神燈海鮮酒家 (18廣場)

營業中

休息中

今日約左幾個靚女食飯, 大家肯定都覺得女仔都係鍾意食西餐架啦但係我地今日就去左神燈海鮮酒家, 因為大家都好想食下中式小菜店員向我地推介招牌菜係阿拉斯加長腳蟹, 會用佢既巨型蟹蓋做甲羅燒蟹膏然後再用黎沾上懷舊蝦多士黎食, 聽到都流哂口水但我地今次人丁單薄, 下次約多幾個朋友先試係等緊朋友期間就開定壺靚茶等佢地個咁靚既竹卷原來係飲品酒水既menu, 真係幾有心思, 好鍾意古式古香既野等齊人就睇下menu有咩食, 係樓下上黎果陣已經見到有師傅係度燒緊乳豬MENU上面有唔同既份量可以選擇, ,而店員就介紹我地食1/4豬就夠啦4個人食岩岩好, 每人3-4件, 呢個乳豬真係必點平時出面食既乳豬, 豬皮底下都會有層好厚肥羔, 同埋一定會連住D肉神燈既乳豬係唔會咁樣,  可以做到2者分開, 所以食落唔會油膩, 個乳豬皮好薄好脆而肉質好嫩, 唔會好咸, 真心正!!黎到海鮮酒家又點可以唔叫海鮮豉椒炒蟶子皇 - 火喉控制得岩岩好, 蟶子肉大大隻, 鮮甜無比油鹽水花甲 - 油鹽水煮更加突出花甲既鮮味, 花甲肉飽滿, 洗得好乾淨, 好新鮮唔會有壞死變臭既花甲, 鮮味十足, 精華所在就緊係個湯, 大家最後連個湯都

生日過後和一群女生友人一起吃晚飯的Happy Friday, 是沒有失望的晚餐！花甲，口水雞，乳豬及金湯海皇豆腐煲都好impressive! 口水雞的麻辣香味是慢性顯出來撲鼻，所以咀嚼過程是很難願意停的 (最愛之一)。花甲份量對我地四個女生黎講剛剛好，夠SHARE, 而且很新鮮, 而且MENU 所講的鹽油花甲就係海水味煮.我覺得這地方很值得再回頭，而且還要帶喜歡吃小菜的家人來就好了! - 我想像我果個兩個細姪女應該會對金湯海皇豆腐的反應很好 (最愛二), 這類小菜好適合老少咸宜一起送白飯食!最後: 而最不能少得今次一起開心SHARE 的蟹粥, 因為實在太心急而沒有圖, 但都是HAPPY FRIDAY 的太滿足之一呢, 可能對4個女仔同本身已經好多想食既小菜來講,食到兩碗已經到頂了! 

巨型椒鹽豬手 $46/件咁平嘅豬手，估唔到出現喺佐敦一間懷舊粵菜餐廳輔以江南蘇杭嘅古典風格裝潢，融合中式港式情懷飲品餐牌整到「聖旨」咁🤣 好有古代風格必點菜式：👉🏻椒鹽豬手 $46/件可以用刀叉🍴享受豬手，椒鹽味濃，香口，外脆內嫩，抵食夾大份！👉🏻神燈小炒王 $138出面簡單一碟菜都接近$100，小炒王有埋腰果其他配菜，比較抵食。👉🏻荷葉麒麟蒸雞 $138雞件經荷葉蒸非常入味，拎返屋企食都保存到滋味，仲有冬菇、火腿等配料，必食！👉🏻椒鹽杏鮑菇（小食）$58睇落好似炸薯條咁，但係其實係簡單用椒鹽爆炒杏鮑菇，開胃又美味，非常抵嘅一碟小食。👉🏻杏香海老丸 $128 炸蝦球，香脆可口，杏仁粒鋪面，甜咸交融，十分特別。茶錢$15/位、前菜$25 🌟fb/ig打卡、like即送甜點 - 馬豆糕🌟1人1件椒鹽豬手已經填飽個肚，仲有好多美食，最後食唔曬打包，返到屋企再食，仍然保存到滋味。📞可以whatsapp訂座

佐敦新開咗間中菜餐廳，座位非常闊落，裝修亦都俾人一種好舒服嘅感覺。一去到餐廳就好似俾咗一種私房菜嘅感覺，坐得好舒適嘅，見到好多台客都自己帶酒黎飲💗，同三五知己吹吹水。椒鹽茶樹菇，賣相非常吸引，因為茶樹菇本身菇味都比較香，炸出黎菇味更濃更香口，唔錯的餐前小食！燒乳豬（例牌）入餐廳嗰時已經見到有個師傅負責燒乳豬，見到師傅燒得咁靚，梗係叫黎試下喇！乳豬皮的金黃色燒得非常好，皮同肉師傅會幫你分開，乳豬皮好脆而肉亦都肥瘦適中，肉質嫩滑。砵酒焗鱔球，鱔肉夠厚身肉質彈牙，師傅炸得啱啱好。金橘醬燒蝦球，蝦球大大隻入口爽口彈牙，再配上金橘醬，正啊！椒鹽豬手，豬手大大隻，外皮炸得非常香脆，外皮雖然炸過，但係食落口肉質好滑，仲有好大量骨膠原添！

年三十晚同屋企人去左食。大家都有少少病，食得清d。叫左幾碟餸，都係菜為主，同埋湯，蒸雞。服務員好nice，全部野都幾好食，清得黎菜都好新鮮。蒸雞都好滑，湯好甜！聽日再去食！

得知佐敦呢頭開左間懷舊中菜餐廳，帶埋老豆一齊黎食返餐懷舊一下，環境衛生很好，入場都需要量體溫及消毒雙手！黎到中菜餐廳就緊係要飲靚湯啦！我就叫左「淮杞螺頭燉翅群」$268一鍋超大鍋既燉湯，超級足料，一鍋足夠6-8碗湯水金金黃黃，螺頭帶出既鮮味令整個燉湯超鮮甜好味！「水煮深海雪魚柳」$138我好鐘意食辣，所以仲特意要求加辣整體夠哂香辣川味十足，雪魚柳香滑嫩口，吸哂辣味超正，底層仲有透明個款麵條，食落煙煙銀銀滑嘟嘟，吸哂整個辣味超刺激！「蒜香燒雞」$168（半隻）面上鋪滿一層脆卜卜既香蒜，雞皮香口雞肉多汁嫩滑食落好有層次感，超惹味！「椒鹽豬手」呢一款食法真係第一次食，好創新食落仲好有風味，加上豬手肉質超膠膠的，感覺超有骨膠原！

Bad service, needed to wait 35 mins for a dish of vegetables, told them to cancel it for 3 times but no one responded including the manger and two waitresses. The price was very expensive and the environment was too noisy. We will never go there again

好友自美國國回來，當然要和他食餐好，由於他一向咀刁，所以我也不敢怠慢，就帶一班識食友好推介，位於佐敦新開的神燈海鮮酒家，他們更指明要我一定要點選阿拉斯加蟹，因為這裡阿拉斯加蟹可供兩食，那8吋闊巨型甲羅燒，更有專人在枱前即燒，雖然朋友們有推介我們吃柚子汁金錢雞及富貴版焗魚腸，但朋友真是不想和胆固醇成為好友，最後都是品嘗大家都覺得好味的粵菜。 最初朋友來到這家神燈海鮮酒家，還以為是昔日以價廉物美及懷舊粵菜為主打的神燈海鮮菜館，非也，其實這是一間全新的神燈，只是創辦人特別懷念童年時，常和家人到神燈海鮮菜館品嘗懷舊粵菜，特別以此為名來作一個留念。甫入店內就感受到的江南蘇杭的風情，環境舒適，當晚就點選了阿拉斯加蟹兩食，蟹逾4斤重真是斤量十足，那兩食就是「甲羅燒」及「雞油花雕蒸蟹腳」。 巨型「甲羅燒」超級的惹味，蟹蓋闊度差不多都有8吋，內裡放滿新鮮蟹膏、蟹肉、蟹籽及生鵪 鶉蛋等材料，由專人在我面前作堂燒，再加入清酒攪拌，將蟹膏的香味全數逼，未入口已聞到 香噴噴，淺嚐一口，質感幼滑的蟹膏，全數在口腔肉遊走，蟹味超濃、加上粒粒脆卜卜的蟹籽 ，非常的鮮香，好食到無得彈。一食就是「雞油花雕蒸蟹

呢間佐敦新開的懷舊粵菜，裝修古典舒適，⠀仲做足防疫措施，每位客人一入到去要先探熱同消毒雙手，咁就食得更放心❤️！⠀⠀💛椒鹽杏鮑菇⠀$58⠀覺得呢個賣相好似素食版的椒鹽鮮魷咁😂⠀杏鮑菇炸得好香脆，係不錯的小食😋⠀⠀🦐懷舊蝦多士⠀$158⠀依家蝦多士真係比較少食到，⠀仲要唔係用蝦膠而係用上鮮蝦，蝦肉彈牙,⠀⠀而多士就炸得好香脆，入口鬆化！正呀！⠀⠀🧡四頭南非鮑伴玉掌⠀$168/位⠀以四頭的鮑魚，份量都不少，⠀南非鮑加上鮑汁，好彈牙同好有鮮味，⠀加上玉掌同鮮嫩的豆苗，很不錯呀😉⠀⠀🐷椒鹽豬手⠀$92/件⠀豬手超巨型，外皮以椒鹽炸得香脆，⠀好惹味入面的肉就好嫩，仲有好多骨膠原😝🍲金湯海皇豆腐⠀$138⠀豆腐加上多款海鮮同鹹蛋黃去煮，⠀材料好豐富，好惹味，啱晒送飯☺️👍🏻⠀⠀💖甜品⠀最後仲送上免費的糕點作甜品，有奶黃玫瑰糕🌹同紅棗糕，2款都煙煙韌韌啱唒我呢d煙韌控，特別鍾意奶黃玫瑰糕，賣相精緻，仲好香奶黃味😝⠀⠀🎁食飽後仲送左支100ml的法國搓手液俾我地，都幾大支架，好實用好窩心呢☺️！⠀⠀

抗疫期間，除返工外；每天總是躲在家中，真係悶到發慌！難得友人邀約；來個三數好友飯聚，當然樂於赴約！位址前身是「新xx」，甫上樓便見這自助體溫探熱 / 消毒區，在這非常時期，除了自求多福外、更加要自律呀！竹簡造型的酒水餐牌有夠特色！搞手早已預留了大部分主食，那就先點一些前菜墊墊胃吧。冰鎮海蜇頭～滑溜爽脆帶微酸，令人忍不住一口接著一口；沙薑豬手粒～膠質豐富、煙韌帶脆口，沙薑味調配得宜，不會過濃；搶了主角的風頭。椒鹽雙菇～即杏鮑菇和茶樹菇，香脆惹味，送酒一流。燒乳豬(半隻) ～這裡的是「皮肉分離」Style， 極薄的乳豬皮脆如薯片，甘香鬆化，沙糖或海鮮醬各有擁躉，我則更喜前者。肉的部分也嫩滑，果然是店家的名物。阿拉斯加蟹巨型甲羅燒(新派兩食)～重逾4斤、闊8吋的阿拉斯加蟹，蟹殼內藏鮮蟹膏、蟹肉、蟹籽、鵪鶉蛋，注入清酒燒煮；啖一口；蟹香四溢、每口盡是蟹之精華！懷舊蝦多士～這個是昇華版 - 蟹膏蝦多士；滋味更豐！大家不妨一試。第二食是「雞油花雕蒸蟹腳」，花雕與蟹的味道本已非常匹配，而雞油的油香更能將蟹肉的鮮味提昇，記得要快吃，勿錯過最佳時機！糯米炒膏蟹～很多食肆會將米先蒸後炒；以期節省

2月29日，四年先有呢一日，各大餐廳都推出唔同優惠慶祝呢個同世界盃奧運等一樣要等四年先發生嘅日子。當中最平嘅莫過於呢間新開嘅神燈海鮮酒家，一連七日$29有碟生焗珍寶蜆。可惜嚟緊七日都不在香港，無緣試到呢個優惠。如果你在網路上都見到呢個優惠，亦都有興趣試呢間餐廳，我會推介你食埋餐廳其他優質的選擇。當然如果你只叫一碟生局珍寶蜆都冇辦法。還記得兩星期前吃過的乳豬和阿拉斯加蟹，絕對令人印象難忘。可能因為之前呢鋪頭位喺某名店嘅關係，乳豬做得不失禮，豬皮脆到不得之了，乳豬幾肥美，下面嘅肉都唔輸蝕，交出亮麗成績。店員選了一隻超大隻嘅阿拉斯加長腳蟹俾我地，我哋選擇咗兩食，第一式係花雕雞油蒸，第二食係蟹蓋甲羅燒。首先，花雕雞油蒸放上枱你已經聞到強烈酒香，那股香係好令人期待，蟹腳蟹肉正就不在話下，只要隻蟹夠靚就得，但係呢度嘅花雕和油香比例濃度剛剛好，只不過不好的是無陳村粉係底，如果唔係，呢個分分鐘好食過大班樓。不過，最正嘅係嗰啲花雕雞又除咗可以用來送飯之外，佢更加可以幫你將花雕雞油整個炒米粉，估唔到呢個黃雀在後更加好食，更加出色。係你面前整嘅甲羅燒，主角有蟹肉，蟹膏，蟹籽，蛋，係你面前撈埋燒呀燒，呢個野又

武漢肺炎來勢洶洶，外出飯聚次數銳減九成九，試菜局近乎完全消失。取消...... 延期...... 世界好像停頓了，到底這個狀況還要維持多久? 天曉得。傳說，摔一摔神燈，便會有精靈走出來，幫忙實現願望。唔知盞神燈，係咪係佐敦呢度? Anyway，來吃番餐，也好。    妥善放好口罩、用消毒水搓手、清洗餐具等一連串防護動作後，便可起動。先來幾款冷盤，清爽醒胃的涼拌海蜇頭，厚肉脆口，相信是舟山的貨色。在毫無防範的情況下吞下麻辣肚絲，刺激得幾乎標眼水，其實，係有水準的川味小食。涼菜還有沙薑豬手，已切粒，吃起來更方便。豬手皮豐肉不韌，汁醬清爽，配埋沙薑，是幾款冷盤之中，我最喜愛的一道。椒鹽雙菇亦做得有板有眼，鬆脆惹味，尤其金菇那邊，難度其實甚高，令本身不愛吃金菇的筆者，也破例可吃幾條。這位置的前身，是做燒豬做到街頭巷聞的新斗記，令人不其然地想吃乳豬，原來這店亦有供應，不妨來半隻。脆卜卜的芝麻皮之下，是沒半點肥羔，唯肉是咸了些少，醮點砂糖吃會比較好。大家在家坐監坐得耐，總想吃得豐富些，有興趣整隻阿拉斯加蟹，按廚師的推介，兩食。第一食是甲羅燒，在中菜館吃甲羅燒，還要是阿拉斯加蟹蓋，真是首次。剛燒起的

新開張既懷舊中菜廳其實比起食日本菜同西餐我更加鍾意食中式小炒呢度企企理理又多選擇真係岩晒我 Menu都別致過人～好有格調✅四頭南非鮑伴玉掌紋得好淋～吸晒醬汁既味道✅滷水拼盤有豬肚，豬大腸，鴨翼個人唔太好，但屋企人話正，我就覺得底下既豆干好好味✅錦江海鮮豆腐煲呢個煲有晒我的最愛，有帶子，蝦，西蘭花同豆腐，樣樣都好新鮮✅雲耳百合鮮淮山淮山近年興食新鮮既，唔係好多地方有得食，清清地炒百合同荷蘭豆唔錯✅招牌炒米粉最欣賞係個炒米粉條條分明唔油膩仲要有好多蝦添✅椒鹽豬手呢個既招牌菜，好好味但真心邪惡

今日跟親戚聚會，表姐介紹下，我們來到新開店的神燈海鮮酒家吃晚餐。表姐介紹這間餐廳是有原因的，一: 餐廳的衛生做得很好，到達餐廳的每位客人勻要量體溫和消毒。二: 服務員也一樣要 量體溫和消毒。三: 網上的評價不錯，所以我們便來光顧。燒乳豬 $178聽聞是即叫即燒的燒乳豬，可以選擇 例牌丶半隻或一整隻，乳豬片很薄很薄，很香很脆，片跟肉已經切開，豬肉連著大量脂肪，四人選例牌燒乳豬已足夠。啫啫生菜煲 $108鹹香十足的啫啫生菜煲，鑊氣十足，服務員不斷翻炒，生菜撈滿醬汁，但有點偏鹹了，配白飯會好啲。魚香茄子煲 $88我們一共叫了三個煲，魚香茄子煲好足料，茄子切成幼條，和肉碎一同入口，好惹味好好食!錦江海鮮豆腐煲 $128第三個煲是海鮮豆腐煲，海鮮有不少帶子片，豆腐吸收醬汁精華，三款小菜都好食呀。

神燈呢個咁阿拉伯嘅名，竟然係一間中菜廳？今次介紹一間新開張嘅懷舊中菜酒家，裝修同服務都比一般酒家好，而食物都高質，好適合成班老友聚一聚 。首先揀茶聽到有玄米茶已經覺得幾正，飲埋真係夠濃香～封面圖係椒鹽魷魚鬚，比起平時食到嘅香味同肉質都更好，值得推介！另外杏香海老丸係平時果種中式炸蝦球但加咗杏仁，層次更豐富；而巨型椒鹽豬手整法好特別，夠肥美好邪惡！另外佢地燒雞同燉湯都係一流嘅！總結我認為係好有誠意嘅中菜，大家可以一戰