神山麺屋 (創紀之城五期(apm))

營業中

休息中

放lunch又同同事去apm揾食, 想食日本野就去咗神山拉麵! 呢間餐廳lunch通常都唔full, 最適合番工人士平時喺神山通常都係食拉麵, 今次試下新野, 叫咗個高菜叉燒小碗炒飯。個飯一嚟到簡直嚇咗一跳個小碗手掌咁大, 份量有成兩碗飯, 完全超出我對小碗嘅想像。味道方面, 高菜少少酸, 非常開胃。 叉燒粒份量亦都完全唔吝嗇炒飯本身少辣, 可以喺落單時要求走辣 另外一讚嘅係餐廳侍應主動添水, 又主動問客人炒飯洗唔洗走辣走葱, 非常窩心

觀塘神山麵屋630 到達都唔使排隊但位已經唔多而家推介緊凡立背豬肉沾麵肉既份量好中條燒過，所以十分之脆口有肥肉既但唔會太膩凡立背就普通啦冇特別湯汁就好出色海鮮味好重又唔會太咸在場都有好多人叫呢個麺既質地都好彈牙份量對女士黎講好足夠男士我見都會加多個小食但本身舊肉已經好飽了位算多但都多人食但食得都算快好快就轉食完望出出去已經有人排隊服務好好落單好快上菜10 分鐘到熱辣辣架每位約100 蚊左右Cp值算高我會再食：）

星期六晚上睇完戲，同女朋友行到肚餓想食拉麵又想食沾麵，咁岩響apm就見到呢個沾麵，就被佢吸引入左去試，我地點左一個神山豚角沾麵同白神山叉燒拉麵，個豚角燒得非常惹味好食，沾麵既湯底都非常濃郁，沾麵好有口感，絕對滿足到喜歡濃味既朋友，個人覺得值得推薦，而白神山叉燒拉麵相對就比較普通，湯底比較淡一點，但感覺味精不重，食完都唔口渴，不過不失。

行經成日見到好多人等位，終於黎試一次，等左10分鐘左右入得比想像中快。黎呢度梗係試下沾面，我地叫左神山沾汁面同白神山叉燒拉面。神山沾汁面- 個汁杰杰地有小小蔥花睇落好似好濃咁，但沾埋面唔會好濃味，自己就鐘意沾完面再飲一啖湯。2舊腩肉做得好出色，因為外面燒過所以好香既焦香味，肥膏唔多，唔會食2啖就覺得’流’，不過佢2舊肉都幾有份量，女仔的話同朋友share會比較好白神山叉燒拉面- 個湯感覺同沾汁差不多味，面比沾面幼，比起平時既拉面會硬小小，都沾面一樣都有粒溏心蛋，溏心蛋太流心，熟少少會更好。

尋晚收工去左觀塘APM 食飯，星期五晚APM間間都要等，不過呢間只係食碗拉麵轉枱快，所以都係等左15分鐘左右就入得，講返啲野食，今日食左個帶子沾麵，同以前食過嘅有啲唔同，個沾麵汁唔太重口味，女仔應該會好鐘意，帶子燒得啱啱好，不過舊肉就有啲乾，後加左個吉列蠔，都好好食，炸完入面仲係好juicy 👍👍唯一係一食完好快收野，好似想你快啲走，不過應該嘅，因為出面仲有人等枱。食完勁快埋單走人兩個人食左235蚊，食左半個鐘左右，都ok 抵，如果可以坐多陣就會好啲

鍾意重口味嘅我間唔中都會食下沾面呢間沾面係公司附近 所以我有時放工都會約男朋友去食叫咗呢一個招牌嘅神山沾面佢有一舊又厚又大嘅燒豚肉 帶少少蜜糖嘅燒焦味我就幾鍾意佢甜甜地嘅味道啦至於麵條方面 佢嘅面質比較粗而且都幾彈牙係我鍾意嘅麵條口感點落濃郁嘅湯底 食落都幾有滿足感！

觀塘呢間沾麵我一直都好鍾意🤤食過幾次都好好味 質素穩定 店員態度親切有禮亦會主動介紹沾麵/拉麵款式 間唔中會推出期間限定黎開觀塘唔知食咩我就會簡佢😝🍜特盛豚角燒帆立貝沾汁麵 $98 （8.5/10）麵條：麵質非常出色 帶有坑紋 掛汁效果更好口感煙韌彈牙 各方面都無可挑剔✨沾汁湯底：沾汁一般都會比較鹹 最怕食到油膩/鹹既 但呢個無論係濃稠度、鹹度、溫度都係完美適中😆💖聽店員介紹除咗用豚骨、魚介、醬油熬製而成🐟🐖仲有加入了干貝，所以味道濃郁得黎亦會多份鮮甜🤤味道層次再昇華✨食完成碗麵點左好多沾汁都唔覺得油膩/太鹹唔會話好口渴想飲水😝帆立貝 燒豚肉：北海道帆立貝大大隻新鮮肥美，燒得好靚又勁香原條燒豚肉果然好厚身大條👍🏻充滿灸燒香🔥但我期望佢再燒得更焦香點，肥瘦比例適中接近黃金比例😍層層相隔 燒豚肉有用胡椒簡單調味再燒🔥唔會蓋過豬肉本身既鮮味，瘦肉方面亦唔會太柴有咬口配埋層肥肉位，比例唔會佔太多所以都唔會太油膩又富有油脂香 口感爽口有彈性😝整體黎講絕對值得一試😍神山麵屋既麵條、沾汁一直都係我好鍾意既😝👍🏻

雖然係放假，但想HEA D，所以無煮晚餐，某人想食拉麵，就近近地去了APM的神山麵屋。黑神山豚肉片拉麵 - $78店內拉麵大致分黑(黑蒜豚骨)、紅(辣或蕃茄)、白(豬骨)湯底。黑蒜湯底其實豬骨湯底加黑蒜油，見到加左好多黑蒜油，但黑蒜味不濃，反而豬骨味較特出，如果因為中意黑蒜而點呢個湯底，可能會令你失望。不過個人對黑蒜無特別喜好，所以對呢個湯底十分喜愛，湯味濃，重豬骨味，唔太鹹。豚肉片唔會有雪味，不會煮過火，剛剛好，最重要係不會過肥，肉量算多。麵條軟硬適中，無鹼水味。期間限定 特盛豚角燒帆立貝沾麵 - $98令人失望嘅沾麵。汁算濃稠，但較淡，麵沾上汁後一齊食，雖然掛到汁，但無乜味。燒肉比手掌仲要大塊，帆立貝亦差唔多有女士手掌咁大。燒肉肥瘦比例適中，但瘦嘅部份較硬，要出D牙力。帆立貝亦唔夠鮮味。神山手造餃子 - $38不過不失，如果多D肉汁會好食D

已經食過三次，之前兩次都係食沾麵，都覺得味道唔錯，所以都有再去食，今次第一次試拉麵。。。黑蒜油叉燒拉麵 $78個湯底比平時見開嘅黑蒜油黑好多，但味道又冇話特別濃，仔細睇其實唔係油，啲湯好似芝麻糊咁樣一粒粒，但都有黑蒜油嘅香味係度。但係啲麵真係唔得，用筷子夾起都見到有好幾條唔熟，未散開晒，唯有等個熱湯浸下佢先。跟住再發現個蛋都係全熟嘅，已經唔想食。。。好傷心，最想食就係溏心蛋都唔係第一次午市黎食，但原來啲質素參差到咁，商場拉麵店真係伏伏地🥵

加完班收工，一個人又攰又肚餓，一個人都唔知去食乜好，在a.p.m行下行下，就去到角落位間拉麵店，見到有bar 枱位，最啱一個人自閉地食，可以邊食邊煲劇。叫咗白神山豚角拉麵，見湯底較濃稠，以為味道都會好濃，但又唔係喎，味道清清地，好啱口味清淡既我。豚角肥美，入口即溶，口感不油膩，好淋好好食，第一次食到咁好食既日式豬腩肉。拉麵底軟硬度剛剛好，唔怪之得平時個店咁多人等啦，不過落order 後等得比較耐，好在當日唔趕時間走。

同朋友gathering 誤打誤撞入左去叫左拉面 牛舌 同炸squid 黑蒜拉面好好味黑蒜得lei 仲有本身湯的味道牛舌 一碟有二種口感 好正樣樣都出奇好味有surprise ge 拉面店

神山沾汁麵係呢度嘅招牌沾面，價錢亦都係最貴，湯底好濃郁。另外仲有黑蒜，辣味，蕃茄湯底可以選擇，拉麵沾麵都有。不足之處係麵條唔夠掛湯，唔能夠完全吸收湯底既味道，勝在豚骨湯底唔太鹹，一般食沾麵可能要一路飲住水一路食，但係呢個就完全冇呢個需要！叉燒係比較肥，厚身，成舊中式豬手咁糖心蛋既流心效果可以再突出啲！蛋味亦唔太夠！整體黎講因為所有野都唔會好杰身，好漿口，所以食落唔會好膩！可以一試，但未必會食過翻尋味。—#拉麵 #沾麵 #食好西 #相機食先 #吃貨 #食評 #香港美食

This restaurant is famous for its Tsukemen. The environment is quite comfortable. Today I tried the BBQ pork ramen with tomato Tonkotsu broth instead of Tsukemen. The presentation of the ramen looked ok. The soft-boiled egg was perfectly cooked and tasted good. There was a small ball made of mashed potato. It would be great if this potato ball can be bigger. There were two slices of BBQ pork - which tasted normal. The soup with some diced tomato tasted fresh and not salty. The ramen itself was q

H先生鐘情黑蒜👅食拉面都間唔中會揀呢種味道👀.麵條爽口 無鹼水味👏🏻黑蒜味道香濃 配落豚骨湯好惹味😋食到尾感覺偏鹹🧐豚肉片脂肪比例唔錯🤩有啲膏食落仲滑😉不過肉既甜味就爭咁啲😕流心蛋做到流心效果👍🏻蔥夠多 又有筍 🤘🏻價錢唔貴 值得一試🤑

今次與幾個朋友一齊到神山食拉麵。。哈哈，只是 APM 的神山拉麵。。 富有日本特式的裝潢，面每個角落都已經坐滿了客人。試試店舖最出名的神山沾汁麵，麵質爽口，湯汁濃度適中，不太濃也不太稀，味道亦非常可口，特別要讚的是燒豚角，陣陣的燒烤香味，未吃已經垂涎三尺。另外黑神山豚肉片拉麵，濃湯上蓋滿了黑蒜油，令整碗麵看來有点獨特的感覺，但味道原來相當之好，加上薄薄的豚肉片，入口即融化，非常美味還有白神山豚角拉麵，味道亦相當好，豚角肉大大件，如果喜歡吃肉的朋友，一定很滿足。