神山麺屋 (創紀之城五期(apm))

營業中

休息中

超誇張！神山麵店開左一星期日日都大排長龍！再誇張D，我居然趁熱鬧，排埋一份！等左大約15分鐘，排排下都想走，但又見前面其實都好多人走左，好吧！試試你！入到去二人位，職員即遞試熱茶。睇完menu，我地都決定食沾麵！職員聽錯左以為我地share同一個麵，仲提議我地可以叫1.5個麵餅huh~ 乜可以兩個人share一碗？？？不過我地都超大食，可以一人一碗：P有兩件豚角、半熟玉子同竹筍。有超多蔥！滿心歡喜地吃一口豚角，咦，凍既？莫非要放係湯入面暖返？豚角肥膏部份佔了1/3，雖則香口，不過都不吃了，怕肥。玉子唔特別，蛋味唔太濃，略嫌熟左少少。湯底又濃又咸，理解的，沾麵麻。。。然後不斷叫加茶。麵餅一個，超多，我地咁大食都覺得飽! 

我這個沾麵狂，一聽到有新麵店開，而且還是要開在家附近，便急不及待飛身而至....本來是打算一開業就來，但為了等埋同屬沾麵迷的小友同來，故此拖到今天才去....可憐的太太，此時便化身成陪食客 (嚴格上她是不大好此道的)....星期天，要等候入座是正常不過之事。可幸是人流去得頗快，食碗麵又絕不會花大家許多時間，故只需約十五分鐘後就可就坐....廢話少說，點一碗招牌押上店名命名的沾汁麵。小友識貨，有樣學樣跟著老爸點相同的....至於太太，就求其來一碗叉燒沾汁麵....這叉燒沾麵的麵底跟我的神山麵應是相同的，故此只著太太夾了一口叉燒片給我試就好....肉質還挺軟熟，不俗。不過太太邊吃就邊投訴沾湯不熱。小弟隨即試了一口....果是如此....這就因而扣了不少分數....幸好，神山沾麵的水平相比起來就較好，令到這一頓麵餐未至於一無可取....我的這碗麵湯相反是熱騰騰的。味不太鹹有點甜鮮；麵條是令人失望的 ---- 嚼下去似乎欠了平常沾麵條有的那股咬勁，很一般....厚身的五花肉炙香氣超濃撲鼻而來；帶脂肪的部位跡近入口即溶，非常豐腴甘香；相反瘦的就有點嚡口誠為美中不足；不過肉本身醃煑得十分入味，這倒

見到東京拉麵過江龍-神山麵屋來港開店，點可以唔試下？同埋一直想試佢個沾麵，所以今日特登去apm食...入座時間大概17:30，可能因為未到晚飯時間，未有太多客人，甚至冇出現大家所講既排長龍睇左一陣menu，由於一早plan好食d咩，所以好快就可以order！估唔到期待已久既神山沾汁麵竟然未有，店員話唔知幾多點有喎最後我叫左個醬油拉麵及叉燒沾汁麵！旭山醬油拉麵 $85拉麵口感不錯，略嚴醬油湯底過份鹹叉燒不過不失，當然冇日本食叉燒果種油香以及肥瘦均勻咁正啦溏心蛋都ok既，起碼有流心啦湯太鹹白神山叉燒沾汁麵 $79沾麵本身冇問題，最大問題係個湯湯唔夠熱不在話下，竟然稀到完全掛唔起真係非常失望山葵手羽先 $38最明智既抉擇就係叫左佢！三樣食物最熱既就係雞亦，即叫即整雞亦每一件都係剪開左一半，唔會食得好狼狽而且最欣賞就係佢個汁，雞亦炸到脆卜卜，個汁帶少少酸，非常開胃！而且價錢好抵！值得一讚就係店員人數好多，一舉手基本上一秒就serve到你不過！不過！不過！竟然比我發現佢d叉燒居然日光日白放係客人飯檯面前，係面對面果種！個人覺得衛生有d問題！同埋廚房所有料理員都冇戴口罩，以我所知多數食店都會戴個透

明明係高峰時間但安排左我哋店誧最後面，茶水間嘅位置坐，而其他安排左係包廂明顯我哋比較細個所以先會咁，食物方面同普通自己屋企煮個公仔麵冇分別，咁不如係屋企食，湯底完全係味精湯，又多油又冇味，簡直係劣食，咁嘅質素真係唔成正比，睇怕都剩係得啲港女先瘋狂追捧真係好開心食咗個咁難食嘅拉麵🍜，我唔建議大家去食,最好唔好去食因為真係俾10萬個劣評，不過但係服務生嘅態度都還不錯只有呢樣係值得讚其餘全部都係垃圾，並不建議大家去試因為完全係一個伏字

完 全 不 值 一 試 我同朋友唔係試招牌個隻沾麵 因為佢賣光 於是我地叫左白湯同黑蒜各一 個湯同個叉燒都同招牌個隻唔同既（以下評論以黑蒜為準）-碗麵$79 有加一 碗麵細到乜咁 真心 點夠食呀 飽都唔飽喎食完 買麵既錢用哂黎俾apm啲租金？ 已經專登每啖都細啲細啲咁咀嚼 務求食慢啲易feel到飽 但都唔work 好啦細碗都唔緊要 富士山55呀個啲都係唔夠食架啦-到個湯啦 稀到乜咁 就黎變左水 再加層油係面 變油麵 嘩 正啊 個湯係有魚介味既 但如果咁稀既話 我估係。。。落味精黎加重個味？ 又一個無內涵既湯 仲要係暖暖地 唔係熱辣辣 咬開個溏心蛋 連個蛋入面 都仲熱過個湯 漸唔漸愧呀。。。 配埋啲普通叉燒（真係無肥 好普通既普通叉燒 唔好同我講咩鬼叫我唔係嗌招牌個款叉燒 我食第二間碗碗都係靚叉燒唔好） 曾經一度諗係咪食緊加強版味千-兩分鐘食完個沾麵 加個湯飲下 個湯。。。真係味精味。。。 倒出黎個下 我不禁懷疑係咪水黎 平時既沾麵舖全部倒出黎個湯都係有色 白湯咁既款 但呢間倒出黎係接近清水咁樣 到底誰是誰非呢？-以上評論完全係主觀既客觀評論 世上必定有比我食更多懂更多拉麵既人 已無加

根本就係麵屋武藏，換個招牌 換套餐具 拍段片 裝修依舊味道依舊，侍應亦依舊，件衫都仲有麵屋武藏四個字。菜牌d相都好似無變，係多左神山兩隻字咁大把。你當係食麵屋武藏就無所謂，千其唔好以為係新野，我就係咁樣比佢水咗

一看到媒體上的介紹，已經銷定了它，即使剛開業，客人再多，也無阻一試的決心。晚上來到已有等位的心理準備，用人山人海來形容絕不過份。餐廳前身是麵屋武藏，現在同樣是日式麵店。餐牌上，麵的款式比想像中還要多，但我的目標只有一個 - 沾麵。神山沾汁麵 $85慕名而來就是為了吃它，每日限定的沾麵，吃得到也有點運。沾麵湯與日本店相同，用了豚骨，豚肉，加上魚介和秘製醬油，慢火長時間熬製，又濃又稠，但不帶死咸，味道討好。 靚湯配靚麵，有一個出色的沾麵湯，都要有好的沾麵配合。特製的沾麵略粗，中間有坑紋，能夠提高掛湯能力，而且又彈牙。除此之外，厚燒豚肉亦十分吸引，絕對是誠意之作。在高溫烤煮之下，表面稍有燒香，口感軟熟，一試難忘。神山湯餃子 $38沾麵以外的驚喜，驚喜不在於餃子，而是神山湯。神山湯鮮甜而不膩，餃子與湯融合度高，絕非一般吃到的湯餃子可媲美。果然沒令我失望，這裡的沾麵的確出色，在我來說更是名列前茅。神山的沾麵，一刻戀上。

之前見佢開,本身都已經想試下, 但真係太多太多人, 所以決定都係路過無乜人先再食,下午4點幾又真係無乜人, 就入去試下啦黑神山沾面 好食但相對黎講,我都只會食一次個面唔錯,彈牙,但面量偏少 ,可能佢預左人會點餃子個d啦 , 黑蒜好香, 薄切叉燒蛋係可以做到流心既感覺, 但其實好多餐廳都做到 變左感覺唔特別一個面再加加一服務費 , 差不多埋單要一百, 但對我黎講,只能算係ok 不能算好好食,亦唔抵食, 食完我仲要去隔離商場搵小食食

又一個過江龍沾麵登陸香港，今次係好近我嘅觀塘區APM，一聽到個地方好熟口面，一望果然上手就係麵屋武藏，真係拿拿聲試咗先，唔係到時執咗笠就唔知點算，始終呢個位腳頭唔好啊。其實一開店嗰時，聽到個風評一般都有啲驚，尤其是上手令我勁失望，希望今次無事啦。本身喺下晝未到晚飯時間去到，但係沾麵賣清，要六點半先再供應，就周圍行下先。到差唔多六點半已經有人喺度排隊，好彩我得一個人好快就入到去。佢哋就唔係提供冰水，係熱辣辣嘅麥茶，不過我就唔著緊呢樣野，就算係日本有時都係比綠茶你飲。佢哋個廚房係開放式，可以睇到廚師煮麵，又可以乘機偷師。其實佢就有兩款沾麵，一款係普通嘅叉燒，另一款係豚角煮，價錢就相差無幾，咁梗係點豚角煮啦，肥膩好多嫁。聽講佢哋嘅餃子都幾出名，不過睇落份量都唔少，食完沾麵未必食得晒，就唔好浪費喇。亦都有唔同嘅小食，不過點解鱈魚係屬於空唔係海？因為都好多人同一時間點沾麵，所以都等左一陣，不過十零分鐘等得過嘅。首先試吓碗湯，餐牌到寫佢碗湯大概係六十度，食落果然唔算好熱，甚至我懷疑係咪真係有六十度，不過個沾汁的確係唔錯，味道唔會太鹹，豬骨同醬油味平衡得唔錯，飲落去唔會好漿喉，細心啲品嚐甚至會食到啲

I was alone for an early lunch at 12 on a Tue, so didn't wait a sec for a spot by the bench seats. I ordered a bbq pork ramen 叉燒拉麵 but eventually it came up with a dip ramen 沾麵. I didn't know the delivery was wrong as a first timer until it tasted so rich and way too salty for a pork bone soup. I didn't like it cos I wanted soup as a Japanese soup ramen lover. Textual and hardness of the noodle was not bad. Small portion for a big eater with a 85-buck lunch, 78 bucks + 10%. There was hot tea ser

APM新開麵屋日本東京神田人氣拉麵店～招牌神山沾汁麵經常賣完～話湯頭用大量豚骨同秘製醬油調配～再用12小時慢熬製非常入味～見個勢咁勁就黎試試先一去到成村人～好彩都係排咗半個鐘齊人入座～如果有食過之前間拉麵就知員工連經理都係上手留低一認就認得出～心諗唔通換湯唔換藥～有D伏伏地嘅feel4人行叫咗3份神山沾汁麵1份黑蒜叉燒拉麵～神山沾汁麵份量比較少～汁配麵味道剛好～兩舊肥肉真係肥得厲害～唔太識欣賞～個沾汁食落有D粉粒未攪好口感麻麻黑蒜叉燒拉麵湯底好香蒜味幾夾個豚骨湯底～叉燒兩大薄片賣相可以～溏心蛋熟咗D唔識流烤鱈魚棒上面一層燒汁烤好味整體味道可以但唔係好特别～依個價係咁上下～唔會再嚟

香港愈開愈多沾麵店，我也經常去試。今次一試來自東京的神山。星期六晚很多人排隊，等了一個多小時。秩序大致良好，因為是叫飛的所以等的時候可以去商場走走。出名的神山沾麵已經賣曬了，所以我點了白神山沾麵。湯很稀，剛來到的時間已經不是太熱，還有一大層油在上面。味道方面不太濃，而且太稀就不能做到很掛湯的效果。叉燒和蛋都不是很出色。麵都不過不失，是粗麵，份量就較其他店為少，不過都吃得飽。小食就幾出色，這是燒鱈魚棒，燒得香脆，醬汁帶點微辣。整體上，不值得排這麼久，不用排也不會再吃。

等了一個半鐘才有位置。滿心期待高水準沾麵卻強差人意: 湯底除了鹹並無鮮味，麵底欠缺口感,只能說完全讓XXX欺騙。登龍街任何一間拉麵店都比神山好食。愛拉麵之人良心評分！

神山沾汁麵（HKD85）係我第一次食嘅沾麵，本來覺得細細碗，但食到一半已經飽飽地。舊燒豚肉未點湯汁已經好入咪，燒到燶燶地幾香口，正!不過湯鹹咗少少，可以因為太多汁掛係麵度啦。麵幾彈牙，其實食落都唔少。流心蛋一篤又漏蛋汁出嚟，小心接注唔好浪費呀！

看了FB介紹，即刻趁假期去試下。果然名不虛傳，果個沾麵d麵粗粗地十分彈牙，不過就細碗左d😉兩件厚切豚肉我就略嫌太肥，但肉質好爽嘅！一家四口，除左沾麵之外，另外叫左叉燒拉麵同普通豚肉拉麵，對仔女都食到「should should」聲，d麵比起沾麵幼小小，但都係咁彈。再加左個煎餃同炸池魚，煎餃真係冇乜特別，至於池魚就大小不一有的肥大有的瘦小，味道正常囉,總括而言哩餐係滿意嘅