係用上元虎原味湯底，白白嘅湯底豚骨味濃，入口唔咸，反而好鮮甜，仲見到一粒粒碎豚脂，不過一啲都唔油膩。餐廳選用西班牙豚肉，入口嫩滑，肉味香濃。值得一提嘅係手打肉丸，師傅用新鮮豬肉製成，入口彈牙。拉麵硬度適中，掛湯力高，加埋木耳、洋蔥同味付溏心蛋，真係好滿足！海老虎呢個係香港限定嘅海老虎，即係係櫻花蝦拉麵。湯底呈橙紅色，即刻試下嗰湯先！入口蝦味香濃，質地濃厚，鮮味十足！仲有一小碟辣櫻花蝦畀你自己落，惹味十足！神虎餃子餃子肉餡每日新鮮製造，一咬落去啲肉汁流晒出來，點埋餃子汁，正！炸雞塊雞件新鮮炸起，外皮香脆，肉質嫩滑，肉汁豐富，配上沙律醬，無得彈！（記住Like同Share畀朋友）By A姐M佬 玩樂日記

之前去大版係心齋橋都有食過依間拉麵店，想不到近日係facebook見到佢黎左香港灣仔開分店，點可以唔去朝聖呢！依間拉麵店主打豚骨湯底，濃厚既豚骨湯底味道由日本食完之後記到宜家！真係好好味，一試令人難忘！元虎拉麵係原味，有肩肉、手打豬肉丸、溏心蛋及木耳，湯底非常濃厚。手打豬肉九非常爽口，加埋湯底一齊食，肉味非常香濃。溏心蛋非常香蛋味，正！海老虎拉麵跟元虎一樣以豚骨湯底作base，再加入日本蝦油，豚骨同蝦味兩者之間味道非常相配，唔會太鹹。另外，拉麵伴有蝦辣椒，中意食辣既我將辣椒加入拉麵，蝦味鮮香又多左層辣味，非常惹味！拉麵麵條粗幼適中，質地爽陣，非常有水準！餃子是日本師傅即日新鮮包製，餡料脈卜卜，餃子皮很薄，而且煎得香脆，非常美味！

神虎麺店：座位非常寛敞，大約有30個坐位，其中包括開放型的㕑房和L型吧等10張位置，非常舒服明亮，師傅是由日本大本專程來的時拉麵師傅，這是一間非常出色的日式拉麵館，面色只有幾款，但非常出色用心去做的日本拉麵。我們選擇了神虎拉麵，主要食材有日式湯全蛋，日式叉燒，值得一提義燒全用西班牙豬肉葉制，手打肉丸，師資家用新鮮的豬肉製造而成，還有雲耳，湯底濃濃的但不會有太鹹的味道。令一款是黑虎拉麵，主要食材有人手打的肉丸，日式叉燒和濃濃的湯底加上特製黑蒜汁。本人最喜歡黑蒜嘅味道，很多過江龍的餐廳也有一些特別過人之處。雖然較多蒜頭的味道但是不會太濃烈而且亦不會太油膩，想必師傅在湯底內一定落足心機。值得一提的是另外兩款小食，湯掦雞：雞肉是選自雞髀去骨酥炸絕對不會覺得油膩非常酥脆，配上沙律醬，令一款是煎餃子廚房是每天新鮮做出來的肉餡，一口咬下去醬汁飛噴出來，新鮮煎出嚟嘅餃子係最好食嘅。還選擇了兩款都是由日本直送的烏龍茶，和綠茶可樂，值得一提的是綠茶樂，是有氣的可樂和清新怡人的綠茶味，絕對少有，值得一試再試的一間日式拉麵館。過江龍的餐廳絕不是名過於實，必定有返咁上下嘅水準。

之前介紹過一燈，今日就專程黎到灣仔試下新開既神虎。睇下有幾神威先，去到都要排一陣，不過好快就入得啦。當然食招牌啦 神虎拉麵（配蛋）$98黎到就望到幾特別啦，有木耳，洋蔥同肉丸。一燈都有肉丸既，而呢個肉丸個味其實完全唔夾個湯同整個味道，唔知點解會加上去去 不過唔係唔好食既。木耳同洋蔥就正常，令到個拉麵幾香口。湯底濃厚同麵質幾夾，佢比一蘭既粗小小。糖心蛋就要一讚，流心，好好食。服務態度都唔錯，可以再試之選！

神虎 (7/10)即是豚骨湯底拉麵加溏心蛋.湯底都幾清.而且飲落去唔覺有落味精或者調味料嘅.义燒雖然得一大塊.不過都幾腍身而且有豬味的.黑虎 (6/10)黑蒜味湯底拉麵.個人認為香味一般.😐因為見隔壁檯個哥哥食得好滋味之餘仲要再加個麵底.好奇心驅使下就試下呢個湯底...事實證明口味係好個人化...兼且隔離飯的而且確係香啲嘅...😅神虎餃子 (6.5/10分)啲餡有少許爆餡feel咁的...味道是很普通的餃子...冇咩特別之處...純粹加餸選擇...溏心蛋 (7.5/10)基於鍾情食蛋的原因.小弟每次去食拉麵都會額外叫一隻溏心蛋食的.而我一直都覺得豚王嘅溏心蛋最得我歡心.呢間嘅溏心蛋算係僅次於豚王了.整體 (6/10)基本上感覺係同標題一樣的.如果咁啱去開嗰頭搵嘢食就食下囉.食物就OK啦.價錢正常.會再去嘅機會係一半半囉.

食評人用餐時的狀態: 晚上九點半，非常肚餓，屬於很容易滿足的狀況食店環境: 看似是新裝修，環境光猛，整齊，同時另一張桌子有客人點選的食物: 神虎湯: 初嚐第一口就可以感受得到全是味精，且無豬骨味，卻只有咸味，跟平常於日本超市買的包裝拉麵並無分別，完全不同於傳統拉麵店的那些味道叉燒: 乏味，色淡，肉質不佳，勉強能夠咬開，像是因為需要一塊叉燒才被逼放上去的感覺肉丸: 無味，不是彈牙，完全算不上特別，難以理解為何要搭配肉丸麵: 正常，份量偏少打正日本旗號收$90多的一碗"日本拉麵"，對我而言只能算是物非所值。感覺似是襯著日本拉麵正值流行，而試圖混水摸魚之作，可惜卻假裝得一點都不像。不如正正經經做平價的麵店吧。