神燈海鮮酒家 (18廣場)

營業中

休息中

去完小神燈，又點可以唔去埋旗艦店 - 神燈海鮮酒家，菜式以傳統粵菜、家常菜甚至海鮮作為主打呢晚就同朋友嚟到，一試佢哋幾款招牌菜，平日晚上都座無虛席，非常熱鬧🥢黑松露玻璃燒鵝 - 酒家嘅招牌美食，選用骨細肉嫩嘅黑棕鵝，以黑松露醬及秘製醬汁把鵝醃好，再即叫即燒，陣陣松露香，鵝肉肉汁濃厚，皮夠脆而肉質亦非常嫩滑👍🥢蜜汁脆燒鱔 - 選用肉質較肥美嘅白鱔，口感更爽身，用蜜汁燒嘅方法迫出油脂，食落更加皮脆肉嫩🥢糯米炒膏蟹 - 選用泰國糯米做飯底，口感煙韌，蟹就選用本地咸淡水膏蟹，肉質嫩滑，啖啖蟹膏，和口感煙韌嘅糯米飯簡直係絕配！🥢椒鹽豬手 - 大大嚿豬手以椒鹽調味，外皮炸至焦脆，非常惹味，肉質彈牙，滿滿骨膠原，女士至愛！🥢杏香海老丸 - 外皮炸至金黃色，鋪滿杏仁片，甘香酥脆，蝦肉夠彈牙，點上泰式酸辣醬，更加惹味！🥄桂花糕+奶凍 - 奉送嘅飯後甜品，甜度適中，食完就大滿足！

上完跳舞堂勁肚餓，黎到神燈新派飯館, 見到星期一都爆哂棚，多人到做節咁！厲害！黑松露玻璃燒鵝黑色的燒鵝你見過未？中西合璧成果的食物，破格出色。餐廳採用6斤半的黑棕鵝，用上黑松露和秘製醬汁醃製, 風乾後即叫即燒。所以燒鵝外層脆皮光亮如玻璃呈黑色, 鵝味濃郁又嫩滑，再點黑松露味的醬汁,以黑松露提升香氣同味道，真係好有特色。糯米炒膏蟹用煲仔上的糯米炒膏蟹，一打開蓋香噴噴熱騰騰的熱氣上升，十分誘人,本地鹹淡水膏蟹，蟹肉美味，特別多的橙紅色蟹膏。糯米飯炭燒味香濃, 食到尾仲有微微脆卜卜既飯焦。蜜汁燒脆鱔燒鱔上下層的皮都同樣地好酥脆！中間夾著嫩滑的鱔肉，掛有檸檬汁和香甜的蜜汁, 入口爽彈好有口感, 檸檬汁提升鮮味, 燒鱔的驚喜滋味。甜品奶凍香濃既奶味, 唔會太甜, 入口順滑，好好味。一班姐姐員工禮貌態度一流, 讚。

屋企人知道我生日，但我遲啲又出遊，所以提前慶祝。呢間酒家都岩長輩食，加上有不少創新fusion菜式，家人都好想食。黑松露玻璃燒鵝我們叫左1/4隻，雖然最後先上枱，但真係值得期待。鵝肉是黑棕鵝，唔好睇佢烏卒卒，鵝肉勁濃鵝香，食落去好滑，仲有陣陣的黑松露的味道。鵝皮光亮脆卜卜，蘸上秘制黑松露甜酸醬，好醒胃。蜜汁脆燒鱔取自白鱔中間部份，肥美甘香，肉質結實爽脆，鱔皮很香口，加上蜜汁加持更甜美，加上少少檸檬汁，仲帶出鮮味。糯米炒膏蟹糯米飯很香糯，炒得好爽身，份量都多，吸收了蟹黃蟹膏以及蟹肉的鮮味，見到糯米飯入面仲有不少橙色的蟹黃。膏蟹肥美，一梳梳蟹肉一啖又一啖，勁鮮甜。啫啫生菜煲很咸鮮的蝦醬味，而且一開蓋就已經好香，仲有滋滋聲，生菜新鮮，吸收蝦醬，很惹味。咕嚕肉喜歡酸酸甜甜的醬汁，肉粒仲要酥脆內軟，家人都好喜愛

呢間傳統手工粵菜餐廳，岩晒同親戚長輩一齊食飯🥳不過真係好爆場，建議book 定枱，如果諗住叫招牌菜，都最好留菜🤭*糯米炒膏蟹🦀 $568啲蟹膏多到不得了，基本上糯米飯上都黏住膏，所以食起啖啖鮮味😍 而煲邊會有飯焦，勁heavy*黑松露玻璃燒鵝烏卒卒嘅外觀，雖然樣子唔討好🙈但的確好重松露香，連鵝肉都入晒味，而且肉質幾嫩實，仲充滿住油脂香🤤*伊比利亞叉燒皇🐷 $248燒到外邊微微焦香，半肥瘦再加黃金比例，咬落肉質特別軟嫩👍🏾 而且嗰汁整得香甜，但又未至於甜到漏

復常之後，餐廳的晚市都越來越旺，高質的餐廳更多人幫襯。今晚同屋企人去到佐敦呢間神燈餐廳，真係好好食，價錢都叫合理👍🏻黑松露玻璃燒鵝 - 全黑的燒鵝我第一次見，一上菜果時，我都嚇了一嚇。但上菜後，黑松露燒鵝的香味已經不停衝入我鼻了，那種香味，好難形容，連不太喜歡黑松露的我也覺得好香。配上黑松露的燒鵝醬，將燒鵝的味道更加提升。燒鵝皮香脆，肉汁豐富，真係好好味，讚不絕口👍🏻蜜汁脆燒鱔 - 鱔外表燒到金黃色，非常吸引。而且鱔肉好厚身，真係啖啖肉。配上蜜糖汁，令鱔肉更鮮味。糯米炒蟹膏 - 這個飯真係好好味，一打開蓋，蟹香及糯米飯的香氣，充滿了整張枱，連隔離枱的客人也聞到這香味。蟹的質量非常高，鮮味👍🏻 連蟹膏也是非常高質，可以見到糯米飯中有大量橙色的蟹膏，只土本上無一啖飯放入口，我都會食到蟹膏。糯米飯吸收了蟹肉及蟹膏的鮮甜，令我食到停不了口👍🏻另外仲叫左個小食豬耳，口感好脆整又夠味！海皇豆腐好香蛋黃香，配飯食一流餐廳最後仲會奉送甜品，有牛奶布丁同桂花糕，真係好滿足呀

呢間餐廳其實位置上幾隱蔽，平時好少何會行過，今次難得同朋友嚟食，估唔到食物質素非常有驚喜❤️糯米炒膏蟹🌟🌟🌟🌟🦀份量十足，非常有誠意😎蜜汁脆燒鱔🌟🌟🌟🌟🌟是日最愛❤️好脆！忍唔住一舊接一舊😋黑松露玻璃燒鵝🌟🌟🌟🌟1/4隻已經好多，皮薄得黎又脆，黑松露味香到不得了🤤醬皇翡翠鴛鴦蚌🌟🌟🌟🌟呢款都好正！最後食埋個甜品😋好滿足！整體來講呢間餐廳性價比高，水準唔錯✅服務又OK！

神燈海鮮酒家（佐敦）位於佐敦長樂街14-20號18廣場地下及一樓最鍾意食蟹，所以我一定會去神燈，因為係長腳蟹之選🤩簡直冇得輸！未煮的 大隻到不得了！以下是煮完的長腳蟹煮完嘅汁，簡直一流！宮廷濃湯雞煲翅 味道濃濃的..飲完一碗又一碗🤭因為真係太正了！煲完湯，仲有佢哋嘅雞都好好食..雞嫩嫩的！活膏甲羅燒伴蝦多士蟹膏香濃鮮甜，多士又脆又香，雙重口感！紅燒乳鴿乳鴿都好脆好香淨係食長腳蟹都食到好飽 其他都要打包返屋企不過真是值得推介

同屋企人出去食，食中菜就啱晒，可以叫餸食飯，一定有啱口味嘅菜式！今次去呢間中菜館👲🏻，完全係俾佢個糯米炒膏蟹同埋黑松露玻璃燒鵝吸引到，有少少新派中菜嘅感覺！平日夜晚去，都差唔多坐滿晒，圍住張大圓枱吹水食飯，超級熱鬧！餐廳菜式都比較有創意，菜式配搭比較新穎，好有新鮮感，都想試吓！🙈------------------------------🦆◖黑松露玻璃燒鵝◗ $238呢度係例牌嘅份量，佢搽咗啲黑松露去燒，烏卒卒嘅外皮好特別！咬落去啲油脂爆發出嚟，外皮好薄好脆，有淡淡嘅黑松露嘅香味，點埋佢黑松露甜酸醬，油膩感唔會好重，勁香！🐖◖伊比利亞叉燒皇◗ $248叉燒燒到有少少燶邊，幾香口，肥瘦均勻，肉質幾軟腍，如果就咁食嘅話味道偏鹹，送飯或者麵唔錯！🦀◖糯米炒膏蟹◗ $568用咗原隻膏蟹去炒呢個糯米飯，糯米飯炒到有少少飯焦，啲飯粒又唔會好乾，放大啲煲仔飯嘅鑊氣！隻蟹啖啖肉，啲糯米飯撈埋佢嘅蟹膏，鮮甜得黎又鹹鹹香香咁🐟，個人好鍾意，推薦！👍🏻🦐◖金湯海皇豆腐◗ $138大大煲豆腐煲，裏面好足料，有蝦仁、迷你帶子同埋勁多豆腐。金湯煮得好濃厚，好黏稠，落咗少少鹹蛋黃，但個人覺得味道偏淡，打芡打得太多，

我已經第二次到訪了！自從上次試過之後就念念不忘，新式中菜中亦保留傳統中菜元素/用料！完全打破中菜舊有的刻板印象！今次極力推介糯米炒膏蟹、伊比利亞叉燒皇以及黑松露玻璃燒鵝，罕見的菜式，一流的味道，難怪一到晚市便座無虛席！超有實力！大推！！🔸🔹🔸🔹🔸🔹🔸🔹🔸🔸🔸🔸🫖法式蜂蜜芥末蝦球$168有大概8舊！每舊都好大隻蝦球彈牙爽口，啖啖肉配合蜂蜜芥末醬係比較少見嘅配搭微甜不膩 ，有驚喜！🫖糯米炒膏蟹$568想不到咁大份！三至四個人分享都冇問題糯米炒得香氣四溢膏蟹（黃）混入炒飯之中，邪惡到不得了！整隻膏蟹切件上碟！ 蟹肉鮮甜蟹殼仲有好多膏一邊食糯米一邊拆蟹實在大滿足！🫖伊比利亞叉燒皇$248非常精緻！叉燒肉質鮮嫩，入口鬆化而且外皮烤得焦脆，香氣四溢。伊比利亞豬的肉質優質！🫖1/4隻 黑松露玻璃燒鵝$238真係好少見黑色嘅燒鵝！原來口感皮薄香脆，而且鵝汁飽滿再加上燒鵝皮帶有香濃黑松露嘅香氣，令人嘴齒留香！也配有梅子醬同埋醬油，絕對值得一試！🫖 360牛奶布丁🍮桂花糕 （贈送）牛奶味道濃郁又柔滑！牛奶的香甜味道和布丁的滑順完美結合！旁邊更有一小塊桂花糕，晶瑩剔透味道芳香，中式甜品的實力不容小覷！

糯米炒膏蟹，🦀平時糯米飯配臘味就食得多，配膏蟹真係第一次試。原隻嘅膏蟹，放係石鍋當中，🍚糯米吸收咗蟹膏嘅鮮味。食起身，每一啖，都好香，而且糯米夠煙韌，🤩口感好好。伊比利亞叉燒皇，✨晶瑩剔透，而且口感香嫩，可以保持叉燒嫩滑嘅質感之外，😋仲可以食到好正嘅焦香味。黑松露玻璃燒鵝🤤好少見，加入黑松露，所以外皮都係會有少少深色。💖燒鵝個皮幾脆，鍾意食。Dinner都幾多人嚟，佢哋嘅出品唔錯，值得回顧。

帶老公來到我最喜愛的中菜館🥢神燈海鮮酒家主打懷舊粵菜。亦有不少自家創新美食😍今次我就專程試試黑松露玻璃燒鵝🖤⭐️黑松露玻璃燒鵝(1/4隻)外皮薄脆，呈鋼琴黑色，好有光澤，有黑松露香氣。燒鵝肉質好滑嫩。必點自家調配的黑松露酸梅醬，更有黑松露味道之餘，又可以去去膩感。⭐️糯米炒膏蟹好大隻蟹好多膏🤤打開鍋蓋時香氣四溢～見到好多橙黃色的蟹膏。蟹蓋內藏咗一大塊蟹膏，味道濃郁，非常吸引！糯米飯口感軟糯帶嚼口，帶少少飯焦，雙重滋味。⭐️伊比利亞叉燒皇肉質好軟嫩，半肥瘦口感最正。外邊燒得焦香，少少脆口。塗上蜜糖，香甜而不膩。⭐️南乳脆香骨熱騰騰上枱。南乳香味好突出。排骨比較多肥脂。📍神燈海鮮酒家 佐敦長樂街14-20號18廣場地下及1樓

有間高質中菜館是我一直好鍾意的❤️，晚上🌃來到🔮神燈海鮮酒家，是一間充滿特色的粵菜館，環境寬敞優雅，隨著樓梯而上見到竹林壁畫，再而見到海鮮🦞魚缸，食物水準很高！而且最近酒家新出了多款菜式不容錯過！糯米炒膏蟹 🦀香噴噴肥美膏蟹，配上糯米十分惹味呢！蟹蓋上有金黃蟹膏口感煙韌！黑松露玻璃燒鵝 🦆1/4隻 燒鵝以黑松露醃製，做法特別，即叫即燒，玻璃脆皮入口鬆化，完全食晒黑松露精華，鵝肉滿有肉汁配上秘製醬更滋味呀！🤤即燒伊比利亞叉燒皇 ❤ ️酒家向來皇牌食品，厚厚叉燒燒得剛剛好，外有微焦，入口炭燒口感非常濃郁，蜜甜而不油膩！🤗

之前成日見到洗版係食黑燒鵝，原來係黑松露玻璃燒鵝，睇到我流晒口水，今日終於來試吓啦！原來呢度岀名嘅菜式都幾多款！除咗叫了黑松露玻璃燒鵝，仲點咗以下幾款。❇️黑松露玻璃燒鵝👉🏻黑色嘅燒鵝賣相講真唔算吸引，但係好味嘅程度真係唔講得笑，塊黑色嘅皮唔單止充滿黑松露香，非常脆口仲零脂肪，配合嫩滑無比嘅鵝肉，清香而不油膩，味道完全唔係一般燒味店可以食到。係值得為佢嚟嘅👍❇️糯米炒膏蟹👉🏻初初諗住咪糯米飯加隻蟹，點知啲糯米飯煙煙韌韌，再配埋隻呢隻爆膏蟹，令到啲糯米飯有好香濃嘅蟹膏蝦米香，味道香濃鹹淡適中，仲會間唔中食到粒粒蟹膏，連平時唔鍾意食飯嘅我都要添飯😂蟹夠新鮮又大隻，肉質鮮甜，也是吃得享受😎❇️伊比利亞叉燒皇👉🏻用伊比利亞豬製作嘅叉燒，果然食起嚟肉質特別嫩，脆脆邊位略帶炭火香，夠晒惹味。❇️紅酒牛尾煲👉🏻用咗紅酒同埋紅蘿蔔去炆，令到啲牛尾軟綿綿之餘，輕輕一咬骨肉分離，仲有陣陣紅蘿蔔嘅香甜，吃起來也啖啖肉口感。

之前食過佢地位於調景嶺嘅分店～小神燈新派飯館，食完之後我對佢地嘅糯米炒膏蟹同黑松露玻璃鵝念念不忘，因為真係好好食🤤 所以今次同朋友嚟試埋佐敦呢間。今次我地都有叫糯米炒膏蟹 同黑松露玻璃鵝(必點👍🏽) 另外佢地都好出名叉燒又係必點👍🏽 我地再叫多咗個菜同小食，佢啲野食份量都好大碟好足料！🔸黑松露玻璃鵝 $238（1/4隻）相信都無咩地方可以食到黑松露鵝，呢度真係整得好出色，個皮真係脆到好似玻璃咁😂 仲有成隻鵝都充滿著黑松露香，鵝肉肉質香嫩，再配埋秘製醬汁，真係一定要叫嚟試😋😋🔸即燒伊比利亞叉燒皇 $248叉燒採用咗上品伊比利亞豬，肉質肥瘦均勻，肉嫩多汁，而且叉燒厚切食落淡淡肉。🔸糯米炒膏蟹 $568/隻又係其中一樣必點，因為真係好好食。糯米飯好煙韌而且仲有香脆嘅飯焦，再配上大大隻膏蟹。膏蟹超新鮮，除咗多肉仲好多膏，好鮮甜🤤 🔸濃湯一級竹笙浸翡翠 $168竹笙好爽口，而且吸晒濃湯嘅精華，呢道菜健康得嚟又好味。🔸椒鹽炸金針菇 $68炸得好鬆脆，再配上椒鹽同喼汁，唔錯！總括嚟講，呢間真係一間超有水準嘅粵菜酒家，而且菜式特別得嚟又好味，真係好值得食，下次會帶埋屋企人嚟食🤤

今日嚟到位於佐敦嘅神燈海鮮酒家食中菜。每次去食都會留意菜式嘅質素同口感。今次叫咗唔同嘅嘢食，味道真係唔錯！佢嘗咗啲招牌菜，包括叉燒同埋糯米蟹，味道都好正，燒得啱啱好，肉質滑嫩，加埋啲醬汁真係好味，啜啜都唔膩口。另外佢都試咗啲點心，包括燒賣同蝦餃，掂餡，皮薄脆，鮮味十足，真係好好食！餐廳嘅環境同服務都好好，雖然啲位嘅間隔唔夠大，有啲擠迫，但店舖裝修好有特色，服務員嘅態度都有善。總括黎講，我覺得呢間餐廳嘅菜式好好食。