神山麺屋 (創紀之城五期(apm))

營業中

休息中

為咗避開人多用餐時間，所以星期六中午12點前抵達食店食個 lunch。當日去到得幾檯客，我們各自點了神山沾汁麵及1份炸豆池魚。看著廚房阿姨及後生仔，輪流地不停烤豚肉，肚子已咕咕響。炸豆池魚先上枱，每條魚仔似尾指這麼短小，沾汁是芥辣醬油，味道ok。之後上沾汁麵，沾汁夠香夠濃，但我略嫌咸咗d。麵係煙韌，方便沾上醬汁。豚肉夠肥又香口，健康飲食者既大敵。雞蛋是溫泉蛋餡，我 like~~由於沾汁不是太滾熱，可能方便食客馬上沾汁吃，但冷氣之強就令到沾汁加快冷卻，所以我吃到一半，沾汁只得微溫，我要加快速度吃。可能就係快食，加上麵條夠咀嚼力，結果腸胃有點不適。。。。

東京過江龍神山麵屋落戶香港，就算開左一排都仲勁多人，晚飯時間閒閒地都要等十幾廿張先輪到。神山就係用左富士山做招牌，外面既電視除左有播餐牌都有日本既動畫，入面就有大大個富士山既標誌，亦都可以見到師傅煮麵同燒豚肉。餐具都好有日本既風味，用上左唔同顏色配搭，尤其是杯就更似富士山既顏色。香港限定既《神山湯餃子》($38)，香港分店特有既菜式，豚骨湯好飲，餃子皮薄但肉唔算多汁。試一試招牌既《神山沾麵》($85)，用豚骨醬油魚介煮足十二個鐘，掛湯力幾強但係真係幾濃同幾咸又無咩魚介味，睇下個湯底幾濃。厚燒豚肉每一次都係師傳即席燒起，香氣陣陣撲鼻，名符其實真係好厚，燒左更香脂肪位夠淋身。個蛋就超正入味得黎啲蛋汁一咬出哂黎，你睇下啲蛋汁幾澎湃。再黎多碗《黑神山豚肉片拉麵》($78)，黑就夠黑但好稀同無咩蒜味，覺得個湯頭都係差咁啲。店名：神山麺屋地址：觀塘觀塘道418號創紀之城五期(apm)2樓L21B號舖即刻入去Like & Share埋我地既其他頻道喇Facebook: KJFOODLIFEInstagram: KJFOODLIFE餐牌:

1. 成堆等位既客塞係門口，阻住其他客出入，個知客(經理)唔理2. 沾面汁凍既，唔奢望佢有電池爐加熱沾面汁(銅鑼灣XXX55)或用熱石頭窩上(灣仔XX丸)，用暖管射熱個沾面汁碗都好d3. 無教人沾面文化(加清湯飲湯底)4. 豚角煮得唔夠鬆化軟熟，似煲湯瘦肉5. 樓面少主動加茶6. (比較高要求既)有個女人，篤眼篤鼻，嫌攰要托手就返屋企托飽佢，如職員留意到講2句會大加分食物質素同坊間一般快餐店/茶餐廳無分別，麵一碗。連鎖式集團(味千集團)，最緊要做業績，鬼知咩叫僱客感受只要有錢俾錢做宣傳，就會有大把大把傻仔黎試。相反，小店做得幾好幾有心，無人識，等執。子華神：搵食姐。。。

阿囡知我一向喜歡食日本拉麵，尤其係沾麵就更是最愛！所以一有新日本麵餐廳佢就會帶我去食今晚阿囡又帶我去食好野，就係去左觀塘apm既呢間新開日本拉麵店，電動扶手梯一上到去嘩左一聲，因我地兩母女都好早去到，但都已有好多人等緊位，好彩我地又唔算好肚餓，等左一陣就有位，開心~~店內環境都好有日本風味，但座位數量就未算太多，應該就係咁所以攪到要大排長龍，不過為求食好野等少少時間都係OK既，等左一陣就位都算我兩母女好彩~安座後看看餐牌都有好多種選擇，拉麵當然就是有，此外還有沾麵及小食，我就當然係叫左個沾麵喇這個神山沾汁麵就是店家的招牌，份量適中，麵質煙靭有口感，豚肉好juice又夠味，肥瘦比例剛好，每咬一口都感到滿滿的骨膠原，好滿足！而沾汁味道亦濃淡宜人，掛湯狀況上佳，加上還有溫泉蛋，使整碗麵都更豐富，係好食既！阿囡就叫左碗番茄叉燒拉麵，都頗大碗之餘，湯底更是十分清甜，淨飲湯底都很是好味道！麵質屬平常較幼身的拉麵，咬落軟硬剛好，而叉燒更是入味非常，而且亦唔會諧口，仲好有肉香，另溫泉蛋也是很滑嫩另外貪食既我地當然係唔會食碗麵咁小兒科！我地仲叫左幾款小食~燒鱈魚棒係外面唔係成日都食到，呢度有就當然立即叫

神山麵屋係日本好出名（上網睇，自己未去過日本），今次就特登黎試下有咩咁特別啦😂。一去到餐廳，見到門口好多人，等左40mins先有3人位。1. 神山沾麵配豚角煮🍜🐷麵底幾彈牙，掛到湯👍👍。豚骨湯底幾濃稠，好夠豬骨味同好香😂。豚角煮都係整得唔錯，但嫌佢太肥，好多肥膏，加上湯底唔夠熱😔。2. 唐揚雞塊🐔雞塊炸得唔錯，幾脆口，配上沙律醬真係唔錯。份量唔算太大份😂😂😂。整體而言，我覺得都算唔錯，但就無媒體講得咁誇張。價錢合理，值得一試👍。

香港黎講呢間拉麵算係好有水準神山沾汁麵真係絕，本身自己見到D肥肉就想反胃🤢，但勁過高溫燒過後吃真係超好味，見到好厚好似好難入口，但一口咬入去厚厚的香噴噴的半肥瘦噶豚肉真係好香好彈牙，第一次吃咁好吃噶肥肉，之後沾汁D汁吃麵真係正，本人好鍾意吃佢噶筍片，我仲加左10蚊，兩個人叫左2碗麵加一個炸魚，不過炸魚真係10分的話只有2分，難吃！體相覺得應該唔差幾吸引幾大條下，上檯，哇.....細條到唔知點形容買單278都唔便架！但拉麵真心好味

朋友放假黎觀塘一齊食Lunch，由於朋友12點就到左唔洗等位就入得。入座5分鐘左右，經理 (白恤衫男人) 見到坐位仲係得我朋友一個就不停催促，要我地開啲黎齊⋯⋯ 係15分鐘就催左3次以上ಠ_ಠ就算朋友已經幫我地落曬order都仲不停催沾麵叫左唔耐就上枱，味道同賣相都幾好糖心蛋非常好食啲麵幾有咬口豚角都幾好食，我碗麵嘅豚角肥瘦適中朋友碗麵嘅豚角就太肥，好大部分都食唔落湯唔太熱另外，朋友食到最尾先發現佢碗麵少左隻蛋。不過由於就食完都無從證明，就無叫人比返⋯⋯唔知係咪因爲繁忙時間，我地仲食緊最後幾啖，已經有人黎想幫我地收碗一放最後一啖入口就有人黎問收得碗未⋯⋯ 總括黎講，食物係唔錯嘅 (如果湯夠熱會好好多)；另外，如果員工同經理唔係咁趕咁催促會好好多雖然明白係繁忙時間，但係不停被催促嘅感覺實在令人不滿，希望佢地以後有所改善～

今日滿懷歡喜諗住去食豚肉沾麵入到去到落單嗰一刻先講無咁唯有食叉燒但三分鐘之後隔離枱叫就話準備緊就嚟會有可以落定單等真心覺得依間嘢未準備好就唔好學人開門一係就一早同客講定啦講一講食物 千奇唔好食黑蒜油因為真係得個油字麵無味湯無味又唔熱叉燒都係唔熱又無味嘅價錢唔平一碗沾麵份量唔多都要85蚊食物無水準 沾麵最緊要湯要熱都做唔到食完我真係當場嚇一跳 之後得啖笑性價比整低之餘豪無特別可能水準一般味道差就係特色了吧叫我再食就真心不了

平日下午5點半都未夠d沾麵就賣唒，仲等我專登岀觀塘去試神山沾麵。個侍應仲要坐低又唔講，到點單個時先話無。焗你食其他野。仲話自己日本過江龍。日本餐廳係會俾冰水招乎貴客，呢到只得熱艾。差差差

在東京吃過麵屋武藏的神山拉麵，叉燒又厚又脆，外剛內柔，令我十分難忘，他的叉燒先滷過入味，再經由特殊設備燒烤(感覺跟高級的碳烤牛排設備很像)，煮成外酥內軟的厚切叉燒，非常美味，更成為我每次去東京的必食餐廳！知道APM開了分店，今天毫不猶豫跟男朋友去懷勉一下東京的味道。本想試一下店內的神山沾汁麵，可是神山沾汁麵卻限量供應，最後點了叉燒沾汁麵及黑神山沾汁麵。侍應上菜後，我跟男朋友的反應都是「麵咁少既」，吃過一啖後，覺得麵質普通、湯汁很水、跟日本食的完全不同感覺…叉燒算是比較好，肥瘦剛好，不過都是日本好味很多；湯汁味道方面，叉燒沾汁麵湯汁十分普通，黑神山比較入味濃厚。由於麵太少，完全唔飽既關係，最後還點了茄子豚肉味噌燒，這味菜出奇地反而是今餐最好味的，菜炒得十分夠鑊氣，茄子豚肉都十分入味。整餐尚算普通，以份量來說略為遍少，價錢相對遍貴，下次都是回東京吃比較好！

日前在觀塘APM購物，理所當然也選擇在此地解決當天的晚餐。在與友人商量後的結論，便是吃·拉·麵！此次選擇的是位於APM二樓的【神山麵屋】，帶有濃厚日式氣息的門面，加上幻燈片裡，古時日本街道售賣麵食的情境，有如時光隧道入口，等待著你進入最原始的拉麵世界。很快的被熱情的店員安排座位，座位之間的相隔理想舒適，大大的開放式廚房連吧檯座位，極具日本特色。獨樹一幟的餐具，每一件都可見神山字眼，感受不到日本神山的雄偉是必然，進入到【神山麵屋】世界卻真真實實的經歷著。神山餐牌設計精緻豐富，推介餐食的簡介滿足了許多好奇之人的慾望，簡潔易明當然選餐也相對的化繁為簡，效率自然也會提高。先來兩道前菜《燒鱈魚棒》及《唐揚豆池魚》，塗上秘製調味醬的《燒鱈魚棒》脆口之餘還保留韌性，甚有驚喜；而炸至色澤金黃的豆池魚外層微脆，肉質豐腴細滑酥香，出色的佐酒小食。主食並沒有選擇拉麵，反而選擇店家推介的《神山沾汁麵》，此款限量發售的沾麵特別選用烤至表皮微焦香的厚燒豚肉，半肥瘦肉質特別嫩滑香甜，一大口咬下大大的滿足感隨即而至；至於麵條方面，店家特別選用擁有坑紋的粗麵條，掛汁能力不容小覷，配搭濃郁豚骨魚介湯底食，濃醇醬汁味一陣陣

本人係沾麵控，一聽到又有新既過江龍梗係都試下。神山取代左武藏個位，唔知係咪因爲好多報道，超多人等位。等左30張先入到去。店入坐位好多，侍應安排左我地坐一個超凍既位，啲風係頭頂吹落黎我地叫左唐揚魚，煎餃同每人一碗神山沾麵。坐左陣已經發覺服務好混亂，有漏單，有啲人無茶杯，有啲就有茶壺不過無水，可能因為太多人太肚餓，所以2款小食唔記得影相。魚仔比相既細條好多🤔有少少被騙既感覺。不過好彩都幾香口，卜卜胞幾好食。煎餃好普通，似買返黎既雪藏餃。加上啲皮痴埋哂，搞到一拎就撕開左另一隻。終於到主角黎啦，一黎就忍唔住咬左粒蛋先，點知...超失望，完全唔流心既！麵都幾彈牙，可惜唔夠涼。湯完全唔熱，係溫既。沾麵最差就係個湯唔熱！食左少少凍哂搞到已經唔想食加上個湯底勁咸，係我食過最咸既湯底，感覺超漏，碗沾麵係唔好食既。唯一可以讚既係啲肉，燒得好香，肥瘦適中。報導始終唔多可信

之前同一鋪位的麵屋武藏是我第一次吃日本沾麵的地方，想回味一返下午二時過後人仍然很多，不過不用排隊神山沾汁麵不是整天任何時間都有, 我點完後旁邊兩位遲來的客人想要已經沒有了衛生不錯，枱面好乾淨茶可以自己加添，杯唔隔熱。。。神山沾汁麵等了不用15分鐘沾汁的味道相當不錯，有濃郁的魚味同豚骨湯味其他沾麵沾汁不清楚，但咸咸甜甜的味是魚味，應該不只一種魚，發常明顯，平衡了整個沾汁濃度度適中，味道不過咸濃度可以讓麵浮在沾汁上，相片是最好的證明麵是微曲的，沾汁掛在麵上，幾得意叉燒肥瘦相交，幾惹味只是肥了一點。。蛋是流心蛋麵好好食但配茶太少要收加一服務費

早前某群組不停推廣，指其拉麵🍜神級享受，因此即使排佐半個鐘都照一試。點知，已冇神級拉麵，只好叫其他試下。就叫佐旭日拉麵，同炸雞。拉麵既醬油湯底，唔太濃，都較為清淡，但叉燒味道也較清淡，叉燒味不濃。炸雞，依然好熱，配上醬汁，很開胃。總括而言，未到神級，可能未食到佢地主打啦

觀塘 神山麵屋限量發售—神山沾汁麵 $85又一日本🇯🇵過江龍店啦❤️同媽媽前來潮聖，一人一碗好滿足😚豚角煮🐽經過炙燒，一入囗油脂四溢💦，肥瘦均勻，瘦肉部分毫不粗糙, 大大舊，好肥美，好邪惡呀😇😈💫醬油溏心蛋🍳好有驚喜，溏心效果極出色👍🏻橙黃色蛋汁☺️濃濃既蛋香喲😙💫拉麵我都好中意，夠粗身，夠彈牙，仲有坑紋，掛湯度滿分✨ 💫沾麵汁比起平時既更加濃郁，更加濃厚😋💕#reneekwuntong💕 評分：😈😈😈😈😈#tasteoflondoninhk #tophkrestaurants #lunch #hkfoodie #hk #hkig #hkfood #weekend #alphaconcepts#love #food #foodie #hkfood #hkfoodie #eat #around #the #world#is#my #ultimate #goal #gain #weight#ufoodhk#hkblogger#support#girly#神山#apm#porkbelly