神虎麺商店

營業中

休息中

在灣仔喜帖街附近揾食，朋友愛吃拉麵，被門口的大紅燈籠吸引了。拉麵店有吧台和普通座位，我們坐二人枱，聽到吧台有顧客與拉麵師傅用日文交談，感覺正宗！拉麵主要分黑湯、白湯和紅湯，全部都用豬骨湯作湯底。價錢合理。朋友覺得有顏色的濕紙巾很特別，嚷著叫我影相！我點了赤虎拉麵，就是辣湯，其實只是微辣，絕對適合所有人食！麵質彈牙，除了平常的日式义燒，較特別的是有兩粒肉丸，鬆軟的肉質，「索」了湯味來吃，好味。朋友點了basic的元虎拉麵，其實就是豬骨湯拉麵，她說最平實的最顯功架，並說這豬骨濃湯好味，但有點被紫洋蔥搶了鏡，建議先喝幾口清湯才開始吃麵。餃子與拉麵是最佳拍檔，要讚的是這裡的餃子真正是皮薄餡靚，餃子底部煎得很香脆！推介！我們不約而同都想食多一點木耳，就單點了一個黑木耳作配料，份量是多的。付款時在收銀機旁看到這店的咭片，上面還印了日本其他四間店的地址，我們先發現原來香港是他們海外的分店，更覺正宗。後話：這店無加一服務費的。

又一間過江龍拉麵店黎香港啦呢間黎自大阪既拉麵店揀左係灣仔大王東街，近修頓球場附近。本店就係大阪既総本山，進駐得黎香港既都一定有番咁上下拉麵店唔算大，裝修比較簡約，地方乾淨光猛，環境舒服。Menu呢度主打係佢既豚骨湯底，話要熬成8個幾鐘，配有5款拉麵。另外，佢地仲採用西班牙既豬黎整豚肩肉同豚腩肉，睇得出佢地對食材有一定要求參照番日本，每張枱都會有凍水供應綠茶可樂$22呢支綠茶可樂比一般既可樂更有氣，飲到可樂味之餘仲有淡淡既綠茶香，配搭出奇地夾神虎餃子$42呢個餃子隻隻脹卜卜，皮薄香脆，餡料仲係日日新鮮製造，餡多又juicy黑虎+精選配料$93+$32呢個黑虎拉麵係濃郁既豚骨湯底加入黑蒜，令本身既湯底再添加陣陣既蒜香。而麵條佢係用直身既幼麵，食落爽口彈牙，至於叉燒就係薄切既，口感嫩滑軟腍。加$32可以升級配埋溏心蛋、豚腩肉、肉丸同d配菜。升左級既豚腩肉係厚切既，師傅以慢煮手法去處理，再用火槍輕輕炙過，令佢多左層焦香味，油脂更香更惹味，仲有兩粒豬肉丸，佢地係以新鮮豬肉加蓮藕打成，所以好有口感神虎精選$118呢碗神虎精選就係以元虎爲基底再配精選配料。奶白既豚骨湯底，味道濃郁，又唔會過咸，仲好鮮

 灣仔這間日本大阪過江龍拉麵店，主打豬骨湯底，使用大量豬骨同蔬菜煲足8小時，味道香濃又不會過鹹，仲要一點都不油膩，飲完一點都唔口渴。叉燒更用上西班牙豬肉，不會有過多肥脂，而極叉燒仲大嚿夾抵食。食拉麵又點少得餃子，每日新鮮人手包製，外皮又薄又煎得脆口。神虎精選($118) 豬骨湯底，付有極叉燒西班牙豬腩肉、一隻溏心蛋、手打豬肉丸、黑木耳、筍、紫菜、蔥花和生紫洋蔥。叉燒大大件，肉厚少肥，外層有燒過，帶出油香。 溏心蛋，咬開後內有蛋黃緩緩流出來，而且蛋味好濃郁。 黑虎($93) 豬骨湯做基底再加上粒粒黑蒜的湯底，有陣陣蒜香味。配料有叉燒用西班牙豬肩肉做、手打豬肉丸、黑木耳、蔥花和生紫洋蔥。叉燒入口軟腍，有入口即化感。 神虎餃子($42) 餃子每日新鮮人手包製，外皮夠薄而且煎得香脆夠飽滿，餡料豐富。 炸雞塊($38) 雞塊大大件，即叫即炸。炸得外脆內嫩，肉汁緊緊被鎖緊。加上檸檬汁和沙律醬味道更加美味。

灣仔開咗一間新嘅拉麵店，不過名都幾得意，唔係叫拉麵店，係叫做商店。裏面嗰個環境裝修都幾清新，有二人枱四人可以及對住師傅食嘅Bar台。餐牌選擇都算豐富，有唔同嘅配料，不過主要湯底都係湯底為底，我哋就揀咗一個有蝦米嘅拉麵同埋一個乜都有嘅拉麵。海老虎拉麵＄98裏面有啲蝦米🦐同埋味噌嘅香味，湯底真係非常濃郁而且又香。仲有啲配料例如特色豬肉丸，裏面有薑同埋蓮藕，真係特別爽口有趣。麵餅本身想減少啲面但係原來呢間拉麵店所有拉麵都係140克，比起出面嘅90克或者110克為多，所以如果兩個好細食嘅人都係建議叫返一碗拉麵分享再加一啲小食咁就比較啱份量。同埋啲拉麵都好彈牙有咬口，所以上枱之後要快啲食，唔係嘅話林左就冇咁正㗎啦。神虎精選＄118味付糖心蛋+極叉燒（豚腩肉）味付筍+紫菜呢個就係基本小小嘅豚骨湯底，特別多肉，因為精選係多咗腩肉，所以腩肉同埋肩肉都有，腩肉就比較肥美而且經過燒製所以都好香。糖心蛋我食咗半隻，真係同出面嗰啲好唔同，出面嗰啲通常個表面已經整到好鹹，但係佢裏面好甜之外蛋白位置味道都清新少少。綠茶可樂＄22桃味梳打汽水＄30食拉麵點少得飲番支日式飲品，香港少啲地方有得買嘅我諗都係綠茶可樂同埋

今天與朋友在灣仔閒逛，晚餐選了來自大阪的神虎麵商店，吃至愛的拉麵。先來個辛辣大荳芽菜，鮮爽惹味，非常醒胃。接著，點了香港限定的海老虎拉麵，再追加精選配料 ，原隻味付溏心蛋、整叉燒（豚腩肉）味付筍及紫菜，令海老虎變得更豐富。一會，賣相氣勢滿分的海老虎上桌，大堆頭的櫻花蝦鋪滿湯面，先呷啖熱湯，入口充滿鮮蝦的美味，再咬下份量十足的西班牙秘製豬腩肉，半肥多瘦，口感軟嫩、肉汁豐富、油潤甘香。還有兩粒自家製丸子，以豬肉、蓮藕粒及多種配料手打而成，入口彈彈的，味道清爽美味。掛滿湯的麵條，爽口之中帶著一點韌度，這個重口味的海老虎，實在鮮美無窮。朋友的神虎拉麵，淡色的賣相，用料依然豐富，木耳、洋蔥絲、青蔥、溏心蛋、丸子，配上日式叉燒，麵條泡浸於濃稠乳白的豬骨湯𥚃，味道鮮甜滋味，令人吃得心飽意足。神虎餃子，即叫即煎，蘸點餃子醬油，入口金黃酥脆，餡料新鮮，充滿肉汁。飲品點了綠茶可樂，淡淡綠茶清香，舒爽怡神。神虎拉麵商店裝潢簡約樸實，空間比一般拉麵店寬敞，讓食客可以自在舒適的坐下來，慢慢享受用料十足的拉麵，當然份外滋味。

神虎拉麵載譽歸來！！拉麵控嘅福音呀～黑虎$93肩肉、手打豬肉丸、木耳，有別於一般黑蒜油湯底，佢蒜油嘅份量唔算多，所以冇咁油膩，但已經好香濃呀！麵質比一般拉麵煙靭有咬口，掛湯能力好強，店員話呢款拉麵係佢地獨家架！而且份量都比一般拉麵店多，夠飽肚。佢地嘅豚肉都係用西班牙黑毛豬，肉質鮮嫩。手打豬肉丸加入蓮藕，口感清爽～神虎精選$118 溏心蛋、肩肉、豚腩肉叉燒、荀、紫菜、豬肉丸、木耳，配料極豐富！可以食到原汁原味嘅豚骨湯底，佢地加入大量豚骨熬足至少 8 小時，好濃厚，充滿骨膠原。一款拉麵可以食到兩款叉燒。亮點係豚腩肉叉燒，好厚一塊！外層煎得夠香口，入口即融。溏心蛋好香醬油味，呢個價錢完全係超值！豐富到一般女仔未必食得晒。大食人必叫呀！神虎餃子$42 係店家每日新鮮包，比一般餃子大隻，多餡，而且肉汁多叉燒蛋飯$52怕唔飽所以預先叫左呢款飯，叉燒同豚腩肉一樣，好夠香隻蛋撈飯一流！大食人都差d食唔晒～

突然間有啲想食拉麵，朋友話呢間幾抵食，除咗拉麵之外，還有一份料理、分類、飲品等等，既然識得拉麵，一定要搵間專門店啦！原來係嚟自大阪的拉麵店，呢度主打豚骨湯底。餐牌有晒圖片，感覺上非常真實，唔怕叫錯啦！我們點了兩碗拉麵，分別是海老虎$98 （加$12 味付糖心蛋）和神府$98。當然還有其他選擇啦，包括有黑蒜濃厚、野菜魚湯、辛辣等。海老虎第一啖的頭湯很重蝦味，可以說是濃湯。有大量桃紅色的蝦米仔，毫不吝嗇，而色澤亦係非常之靚。 一定要讚嘅係糖心蛋，口感非常滑溜溜，蛋黃汁味道宜人。 之前吃過一ｘ，拉麵的肉是需要另外加配的，呢一間一碗過包哂，豚肉夠哂薄身，食落去啖啖肉都幾唔錯。拉麵的軟硬適中，既保留彈牙的口感，也保留了一份軟熟。 不過有點失望的是越食越咸。個人感覺我喜歡吃清淡一點，還是朋友的豬骨湯底較好。朋友的神府$98，豬骨味勁香，超好食。。。我哋仲要叫左一份小食：神虎餃子$42餃子皮薄餡靚，它外皮非常香脆， 值得一讚是完全沒有燒焦的 裏面夠哂熱，水分十足，有菜有豬肉，又唔會話太鹹或者太油膩，真係唔錯。 另外飲品的選擇也有不少，在不是那些普通的汽水，而是來自日本的好味梳打汽水和綠茶汽水，還有芳

今日同朋友去左灣仔大王東街既呢間神虎食拉麵，地點十分方便，入到去係好地道日本拉麵店既裝修同擺設，坐低左後就快快落order喇。首先黎到係可樂綠茶汽水，望落去係綠茶色，但飲起上黎真係可樂加綠茶味，飲落好特別好好飲，鐘意飲可樂既朋友一定要試！而個桃味梳打汽水都一樣咁好飲！神虎餃子好快就到，皮薄餡靚，煎得好香脆好味！個炸雞炸得好酥脆，完全唔似平時食開連鎖快餐店啲炸雞咁重油膉味，我地都好鐘意！然後主角拉麵就到喇，個神虎精選拉麵有好多料，係由來自神虎大板店既拉麵師傅精心炮製，有人手親自打既豬肉丸、極厚切、脂肪比例完美、用上空運西班牙豬整既極叉燒（豚腩肉）、惹味鬆軟叉燒（豚肩肉）、超正既味付溏心流心蛋、淹得好入味既蓮藕、味付筍同木耳！而個拉麵湯底係好濃厚既豬骨湯底，麵條粗幼軟硬十分適中！另外一碗係黑蒜油黑虎拉麵，個湯底有好豐富既黑蒜油香味，平時鐘意食黑蒜油湯底既朋友一定要試，啲麵條將黑蒜油既蒜香味吸曬入去，十分回味無窮呀！要特別一讚！我地食飽一餐咁滿足既拉麵之後就去左餐廳既洗手間，入到去真係好印象好深刻！係即刻好有去到日本洗手間既感覺洗手間，極為乾淨，地上一滴水同污糟都無，成個洗手間都充斥住陣陣清

又係灣仔啊！今次專誠收工過黎食拉麵首先店鋪都闊落，我地黎到時係晚上6:30，當時都無咩人，慢慢到7點就開始多人喇。拉麵有幾款湯底可以選擇，我就簡左海老（$98），朋友簡左黑虎（$93）。我果個就蝦味好濃，朋友果個就黑蒜油味濃，我地每人再加$12 加一隻糖沁蛋，抵加，整得好好味。講番整體嘅拉麵，拉麵好滑，而且配一塊黎自西班牙嘅豚肉，入口即溶，一d都無煮到老哂嘅感覺，好有驚喜。拉麵仲附送兩粒小肉丸，爽口彈牙。然後我地再要左個煎餃子（$42），店員強調係佢地自己即包即煎。食落香脆可口，咬落會爆汁，有五隻，份量岩岩好。最後埋單$257，無加一，整體黎講，有驚喜，高質素拉麵店，而且店員好有禮貌，終於明白佢排長龍嘅原因啦。

灣仔拉麵小店，神虎， 聽講日本有店。海老虎 $98即係蝦味增湯拉麵。 必食！ 好濃蝦味～ 又唔會濃到好膩，剛剛好～ 除咗櫻花蝦、叉燒、仲有雞肉雞軟骨肉丸。 麵軟硬適中，而且份量都唔少～飲曬d湯，有相為證，d湯好好飲！神虎精選 $118齊晒所以料，胃口大都夠食。 豬骨湯湯底，都係濃厚而不膩～蛋咬開裡面～ 哇～～ 流心黃加咗 $8 辣芽菜炸雞塊 $38必食推薦！！！外脆，裡面超juicy！爆汁！！一定要食！餃子 $42叉燒蛋飯 $52呢個都要食！ 隻蛋煎到幾靚！ 整爆隻蛋黃，流落d飯同叉燒度一齊食～～～ 正呀～～～叉燒好香黑椒醬油味，送飯好好味～

今天提早完成工作，之後在附近逛街。午後的陽光十分毒辣，在街上走了幾步，已經熱得不耐煩了，只好提早吃飯，找個地方歇一歇。過了午市時候，拉麵店顯得清靜。餐廳裝潢簡樸，以一排吧台圍著開放式廚房，坐吧台可以欣賞師傅煮麵的手藝，另外設有雙人座位。⭐️黑虎$93神虎拉麵是用豚骨為基底熬湯，配料有黑木耳、蔥花、叉燒和豬肉丸。嚐一口湯頭，嘴中縈繞著淡淡的蒜香和豚骨湯底的鮮味，濃香不膩，非常容易入口。叉燒有手掌那般大，肥瘦相間，肉質非常細嫩，切法帶點厚度，口感豐厚，肥肉部分更是入口即化，肥而不膩，吃來讓人滿意。麵條Q度夠，還吸附了香濃湯汁，吃起來很過癮呢！⭐️赤虎$93湯頭有濃烈的豚骨味且帶點辛辣，為味蕾帶來刺激，我吃不慣這種辣度，但同事就很滿意。配料有黑木耳、洋蔥絲、豬肉丸和叉燒等。另外還額外加了一顆味付溏心蛋$12，咬開嫩白的蛋白，如脂膏般的蛋黃緩緩流出來，蛋味濃稠滑嫩。反而豬肉丸的味道中規中矩，以豚肉搓成肉丸調味，味道未見驚艷。⭐️神虎餃子$42這份餃子是我吃過最好吃的拉麵店餃子！標榜自家製餃子，半月形的餃子煎得焦香，香脆可口，裡面的內餡相當飽滿，而且調味好了，不沾醬油也相當美味呢！⭐️窩蛋拌飯$30有一

香港拉麵店有很多日本人主理，肥師傅木村是其中一個，木村做過以前的神虎拉麵，當時與隔離街的黑龍拉麵互比長短，互相輝映，一龍一虎皆大排長龍，之後我記得利東街囍歡里未開，神虎變了一虎，肥木村走了去佐敦熊拉麵當主廚，那時我在佐敦工作，熊拉麵變了我的飯堂，木村也開始懂得說少許中文詞語，之後熊拉麵在上環開分店，我在佐敦店已見木村，由女性去做廚。之後一幻在灣仔開店，去吃途中見到神虎麵商店招牌，外牆見到木村的照片，我有了熟悉的印象。到了這晚終於有時間去神虎麵商店，結果店員表示木村放假，全身紋身的青年當主廚，吃罷元虎及唐揚雞塊，感覺不是以前的神虎拉麵味道，似乎是改良了:多了兩粒肉丸，豚骨湯幼滑少了背脂，加多了一款海老湯少了魚介，唐揚雞塊也是新加菜式，4大塊皮脆有肉汁，以前只有煎餃子，唯一無變的是叉燒蛋飯和雞蛋拌飯價錢依然好貴，另外日本大阪神虎這幾年的分店增長似乎是零。麵如何好吃可以參考其他文章，我深信，有水準的師傅去到哪裡，哪就有好拉麵吃，就如肥仔木村，我會再去光顧的。

我幾鐘意日本，所以拉麵都幾鐘意食路經灣仔發現新拉麵神虎就去朝聖下，原來日本大阪、梅田也有分店。全部拉麵是豬骨湯底，元虎及神虎的分別是在於溏心蛋，黑虎是用上黑蒜油、赤虎就是辣味，海老虎是蝦味噌。神虎餃子 $42經店員介紹是自家製，怪不得比一般的大隻個外皮有少少韌，難咬開，至於肉餡多汁的。炸雞塊 $38熱食也是即點即製，開放式廚房會聞到香噴噴的味道。外皮夠脆，而雞肉也相當嫩滑，而且有肉汁流出，好正。我點了海老虎 $98，有櫻花蝦、叉燒、肉丸、木耳等。第一次食拉麵有豬肉丸。叉燒是用上西班牙豬，而且是全部是瘦，夠健康，至於肉質會有點實。湯底幾重口味，有點鹹，而麵質屬於硬身，麵有140g，比起其他店的90-100g多好多。朋友點的神虎精選 $118特別之處是有2款叉燒溏心蛋流心架除了瘦叉燒，還有極叉燒，即是豬腩肉，肉質燒後有種油脂香散發出來，大大件好足料，半肥瘦口感幾好。

神虎拉麵 $98主要為豚骨湯底既拉麵選擇有元虎、神虎同神虎精選 由於有另叫小食 就揀左餸量中等既神虎材料幾豐富 一大塊豚肉唔少得 溏心蛋都常見 另有雲耳同埋好少見拉麵配料肉丸 肉丸唔算大粒不過味道ok 豚肉大大塊如果燒下會更好 本人唔怕燶燶地湯底方面正正常常 都有一貫豚骨湯底果份濃味 麵身唔算突出 建議提供唔同硬度選擇 以貼合唔同客人口味相較呢碗'原味' 試過友人果款黑蒜更加好食 黑虎拉麵 $93其實神虎啲拉麵款款都係豚骨湯底 只差在有無額外加料 呢碗黑虎就係加左黑蒜呢碗黑蒜味湯底都唔錯 濃味之餘唔會太油膩 比起純豚骨既味道更佳材料都係差唔多 有豚肉有雲耳有肉丸 係差在無溏心蛋份量黎講都夠 特別仲有叫小食 相對黎講小食仲略有驚喜神虎餃子 $42日式拉麵配餃子是常識吧呢度既餃子走大隻而唔係小巧路線 入面既肉餡份量適中 配合厚薄得宜既餃子皮都幾好食 燒過既餃子面都唔會過焦 當然餃子汁係必備基本上拉麵店既餃子作為小食都唔會點差 加點一份會比淨食麵無咁dry炸雞塊 $38略有驚喜既小食係指呢份炸雞一碟四件既炸雞 上枱見到咁大舊有啲怕 好在肉質唔會韌 炸過既雞肉面又唔會太粉 算係香脆可口調味既分

眾所周知灣仔嘅拉麵店多到數唔晒，又有新開既店抱住好奇心我去試試佢～呢間主打大阪拉麵，雖然拉麵風格各異，講到底湯底最緊要，為咗試齊唔同味道叫咗一個黑虎，一個神虎精選。神虎精選以豚骨湯做主湯底，精選配料更多樣樣試齊，叉燒特厚咬落鬆軟，手打丸子拉麵配料少見幾有咬口。最正係流心蛋堅係平凡食材睇出功架，唔多講睇相就明。黑虎就豚肉湯底外加黑蒜油，飲落味道層次較分明。不過兩款湯底其實有致命傷，第一啖感覺濃郁，但飲飲下開始有少少鹹，所以我地食唔哂成碗🙈追加份餃子食落有肉汁唔錯，底煎得香脆確係試得過。可能因為新開冇咩宣傳人少少，老闆娘好有心同我地打招呼問我地意見，睇下點改善服務同食物質素做得更加好，我亦好直接將我主觀感受告之，老闆娘都好認真同廚師檢討。莫論佢之後有冇改善到，就呢個體驗我認為呢間小店值得支持，比附近同樣新開名過其實既拉麵店好得太多（詳情可以睇我之前既食評🙈）