神燈海鮮酒家 (18廣場)

營業中

休息中

好耐冇食過中菜啦，又係時候要食吓啦！今次再次去返呢間位於佐敦嘅「神燈海鮮酒家」😋因為我同太太都好掛住佢哋嘅招牌菜糯米炒膏蟹🤤所以就決定encore ！糯米炒膏蟹 $568呢個糯米炒膏蟹不愧為招牌菜！膏蟹非常之多膏！糯米飯炒得非常香😋糯米飯仲吸收晒蟹嘅鮮味，而且仲有小編最鍾意食嘅飯焦！🤤好正！黑松露玻璃燒鵝（ ¼隻）$238黑松露燒鵝真係第一次食😝個皮燒到好鬆脆！肉質好鮮嫩，而且香噴噴嘅松露味，芬香撲鼻😬最最最緊要嘅係成碟嘅靈魂就係個松露酸梅醬！估唔到同燒鵝係咁夾😋即燒伊比利亞叉燒皇 $248半肥瘦嘅叉燒真係好難抗拒！而且仲十分軟腍！蜜汁味道調教得岩岩好😋仲燒到有少少燶燶地！帶焦脆嘅外層！好味🤤