神山麺屋 (創紀之城五期(apm))

營業中

休息中

本身係唔知道有呢間麵店嘅存在，只係有一日去APM行街，午餐時間見呢間拉麵店唔需要等位，就入咗去試。鋪頭地方唔大，就係一般拉麵店咁嘅格局。試咗神山沾汁麵，同埋唐揚豆池魚。兩樣其實都好美味，豚角煮肉質軟滑，肥瘦均勻，充滿油香。而麵質亦都非常彈牙， 沾汁亦香濃鮮甜。而唐揚豆池魚竟然有驚喜，本身唔會太大期望，都只係諗住叫個小食食下，但豆池魚炸得非常香脆香口。而且份量都唔少。總括而言，係一間非常唔錯嘅日式麵店，下次經過APM都會想再encore嘅餐廳。