磯野水產

營業中

休息中

想食日本野朋友介紹過磯野水產正今晚經開銅鑼灣可一試先黎前菜有青瓜 蘿蔔條新鮮爽脆點埋 沙甸魚加多春魚打成既醬鹹香好味道兩個人要叫左秋刀魚刺身炸軟殼蟹米紙卷西京燒鱈魚鮫鋤燒牛舌活龍蝦兵燒 軟殼蟹好脆身 同米紙卷好夾牛脷彈牙多汁好入味 用燒熱既鐵板上香氣撲鼻西京燒鱈魚鮫 非常推介 肉質超級嫩滑 香軟入味新鮮燒出嚟真係好味道活龍蝦兵燒 煮之前餐廳會畀隻活龍蝦你睇下活生生即整即食當然係好新鮮彈牙整體嚟講性價比好高值得推介畀朋友一定會再嚟幫襯 係高質素嘅日本餐廳 唔會令人失望

呢間餐廳，真係出咗名新鮮。而且地方都算闊落！四個人食嘅話一啲都唔逼。而且枱同枱之間都有適當嘅空位，因為有空間感，環境同餐廳所賣嘅食品整體都好一致。而且燈光有少少昏暗，我覺得都幾舒服。我諗我都唔使點樣打字，大家睇相就知道啦！大家明晒啦😼其實全程都會有一個人幫你去煮同切野嘅。你話包埋表演真係一啲都冇講錯啊。講到呢度真係好想返去再食多一次。呢度地點都幾方便，喺地鐵站附近嘅商業大廈上面。不過想去食就記得book位啦！因為都幾滿座下。我嗰陣都大約預訂咗兩個星期先食得到。

餐廳富日本色彩，有專人幫客人燒海鮮。磯野刺身盛合帶子：厚身又細密，味道濃郁鮮甜平目魚：肉質非常滑溜，口感富層次感三文魚腩：肉質細嫩鮮美，又帶有豐富的油質拖羅：顏色粉紅，脂肪比例較高，油脂豐富，非常甘香牡丹蝦： 蝦肉鮮甜極富彈性，仲帶有豐腴甘香的蝦膏食完牡丹蝦刺身，剩下來的蝦頭絕對無浪費到，店員沾粉後幫我哋攞左去炸。炸過嘅蝦頭酥脆香口，蝦殼連鬚仲可以食埋落肚，蝦頭入面仲有很多香濃的蝦膏😋店舖甘岩做緊優惠 下載Storellet app就有迎新禮品清酒煮蜆😆，正清酒經過煮熱後味道更加香濃，放入新鮮的蜆實在是絕配。

終於星期五，決定去銅鑼灣食lunch，呢棟building有好多日本嘢食，又好近地鐵站。第一次試呢間，環境唔錯😊其實好想食燒海鮮，之前食過樓上嗰間好正！不過lunch hour時間有限要趕返office，都係食個set lunch算啦最後揀咗食Sukiyaki ($118)，包前菜同飲品。Emmm...味道都ok嘅，牛肉幾好食，如果多啲菜就好，平日好鍾意食浸到入曬味嘅菜，同埋無蒟蒻絲真係爭咁d加左$20追加炸蠔，每份兩件架咋，幅相係兩份😅幾好食見到網上有好多好評，可能係lunch set就無咩特別

已經很久沒有打食評，但今天不得不評價此餐廳的食物！因為無論質量，食物品質，環境都令我十分興奮！日本料理餐廳始終都有一個十分肯定的質素！ 由於等待朋友來臨我先點了一個前菜自吃，這個甜菜簡值不得之了醬汁是由多春魚和沙甸魚混合起來的醬，配上新鮮葛薯蘿蔔青瓜，十分清新嘅感覺！同時亦十分開胃！ 酢汁白子也是前菜之一，冷菜凍食！口感十分特！ 曾經看過我食評的朋友應該知道 我是無酒不歡！所以跟朋友看了菜單，發覺有一款特別的飲品“柚子梅酒”，梅酒喝得多但有柚子味的梅酒反而正是第一次！出奇柚子及梅酒十分match！柚子將梅酒的超甜大大降低，簡直絕配！ 我們對食日本料理有點要求，所以這次和朋友豁出去叫了活龍蝦冰兵燒，和秋刀魚刺身！令我們意想不到的是原來他們會把活龍蝦和秋刀魚先端上給我們看！ 由於從未試過秋刀魚刺身，在餐牌上看到令到我想有初嘗一試，本身對魚刺身不太熱衷的我初嘗一口後發覺有驚喜！秋刀魚味道新鮮沾上醋後更令鮮味突出！如未試過秋刀魚刺身的你必須一試！ 更有特色的是秋刀魚可以二食炸來吃軟殼蟹米紙卷特色之處是中間那碟柚子啫喱，食法是將柚子啫喱切細放上軟殼蟹米紙卷上搭配來吃！這是我第一次嘗試這種食法出奇

我愛食日本料理及磯燒,所以好妹妹選擇來磯野水產食晚飯來慶祝我生日。*店裝潢好有日本風格,好似置身於日本當中。*店員即燒即烤食材,十分新鮮。**免費送前菜蔬菜條有青瓜,甘筍,白蘿蔔,來沽點咸香的鯷魚醬,令蔬菜更香甜味。**【酸酢汁白子】$128 這白子配上酸酢汁,帶出白子鮮味和質感,咬開外爽內軟綿細緻,有淡淡的奶香,不帶一絲腥味。**當然由好妹妹發辦選擇池魚剌身 $398 ,而磯野浜燒貝類盛合$788十分豐富,分別有鮑魚、北寄貝、刀貝、白貝、文蛤。**【池魚剌身】$398簿切的池魚,肉質爽口帶嫩口感,可沾上葱､酸汁,可提鮮味,令魚油之脂香慢慢散發,簡直一嚐難忘。**職員即時燒貝類盛合,十分新鮮。**這二隻巨大帆立殼, 啖啖鮮甜味。【磯野浜燒貝類盛合】$788燒後的貝類後排是白貝及刀貝內沒沙,口感紮實鮮甜口感,而大大隻就是文蛤好清甜肥美。*燒後鮑魚燒得焦香,有嚼頭彈牙口感,沾點胡椒醬同食,更突出鮑魚鮮味。*燒後的北寄貝有咀嚼有口感,鮮甜無比。**【白子蒸蛋】 $98 蒸蛋內放了白子,一齊同食有綿密嫩滑的質感,更能襯出白子鮮甜味道。**【鐵板牛舌鋤燒】 98 這厚身的牛舌,入口煙韌有咬口感,

今日去咗銅鑼灣上樓食日本菜-磯野水產，餐廳出名嘅係爐端燒海鮮，中間會有張枱，專人為你燒海鮮。前菜有蔬菜可以點多春魚加吞拿魚嘅醬汁，個醬汁有蠟燭加熱，所以口感會滑啲又冇咁腥，入入口鹹鹹香香，非常開胃。家陣啤酒係買一送一，梗係叫返杯，先似食日本嘢！叫咗個刺身盛合五款，包括平目魚，三文魚腩，中拖羅，牡丹蝦及帶子。平目魚係時令海鮮，所以肉質好味又爽口，三文魚腩比平時三文魚更重油份，中拖羅超柔軟，完全有大拖羅水準，入口即溶。牡丹蝦夠新鮮，又爽口又彈牙。酢汁白子，酢汁好配合白子的味道，又可以減少腥味。火炙吞拿魚腩筋壽司，未上枱已經聞到火炙過嘅油香，魚腩筋油份好澎湃，口感幼嫩。是日推介有喜知次，剝皮魚，伊佐木，我就點咗時令的香霜蟹，Size有啲似大閘蟹細細隻，唔係為咗食蟹肉，反而係想食佢嘅蟹子同蟹膏，蟹子會脆卜卜，而蟹膏又甘香係實心的，有啲似鹹蛋香的口感，價錢$328算幾合理，食嘅時候仲會有專人同你整隻將蟹拆肉，自己唔使動手㗎。磯燒點了味增甲羅燒，入口好滑，充滿蟹肉，蟹膏味道香濃，可以配餅乾或者青瓜一齊吃，中和口腔的膩。活鮑魚兵燒，口感非常爽脆彈牙，一啲都唔煙韌。原條魷魚兵燒，魷魚好新鮮，爽口唔黐牙

香港人最喜愛的菜式頭三位，一定有日本菜。冇得返鄉下，唯有用食物慰籍心靈。今天光顧澳門逸園中心19樓的磯野水產，聽說海鮮很新鮮，性價比亦高，就等今天試一試。一坐下待應便介紹今天最新鮮的飛機貨，當中以香箱蟹最特別，因為供應時間很短，所以便order了一隻。選擇以清蒸的方式烹調，之後師傅會代為拆肉起膏，不需自己動手，這一點很窩心。 香箱蟹主要是食膏及蟹子，而肉的份量雖然不多，但都鮮甜，配合蟹子及蟹膏一起食，一啖裏有三種口感，超滿足。食日本菜刺身少不了，今天點了刺身盛合，總共有五款包括中拖羅，牡丹蝦，平目魚，三文魚腩及帆立貝。每樣都很新鮮，溫度處理拿捏得很準，當中以牡丹蝦最青甜爽口，之後可以把蝦頭炸熟送酒。講開飲酒，這裏的生啤是買一送一，飲得特別歡暢。另外還單點了赤貝刺身及火炙吞拿魚腩筋壽司，前者爽甜有咬口，後者魚油豐富爆錶，食完滿口都是魚油香。另外的味增蟹甲羅燒配餅乾及青瓜片則鹹鹹香香，送酒一流。其實食到呢度都已經有六七成飽，但磯燒海鮮才慢慢上枱：首先是活鮑魚兵燒，選用的是南非鮑魚，夠厚身，燒熟後很焾身，但仍有咬口，點一些柚子胡椒伴吃，更能提升鮑魚的鮮味。之後有活日本白貝兵燒，每人兩隻，燒的

磯野水產位於銅鑼灣澳門逸園中心19樓，餐廳主打磯燒海產。餐廳中間有個長長的炭爐，燒製出來的海鮮特別有風味，店員收到客人order後便馬上開動，一燒好就馬上送上客人枱上，新鮮度滿分。先來一份特色前菜，爽口的紅蘿蔔及青瓜配上以多春魚和沙甸魚調製嘅自家製醬，一齊食，幾清新爽口又帶點鹹香，味道非常有趣。 木盤上盛放着滿滿嘅海鮮。新鮮到仲識旭，單係望住未燒嘅食材，已經流晒口水了！鹽燒梭子魚原條燒保留左魚嘅肉汁，簡單用鹽燒已經好好味。魚皮巧妙地燒到非常香脆，魚肉卻嫩滑無比！味噌蟹甲羅燒蟹膏上面再加上鮮甜蟹肉，濃濃既蟹膏入口後係口入味好耐都唔散，滋味非常，配上餅乾，可以中和蟹膏嘅油膩。五款磯野浜燒貝類：北寄貝：肉質厚實，口感夠有咬口，裙邊煙韌彈牙浜燒鮑魚：口感非常彈牙又保留肉汁浜燒刀貝：肉質比較薄，卻非常鮮甜浜燒白貝：味道鮮甜浜燒文蛤：蛤肉爽口，肉質鮮甜，食落口中有淡淡的海水味

上個月月尾同好友過黎呢度，應該係我第二次黎，仲記得第一次主要係食刺身卷物，今次主要食嘅係浜燒前菜鯷魚醬係我必食嘅，獨有嘅鹹香味，介乎於鹹魚同蝦醬之間，配合埋爽口清新嘅蔬菜，最適合用作打開味蕾，最重要嘅係，醬料嘅分量都幾足，可以用作之後沾其他食物用壽司盛合8款就純粹過下口癮，一人4件不多不少。蝦肉好綿，糯糯地，我幾鍾意。黑松露帶子都掂，肉感好好，一入口滿口帶子肉，上面嘅松露醬另香味更有層次今次食嘅浜燒係個人覺得必點嘅貝類盛合，另外點埋龍蝦，想有多d肉食文甲、北寄貝，象拔蚌各有特色，其中文甲真係鮮味最最最突出，鮮味又口腔直入喉嚨，回味無窮，呢個正正係我最鍾意貝類嘅原因。北極貝就最多肉，而象拔蚌就最爽脆。鮑魚印象深刻，口感彈牙，其實最正係個黑椒柚子醬，鮑魚同果皮嘅味道真係最夾，沒有之一龍蝦都係蝦膏加海膽醬調味，鮮上加鮮，味道唔會過鹹，醬料香味之餘仲食到蝦肉本身嘅原味，肉質爽口彈牙👍最後點咗分三文魚鮫，呢個係我朋友發辦，我平時好少食，估唔到比我想像中多肉，而且因為呢個部位係魚腩附近，所以有d部分相對都比較肥美，有幾濃嘅魚油香順帶一提，嗰陣酒類做緊買一送一，我就點咗薑汽水割燒酎，我朋友就飲三德利

因為不是日日返公司，所以食lunch方面也改變了。由茶餐廳變成樓上鋪，今日就食日本lunch啦。店子很貼心，每個客人都會附上一個口罩紙袋。下單時店員告知這裏全日酒精飲品買一送一，真的心動了，可惜還要回公司工作不能飲呢而且現在12-5pm Menu裏散叫的可以七折，好抵。Menu很多lunch set，我們2人叫了一個定食，再加上其他散點。套餐包了前菜和飲品，加少少錢便可追加小食，我們當然要加啦。赤背刺身，甘甜，而且肉質肥厚。入口爽口彈牙，正！這個就是追加的櫻花蝦炸豆腐，新鮮炸起，面頭櫻花蝦很香脆，內裏的豆腐很嫩滑，一起吃實在超好味，下次來必要追加主菜上枱，鹽燒三文魚，分量很足，新鮮燒起，香味撲鼻。三文魚脂肪分怖均匀，肉质爽滑，吃起來也不油腻。牛舌鋤燒，上枱時鐵板很熱，牛舌要及時反轉才不會燒焦。每塊牛舌都鋪了蒜片，一反轉他便會煎的很香脆。牛舌入口軟嫩且多汁，喜歡吃牛舌的可以叫朋友愛吃天婦羅，我當然不怕熱氣的奉陪。這裏的天婦羅炸醬頗薄，炸蝦鮮甜而且大大條，還有一大堆炸地瓜茄子，賣相好之餘也很好味。套餐飲品柚子茶，柚子分量很多很好饮。

出糧當然要吃好一點！今天和朋友到銅鑼灣這家店吃飯，我想吃這家好久了。我們大概7點到，進去之後感覺氣氛很好，燈光和環境都舒服。坐下之後店員斟了日本茶。 我們叫了龍蝦濱燒，濱燒貝類盛合，燒三文魚鮫，壽司盛合8款，前菜一份還有2份飲品。先上來的是前菜還有壽司，壽司盛合挺精緻的呢，每款都有它的特色，我最愛的是海膽軍艦，吃起來口感滿滿的。之後就到貝類盛合啦！ 店員先給我們拍個照再拿去燒。 帆立貝真的絕了，那種自然的鮮甜，我跟朋友連汁都喝掉呢哈哈哈。鮑魚燒好之後店員有給我們切片，肉質彈牙，好吃。之後就到三文魚鮫，也不錯。而龍蝦濱燒當然壓軸出場，上面滿滿的蝦膏，一口咬下去香味充滿整個口腔。 總的來說，這家的濱燒海鮮的確是推薦的~

銅鑼灣逸園中心依座大廈好多食店，同兄弟都試左好多家，今晚來試依家～「磯野水產」同事食過評語都唔錯！收費合理！ 上到來見 地方環境唔錯，唔逼夾！ 一入門 職員齊用日文作招呼，好有氣氛！疫情下人氣一樣好高企。依個前菜幾好！用燭燈興住啲鯷魚醬，熱熱地配埋野菜幾好味！揀左個磯野浜燒貝類盛合二人前 788元幾豐富，有北寄貝，鮑魚，蚌仔同貴妃蚌，文蛤等。望落去好大隻同新鮮！再攞返入去燒，可能疫情關係原來唔係喺堂燒。槍魷魚刺身108元食住等浜燒，切成絲狀嘅魷魚爽口鮮甜， 撈勻啲蟹子更加脆口！好快，食下傾下啲浜燒 逐樣 上枱喇！好爽甜多汁！鮑魚好嫩滑，清甜，鮮味！真係幾好喎！蚌仔剪成件方便進食！好多湯汁勁鮮甜！幾鍾意貴妃蚌，特別爽同鮮！啲新鮮水平幾高！好味！鰻魚飯168元鰻魚係生燒，真係口感好唔同一般嘅！層皮爽得來有些少“趙頭”有彈性嘅，肉質厚實， 調味濃度剛剛好啲飯粒粒分明柔軟！食物味道同新鮮度都好滿意！

今日同朋友去咗銅鑼灣磯野水產。首先有個前菜，蔬菜有青瓜，蘿蔔，再加一個用沙甸魚，多春魚同牛奶既整成既汁，蔬菜既fresh可以中和口感。跟住係小肌壽司，小肌魚原來係幼鰶，個名好特別，肉質細嫩、味道鮮美。我地叫咗個磯野龍蝦海鮮盛合，有龍蝦，赤蝦，聖子，蚌仔，帆立貝，魷魚。非常新鮮同生猛。肉質細嫩、味道鮮美龍蝦有兩道餸，龍蝦肉就用作刺身，再用龍蝦頭燒咗個好似甲羅燒既燒龍蝦頭，好香。蝦天婦羅，炸得好好，好脆卜卜，但係唔覺得好油膩。帆立貝都有兩種口味，一種係清酒，一種係黑松露，好鮮甜，燒得好有水準，一D都唔覺得燒得好乾，仲係好juicy仲有燒聖子燒蚌仔鮮魷魚燒煮鮑魚，肉質好彈牙，好新鮮，抵讚

男朋友又帶我去食好嘢食，今次係位於銅鑼灣嘅「磯野水產」，一於食餐海鮮大餐！首先食個前菜，用一個用多春魚同沙甸魚整成嘅醬，點啲青瓜條蘿蔔條嚟食，中和返個鹹味又夠fresh之後我哋點咗「磯野龍蝦海鮮盛合」（$1398），未煮之前侍應會俾我哋睇一睇啲海鮮，有龍蝦、鮑魚、帆立貝、赤蝦、蟶子、蚌同埋魷鱼，非常豐富！隻龍蝦好大隻，而且仲識郁吓郁吓，相當生猛：影完相，侍應就會拎返盤海鮮入廚房準備 😋先嚟食龍蝦刺身，口感爽脆，最貼殼嘅肉可以唔食住，一陣甲羅燒食！之後係磯煮鮑魚，鮑魚先用日式醬油煮，再放涼，所以係凍凍哋，甜甜哋得嚟又有鮑魚口感：之後係濱燒蚌仔：濱燒蟶子：清酒煮帆立貝，有淡淡嘅酒味，我連啲汁都飲埋：黑松露帆立貝，好香黑松露味：赤蝦天婦羅，炸粉唔會好厚，感覺唔會好油膩：濱燒魷魚：龍蝦甲羅燒，夾埋啲餅一齊食，惹味：我哋仲叫咗個「小肌壽司」（$88），口感好特別，男朋友表示鍾意：