神燈海鮮酒家 (18廣場)

營業中

休息中

老友早前說想去#佐敦 呢間#神燈海鮮酒家，食下佢地嘅招牌菜式，於是就book左今晚去品嘗囉☺️。點左蜜汁叉燒，望落去己覺得對辦，味道很正宗，肉質有咬口且鬆軟，蜜味十足，送飯絕對一流☺️。呢款黑松露玻璃燒鵝, 唔好睇佢個皮黑黑的，實際個味道調較得很美味，皮香肉嫩，黑松露味剛剛好，仲有個甜酸醬，點埋仲惹味😋。豉汁蒸大魚頭🐟，魚頭有補腦功效，見到呢度有都即時點左。魚頭很大個，新鮮又滑滑，個豉汁唔咸又惹味。招牌菜嘅糯米炒膏蟹, 老友就係為左呢個而黎的，真係香到不得了，原隻蟹跟糯米飯一併蒸煮，蟹🦀️很鮮甜, 蟹膏溶入糯米飯內，令煙韌的飯充滿了鮮味，食到最後仲有飯焦添架。餐廳食物質素高，坐位闊落坐得舒服😌，店員服務都幾好👍。

一向都中菜都情有獨鍾，特別係啲鑊氣小炒嘅中菜館，今日二訪神燈，貪佢價錢抵食，環境乾淨企理，所以嚟親都好多人。.今次再嚟，除咗嚟探下個蟹飯之外，我仲嚟探下隻鵝😂 知佢哋出左個黑松露玻璃燒鵝，外皮黑黑的，但肉質鮮嫩，一於同朋友嚟品嘗品嘗。.嚟到一定叫佢哋招牌菜😎.1/4隻 黑松露玻璃燒鵝有型士黑皮鵝，黑松露玻璃燒鵝，可以叫1/4隻，兩個人食好滿足，職員行緊埋嚟已經有陣陣松露飄香，以黑松露醃製，鵝皮有濃濃松露香味，燒鵝肉質粉嫩，入口帶少少鵝酥味，再沾上秘製松露醬，更加一流😍.伊比利亞叉燒皇🐷肥瘦適中，叉燒太瘦會好柴，帶少少脂肪就啱啱好，又唔會一口油，呢度叉燒係自己燒，唔係外面交嚟，而且即叫即燒，肉質可口，有啲燶邊，完全合我口味👍🏻.糯米炒膏蟹🦀發夢都掛住嘅糯米炒膏蟹，原隻膏蟹同糯米一齊烹飪，食嘅時候跟蟹膏撈勻蟹🦀️油已經浸入糯米飯入面，再拌勻蟹膏，味道更加升華。.干扁四季豆用肉碎炒四季豆，不油膩，入口爽脆 😎.椒鹽雙菇茶樹菇+金針菇，酥炸後椒鹽，香脆可口，作餐前小食無得頂😂.奶凍 + 桂花糕自家制奶凍，奶味香濃口感軟滑。桂花糕爽口彈牙，好香桂花味。.整體食物有水準，侍應有主動換碟，冷氣好夠😂

踏入兔年, 立即相約好友食開年飯, 以豐富中菜迎接食神! 佐敦神燈海鮮酒家推出期間限定的「$1,888 兔氣揚眉『魚蝦蟹』富貴宴」套餐, 菜名有意頭, 而食完還可以搖骰玩魚蝦蟹, 有機會享用免費菜式. 先來一個別緻的葫蘆, 內藏招財進寶八爪魚、柚醋舟山海蜇頭及手拍青瓜、古法金錢雞. 古法金錢雞是一道手工菜, 做法繁複, 雞膶瘦肉醃入味後, 先炆煮後火燒, 而豬肉經長時間釀味及多重燒製後，肉汁味濃濃厚.  海蜇頭以上乘柚子醋醃製, 特別開胃. 八爪魚是內有乾坤的, 釀入甜菜及酸蘿蔔, 味道及口感均特別. 生炸黃油農圃雞, 炸得乾身香口, 皮脆之餘肉質仍嫩滑有汁, 超讚!!年年有餘, 賀年菜當然要有魚~ 約一斤重精品虎杉斑以清蒸烹調, 魚肉鮮甜彈牙~ 星洲麥皮蝦是新加坡名菜, 以特選麥皮、牛油與原隻大蝦一同炸香, 連殼也十分香口, 啖啖肉, 咸甜有緻, 好惹味!糯米炒膏蟹是神燈的招牌名菜之一，膏蟹大約14兩至1斤, 夠肥美多膏, 糯米吸了蟹汁精華, 寧舍香甜, 糯米飯的精髓要夠乾身, 是否掌握得來就要看師傅功架. 我地也額外點了黑松露燒鵝(半隻)及伊比利亞叉燒例牌.  第一次食黑松露燒鵝,

有朋友從外國番嚟， 一班人相約神燈！鮮沙薑豬手粒 $88 ：冷盤，沙薑味香，豬手口感爽口。不過話就話係豬手粒，其實只係將豬手斬細件D，都係要自己lun 骨！！椒鹽魷魚鬚 $98：粉漿算薄，但魷魚鬚比較細條，椒鹽味唔太夠！法式蜂蜜芥末蝦球 $168：蝦球大大粒，啖啖肉，雖然係油炸，但醮咗法式蜂蜜芥末醬之後，甜甜酸酸，一解油膩感！配搭得唔錯！金湯海皇豆腐 $138：質素一般，份量偏少，豆腐算滑GE，金湯味道濃郁，不過成煲都係得Ｄ豆腐、菇，唔划算！大富豪炒飯 $128：炒飯炒得幾香，有D蛋白、蟹籽、菜粒、貌似蟹肉，粒粒飯炒得有咬口，口感唔會好綿！者者芥蘭煲 $118：一開煲香氣四溢，芥蘭非常入味，口感爽脆，不過份量偏少！朝日啤酒 $38青島啤酒 (大樽) $38總括嚟講，部份菜式質素高，但價錢唔抵，性價比較低！人好多，坐得比較擠逼！

🌟餐廳：神燈海鮮酒家📍地址：佐敦長樂街14-20號18廣場地下及1樓💰價位：～$100 - $200⏰營業時間：星期一至日 11:30 - 15:00 / 18:00 - 23:00📱電話：2866 6177今日約左爸爸出街撐枱腳，當然陪佢食佢最愛既傳統粵菜既菜式啦我地就揀左位於佐敦既「神燈海鮮酒家」，地點夠哂方便之餘，又可以一試最近大熱既黑松露玻璃燒鵝，即刻去朝聖下先！！———————————————————🔹即燒伊比利亞叉燒皇呢款即燒伊比利亞叉燒皇好出色，用上肉質最鬆軟既梅頭部位，口感一流～餐廳調制既蜜汁同火喉控制都好有水準，上枱時熱辣辣香噴噴，外層焦脆，肉質juicy又嫩滑，真係食到停唔到口！———————————————————🔹黑松露玻璃燒鵝餐廳既主打菜式~黑色外皮既燒鵝夠哂型格，打卡一流！餐廳以黑松露幫鵝身上色， 一上菜已經飄來陣陣黑松露味，正~燒鵝外皮夠薄之餘而且夠哂脆，燒制得相當出色~鵝肉記得要趁熱食，肉質好嫩滑又夠入味，重點係個黑松露酸梅醬搭配燒鵝黎食特別夾，必試！———————————————————🔹糯米炒膏蟹另一主打菜式~原煲糯米炒膏蟹上菜時熱辣辣，香氣十足~餐

位於佐敦長樂街的「神燈海鮮酒家」，係一間充滿藝術氣息的中菜館，環境乾淨衛生又舒適。Menu菜式選擇多元化，包括特色小食、燉湯及家常菜等等，當中以海鮮為主打琥珀合桃一坐低店員便送上餐前小食——琥珀合桃，香脆可口糯米炒膏蟹餐廳招牌「糯米炒糕蟹」，加入咗原隻膏蟹一齊炒，蟹肉飽滿鮮甜，勁多蟹膏，份量十足！糯米口感煙韌，富有米香，每啖飯都吸滿蟹肉及蟹膏的鮮味，底部仲有香脆飯焦，不得了呀伊比利亞叉燒皇厚切叉燒選用伊比利亞豬肉製作而成，即叫即燒，新鮮熱辣辣！叉燒肥瘦適中，肉質軟嫩多汁，充滿油香1/4隻黑松露玻璃燒鵝第一次食黑色燒鵝，以秘製醬料及黑松露醃製而成，因此外皮呈黑色。燒鵝好肥美，皮脆肉嫩，滿載黑松露香氣，邪惡滋味，齒頰留香濃湯一級竹笙浸翡翠最後點咗呢個清清哋嘅素菜。熱騰騰濃湯浸住一級竹笙及新鮮翠綠的菜心，吸收晒湯汁精華牛奶布甸最後店員仲送咗甜品俾我地食～牛奶布甸甜度適中，富有奶香，口感嫩滑

🦆 燒鵝關注組大推黑松露玻璃燒鵝🌟 最近在社交平台上看到燒鵝關注組大熱討論黑松露玻璃燒鵝，趕快相約好友一同潮試被譽為是店中黑鑽石的黑燒鵝。🦆 黑松露玻璃燒鵝 - 1/4隻 $238神燈去年中推出的新菜式，選用5斤半至6斤的大鵝，以秘製黑松露及醬汁醃製，風乾後把鵝燒烤，由於鵝體風乾後外表全黑，燒製時火喉的掌控要相當精準。黑松露玻璃燒鵝上桌時，傳來陣陣黑松露香，黑掹掹的外皮皮脆肉香，鵝肉肉質嫩滑，鵝皮有香濃的黑松露味。燒鵝可蘸傳統酸梅醬或特調黑松露醬汁，吃下滿口洋溢豐腴鵝油香的燒鵝，實在是享受。🦀 糯米炒膏蟹 $568大大煲的砂鍋膏蟹糯米飯上桌時熱騰騰，香氣撲鼻。膏蟹多膏啖啖肉，糯米飯吸收了膏蟹鮮味，飯粒香糯美味，鍋底更帶飯焦，甘香可口。砂鍋保溫度高，吃到最尾飯粒仍保持微暖。糯米飯份量十足，4-6人分享都絕對無問題。🐷 即燒伊比利亞叉燒皇 $248半肥瘦叉燒實在是讓人愛不釋口，叉燒肉質軟腍，肥瘦均勻，充滿肉汁。叉燒外層裹滿特調蜜汁，能做到外焦香，內軟腍，果真是叉燒皇。最值得加分的是叉燒放在小砧板上桌，格調自然高，是色、香、味俱全之作。🍤法式蜂蜜芥末蝦球 $168 炸得金黃的蝦球外層裹上法國

神燈海鮮酒家 📍佐敦長樂街14-20號18廣場地下及1樓家中兩老好鍾意食中菜🤩今晚帶佢地來左位於佐敦～神燈海鮮酒家 主打Fusion粵菜😋來一試幾款招牌菜式👍🏻。糯米炒膏蟹 🦀$568 用上原隻蟹🫶🏻♥️足料之選砂鍋原鍋上碟～更能保持飯餸溫度糯米飯🍚吸收哂蟹膏同蟹汁精華✨配上鍋底飯焦😘好味又飽肚～滿足。伊比利亞叉燒皇 🐽$248 用上豬中極品～伊比利亞豬叉燒燒得焦香～用上半肥瘦叉燒～香而不膩食落肉質軟腍～配上特調蜜汁~ 蜜味濃厚。黑松露玻璃燒鵝 1/4隻 $238 ～ 燒鵝外皮黑鼆鼆是經過黑松露醃製燒鵝皮脆內軟～口感香脆～鵝肉鮮嫩多汁食落除左黑松露香味外～更帶鵝油油香味 配埋佢地秘製黑松露醬汁🥰非常濃香。傳統小炒王 $158韭菜花、蝦乾、銀魚、吊片、菜莆、腰果 材料豐富～非常香口🤩～食唔停口。鮮鳳梨🍍咕嚕肉 $128 鮮鳳梨酸甜～配上脆香咕嚕肉非常開胃。玄米綠茶 🍵～ 清新消滯。餐前小食 🌰～焦糖合桃。飯後甜品🥛～ 鮮滑奶凍整體來講～食物非常高質～價錢合理啱晒聚餐～而且地點方便～菜式新穎環境舒適～非常推介大家來試下😋

誤打誤撞成功有空枱可以Walk In，見到網上好評如潮，都有一定嘅期望。老實講其實食物味道唔錯，但定價比較進取，埋單九百蚊左右，但食物質素驚喜欠奉，只係唔錯但係冇特別出色嘅地方，仲要食唔到佢最招牌嘅黑松露玻璃燒鵝(本身特登為咗呢樣嘢而來)🥺伊比利亞叉燒王，略嫌比較瘦，調味OK但係肉質唔算特別軟嫩，冇乜特別🥹呢個價錢我有食過更加好食嘅叉燒🥹帶子好食，好肥美，蔬菜都幾清新。炒飯都唔錯，不過都係冇乜驚喜🙈🙈

好耐冇食過中菜啦，又係時候要食吓啦！今次再次去返呢間位於佐敦嘅「神燈海鮮酒家」😋因為我同太太都好掛住佢哋嘅招牌菜糯米炒膏蟹🤤所以就決定encore ！糯米炒膏蟹 $568呢個糯米炒膏蟹不愧為招牌菜！膏蟹非常之多膏！糯米飯炒得非常香😋糯米飯仲吸收晒蟹嘅鮮味，而且仲有小編最鍾意食嘅飯焦！🤤好正！黑松露玻璃燒鵝（ ¼隻）$238黑松露燒鵝真係第一次食😝個皮燒到好鬆脆！肉質好鮮嫩，而且香噴噴嘅松露味，芬香撲鼻😬最最最緊要嘅係成碟嘅靈魂就係個松露酸梅醬！估唔到同燒鵝係咁夾😋即燒伊比利亞叉燒皇 $248半肥瘦嘅叉燒真係好難抗拒！而且仲十分軟腍！蜜汁味道調教得岩岩好😋仲燒到有少少燶燶地！帶焦脆嘅外層！好味🤤

神燈海鮮酒家是特色粵菜館，佈置舒適優雅，走上樓梯，清麗的竹林壁畫，充滿中式園庭感覺，風雅脫俗。美食擺碟別緻，令人食指大動。糯米炒膏蟹 568是餐廳的招牌菜，打開鍋蓋香噴噴，選用肥美膏蟹，配上糯米一同炒香。蟹蓋上有金黃蟹膏，濃厚香滑，糯米飯口感煙韌，吸收了蟹黃的鮮香，啖啖濃郁鮮味，像鹹蛋黃般甘香，加上嫩滑蟹肉，真的胃口大開。即燒伊比利亞叉燒皇 248厚切的叉燒，邊沿微焦，入口陣陣炭燒香氣，質感肥美軟腍，蜜甜而不油膩，鮮嫩肉汁口中散發，大快朵頤! 金湯海皇豆腐 138海皇豆腐色澤金黃，滑嫰豆腐充滿純樸豆香，加上蝦粒及瑤柱粒，入口鮮甜濃郁。以鹹蛋黃提鮮，香氣撲鼻，拌飯一流，令人䁔笠笠。梅菜蒸菜心 118菜心翠綠香潤，入口綿化，用爽脆梅菜蒸煮，咀嚼時清甜滑溜，美味的家常小菜。黑松露玻璃燒鵝 1/4隻 238燒鵝以黑松露醃製，風乾後即叫即燒，玻璃脆皮烤得香脆可口，入口鬆化，吸滿黑松露精華，帶濃郁黑松露幽香。脆皮下的幼嫰的鵝肉，充滿豐盈肉汁，配上秘製法式松露醬，酸酸甜甜，油潤細滑，令人吃過暢快!

襯住新年又有朋友生日 就打算試一試呢間據聞好出色既中菜原來打算去將軍澳新店 但訂檯時被告知未必有燒鵝，到當天再問就話燒烤爐壞咗，所以改去佐敦店 （後來睇返價錢 將軍澳既燒鵝係平100蚊，無論半隻定全隻）坐低冇耐已經坐滿咁滯 枱與枱中間都係好迫 背貼背 傳菜都無位但d待應係咁撞埋黎夾硬過😳 吾知以為向大排檔食緊野 6個人最後食左$1984，價錢吾係算好貴食左有黑松露玻璃燒鵝，炸蟹鉗，叉燒，一個炒菜一個蒸菜心，豆腐煲 &炸魷魚邊 燒鵝半隻4xx 價錢都尚算正常 好吾好食其實都係見仁見智 但當佢收你過百蚊去蒸個菜心 蒸到過老 菜本身都係老 我認為呢間餐廳同劏客無分別 手工菜個手工係咁 （燒味檔搭單既都新鮮過佢）😠唉！另外個炸魷魚邊 係爽 但果種爽係用粉嗱過 除左炸粉就無味 咁既質素 求其行出去廟街搵間都好食過佢，點解要比個咁既價錢黎食 為乜？順帶一提 侍應上菜落單雜亂無章 落咗白飯，追咗三次都未黎 但又見佢行黎行去 無所事事咁 （我知佢忙😤）講環境又坐得麻麻，講服務質素又麻麻，最重要既食物質素直頭吾合格大家見到我呢個post要諗清楚

喺呢頭附近睇完傢俬，靚媽嘅另一半就提議去呢間酒樓食晚飯，佢係中菜愛好者，上次同屋企人聚會，喺呢度食過幾款招牌菜式，就一直念念不忘🥰我哋晚上七點幾到達，冇訂位嘅我哋，大約等咗15分鐘左右就可以入座了！糯米炒膏蟹用砂鍋上，上枱嘅時候，已經聞到香噴噴，深橙色嘅膏蟹肉質實淨鮮甜，蟹膏又香又軟滑，糯米飯有麻油香，粒粒糯米飯都吸盡蟹嘅精華，驚喜地好食！即燒伊比利亞叉燒叉燒肉質肥瘦適中，蜜汁多到滴落嚟😍，入口軟淋，二人一小碟啱啱好，唔會嫌多！蜜汁燒鱔鱔皮非常香脆，蜜汁香甜，件件魚肉都很掛汁，入口肉質爽彈，充滿鮮味。甜酸釀富貴八爪魚八爪魚裏面釀咗醃過嘅黃瓜紅椒粒，汁料呈啫喱狀，入口凍冰冰，非常開胃👍🏻魚香茄子煲份量唔算多，勝在足料，微辣口味和咸魚粒嘅香味平衡得好好，佐飯一流。仲有甜品送添！

今次嚟到佐敦一間酒家食中菜，食完已經諗緊幾時帶屋企人嚟，再食佢哋嘅招牌菜同埋試其他小菜😍⭐️糯米炒膏蟹 ($568) ❤️9.5呢個糯米飯真係好正！ 一打開蓋已經聞到米飯嘅香氣🤤 糯米飯吸收曬蟹的鮮香，而且仲有飯焦帶點煲仔飯嘅鑊氣😍 睇相就知有幾多蟹膏，而且本身隻蟹都啖啖肉！ 撈埋一齊食真係不得了！嚟到一定要試！⭐️伊比利亞叉燒皇 ($248)❤️8.8呢個半肥瘦嘅叉燒真係驚艷到我😳 因為肉質十分軟腍，瘦嘅部份都十分多汁唔會乾柴，而肥嘅部份又唔會多令人感覺油膩👍🏻 蜜汁嘅調味好好，而且外表仲要烤到帶點焦脆，真係好好食！⭐️黑松露玻璃燒鵝 (1/4隻 $238) ❤️8.8黑松露燒鵝真係第一次見，估唔到可以夾到😳 一上菜已閒聞到好香松露味😍 食落鵝肉肉質嫩滑而且表皮薄脆，烤得好好！MVP係個松露酸梅醬😍 點埋食真係一流！ 鍾意食燒鵝嘅朋友一定要試吓！⭐️法式蜂蜜芥末蝦球($168) ❤️9.0蘋果酒、雪梨酒及葡萄酒調成嘅酒醋，加上法國蜂蜜芥末調成醬汁，配上炸得香脆爽彈嘅蝦球，食到酒味同芥末嘅甜味，特別得嚟又好食🤤 蝦球仲要有8大舊，一班人share好perfect！⭐️金沙海皇豆腐($138) ❤️8.0呢

好耐冇食神燈,晏晝特登嚟食午市點心款式多,25蚊既點心多數係常見款,不過都有d款好驚喜推薦羅宋湯鮮竹卷,好入味30蚊個堆幾好,椒鹽烏賊裙邊好爽口,叫左2碟炒腸粉,虎皮椒,炸茄子,豬手粒都好好味 (豬手粒唔記得影相)另外叫左伊比利亞叉燒王本身覺得有d貴,唔想叫不過同事話隻豬用料唔同,係靚野黎幾個人一齊share都ok食落真係鬆化過平時叉燒,d肉爽得來唔乾而且唔油膩,師父燒得靚仔整體而言唔錯,環境都闊落乾淨不過我地本身想食之前既任食放題如果有返就好d,好似多d款揀可以再encore~