神燈海鮮酒家 (18廣場)

營業中

休息中

早陣子想搵間油尖旺既食店，要坐得舒適，又要好味，於是俾我搵到“神燈“。見食評5差，加上有朋友剛巧食完也讚賞，於是我又係openrice book 位兼買咗1張飲食券 (可以慳$50)。食店話有2層，但我覺得地下果層應該5係招待客人，實則只得1樓係營業。由於時間尚早，6pm，只得1-2枱客。我地7條分2枱，有塊膠板隔住。不過我果張同隔離枱就貼住，只靠一塊垂下來的膠幕分隔。好彩我地食到差不多尾聲才有人黎坐，才無咁擠迫。講返服務，員工們有禮，動作勤快。上菜90%都好快，只係最後一道慢咗d，可能要即燒，要點時間吧~首先每枱一碟前菜。。。炸白飯魚 ($25)跟住由我發板：1. 金湯海皇豆腐 ($138)：砂窩上，豆腐滑到跟百福一樣，我只搵到帶子粒，其他海皇材料就5多覺2. 百花炸釀松葉蟹鉗 ($58/隻)：好味。雖然貴咗d，但物有所值。蝦膠蟹肉真係好口感~3. 砵酒桶蠔煲 ($198)：有6隻。香氣濃，很入味~隻隻都幾大隻，煮得剛好。4. 香茜蟹味銀絲鍋 ($98)：坦白講，我覺得呢個太普通，顯現5到廚師功架。有少許蟹肉絲炒粉絲，然後再灑蟹籽。5. 叉住韓豬燒 ($228)：每嚿都差不多半吋厚，

神燈？我細細個就聽過哩個名啦！前排上網見到神燈重開 真係忍唔住要試🙌🏻新神燈依然都保留左傳統粵菜同埋生猛海鮮嘅賣點 唔同嘅係佢哋多咗好多特色小炒！店內裝修以江南蘇杭典故為主題 平日人流都唔少 大家去之前記得book定位👍🏻·星洲麥皮蝦 $248第一次試呢道新加坡名菜 估唔到有成6隻大蝦！未食已經聞到勁大陣香味 大蝦已開邊處理 食落啖啖肉 仲有滿滿蝦膏👍🏻麥皮炸得香脆 可以媲美炸蒜 好特別嘅效果 唔錯唔錯！·伊比利亞叉燒王 $228賣相好吸引 望落飽滿有光澤 呈半肥瘦紋理 叉燒頭尾仲有焦香嘅「燶邊」仲要切得厚身👍🏻食落夠哂juicy軟滑 肥Glor都忍唔住WA左一聲啊！·百花炸釀松葉蟹鉗 $58/隻食落似即叫即炸 熱辣辣+卜卜脆 炸粉唔會好厚 表面亦唔會好油膩 一啖咬落去仲有淡淡鮮甜彈牙嘅蟹肉 食到中間仲夾雜左啲蟹鉗肉 掂！·石澳梅菜蒸菜心 $108梅菜預先炒過 鑊氣十足 再鋪上菜心面 香氣逼人 菜心亦十分爽脆多汁👍🏻·滷水拼盤 $178（掌翼、豬大腸、豬肚）值得一讚嘅係全部內臟都洗得好乾淨唔會有異味 份量都唔少 食落好惹味 唔會好韌！·杞子桂花糕最後員工仲主動贈送甜品 桂花糕晶瑩剔透

神燈呢間中式酒家我成日都會係d food blogger見到，本身自己唔太鍾意出街食中菜，所以見佢地d相好吸引，就好想去試下呢度地方比我想像中寬敞，裝修都幾古色古香，連酒水既餐牌亦都有花心思製成，非常別緻手搖溏心皮蛋溏心皮蛋真係流心架，皮皮外層通透呈淺啡色，沒有好濃烈既阿摩尼亞味，配酸薑一齊食真係好夾椒鹽白飯魚白飯魚炸得鬆脆，加上椒鹽就更加惹味紅燒乳鴿隻乳鴿唔知係咪唔記得左醃，完全淡而無味，點喼汁食都無咩味，仲好瘦無咩肉又炸得過老，好難食法式蜂蜜芥末蝦球啖啖肉既蝦球食得出係急凍蝦，法式蜜糖芥未醬係好食但都蓋過唔到個陣好重既梳打粉味道，失望蜜椒金薯牛肝連牛肝連肉質軟腍，肉味濃郁，薯仔粒泡油再加上蜜椒汁，成碟甜甜辣辣，送飯一流食物我就覺中規中矩，唯獨是侍應好有禮貌，呢點值得加分

❣️小公主神燈美食之旅❣️話說我同爹哋每個星期都會抽時間每個小朋友都獨立帶佢哋出街食飯行街一日😍有邊個小朋友唔鍾意獨霸爹哋媽咪吖😆今次我同爹哋就帶小公主一齊嚟到佐敦呢間神燈海鮮酒家食晚餐🥰小公主一坐低嘅時候已經好興奮因為呢度個餐牌好得意！係用竹卷做成嘅餐牌🌟最後我哋揀咗四個餸同埋一個小食🌟伊比利亞叉燒皇爸爸食咗一嚿之後超級興奮望住我同我講！嘩呢度啲叉燒點樣整㗎點解個味道咁正㗎！我唔係廚師我都唔知點整😆好食就食多幾舊啦😋😋呢度嘅叉燒入口鬆化，醬汁滿佈叉燒每一個角落！食落去甜甜地好好味，油脂分佈得好平均，係超級靚仔嘅半肥瘦！層次分明😍😍點算啊我哋之後食唔番咁好食嘅叉燒點算吖🤪好啦好啦爹哋我哋下個星期同阿哥再嚟食多次😁🌟星洲麥皮蝦 新加坡超級出名嘅菜式🇸🇬太量香脆麥皮包裏面收埋咗6隻超級大隻嘅新鮮大蝦🦐每一隻大蝦都肉質鮮甜爽口彈牙😍😍爹哋就練歌連個蝦殼都啜到舔舔脷😜🌟百花炸釀松葉蟹鉗 大家睇吓張相放喺小公主側邊嘅對比就知道呢個百花炸釀松葉蟹鉗有幾大隻🦀外層炸到超級香脆！一啖咬落外層卜卜聲😁超級正！裏面嘅蟹肉彈牙質鮮😍🌟翡翠珊瑚炒帶子呢一味係爹哋嘅最愛珊瑚份量都好多而且超級爽口，帶子大大粒仲好有厚

同朋友經過佐敦，打開OpenRice睇吓有咩餐廳，見到呢間餐廳幾多好評就一於試吓啦。.餐廳環境幾好，最驚喜係竟然有熱玄米茶供應，啱晒我心水。我哋兩個人叫咗三個餸其實都食唔晒，因為份量都算大。.南乳脆香骨未叫之前以為好似京都骨嗰啲係一字排，點知上到嚟係豬扒啖啖肉，不過就有少少油膩。滷水豬腳仔豬腳仔好稔，都煮得幾入味。潮式川椒雞煲唔係用個煲上菜有少少失望，開頭以為道餸會有啲辣，因為見佢寫係川椒，但其實冇咩辣，可能係配合返本地人口味？整體黎講三道餸不過不失。

第一次光顧，食物很有質素，很滿足的一頓晚飯。點了以下三道菜，全部都好好味。麥皮蝦义燒王啫啫生菜煲全部都好好味還有很多推介菜式未試，一定會再來。😋😋😋😋😋

03-04-2021 今天復活節假，相约了朋友到佐敦神燈海鮮洒家吃點心放題，座位都座得舒服，待應服務都好好，點心款式都多，我們叫了必試的點心，蝦餃，同平時茶樓吃的有分別，特別大粒，入面真的蝦真的大隻，很爽口同彈牙，很滑身，燒賣，同樣特別大粒，入面的蝦同樣大隻，很爽口同彈牙，豬肉，特別濃香豬肉味，鮮蝦腐皮卷，腐皮炸得很脆，一咬口真是唰唰聲，很平均，件件都炸得同樣大細，入面的菜很鲜甜，上湯炸雲吞，又是很特別，平時茶樓好少吃到，上湯很鮮甜，雲吞炸得很實，就算點完上湯吃，仍能保持脆

❀ 神燈海鮮酒家 #佐敦 ❀❗️超高質激惹味中菜小炒 仲有罕見焗魚腸麥皮蝦❗️——————————————————獲得唔少報章雜誌推介🔥原來「神燈」係曾經喺佐敦上海街當紅一時晚餐熱點，可惜前幾年不幸結業。而家新開張嘅「神燈」係由當時舊街坊重開，希望讓大家重拾當時嘅風味。背後班底同埋菜式都同當年嘅「神燈」不一，但就保留左幾度最主打嘅菜式，包括越嚟越罕見嘅焗魚腸，另外亦加入唔少改良過的新派中菜😆雖然格局同普通酒樓冇太大分別，但味道真係好出色，款式亦比一般酒樓更加多，值得一讚係連服務態度都好好，同平時去開嘅酒樓有好大分別！無論係年輕人定係成家人去都適合。.✷𝑀𝑒𝓃𝓊✷☞ 招牌焗魚腸 $108 (4.1/5)初嘗焗魚腸，真係一道香港買少見少嘅菜式！見到餐廳嘅報章介紹係佢哋嘅招牌之一，果然唔錯🥰！其實係一道香口嘅焗蛋，不過加入埋魚腸、魚肝、豬肉絲、油炸鬼，再用上少許陳皮調味。而且佢哋仲用上更高級嘅材料，包括日本雞蛋同埋15年嘅陳皮，係一道值得一試嘅菜式🔥！.☞ 農家煙燻黑豚叉燒 $228 (4.5/5)好香好香嘅叉燒😍！大約三分之二瘦肉、三分之一肥肉，入口非常之腍，油香比例剛剛好。加上香甜嘅蜜汁，味

之前黎過呢開店名相當特別既酒家食過午市已經覺得相當出色,今次趁住母親節前夕帶媽媽黎慶祝.伊比利亞叉燒皇伊比利亞豚肉充滿濃香既飽果脂肪.豚肉既肉質鬆化而且豚肉香而不燥,帶淡淡榛果香.入口中間帶點肉筋但充易咬開,不影響口感而且增添肉彈牙既口感.叉燒汁富焦糖香,密汁濃醇香甜,配上叉燒相當合襯.百花炸釀松葉蟹鉗炸蟹鉗大大舊,以蟹鉗串起蟹肉棗賣相相當吸引.蟹肉炸得乾身,咬入口唔會油淋淋.內裏蟹鉗肉香彈鮮甜,充滿蟹及蝦鮮味.同時入口唔會感覺麵粉多過蝦肉及蟹肉,真材實料.星洲麥皮蝦採用肉質爽彈又濃蝦味既大蝦爆香,蝦肉鮮甜而且帶點蝦羔香.配上香甜既麥皮加以炒香令蝦肉吸入一陣麥香味.同時帶出少少奶香味,香甜惹味.金湯海皇豆腐以砂鍋盛上,豆腐切成方形並配以草菇,蝦仁及帶子令豆腐味道唔單調,帶提鮮作用.豆腐相當嫩香滑溜.調味方面加以鹹蛋作芡汁,質感濃稠得黎又帶鹹香感.金茜蟹味銀絲鍋以熱鍋送上,揭起鍋蓋迅即感受到一陣蟹香鮮味由鍋內散發出黎.平時最怕粉絲鍋因怕黐底而落得過多油份,但呢到做得相當有水準,粉絲晶瑩,乾身而唔油膩.粉絲吸晒蟹肉鮮味包芫茜獨物香味.粉絲間亦充滿粒粒蟹籽,增加一陣陣爽脆口感.

🍽神燈海鮮酒家📍佐敦長樂街14-20號18廣場地下及1樓其實小編都幾鐘意食中菜🥢一大班人去酒樓食飯傾下計都可以好有feel今日我地來到佐敦既神燈海鮮酒家🤩小編覺得以酒樓來講佢算偏貴🧐但野食真心高質好有水準😋我地最鐘意就係佢地既百花炸釀松葉蟹鉗係小編食過咁多間酒樓入面最好食既👍炸出來好鮮新鮮熱辣 而且中間仲有啖啖蟹肉🦀我地都試咗個伊比利亞叉燒皇貴就貴在佢地係用西班牙既豬🐷不過小編兩位都係偽健康人士叉燒對我地來講有點heavy🤰星洲麥皮蝦個賣相好得 而且仲要隻隻都係大蝦🦐但我地特別推介金湯海皇豆腐豆腐真係好滑 而經且調味岩岩好😋食完仲有飯後甜品附送以中菜來講真心高質😍😍加上地方闊落坐得舒適 好岩一家人一齊來食⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ✄ ⋄ ⋄ ⋄ ⋄ ✄ ❝我地食咗咩? ت ❞☞ 百花炸釀松葉蟹鉗 $58/1☞ 伊比利亞叉燒皇 $228☞ 星洲麥皮蝦 $248☞ 金湯海皇豆腐 $138☞ 啫啫生菜煲 $108

最近成日食日本菜，鍾意食中餐的男朋友開始詐我型🤣所以搵咗位於佐敦的神燈海鮮酒家滿足一下佢一入門口已經看到師傅係火爐邊燒乳豬，心中已經默默決定要試一試燒味，侍應好快就安排我哋到樓上入座，環境寬敞坐得舒服，唔係一般舊式酒樓咁逼夾伊比利亞叉燒皇- 用上來自西班牙伊比利亞黑毛豬，脂肪均勻肉味濃郁，蜜汁燒得帶有一點燶邊，的確係一舊好叉燒荷葉麒麟蒸雞-好少酒樓有依個餸食，因為手工菜處理比較麻煩，荷葉清香金華火腿鹹香再加上雞肉嫩滑，鍾意食蒸雞的朋友可以一試星洲麥皮蝦-兩個人叫依個餸真係有啲後悔⋯⋯因為真係好大隻蝦，幸好麥皮蝦夠香口又大有少少辣，食下食下就ko成碟百花炸釀松葉蟹鉗-絕對係個人私心所以要叫兩隻，因為我真係好鍾意食炸蟹鉗 👯‍♀️成晚食咗好多平時好少機會食到菜式好滿足呀

今日帶媽媽出去食飯，所以專登揀左一間佢啱食既中式酒樓。酒樓既裝修古色古香，座位亦闊落。餐牌上面既選擇非常多，聽完店員推介之後，我地就揀左哩幾樣。🎈金湯海皇豆腐 $138配料好多，有海蝦粒、小元貝、草菇、西芹等。湯羹濃稠，豆腐非常滑溜，唔係煲湯用既硬豆腐，飲落去有咸蛋黃香，唔會過咸，仲有少少鮮味，超推介哩個👍🏻🎈鮮茄龍蝦湯泡飯 $168泡飯份量勁多，亦係相當多配料，附加一碟脆卜卜既炒米，食既時候先落，會更有口感。湯既蕃茄味非常濃，入口酸酸甜甜，好開胃。🎈百花炸釀松葉蟹鉗 $58/隻蟹鉗size有大半個拳頭咁大！佢係用新鮮既蝦膠包住松葉蟹鉗，真材實料。蟹鉗外表金黃，入口鬆脆，蝦膠新鮮，爽口彈牙，夠鮮味。🎈伊比利亞叉燒皇 $228叉燒係厚切，塗上麥芽糖再烤，味道微甜，肉質係半肥瘦，入口鬆化，有咬口同油香，好食推介👍🏻🎈星洲麥皮蝦 $24哩道菜真係第一次見，每隻蝦都勁大隻，而且已經開邊處理。味道方面，好重牛油香同胡椒味，鮮蝦肉質結實，非常新鮮，加埋炸好左既麥皮，口感特別。🎈桂花糕 有淡淡既桂花香，味道清甜，可以一解飯後既油膩感。💰茶錢每人$15，餐前小食$25整體黎講，哩間酒家既食物質素真係幾

朋友推介佐敦有間幾好食既中菜廳，今日放假就帶埋家人去食，門面都貼上好多poster有關餐廳既採訪，都比較有名氣👍🏻菜單都幾有氣派，用上竹去做，其實係飲品menu🤣鮮鳳梨咕嚕肉 $118咕嚕肉炸得非常夠火喉，而且醬汁做得好好，唔會話太稀，不過略嫌炸粉厚左少少🙈黑松脆米海皇炒飯 $128好食既炒飯真係好難遇到，今日真係好驚喜🥰飯炒到一粒粒，而且色香味都齊晒，黑松露味適中，唔會遮蓋其他海鮮嘅味道，而且炒飯非常足料，每一啖都可以食到唔同嘅材料，值得一提嘅係炒飯入邊加咗脆米，增加左口感，整體在昇華左一級，真係好耐未食過好食嘅炒飯🤤姬松茸滑雞煲 $168店員打開煲蓋再幫手將雞煲既材料及醬汁撈好，煲入面發出「吱吱渣渣」既聲，加埋雞煲散發出好香嘅姬松茸味，真係口水都流埋😋雞係煮到岩岩好熟，肉汁好夠，菇菌亦好林滑軟身。叉燒 $228食中菜不能不點叉燒，燒得好靚，每一件就是滿滿蜜汁，燒得少少燶邊，肉汁豐盈😍仲有蘿蔔去清一清口腔麥皮蝦 $248第一次食麥皮蝦係新加坡，冇諗過麥皮都可以有呢個配搭🤣蝦大隻爽口，配搭麥皮感覺唔會太油膩同埋健康d

今日book左係佐敦既神燈海鮮酒家同屋企人小聚，上到一樓就發現環境好大，旁邊有卡座、中間有圓桌，想要私人空間更有貴賓房，裝潢雅緻，坐得舒適，店員服務都唔錯，多人服務之餘，經常為我們換新碟👍🏻茶位$15/人，前菜$25一小碟，合桃味道不錯，但比較碎豉椒炒蟶子皇 $240 8/10用蟶子殼疊成井形去盛載肥美厚肉蟶子，一黎就比豆豉的香味吸引，蟶子好爽口☺️鮮味十足，豉椒汁不會過濃，仲配搭燈籠椒的甜味，非常不錯星洲麥皮蝦 $248 7/10外型有點似避風塘炒蟹🦀但呢道菜就唔辣，同埋用左大量麥片包住大隻海蝦，海蝦入口酥脆香口，新鮮彈牙，麥片呈金黃色，不過就冇想像中咁脆，整體唔會好油膩😋百花炸釀松葉蟹鉗 $58/隻 7.5/10比起一般係飲宴食到的炸蟹鉗大隻，不過味道就冇太大驚喜，食唔到松葉蟹肉，但炸得出色，炸至金黃色🤣夠乾身之餘，冇油淰淰既感覺，蝦膠爽彈，沾少少甜酸醬食相當滋味伊比利亞叉燒 $228 8/10伊比利亞叉燒出名肥瘦適中，做叉燒一流，一夾起叉燒已經滴緊燒汁，令人垂涎三尺🤤微燶的邊位火候十足，肉質幾鬆軟細緻，不過未去到入口鬆化

📍 神燈海鮮酒家唔知係咪人大左會鍾意食返中餐，happy friday同C先生係唔知食咩好，覺得好耐都冇去酒樓，就去左位於佐敦既神燈海鮮酒家。環境寬敞，坐得幾舒服。➖➖Dinner menu有好多選擇，令人眼花撩亂。經精挑細選之下，選了以下菜式。➖➖📌 星州麥皮蝦 $248係香港都食到新加坡名菜，好足料，足足有8隻大蝦，麥皮炸到脆卜卜，增添口感，蝦肉爽口彈牙，味道帶點點辣，好有東南亞風味，非常惹味。➖➖📌 伊比利亞叉燒王肉質好軟淰，叉燒味道突出，非常香口，又唔會太油。外層蜜汁甜度亦啱啱好，而且每一舊都有小小燶邊➖➖📌 百花炸釀松葉蟹鉗 $58隻炸蟹鉗Size 比雞蛋還要大粒，用上新鮮蟹鉗，充滿鮮味，打得 "起交"好彈牙。➖➖📌 香茜銀絲煲 $98粉絲啱用嚟炒，炒完夠乾身爽口，條條分明。加埋芫荽仲更加香口。➖➖📌 啫啫生菜煲 $98個煲已經係熱辣辣咁上檯，用上蝦乾、三色椒一齊炒，帶有蝦醬鹹香，生菜新鮮爽脆。➖➖ 📌 金磚豆腐 $58炸得外層酥脆，內裡嫩滑。豆腐粒粒都咁的骰，仲有椒鹽增加口味➖➖地址：佐敦長樂街14-20號18廣場地下及1樓➖➖人均消費：$200 (subject to