神山麺屋 (創紀之城五期(apm))

營業中

休息中

超超超好食既沾麵，好出名既日式餐廳，而且十分好食。呢度既環境好不錯，位於商場裡面，十分適合同朋友黎打下牙交同吹下水，一邊享受住美食，十分寫意。呢度係必叫沾麵既，我個人覺得係十分高質，濃郁既湯底加上軟硬適中既麵條，十分美味，再加上秘製五花肉，五花肉脂肪同肉十分分明，加上廚師秘製醃料，入口即溶，非常美味。其他小食都非常出色，建議大家可以試下脆炸池魚仔，絕對會有驚喜。其他小食我會推介藥膳雞同湯餃子，我覺得都係必食，樣樣都咁出色，可以約朋友黎多幾次試哂佢!

本身係唔知道有呢間麵店嘅存在，只係有一日去APM行街，午餐時間見呢間拉麵店唔需要等位，就入咗去試。鋪頭地方唔大，就係一般拉麵店咁嘅格局。試咗神山沾汁麵，同埋唐揚豆池魚。兩樣其實都好美味，豚角煮肉質軟滑，肥瘦均勻，充滿油香。而麵質亦都非常彈牙， 沾汁亦香濃鮮甜。而唐揚豆池魚竟然有驚喜，本身唔會太大期望，都只係諗住叫個小食食下，但豆池魚炸得非常香脆香口。而且份量都唔少。總括而言，係一間非常唔錯嘅日式麵店，下次經過APM都會想再encore嘅餐廳。

神山麺屋在東京很有名，在我公司APM樓下開了一間，我和小敏又怎能放過啦，拉麵是我們百吃不厭的，尤其是神山，我們下午茶時就一枝箭的跑去吃過痛快!餐具和環境也很地道日式的，首先我們各叫了一杯菠蘿及雜果賓冶，真的又清新又解渴，而且菠蘿賓治也有大大塊果用!白忪露牛油生菜既爽口又清新，我們胃口大開!野菜甘酢豚炒得很入味，䐁肉很香濃，我們很喜歡!我們不約而同也叫了蕃茄叉燒拉麵，不得不提這個蕃茄湯很真材實料地用了很多新鮮的蕃笳汁熬出來，特別鮮味，而且麵條既爽口又彈牙，加上溏心蛋一咬流心的感覺，配上2塊日式薄片的叉燒，味道酸酸甜甜的很入味，我和小敏都停不了口，真的是百吃不厭!

2018.2.27（星期三）同老公經過觀塘再會裕民坊後～去左呢間位於APM內的神山麵屋食返碗拉麵先～晚市可見係極旺場～而且裝修格調夠日式，食桌空間都夠充足！前菜先點左個「胡麻豚肉沙律」，個豚肉好夠嫰滑，肉質完全不‘鞋’口，配埋胡麻沙律醬，真係好夾～再來叫左碟二重芝士手羽，個雞翼真係整得皮脆肉嫩而芝士汁亦香而不膩～整個配合做得很好～我自己叫左個白神山叉燒拉麵～而老公就叫左白神山角煮拉麵～先講麵質，我個人喜好較爽彈的質地，而呢個麵質正中我下懷～而個湯底亦好濃厚並帶有魚介的味道。我個碗叉燒雖然夠薄切，夠嫩夠有肉味，但就只有兩薄片，稍微不夠喉反而老公碗角煮就好夠份量，兩大大塊，整得又淋又夠入味，每一口夠厚切亦拌入適當的油潤感，真係啖啖滋味 仲有個隻流心蛋真係令人好滿足❤️最後，呢兩杯菠蘿特飲同雜果特飲就正好解一解口中濃厚油膩的味道～平衡反個味覺總括而言，環境佳，人流旺，食物質素高，服務亦很好，真係好值得推薦和再encore

最近在APM商場逛街，看到一家比較新的餐廳「神山麵屋」，這間餐廳以拉麵為主還有一些小食。這是在餐廳外牆壁上的幅動畫圖，看著也感受到在日本的特色。胡麻豚肉沙律這碟麻醬沙律作為前菜是最棒的選擇，因為它的味道是酸酸甜甜的，還有紫洋蔥的少少辣味。豚肉片和芝麻醬混合在一起，味道很好吃，很鮮的感覺。唐揚豆池魚打開餐牌看見這款餐前小食，我從來都沒有吃過唉......所以好奇之下就點了一碟，這魚味道很香濃，小小的一整條都可以食。白拉麵🍜豚肉湯叉燒蛋拉麵，這碗是我朋友點的，他說像沾麵，味道比較鹹。蕃茄拉麵🍅🥔🍜我這碗的蕃茄拉麵，我覺得好好吃喔⋯⋯這碗蕃茄拉麵，裡面還有薯仔，叉燒跟滷蛋。我特別喜歡這間餐廳的叉燒，因為不太肥。尤其是我在這段減肥時間，簡直就是特別訂製（又健康，又不太肥的菜色）❣️雜果特飲和菠蘿特飲酸酸甜甜的飲料，更加提神和幫助消化。

拉麵不嬲都係至愛美食之一 所以一見到有拉麵店或者好食拉麵都要去試一試今次呢一間已經係第二次黎喇 真心值得推荐 尤其是係佢嘅沾麵 就係叫 神山麵屋黑神山叉燒沾麵 $79 黑神山即係咩意思呢?即係黑蒜豚骨湯底而且呢個沾麵湯底非常之濃 當麵浸落湯底再食係非常之入味簡直同出面普通店食到嘅黑蒜差好遠叉燒亦有少少燒過嘅味道 突顯到風味神山燒豚肉沾麵 $85 神山即係濃厚豚骨湯底講到明濃厚就真係要濃豬骨湯底味入口雖然偏少少咸 仲勝在味道好濃郁 已經唔理嗰些少嘅咸 因為實在太吸引如果真係好鍾意湯底又想飲哂的話記得嗌啲野飲 至於豚肉係燒過 肉質相當軟嫩入口仲帶點口感 燒過嘅豚肉仲有陣陣香味燒豚肉值得一試雖然其他餐我未試過但我都會想再嚟試多次因為呢間舖嘅沾麵係真係好好食 份量方面可能餵食朋友唔夠喉可以加加份量 我就啱啱好啦所以值得大家一試再試     

記得之前去過呢間餐廳享用晚餐，不論是味道還是服務都非常滿意，所以跟老公再次到來。我們剛巧坐上上次的卡位，卡位很長，坐得很鬆動很舒服。我們拿著餐牌，點了些吃過的，也有些是未嘗過但又很吸引的，便帶著期待的心享用美食。先來兩杯飲品 - 菠蘿特飲 和 雜果特飲，上次飲過真是一再回味，少少甜又 fresh，非常解渴。伴著飲品的有 燒鱈魚棒 這道小食，薄脆得來帶醬汁味，十分惹味。此外，仲有 和風蘋果沙律 陪伴，味道清清地容易入口，寧舍開胃。神豚燒沾汁麵雖然一向較少食沾麵，但這裡的沾麵是我們的必點之選。豚肉超厚的十分軟身，浸在沾汁後進食更添暖身，仲有一整隻未切開的流心蛋，一咬入口有少少爆醬的感覺。神山沾汁麵而這款沾汁麵的份量雖然沒神豚沾汁麵那麼多，而選用的叉燒是燒得香香的，浸在沾汁後進食非常香口，另外加了兩塊紫菜，增加不少咬口。神山炸雞 (配芥末沙律醬)其實我們很少吃大大件的炸雞，覺得太多會很膩，而且食唔哂會好浪費。而這個雞小小的，只需一至兩口食完一件，加埋鋪面的醬汁變得唔 dry 得來又甜甜地，感覺很圓滿。

之前新開經過都想入去試試，當時太多人在排就算。今次剛好沒太多人排隊，一到就位可以坐啦😉必點神山沾汁麵招牌....很不錯，豬厚而且夠超冧身，一口鬆軟，還有燒烤香味，湯汁咸淡剛好。點埋「白神山叉燒拉麵🍜」同行友人覺得普通，麵條不多，叉燒薄薄的掛在碗邊，碗較深，睇落份量不多。要必點就招牌好D

觀塘打工仔其實想搵正宗啲既日本嘢食都唔容易，仲要係沾麵或者拉麵就更加難。每次入黎都會好想試拉麵，但最後都係會俾沾麵吸引住～神山沾麵 $85 |呢塊厚厚嘅豚角非常之香，見到佢肉上有網紋燒到燶燶地就知道，佢表皮煎到有啲脆脆的。而且個味道好香，燒汁都好入味，重點係中意食肥豬肉或者厚腩肉嘅人，食呢個豚角一定唔會失望，因為肥肉嘅部份唔潺，係彈口同結實，絕對係高質豚角～沾麵方面，麵質都好彈口，唔會淋gigi咁食到一Pat野，而且浸落個湯都完全掛到湯，食落每一啖都非常好味～之前去日本旅行個時見到有啲人會直接飲埋個湯，但沾麵湯真係太濃啦，當湯飲個腎應該會有事 haha，有機會再試下拉麵先～

嚟得神山麵屋，點可以唔食同名嘅神山沾麵呢。等候時間通常比拉麵耐好多，不過好味嘅嘢梗要等耐啲。啲麵好掛湯，而豚角煮恰到好處，肥瘦均勻，咬落有陣陣油香。其實食過好幾次，只有一次係熱辣辣，通常都係暖暖地，唔知係咪怕客人辣親。亦有次可能太早入座未到晚市，師傅去咗休息，啲豚角煮唔熱又燒到好乾。但整體嚟講呢個都值得推介池魚幾香脆，同行友人唔鍾意食魚都有食，個人覺得唔點汁好食啲麥茶好飲，但同行友人發現茶面浮住一層油（正常應該唔會有人留意），倒咗再斟都有，估計係因為啲杯同碗一齊洗，希望下次再去有改善啦！

撞正lunch time時段黎當然坐座席不過既時間不長 當然試佢既神山沾麵啦果然好味 麵質彈牙 而且沾汁好香濃 好鮮味 而且能掛汁 好中意食 材料足 糖心蛋好好味 而且肉質鮮美 味道夠 值得一試

神山麵屋除咗最出名既招牌沾麵😍蕃茄叉燒拉麵一樣咁驚喜好味😋💕一直都好鍾意蕃茄湯🍅（但好多時食到既都係偏酸似落茄膏整/擺幾舊蕃茄就當蕃茄湯而個味勁淡，但神山卻做得非常出色！蕃茄叉燒拉麵 🍅$85拉麵黎到賣相已經好吸引感覺好開胃🥰蕃茄湯底香濃 味道酸甜適中 似用咗好多新鮮蕃茄熬製出黎既湯底😋🍅而且仲有好多蕃茄粒係湯底到～所用既麵條亦係我好鍾意既😝係口感Q彈滑溜爽口彈牙既拉麵😍💕軟硬度適中🧡配埋蕃茄湯食已經好好味😋當然仲有兩塊薄薄的叉燒 唔會太肥 啱曬怕肥既女仔😳另外湯底仲有舊薯蓉 感覺幾得意幾夾 融咗就係蕃茄薯仔湯🥔🍅🤣當然唔少得拉麵必有既原隻溏心蛋 咬開蛋汁流心🤩口感香滑 充滿蛋香🥚～.整體黎講呢個拉麵真係無咩挑剔位🤤而且仲好適合怕油膩怕肥既女仔食😝相對沾麵/豬骨湯拉麵都會比較健康呢🥰

晏晝想食拉麵，真係去咗APM呢間拉麵店食，喺出邊見到佢裝修都幾有日本感覺，入到去見到佢採用開放式廚房，廚房前面有張吧枱，今日一個人嚟食所以就坐咗喺吧枱前面，叫咗個期間限定嘅雞叉燒醬油拉麵，等左唔係好耐，就有得食。係吧枱望入去廚房，見到佢廚房環境都幾乾淨，食都食得放心啲。個雞叉燒醬油拉麵分量唔算多，女仔食只係覺得啱啱好，得兩塊薄薄嘅雞叉燒，但係醬油就好濃味，國家叉燒本身唔算熱，我估可能係凍食，每本有粒糖心蛋，糖心蛋嘅質素好高，醬油味入晒雞蛋入邊，而且咬落去有蛋汁流出黎，不過呢碗拉麵連埋加一都要$88 ，我覺得佢份量唔算多，但就收得好貴，雖然質素都算好，但就唔太經濟實惠。

冇期望反而有驚喜🤗係APM唔知食咩好，求其見到呢間食拉麵就入咗去，都冇咩期望，叫咗個沾面🍜點知喺冇期望嘅情況底下，就好有驚喜喎，湯底好濃味😋，面嘅質地都好食，好彈牙🤤不過如果舊叉燒🥓瘦少少就好喇😌

曾經,香港好像自一蘭來港後,就掀起了一股拉麵熱,好多日本名店來港,好多都排長龍.以前,未有這股熱潮時,大家好像都以吃味千拉麵為正斗.我呢,在日本廣島食過沾麵,則念念不忘,卻未必有迴響.簡單介紹下,沾麵是拉麵的一種,但麵還麵,湯還湯.食法就是用筷子把麵放進湯裡沾一沾再吃.麵冷湯熱就可以保留麵的彈和韌,湯的濃和香.麵食完,剩下的濃湯可以加水或淡湯喝完.湯太淡不成事.所以,沾麵一定講究麵硬,湯濃.今天,到APM的神山麵屋,據聞超人氣,常排長龍.我一個人,晚上九點多,去到直入,坐低,不需一分鐘.叫了麵屋主打:神山沾汁麵,另加一罐雪碧.麵上枱,合符商品說明條例,實物和相片有九成似,好野.麵不算多,一位女士吃應剛好,一位男士吃可能要兩倍份量.蛋是流心蛋,算中上水準.燒肉,是厚切.我坐BAR枱,對正個開放式廚房,見到由兩舊長肉放上鐵枝板燒熟再切細.所以,每舊肉都有鐵枝燒過的烙痕,又保留到肉汁和彈性.湯,用湯勺喝一啖,入到口,不稠.之後唔加水都可以喝光.有肉體沒有靈魂,有形無神,可惜這不是拉麵.值得一提,開放式廚房裡都是美少男.單身女士建議一去,睇美男食沾麵,必定為麵屋加分!!