神山麺屋 (創紀之城五期(apm))

營業中

休息中

同事話觀塘有間新開的拉麵屋，日本人主理，每逢午飯時段皆人頭湧湧，吸引我們都來捧場。5位同事分批前往，第一批來到餐廳時，待應要求我們一齊才可就座，結果還是要在門口多等等5分鐘，待第二批人來到齊人才可進入餐廳，此時餐廳已差不多坐滿食客，若第二批同事再遲一點來，很有機會我們要再門口等位。餐廳有拉麵和沾麵選擇，不知為何沾麵會比拉麵貴，而我選了黑神山叉燒拉麵。黑神山叉燒拉麵湯底由加了黑蒜油，香味濃郁，叉燒肥瘦均勻，頗有肉味。拉麵也很彈牙，掛湯一流。

相信到過觀塘，或者在觀塘工作的朋友，也很認同「在觀塘搵食艱難」的說法，餐廳選擇多，但人流更多，動不動便要等上15分鐘，或者更長既時間，而且食物質素參差，而且價錢不便宜，在中環工作的，會想到別區，但當你來過觀塘，便知道中環的好，我便是其中一人。拉麵店，是觀塘其中一樣缺乏的菜式，直到神山的強勢來臨，我們才找到一點曙光。神山這間來自日本東京的過江龍，選址觀塘APM落戶，個人認為是一個win win situation，一來觀塘很欠缺拉麵，這裡的人得益，而可預期的是他們應該也會有不錯的營業額。我到訪這天大約6:30，餐廳果然還是爆滿。稍微特候5分鐘，便可以安排入座，都算係幾lucky啦。餐廳除了有「雅座」方枱外，還有靠廚師的吧枱，保留日本拉麵店的特色。打開餐牌，有簡單的餐廳介紹，而每一款拉麵也有三文加上圖文並茂，方便來自不同國家的客人點菜。飲品 $15飲品我們揀選了兩杯，左面的是蘋果椰果特飲，右面的是巨峰椰果特飲，份量十足，而且唔算好甜，果汁既濃度都幾高。唐揚豆池魚 $45豆池魚自己平時好少食到，即叫即炸，上枱既時候仍然熱辣辣，望落有點像多春魚，但食落肉質更挺身，更豐腴，更有咬口感，味道酥香，

觀塘平時冇乜拉麵嘅選擇，呢排開咗呢間新餐廳就帶個肥妹黎食下。叫咗杯菠蘿特飲$15，好多菠蘿果肉，比較甜，女仔通常會鍾意啲我就叫咗個赤神山叉燒沾汁麵，係赤辣豚骨湯底，小小辣幾易入口，沾面好彈牙，有濃郁嘅小麥香味，又有光澤，主要係因為過咗冷河，將麵條保持係最佳嘅食用狀態正宗嘅沾汁湯會保持喺60度左右，呢個溫度先可以保存到最好嘅味道，沾汁湯會比較鹹一啲，但其實大有學問，係想比客人好好品嚐到濃郁醬油味同獨特魚介風味。當然唔少得滑嫩嘅糖心蛋，佢個流心真係好仲想飲啲湯嘅話可以請服務員加上湯汁，即係木魚嘅清湯，溝淡返少少本身濃郁嘅湯底，就可以適合飲用㗎啦另外我哋都叫咗兩款小食，呢款係雙色牛舌$45呢款就可以食到牛舌嘅鮮味呢個加左調味料就更加香口，有啲似牛肉乾咁樣另外亦叫左唐掦豆池魚，一條條小魚，方便食用，色澤金黃，炸得好香脆

間唔中就會去apm睇戲嘅我，發現新開咗呢間麵屋，就決定要搵一日嚟食啦都有唔少人排隊，等左一陣。首先叫咗番茄叉燒拉麵$85,蕃茄味幾居家，好似屋企人煲嘅湯，清清甜甜，仲有我最鍾意嘅薯仔添拉麵富有彈性，咬落又彈牙又香糖心蛋好滑好甜，叉燒加上蕃茄湯底，酸酸甜甜， 好開胃另外亦叫咗黑神山叉燒沾汁麵$79，其實即係黑蒜豚骨湯底。Jim麵比起拉麵更加有彈性，因為Jim麵採用小麥粉製作，加上過冷河，會令到麵質更加彈性煙韌。而且過完冷河之後，麵條，可以保持最佳狀態， 唔會熱得製變糊。朋友話覺得Jim麵煮得唔夠熱，服務員話返比我哋知係因為，日本傳統jim麵係保溫係60度左右，呢個溫食狀態先可以食到最好嘅味道。當然都唔少得糖心蛋，而且Jim麵嘅湯底係會比較濃郁嘅，之後如果客人想飲湯可以加上木魚嘅凊湯，可以令湯底清淡啲同清甜啲另外我哋仲叫咗一個茄子pizza$43，幾特別，茄子上面有平時pizza嘅料，芝士火腿蘿蔔等等。配埋沙律，感覺健康清新另外仲叫咗一個神山湯餃子，皮薄餡多，裏面嘅豬肉仲好滑添，湯底都好清甜嘢飲我就叫左雜果特飲$15，裏面有唔同嘅果肉，唔太甜，如果鍾意飲果汁又怕甜嘅，呢個係唔錯嘅選擇。

依間餐廳最近係觀塘APM開張，但每晚都排晒長龍到底依間沾麵店有咩神奇嘅地方？我決定今日同朋友一探究竟餐廳嘅封面好靚，令我覺得自己真係好似去左日本咁神山亦姐係富士山，由於依間麵店嘅總部係日本神山車站所以取名叫神山麵店番茄叉燒拉麵  $85拉麵係熱食黎，隨住拉麵送上嘅係熱辣辣嘅番茄湯底送上枱個陣已經有好香嘅番茄味，令朋友最後飲晒成碗湯黑神山叉燒沾汁麵（黑蒜豚骨湯底) ＆ 赤神山叉燒沾汁麵（辛辣豚骨湯底）$79 由於沾麵原意係比日本嘅勞動階層食，所以做出黎個陣需保持微暖約60度方便工人盡快進食，然後有最大時間休息香港有唔少沾麵店都會為麵汁加熱，但其實依種食法係一啲都唔正宗所以好難得依間餐廳黎到香港都堅持傳統，務求香港人都可以食到正宗沾麵我自己今次就食黑神山叉燒沾汁麵，流心嘅半熟蛋同埋香噴噴嘅叉燒絕對係沾汁嘅最佳拍檔可能會有人覺得沾汁湯相對一般拉麵湯底會比較咸，但其實咁樣係有佢嘅用意(一陣再介紹)沾麵同拉麵唔同，需要有過冷河的過程，所以食落口個陣會更有彈性再者過完冷河之後，麵條先可以表面微微濕潤同埋有光澤嘅效果而唔會做成麵條太熱而變糊嘅問題並且食得出麵底有好香嘅小麥味終於要開估啦，沾汁湯比較咸

越來越多過江龍嘅餐廳來香港開分店竟然有間係公司附近難得早兩日提早收工，所以我地即刻去食早啲去真係無咩人排隊，好快我地就入左去坐不論裝修、店員都好有日本既風格因為太肚餓既關係，所以我地都點左好多野食先黎「神山湯餃子」 $38多數去日本餐廳都係食煎餃子依個就將餃子煎過後再放神山湯煮神山湯的味道有啲似豬骨湯不過比平時飲到的豬骨湯較清唔會蓋過左餃子的味道「雙色牛舌」 $45男朋友好鍾意食牛舌所以我地見到有就即刻點左一邊用左酸酸甜甜汁煮所以食落較惹味另一邊就另一個風格牛舌比剛才酸甜的再稔食落陣陣蔥既味道，好味「唐揚豆池魚」 $45自己本身好鍾意食魚依款魚記得之前係日本曾經食過都覺得好好味，依度整既同日本食到既味道好相似條條無骨，又煎到好香成碟魚差唔多比我一個人食晒「茄子披薩」 $43用茄子代替pizza底的包上面鋪滿茄醬、肉碎、芝士再去焗咁煮法無平時食到的pizza咁飽滯茄子本身的汁仲令pizza食落無咁乾身「神山沾汁麵」 $85沾麵又點少得最靚既豬腩肉縱使自己怕肥，食沾麵配上大大舊既豬肉係必需伴隨住仲有溏心蛋同埋筍將麵浸一浸湯再夾起食做了坑紋既麵浸湯後，將湯牢牢咁鎖住令每一啖麵都好入味「番茄叉

今日同友人來神山麵屋，因為來自日本東京的沾麵，跟平時食到的沾麵大有不同，讓我帶你們去食真正的傳統沾麵。神山係日本邊度？！就是日本富士山，又名不二山或神山，餐廳想出品的麵能夠好似富士山在大家心中的地位一樣崇高，做出令客人滿意的麵。我地點了兩款沾麵和小食及飲品，等一陣就上小食和特飲。雜果特飲 $15（左），菠蘿特飲 $15（右）特飲內有果肉，甜度不算高，價錢也吸引，必點來配小食。雙色牛舌 $45，有兩款不同口味，一邊清淡，一邊是重味。質感較軟腍易咬，味道偏清淡，有牛舌原本的風味。個人喜歡呢款牛舌，爽口的質感，加上醬汁濃而惹味，也非常適合佐酒。唐揚豆池魚 $45，很可愛養眼的小食，一大排小魚炸得金黃好看。豆池魚炸得香口脆身，魚肉鬆軟，沒有腥味只有甘香，佐酒小食的首選。赤神山叉燒沾汁麵 $79，用辛辣豚骨做湯底，沾麵就是湯汁同麵分開，先夾起一小撮麵放入湯汁中，待麵充分沾上湯汁，便可品嚐濃厚的辛辣豚骨湯味。餐廳用較粗身的麵會易沾到更多點湯汁，越食越有小麥香味，可能用左日本小麥粉製造麵條的關係。加上麵條有過冷河，所以質感更緊更有彈性，相對拉麵的質感，沾麵會更加煙韌彈牙。另一個好處就是麵不會太熱而變

琴晚同男朋友去試下最近大熱人氣拉麵店神山麵屋呢間餐廳係請日本師傅坐陣 所以我好期待我地比較早到所以無乜人排隊一坐底睇餐牌都諗左好耐最後嗌左- 赤神山豚角拉麵-白神山豚肉片拉麵- 藥膳雞-雙色牛舌作為一個拉麵愛好者 一定要黎食佢地所用既麵條係曲身黃麵 所以係幼身滑彈 無鹼水味另外溏心蛋又係出色之作 好滑溜 一咬啲蛋汁慢慢流出黎 岩岩好豚角比豚肉片更入味雙色牛舌有凍有熱 好爽口一啲都唔un藥膳雞都算爽口 但味道可以再濃啲

今日去友人好想食沾麵 結果一上 嘩 個湯水尼嫁 完全唔掛汁 重點係隻蛋熟曬 真的不了認真咁講 我以為佢上錯菜式 完全只係將 麵同湯 分開左下 食完之後 想坐一陣 佢地就望望望 完全係令人失望 無下次

登登登今次食到去APM當日未到7點攞位好快就入得去一入門口，店員好齊好大聲講日文既"歡迎光臨"一睇餐牌，好多款拉麵都好吸引！最終揀左黑神山豚角拉麵赤神山叉燒拉麵再嗌左雙味牛舌雙味係邊雙味呢？1係凍食，2係燒汁燒既牛舌個人係好欣賞個凍食果款有得散嗌，唔洗雙味就好啦個流心蛋好好食！基本上拉麵個湯、麵、配料都好正！於是有一日我去左encall試左蕃茄拉麵，再嗌雙味牛舌同蘋果沙律。結論係，黑/赤神山拉麵較蕃茄吸引，不過都係好食！

同朋友見到呢間麵屋新開幕梗係要試下啦我地今次試左一個拉麵 一個沾麵朋友試左沾麵沾麵汁岩岩好係好掛湯既感覺就咁飲都仲得平時既沾麵就咁飲會有d涸喉feel但呢個我朋友話飲曬都掂呀另一個就係我既白神山豚角煮拉麵佢有叉燒同豚肉揀既不過鍾意油脂既我當然係揀豚角煮啦豚角煮真係好正咬落去好腍油脂同肉融為一體入口即融啊但隻蛋有d失望應該係煮得太耐完全無流心既狀態麵質岩岩好 唔會太軟太硬但個人覺得湯底食落會鹹左少少比起沾麵汁 拉麵湯底就普通d但都算係好足料好濃厚除左鹹都冇乜要彈既下次再黎一定會食沾麵但要留意時間佢夜晚應該係6點後先開始供應早少少去霸位穩陣d唔係都要等幾耐下因為沾麵好受歡迎架

揀咗個星期三嚟食晚飯，現場門口已經好多人等緊位，大約要等30分鐘到啦。周圍行下企下終於到我哋喇！我選擇咗呢個豬骨湯底拉麵，雖然沾面先係佢哋嘅主打，但係由於知麵身較粗身今日唔係咁想食所以選擇咗佢哋嘅豬骨拉麵，拉麵一黎到，香氣撲鼻，湯底豬骨味十足感覺上煮左好多個鐘，拉麵口感彈牙仲有數塊豚肉喺面，以呢個價錢來講十分超值不過如果為咗一碗麵要等咁耐好似有啲唔係太值得

開張幾個月，仍然受到好多人吹捧嘅神山，終於開始唔洗排咁耐對，人齊入庭，等咗幾分鐘。因為一早決定要食沾麵，好快就決定咗鐘意少少辣嘅我當總統係揀咗赤湯!🤓🤓湯無預期熱同冒煙（註：我一到餐就影，絕對唔係等到凍先食）啲麵係粗身帶紋理，但無特別掛湯嘅感覺😩，有啲失望。提外話，聽到格離抬問點解隻蛋唔係糖心，個侍應都話佢唔知道，換俾佢都唔保證係糖心，作為日本麵屋，都幾唔專業

神山麵屋由日本師傅主理，一入到店就有日本地道麵屋的風味，店面不大，坐喺上黎都有d迫，不過為左食好野就無計啦！神山沾麵麵汁不同，每日由師傅特別調製，限量發售！好賣的日子二、三點就會賣哂。今次黎到當然要試一試！神山沾麵($85)麵汁非常濃郁且容易掛麵，配上蔥更加香，拉麵麵身較粗，口感一流！配料方面亦有出色表現，筍片爽而帶香味。唐心蛋略為遜色，雖有唐心效果，但生左小小，不過不失啦。絕對要重點介紹既就係燒豚肉！食得出肉面有塗上特制醬汁，味道咸咸甜甜非常惹味！加上每一舊都係肥瘦分明既五花腩！！真係值得再食！

聽同事講apm 開咗間新拉麵店，聽講都幾多人排隊食。👬👭👫今日lunch time就去咗試下。12:20去到攞位，裡面已經坐滿人👨‍👩‍👧‍👦👨‍👩‍👧👩‍👩‍👧‍👧👨‍👨‍👦‍👦👨‍👨‍👧‍👦👨‍👨‍👧👨‍👩‍👧‍👦👨‍👩‍👧‍👧👨‍👨‍👦👪，並要等4、5張枱。個店員講明要人齊先入得，記得約埋一齊去，如果唔係到你都唔入得。原來佢招牌😋係沾汁麵，湯及麵條分開上，湯可選白神山（濃厚豚骨湯底）、赤神山（辛味豚骨湯底）及黑神山（黑蒜豚骨湯底）三款湯底。我揀了黑神山，即黑蒜豚骨湯底。湯底黑就夠黑但唔夠濃，同蒜味唔夠重，個湯差DD。個麵OK啦，有隻糖心蛋，幾好未。整體好味，但未必再去食。