呢間茶餐廳係淘大開左一排，幾乎每次路過都見到門口有好多人等位！！
今日難得唔使等位就緊係即刻入嚟試下啦！！
呢度係自己掃QR Code落單嘅~相當方便！！ 話說呢度雖然貌似茶餐廳，以為就食下Ｄ粥粉麵飯咁，但原來連西餐都有得食！！包羅萬有！！
今次就試下佢個「美國牛柳餐」。 牛柳叫左7成熟，配黑椒汁！！
率先送上嘅係沙律同餐湯~沙律新鮮，蕃茄仔都甜~餐湯質地較稀～但味道不俗！！
等左一陣，牛柳終於上場啦！
香噴噴！熱辣辣！大大份！引來唔少鄰座嘅目光！！
七成牛柳，外脆內軟，肉質尚算鮮嫩，切落有些微血水出～易入口！
份量真係好大！！一個人食真係食唔哂～
配一杯冰凍金桔青檸特調！少少酸MayMay~中和番牛柳嘅油膩感！！

樂園魚旦專家係香港有唔少分店~ 簡直係快、靚、正港式粉麵之選。 叫左碗墨魚丸拼雲吞幼麵。
雙拼粉麵，墨魚丸、雲吞各自有三粒！墨魚丸真係好彈牙！！真材實料！！咬開真係會見到切左粒嘅墨魚肉架！！好有鮮味架！！雲吞都係啖啖蝦肉！！幼麵亦好爽口呀～Ｄ蔥花會自動擺係個匙羮入面，要加幾多任君選擇！！
本身粉麵就係比較清甜～但小妹我嗜辣，食到後來就加左兩羮店家自制辣椒醬！辣得夠過癮呀！！不妨買番樽番屋企看門口呀！！ 最後整番杯凍濃度適中嘅朱古力！！完滿～～
快、靚、正

「西九龍中心9樓9113號舖」「西九龍中心9樓9113號舖」「西九龍中心9樓9113號舖」!!!

地址轉左好重要！！所以要講３次！！搬左嘅卜卜餃子店易揾勁多！！ 大家千其唔好去錯呀！！我之前就係去錯左....係舊果層兜左好多個圈...
呢間手工餃店店面簡潔～ 但賣嘅餃子真材實料！！有好多款口味嘅餃子揀~~ 多元化得嚟味道又特別❤️

韓式泡菜芝士豚肉餃 (芝士味香濃，有泡菜香，但唔算好辣) 、麻辣芫荽  (兩種味道出奇地夾~ 幾特別)、旺菜、芝士蟹子豚肉餃都值得一試👍

下午茶時間~餐廳人流比較少~感覺寧靜放鬆~邊聽住餐廳播放膾炙人口嘅英文流行曲，邊嘆住TEA~ Chill到呢~~

1. 火腿芝士牛角酥配薯餅 $48
🔥🔥🔥🔥

火腿、芝士味道淡淡的，唔會太濃味~~岩哂我~ 牛角酥烤得少脆~ 薯餅就香脆可口～ 相當拭食！

2. 花生奶醬吐司 $32 🔥🔥🔥

吐司皮略硬～ 但整體花生奶醬甜香～食完好飽肚！！

3. 玫瑰鮮奶凍啡 $42 🔥🔥🔥🔥🔥

呢杯凍啡要特別推薦！！❤️近排天氣又熱又焗，諗住嗌杯凍飲消下暑，入口有驚喜～ 玫瑰香相當突出～唔會俾牛奶蓋過玫瑰香~~ 成杯LATTE 亦唔會好甜好膩！！飲完都唔會太有罪惡感（應該係XDD )

地理位置非常方便嘅雙魚座咖啡館位於旺角通菜街~一出地鐵站行幾步就見到~

今次叫左：

1. 美式BBQ手撕豬肉漢堡配脆炸薯條 $98🔥🔥🔥🔥🔥

大件夾抵食~手撕豬肉醮滿BBQ醬，相當濃味~底面嘅漢堡皮有烤過~所以口感略脆，白芝麻亦好香口～薯條表面香脆，內裡充滿薯香~感覺好fresh~

2. 自家製抹茶巴斯克蛋糕 $60
🔥🔥🔥🔥

巴斯克蛋糕近來大熱~雙魚咖啡館嘅巴斯克味道微甜而不膩，非常岩我口味~有淡淡嘅抹茶香，口感亦綿滑～

3. 巴西山度士咖啡 $60🔥🔥🔥🔥

食甜品最岩配住杯咖啡~本身比較喜歡較淡味嘅咖啡～服務員就介紹左呢隻味道溫和嘅咖啡豆俾我～果然味道香醇，非常易入口～呢到嘅咖啡豆係自家炒架~誠意滿分❤️❤️

熙來攘往嘅鼓油街有一間價錢親民，食物款式多樣嘅冰室。

1. All day breakfast $55🔥🔥🔥🔥

炸魚柳香脆肉嫩、荷包蛋流心、煙肉片煎得香口之餘，亦唔會乾爭爭，唔會太咸！！

2. 黃金咸蛋雞翼$48🔥🔥🔥🔥🔥

一份有4件，雞翼size平均，每隻都大大隻，炸到熱辣辣拎上台面，雞翼面上舗滿咸蛋黃醬，毫不吝嗇食材，咸蛋黃香味濃烈，令人食指大動！雞翼皮煎得少脆，如果肉質可以再嫩滑啲就真係perfect 啦！！

嚟到呢間位於九龍城嘅大邊爐打邊爐~一行四人嗌咗以下材料： 和哥滋味牛丸 $88🔥🔥🔥🔥 彈牙、有牛香得嚟又唔羶、一碟12粒 日本稻庭烏冬 $32🔥🔥🔥🔥 口感滑溜又煙韌 特式魚蓉麵 $46🔥🔥🔥🔥 DIY唧下唧下鯪魚香魚蓉麵，好玩又好食 脆香腐皮 $66🔥🔥🔥🔥 三秒腐皮(響鈴)，香脆可口又索哂啲湯汁，夠哂重口味 自制墨魚滑 $88🔥🔥🔥🔥 墨魚滑上舖一層薄薄蟹籽，既彈牙又卜卜脆 時令西洋菜餃 $68🔥🔥🔥🔥🔥 餃入面既有西洋菜香，又有原粒彈牙帶子，就連餃子皮都好有口感！一份仲要有8粒，必食推介！ 安格斯肥牛（大）$408🔥🔥🔥🔥🔥 烚一烚口感軟稔，入口牛味香濃，牛脂香係口內縈繞，良久不散！大推！！ 麻辣湯拼冬瓜瑤柱湯 $108🔥🔥🔥🔥 麻辣湯香麻得嚟，唔會過辣搶走食物嘅味道。冬瓜瑤柱湯底真係有好多粒瑤柱係入面，真材實料，味道清甜，可以正式落食材前飲番碗。 p.s. 服務員姐姐好友善🥰🥰

呢間佔地過千呎嘅半自助餐餐廳，非常闊落，最岩一大班朋友相聚
基本上正式自助餐有嘅食物佢都有供應：
沙律、
刺身（三文魚、吞拿魚、帶子等等，師傅好大方，份量俾好多！！）、

小食（壽司、燒賣、魚餅等等）、

燒物（蠔、鮑魚、青口、雞軟骨、栗米、菠蘿等等，師傅燒完會直接拎去你張枱，服務好好）、

海鮮（凍蟹、青口、海蝦等）、

熱食（燒澳洲牛肉、脆豬腩）、

雪糕（Movenpick），食多幾杯已經回本。
而佢有樣賣點係，有九款主菜可以無限追加！！真係食到捧住個肚走呀！！

主菜我就正係嗌左份8安士嘅澳洲肉眼扒（五成熟）～有牛香，肉質易入口，肉汁鎖住唔會乾爭爭！！相當唔錯~

咁多野食，但星期一至四成人都只係需要$378一位咋！！（+10%服務費），而係社交平台like & share仲有得即時減$50～非常抵食呀！！

友拉麵店位於屋邨商場嘅一角，唔算好起眼，但見keep住有客人入去食嘢！網上嘅食評又幾正面，見唔使等位就直入啦！！


拉麵嘅選擇有五款，我揀咗：


1. 辛肉碎拉麵$86 ：

辛肉碎微辣，幾滋味~
有兩大片火炙豚肉，豚肉微微烟薰，好香口，豚肉嫩滑！

味玉一隻（日式溏心蛋），夠嫩滑、蛋白有醬油味，溏心蛋黃一咬開蛋汁唔會流走哂，時間控制得岩岩好！！

拉麵麵質揀咗「普通」、「曲麵」，口感都幾彈牙！

兩大片海苔咸香、竹筍口感有嚼勁！

2. 蜜糖芝麻雞翼$36 ：

三大隻雞翼，外脆內嫩！！隻隻烤得非常香脆！芝麻亦令雞翼更為香口，蜜糖味道重，呢客小食好有誠意！十分推介！！

本身嚟到呢間車仔麵店真係諗住食車仔麵，點知原來仲有咁多野食！！而我肚仔又餓，就冇食到車仔麵，嗌左個飽肚嘅飯食！！
秘製蔥油扒飯套餐配雙蛋$49：一上枱就覺得個飯好靚，頭頂盞燈光打落去，更照得兩隻太陽蛋「令立立」，蛋黃「浪下浪下」咁，底又煎得香口，令人食指大動！！雞扒嫩滑香口~蔥油淡香，唔似出面茶餐廳咁油膩～個人大推呢味碟頭飯！！
秘製辣魷魚 $38：魷魚爽口～秘製醬汁小小辣口～幾滋味！！
見佢仲有爆醬西多士甜品，賣相好似好吸引，口碑又好好！！但太飽啦！！冇試到，下次試下先～

順帶一提，座位坐得舒服，舖面乾淨企理，坐得好舒服～