神虎麺商店

營業中

休息中

朋友網上睇到，又有一日本拉麵店進駐灣仔，跟朋友嚟朝聖一下... 按網上資料話，呢間嚟自大阪嘅拉麵店，主打豚骨湯底，大量豚骨加蔬菜煲足至少 8 小時，湯底出嚟超濃厚咁話～嚟到，我點都係用我自己條脷嚟試真啲啦... 有5款拉麵：元虎、神虎、黑虎、赤虎以及海老虎最基本嘅款式就係元虎，即係有肩肉、手打丸子、木耳嘅原味豚肉拉麵，其餘4款就係以元虎做底...睇完一輪餐牌(朋友話我似背餐牌多啲)，因為我睇咗餐牌5分鐘，都未叫到，一直猶豫，辣味定係蝦味嘅豚骨湯好啲呢... 朋友就已一早揀定豚骨湯... 唯有問職員，一問之下先知，原來蝦湯係有秘製辣醬跟埋嘅，咁就唔洗諗咁多，一於蝦湯啦...湯頭味道濃郁，有豚骨鮮味，亦好香蝦味... 西班牙豚肉軟熟，有水準～辣醬配有蝦仔，鹹鹹香香～拉麵好味以外，仲有流心蛋、辛辣大豆芽都好好味呀～店家放咗好多關於佢哋嘅卡通～😍

一個人在灣仔開完會已近七點，是日屋企無人煮飯就o係附近搵間拉麵店醫肚！朋友圈子有幾位拉麵達人，聽罷我的要求就介紹了來自大阪的「神虎麵商店」！店子主打濃而不鹹嘅豚骨湯底，幾o岩忽然想食清淡d o既姐！揀好拉麵，細心的侍應介紹兩款追加小食，包括有炸雞及餃子，因為見到隔離炸雞份量都幾多（件件都有小朋友拳頭咁大），加上侍應說神虎餃子（＄42）是每日店家新鮮包製，不是一般急凍貨，因為咁我又試下，反正一客也只是5件而已～神虎餃子（＄42），外皮煎得金黃香脆，望著已覺得好對版，一咬開餃子肉汁豐富，豬肉混合白菜絲，不會很膩反而帶幾分清爽，的確是出色。拉麵我選了神虎拉麵 ($98) ，因為比元虎多一隻閃令令嘅溏心蛋，食拉麵我覺得要有溏心蛋才是o岩數的！奶白色的湯底以大量豚骨加蔬菜熬製，再由日本空運到港，豚骨味超濃厚而不油膩，仲有少少清甜感，不能不提湯底的溫度也控制得不錯，吃到尾聲都仲熱的！拉麵除了基本叉燒外，仲有少見的手打丸子、木耳等配料。自己幾喜歡他們的溏心蛋，生熟度控制得不錯，咬開蛋黃呈軟滑流心狀，好靚亦好入味！兩粒丸子看似格格不入，但食落卻口感鬆化，肉味鮮甜食到蓮藕的爽口，幾特別！豬肩肉係用西班牙

今次嚟到灣仔一間由大阪過嚟香港開分店嘅正宗拉麵店，神虎麵商店，呢度嘅拉麵全部都係用虎字去命名，不過一睇個名其實都大致區分到係咩拉麵嚟。我地今次揀左海老虎拉麵🍜同埋神虎拉麵🍜，海老虎拉麵係香港店限定嘅，得香港呢度有得食，自然要試下喇；另外神虎拉麵就係呢度嘅招牌拉麵，當然都好值得一試。日文海老即係蝦，海老虎拉麵🍜其實就係湯底加入左鮮蝦味噌，味道好濃好鮮，想食鮮甜味道嘅話可以揀呢個湯底。至於神虎拉麵🍜就係呢度嘅招牌拉麵，點解可以成為招牌呢？係因為佢嘅湯底係特濃嘅豚骨湯，飲落非常美味，此外佢嘅叉燒並唔係普通叉燒，而係西班牙豬嘅豚肩肉同豚腩肉嚟，所以食落係非常幼滑，入口即溶嘅感覺，再配埋一顆流心蛋，不愧係呢度嘅招牌拉麵。呢度除咗拉麵係自家製，就連小食都係自家製嘅。佢地嘅餃子係每日新鮮整，皮薄餡靚，煎得香脆可口，真係流哂口水。仲有炸雞塊同樣出色，炸得金黃香脆，令人食指大動。食完拉麵最後飲返支桃味梳打汽水🍑，享受左完美嘅一餐。

平日來往灣仔不下數次，這區是我覍食的地頭，行過見到這家虎虎生威的商店，聽講是大阪過來又試吓。五隻老虎隻隻威猛，神虎是原味，基本豬骨湯底的膽，黑虎、赤虎、海老虎、元虎全部在湯膽上挑起花式，我今日先會海老虎，這款主要加上蝦油、蝦乾，我覺得個湯非常濃郁，豐富的豬骨湯混合蝦油，少有食到的特色，另外自家製肉丸混合蓮藕製造，口感更加好。今晚比較餓，所以加多咗個叉燒蛋飯，角切叉燒腩肉被燒過，香味變得完全唔同，加煎蛋更暗然銷魂，熱飯始終比較實在。一麵一飯，大滿足！

位於灣仔的神虎麺商店，是一間大阪過江龍拉麵店。我是一名日本控和拉麵愛好者，知道過江龍來港，當然要嚐嚐啦。原來神虎早在五年前曾登陸香港，現在再次回歸，拉麵控有福啦。神虎精選$118雖然我是女孩子，但我較大食，所以點選最大份量的神虎精選，非常滿足阿。神虎精選，包括:叉燒，豚腩肉，豬肉丸了，溏心蛋，木耳，筍，紫菜，拉麵。拉麵湯勻是豚骨濃湯，熬製12小時，加入野菜和魚介而成，色澤帶淡淡奶白色，豚肉的油脂浮面，呷一囗湯，豚骨味濃郁很甘甜，且絲毫不膩，微微黏囗，喝光後有足料骨膠原的感覺阿。叉燒非常大片，採用西班牙豬，肉質軟腍，肉味奇濃，表面佈滿香蔥，多一份清爽感覺。豚腩肉則是另一截然不同的感覺，肉厚肥膩膩，肉脂雙間，呈上前用火槍炙燒，油脂甘香肥美，非常美味。整碗拉麵質素甚高，濃淡度剛剛好，大眾必定喜愛，唯拉麵有少少扣分。拉麵是自家製造，由於想製造掛湯效果，所以加入大量水製麵，因此令麵條過份軟腍，但份量十足，並沒鹼水味，若跟我一樣愛好硬麵，建議你盡快相機食先，即刻進食阿。神虎餃子$42超大一隻神虎餃子阿，每隻餃子由店員每天新鮮包製，餃皮軟腍，肉餡鮮香，好美味阿。炸雞塊$38日本的炸雞塊，向來是我最愛

早前係灣仔做完野, 順便係附近覓食, 行行下, 遠遠見到一個搶眼燈籠係店門下, 叫神虎, 原來係拉麵, 就入去試下. 這裡有數款口味, 最後, 我選了黑虎拉麵. 再額外加$32配精選配料, 當中包括味付溏心蛋，極叉燒(豚腩肉)，味付筍和紫菜 , 我覺得好抵, 所以即時加了. 等一陣, 店員奉上拉麵. 材料豐真, 真的好吸引. 我選黑虎拉麵. 湯底是我鍾意竹旳黑蒜味道, 第一時間試下個湯. 黑蒜味道尚算香濃, 咸道適中, 飲多幾啖也不會覺得口渴. 材料由最吸晴當然係極叉燒(豚腩肉). 夠厚身, 帶點肥肉, 但比我想像中少. 肉質相當鬆軟, 完全唔乾, 好好味. 麵質軟硬適中, 由於個湯帶點黏性, 所以可以掛到不少湯. 這樣更好味. 這裡拉麵最特別的地方係加入肉丸. 味道不錯. 味付溏心蛋係我食拉麵不可缺少. 一切開, 蛋黃流出. 叉燒(豚肩肉)這個相對瘦, 味道同樣不錯. 而配料也不可以忽視. 味付筍和木耳調味也不錯. 單是一碗拉麵, 已經好飽和滿足.

是日晚上約了朋友在灣仔交收，但又嘴饞的關係，想即興吃個拉麵。灣仔區的小巷之中有幾間拉麵店，我們選擇了一間位於大王東街新開張不久的日本過江龍「神虎麵商店」來滿足呢個拉麵癮。差不多到時時候遠處看見一個大紅燈籠放於店外，大大隻字寫上「神虎」日本味十足，門面簡直有點像居酒屋喔。六時多來到門前還未排著長長的人龍，完全不用等位，就入座了入面面積不算大，近門口就有幾張枱供3-4人享用而直入有吧枱及二人靠牆的正方形枱，新開張環境當然感覺都光光猛猛，新淨得黎又有日本的簡約風格日本師傅坐鎮究竟是不是跟日本出處那邊一樣「原汁原味」呢？！店員非常親切有禮地跟我們講解拉麵的味道並客氣地說麵店只有一位日本師傅煮麵，請我們要耐心等候！我們當然有禮回答「沒有問題吧！有的是時間呢」餐紙上總共有5款拉麵款式：元虎、黑虎、赤虎、神虎以、海老虎及神虎精選。麵店主打豚骨湯底，店員說是大量豚骨加蔬菜煲足至少8小時，煲好後再於日本空運到港。當中再加入黑蒜、辣味及海老蝦味豚骨湯溶入在豚骨湯底中更加使味道去到另一個層次。而小食只有神虎餃子、炸雞塊同辛辣大豆芽菜，我們總共點了四樣。辛辣大豆芽菜 $8大豆芽菜的營養價值很高，而且含豐富的維

若不是偶然見到小儀介紹，都沒有留意原來這間小店都開了好一陣子。..最喜歡自己劃的落單紙。日本拉麵店來說，選擇有點太多了吧？其實只是不同配搭啦，大体其實只有三款湯底。不過一品料理又真是少見，有機會可以試試叉燒蛋飯和炸雞塊..漫畫中的二人，不就是主廚的老闆及老闆娘～ 一大樽的冰水和其他的setting ，感覺好像回到日本一樣。..點了一支完熟桃味梳打，必然是日本直送的吧，桃味非常清新～可惜價錢略貴。..本人點的赤虎，賣相沒有非常特別，除了木耳和洋蔥配料外，濃厚的湯底也加了不少分數。而且好辣的我還是第一次吃日本辣拉麵感到滿足 另外就是第一次吃日本拉麵的配料是自打豬肉丸。特別歸特別，本人覺得還是配叉燒比較合適吧....可恨的是倒三角設計的碗，裏面的拉麵和湯的份量其實也不多。一般男士吃的話應該會不夠吃吧。..友人點的神虎精選，試喝了一口湯，可能是第一印象的關係吧，感覺到少少豬肉的騷味，還是比較喜歡自己的赤虎，辣味剛好蓋了豬肉的騷味。可是精選的那一塊豬扒真的非常吸引！..自家製的餃子果然質量也非常好，皮薄餡足！..事實上一般拉麵附有的叉燒其實質量也不差，是半肥瘦但又不會太油膩，雖然不太厚身，但是薄

這拉麵店來自大阪，以豚骨湯底馳名，在大阪已有五家分店。先講面條，拉麵麵條軟硬適中，也是蠻掛湯的，分量也十分足夠，絕對不會像其他拉麵般需要額外替玉。至於湯底，跟一般拉麵店一樣備有大路的湯底選擇，包括豚骨湯，海老麵豉湯，黑蒜湯及辣湯。個人推薦海老麵豉湯，食到濃濃海蝦鮮甜味。拉麵另一重點是叉烧，叉烧是西班牙進口豬肉，入口有濃烈豬肉鮮味，而且肥瘦適中。其他小食炸雞及餃子也是即叫即做，新鮮食材。值得推薦！一定要試

雖然都中意食拉麵，但唔算多食，今次相約友人食一間大阪過江龍店！呢度主打豚骨湯底，煲足至少 8個鐘頭，有幾款味道可選店內係用西班牙豬可以望住師傅開餐！黑虎  $93即黑蒜油湯底，每碗都已經有豬肉肉丸(店舖自己手打!)、木耳、叉燒。而呢碗就追加左精選配料(+$32)(包括：味付糖心蛋、極叉燒(豚腩肉)、味付筍、紫菜)。望落去湯底唔油，一試蒜味都幾重，不過黑蒜油就不多，但湯底好濃稠！唔係湯水咁簡單，已經煮到有啲杰，好厲害！而木耳同拉麵好出奇地夾，會索左少少湯底又爽口，至於佢既極叉燒(豚腩肉)真係不得不讚，有成2cm厚！仲要來用來自西班牙既豚肉，用左慢煮同炙方式去處理，一入口好嫰同鬆軟！一啲都唔韌，亦唔乾身，仲有少少微焦香，帶一點點肥膏，真係無得彈！而麵係算比較粗，麵質正常，唔會偏焾/硬，整體唔錯！海老虎  $98即係蝦湯底，呢碗就冇追加，蝦湯底既油膩度對比起以前食過果啲都算不油，但同樣湯底濃郁，蝦味頗出，亦唔會過咸，黑虎同呢碗都同樣岩我口味！神虎餃子　$42有驚喜！原本以為會普普通通，但佢既皮好薄好薄，有肉汁滲出，但個皮唔會被肉汁整爛，外皮又有啲焦，有水準既煎餃好滿足既一晚，飲哂啲湯底咁制，

今日喺 利東街附近, 發掘咗間幾好食拉麵店, 原來呢間拉麵店, 喺日本嚟到香港開分店, 過江龍應該質素不錯啦佢有幾種拉麵嘅選擇, 以顏色來區分, 黑虎就係黑蒜味道, 我個人鍾意重口味就, 點咗黑虎黑蒜拉麵首先食個煎餃子, 真係非常之正, 因為肉汁好多, 裏面再加啲蔥, 增添佢嘅味道, 煎到脆撲撲 有咬口黑蒜拉麵, 碗身係窄而深, 令到食到最後嘅溫度都保持不變, 呢個真係非常之細心, 嗰湯底香蒜美豐富, 再加埋洋蔥增加爽脆口感,  每一條麵條都掛滿咗香濃嘅黑蒜湯底, 食得雪雪聲係必需嘅, 因為真係好好食佢嘅豚肉非常之大塊, 差不多有手掌咁大, 入口非常之鬆化, 仲加咗兩粒免治肉丸添 一碗拉麵多種食材, 正呀

今時今日，相信聽到「過江龍」三字大家都會雙眼發光，因為覺得質素有保證～而這些過江龍通常都會座落於大街、大商場等人流暢旺的地方，而且有強勁的宣傳攻勢這天，在灣仔上班的朋友就說要帶我去一間大阪開過來的拉麵店。有別於其他過江龍，神虎麵商店位置小巷之中，比較低調，門口有個「神虎」燈籠原來神虎在日本有好幾間分店，而香港分店就只有這間，是由日本廚師主理呢拉麵有6款，全由「元虎」這豚骨湯底演變出來，當中「海老虎」更是香港限定神虎精選($118)：與「元虎」和「神虎」的湯底一樣，但配料就多很多！Menu上的單點配料，包括溏心蛋、極叉燒等，都一一放到拉麵上，胃口大的人不容錯過。奶白的的湯底豚骨味濃郁，鮮甜而不膩所有配料中最矚目的非極叉燒莫屬，厚切的豬腩肉有火炙的香、能輕易咬開、不油膩海老虎($98)：於「元虎」湯底中加入鮮蝦味噌便成了這個「海老虎」湯底，比「元虎」多了一份鹹香，但又不會成鹹，重口味的人應該會喜歡配料方面有基本配料（叉燒、豬肉丸、木耳），我另外加點了一隻溏心蛋。叉燒肥瘦比例恰好，吃到有豬肉的鮮甜味與別不同的是拉麵配有豬肉丸，質地不死實，而且加入少許蓮藕粒，帶來爽脆的口感。店員更附上一碟小辣

去朋友家看世界盃前，當然要去吃飽飽，否則半夜看到中途肚餓時就會很掃興，而昨晚我們就去了灣仔新開業的神虎麺商店。這裡的叉燒都非常吸引我，全都採用西班牙黑毛豬，一定很美味。和一般拉麵店一樣，食客可以先看餐牌，然後在下單紙自行填上自己想吃的東西。這裡有吧枱可坐，不過我喜歡跟朋友面對面吃飯，所以都是坐普通桌子好。拉麵配餃子，絕對是我最愛的組合。神虎餃子酥脆金黃的餃皮，光是視覺已贏了。接著一口咬下餃子，才咬到一半餃子湯汁就噴出來。餃子肉餡飽滿扎實，調味也剛剛好，鹹度適中，就算不沾醬汁也十分夠味，口中殘留滿滿的肉香。嘴饞的我當然想吃遍所有的拉麵配菜，所以包羅萬有的神虎精選拉麵自然是我首選。神虎精選拉麵包括味付筍，肉丸，味付糖心蛋，紫菜，木耳，蔥花，極叉燒及叉燒，用料豐富，拉麵更有140g之多，對於大吃的我來說份量剛好。神虎精選拉麵嚴選西班牙豚腩肉，肥瘦比例五比五，西班牙豬比較豐腴，油脂也比較多，符合肥美叉燒的味道。豚腩肉足足有2至3cm厚，無庸置疑真的很誘人。豚腩肉炙燒一下，入口後肥而不膩，油脂的部分在嘴裡慢慢化開，相當滑嫩。豚肩肉包保不會令人失望，光是尺寸已有我的手掌那麼大，儘管豚肩肉屬瘦肉部份

平時都鍾意自己一個人食拉麵，貪佢輕鬆得來又食得飽。昨日同朋友原本諗住去大王東街嗰間十分有名嘅麵包店，點知星期日唔開。正諗住走之際，見到隔離間拉麵店。決定入去一試。入到去，每張枱都放咗有檸檬角的冰水。大熱天時，啱晒啦。飲完杯冰水之後，就點餐。點左Menu上面最貴嘅拉麵餐，其實都係110幾蚊。來到之後，話咗一聲，上面有四種主要唔同嘅配料：兩款唔同嘅叉燒，肉丸，同埋蛋。簡單啲講，四款都係outstanding. 至於拉麵，口感適中，煙銀得來唔會感覺好濟。所有野份量亦都10分足夠。每次的日本拉麵店，薄薄地兩片叉燒就算數。一定會再返嚟。

今日和太太往神虎面商店食dinner, 我們點了元虎拉面, 海老虎拉面、神虎餃子和炸雞塊。海老虎拉面材料有櫻花蝦叉燒、肉丸、木耳、洋蔥和蔥花櫻花蝦食落惹味彈牙, 叉燒是用朱肩肉煮, 食落啖啖肉入口即熔, 手打肉丸肉質鮮甜味美, 很口感木耳爽口, 面條爽滑, 湯濃好香濃, 辣度適中,洋蔥和蔥花能帶出海老虎拉面的惹味, 而且拉面配上乾辣椒和蝦米一起食更能提昇面的惹味, 好足料美味的海老虎拉面；元虎拉面朱骨味濃, 面條爽口, 肉丸鮮甜, 叉燒食落軟腍, 木耳爽口美味, 整碗元虎拉面口感一流, 美味十足；神虎餃子煎得香脆熱辣辣, 肉汁鮮甜, 皮薄餡靚, 配上特製醬汁,醬汁酸酸甜甜有胡椒味, 能帶出餃子的美味；最後炸雞塊份量十足, 炸雞得香脆而不油膩, 肉質鮮嫩啖啖肉, 配上沙律醬食落開胃, 佐酒一流。餐廳座位舒適,拉面食落美味, 湯底濃郁, 拉面份量味道十足有水準, 神虎餃子和炸雞塊香脆而不油膩, 口感大滿足。我和太太食了一頓高質美味的拉面晚餐。