磯野水產

營業中

休息中

如果你想食有層次既咸味就去啦。叫佐d燒物（蝦，凡立貝，蠔，包魚等等咩都有）但真係一個比一個咸。除佐咸咪無其他。叫佐d廚房整既野，牛舌，都係又咸又香口膠最後叫佐個tempura同玉子, 無味，最好食，因為唔咸。服務，杯茶叫先沖。埋單都好快。食完出去買佐支野飲。所以，唔好害人，可一不可再，一d都唔日式，十分之咸咸咸咸咸咸咸咸

2020年來到年尾，疫情仍然反覆，晚上禁堂食令又再推出。唯有午餐去吃餐好。我和朋友選了也選了一人浜燒定食，魷魚鬚，赤蝦，帆立貝，貴妃蚌，北寄貝，套餐有野菜烏冬。店員拿海鮮盒給我們拍照，然後送到餐廳中央的磯燒桌，為我們處理食材。首先上前菜，牛蒡漬物好吃，味增湯有鮮甜蜆肉。磯燒帆立貝，黑松露，出奇地夾。燒北寄貝和貴妃蚌，加上酒去燒，更突出鮮甜味。另外再加了刺身壽司盒，裏面有鰻魚壽司，帆立貝壽司，鮑魚軍艦，加州卷兩件，放在九宮格中十分之精美，當然質素也高。三文魚刺身，炙燒左口魚，肉質肥美，一咬下去，油脂在口中溶化，十分幸福。赤蝦刺身，大隻又彈牙。炸魷魚鬚，魷魚鬚肉質厚但不韌。吉列炸蠔，外皮酥脆，蠔肉炸後仍然多汁大大顆。食完野菜烏冬大大碗，真的很飽。最後看到隔離桌點了蟹膏，配上梳打餅和青瓜。我們看到十分吸引，又點了一客，蟹膏濃郁，真的十分推薦。

閏蜜生日，遇上晚上禁堂食，唯有選擇午餐都吃好西。今天選間有特色的，和她好好慶祝一番。我們選了2個一人浜燒定食，帆立貝，魷魚鬚，赤蝦，貴妃蚌，北寄貝，配烏冬。店員會先把套餐的海鮮給我們看看，可以拍個照，然後就會送到開放式的磯燒桌，為我們預備食材。先來的是前菜，泡菜和牛蒡漬物，味增湯有蜆肉，更加鮮甜。吉列炸蠔，外皮酥脆，蠔肉炸後也沒有縮得很小。炸魷魚鬚，炸皮很薄。魷魚鬚肉質彈牙不韌。磯燒帆立貝，上面加了黑松露，十分配合而且燒北寄貝和貴妃蚌，加上酒去燒，又香又鮮甜。野菜烏冬大大碗，男生也不怕不夠飽。另外加了刺身壽司盒，三文魚刺身，炙燒左口魚，肉質非常肥美。赤蝦刺身，新鮮彈牙。鰻魚壽司，帆立貝壽司，鮑魚軍艦，加州卷兩件，不但擺盤精美，食材也高質素。生日一年一次，豪一點也不為過，最後加了蟹膏，配上梳打餅和青瓜，拌著吃，蟹膏香濃，在口中溶化，簡直是人生一大享受🤤

聖誕節就到，同朋友去銅鑼灣shopping，佢話冇得去日本旅行，好想食浜燒海鮮，佢訂咗「磯燒水產」，因為有七折優惠。餐廳裝修帶點日式居酒屋風格，氣氛幾好。重頭戲浜燒海鮮之前，先食個「蟹味噌蟹肉手卷$88」，香濃嘅蟹膏、蟹肉，配上香脆嘅紫菜和日本米，鮮甜有口感。朋友嘅「吞拿魚腩手卷 $88」，配上青蔥嘅吞拿魚腩，入口即溶，淡淡鮮味。我哋兩個食完，不約而同地對着笑說：好味好味。「依佐木魚刺身$268」🐟師傅嘅刀工很好，把依佐木魚切得晶瑩剔透✨，魚肉的口感鮮嫩細滑，魚味都幾濃郁，配上酸汁更帶出鮮味。「兵燒盛合 $688」，盛合木盤內包括鮑魚、海蝦、生蠔、蜆肉等；店員推介下多加一隻「響螺$328」。原來有專人服侍，唔駛自己燒😆，師傅燒好後一道一道的送上。海鮮很新鮮，鮮甜味亦足；特別係燒鮑魚，燒得剛剛好，很爽滑彈牙；生蠔則很鮮味多汁。我第一次食燒響螺，師傅把燒好嘅響螺切片，加入昆布湯，很嫩滑鮮甜，令人回味😋。「蟹膏海膽三文魚炒飯$128」這絕對係豪華版炒飯，蟹膏、三文魚的炒飯為基底，鋪上海膽、蟹子，讓味道更加有層次，每一啖都吃到豐富的鮮美海味。這裏的店員有禮貌，每道菜上枱也會介紹其精髓。雖然疫情

朋友知道我鍾意去居酒屋，包括海鮮居酒屋，咁佢就帶咗我嚟呢度，原來叫「磯野水產」，同喺日本有過百分店嘅「磯丸水産」只差一個字😁- $34嘅前菜係沙律，有青瓜條、紅蘿蔔條、白蘿蔔條，配上用小火爐熱住嘅sauce, 估計係味增蟹肉/蟹膏醬，沾嚟食出奇地好味😋- $268嘅「伊佐目刺身イサキ（半條）」：魚肉新鮮充滿umami, 配ponzu酸汁食更能帶出鮮味😋- $688嘅「浜燒盛合（二人前）」➕ $328嘅「活響螺浜燒」：全部都好味😋；鮑魚肉質結實有咬頭，新鮮美味😋；生蠔比較爽身，帶淡淡嘅海水味，好清新😋；鮮蝦體積巨型，比我嘅手掌更長，非常吸睛😍，肉質鮮嫩，味道鮮甜😋；蜆肉非常飽滿，填滿整個蜆殼😋- $128嘅「蟹膏海膽三文魚炒飯」：海膽放喺炒飯上面，非常新鮮，好creamy；飯裏邊充滿着蟹子同三文魚，每一啖都好似食緊海鮮咁😋，飯炒得香又粒粒分明，呢個係高質炒飯😋呢間係海鮮居酒屋，不過午飯時間我哋冇飲酒，等遲啲可以食晚飯嘅時候再嚟過，試吓佢哋啲清酒🍶。仲有，而家疫情期間有七折，幾抵食😋😁

今日忽然好想食贵嘅😬😬😬因为值得庆祝吓。叫了几款喜欢吃的海鲜。赤贝刺生:：两个字：鲜、甜！加多个字：正‼️浜烧活北寄贝：吃了个胃好暖，弹牙，鲜甜，连汁都喝了。黑松露牛油浜烧带子：带子鲜甜弹牙的带子配上黑松露和牛油一起烧，令味道提升了许多，好好味。海之幸丼：种类多，大大只的赤虾，两只长脚蟹蚶，蟹籽，三文鱼，吞拿鱼，每样都鲜甜万分，令人回味非常。除了刺生，竟然有味噌蟹甲罗烧，配上酸酸甜甜的鱼生饭。Prefect !

今日嚟到磯野水產，難得就放假就食豪啲。好似好耐冇食日本料理。呢間餐廳做緊七折優惠(12-6pm)，酒都係買一送一，所以我先食得起。野菜條沙律伴鯷魚醬 $34紅蘿蔔、白蘿蔔、青瓜各幾條，可以點落去啲鯷魚醬到食。幾特別、味道濃厚。佢地仲有個爐仔整熱個醬，唔怕佢凍，仲可以取暖。磯野龍蝦海鮮盛合 $1398呢個餐有一隻龍蝦、兩隻活帆立貝、兩隻生蠔、兩隻刀貝、兩隻赤蝦同埋一條鮮魷魚。食客可以揀刺身或浜燒，而魷魚同蝦更加可以天婦羅。龍蝦：浜燒啲嘢食未整之前，店員會俾我地影咗先。我地影相嗰時隻龍蝦係咁郁，好生猛好有求生意欲。佢比我更加生猛同有求生意欲，係我嘅學習對象。大大隻嘅龍蝦燒熟之後上面仲有啲龍蝦醬，雙重滋味、勁香。赤蝦：刺身隻蝦都唔細，有好多肉。新鮮嘅海鮮好甜，呢個都一樣。帆立貝1：刺身呢隻好甜，好耐冇食過咁新鮮嘅海鮮。同埋佢地幾大粒，好滿足！帆立貝2：浜燒呢隻用黑松露燒，超香！帆立貝嘅味道都仲係好出好甜，唔會俾黑松露掩蓋。生蠔：浜燒生蠔都變咗熟蠔，但一樣好味道。燒得好香，加埋檸檬汁好滋味。刀貝：浜燒咸咸地，應該係海水味；又甜甜地，肉質鮮甜唔係啲平嘢！魷魚：天婦羅係高級嘅炸魷魚圈，彈牙到有拉絲

由宣布晚市禁堂食開始到依家都差唔多十日。禁堂食除左代表夜晚唔可以出街食之外，更加代表左我會洗少左錢，姐係儲多左錢。今朝上完堂之後，終於可以放返兩三個禮拜嘅假。都超過半年未試過放咁耐假，為左慶祝呢個久違嘅長假期，今日落堂之後就同左同學去左銅鑼灣呢間磯野水產食豪啲，食餐正嘅lunch慶祝下。（其實都係因為見呢到呢排12-6pm主餐牌有七折，難得有日下午得閒就去食。）餐牌寫住「用餐時，會送上收費鮮菜沙律為前菜，如不需要，請向本店職員提出，多謝」問左店員呢個沙律係咩黎，原來好似好特別咁，仲要只係$34，既然今日決定左要食豪啲，咁就唔好慳嗰$34啦，照要！🥗野菜條沙律伴鯷魚醬 $34有紅蘿蔔、白蘿蔔同埋青瓜各幾條。有個爐一路熱住啲鯷魚醬，個醬好濃。將啲野菜條點落啲鯷魚醬到食，都幾特別幾好食。只係$34炸，好彩有加。🦞磯野龍蝦海鮮盛合 $1398七折之後呢個餐一千蚊有找！兩個人食夠食架啦。呢個餐有一隻活龍蝦、兩隻活帆立貝、兩隻活蟶子、兩隻活處女北寄貝、兩隻赤蝦同埋一條鮮魷魚。不過今日蟶子轉左做生蠔，北寄貝轉左做刀貝。全部食材都有得揀要刺身定係浜燒，魷魚同赤蝦仲可以揀要天婦羅添。🦐赤蝦同其中一隻帆立

又可以同閨密食好野既日子🥰今日食午餐日式浜燒🍱，午餐定食抵食👍🏻「浜燒定食」，內有 大蝦，刀貝，白貝，八爪魚，活帆立貝，每樣都十分新鮮，鮮甜😍😍 尤其 帆立貝，加以黑松露煮理😋😋。「罐酒蒸刀貝」香濃酒味🤗「大蜆湯」湯味好鮮甜手，而且有幾隻蜆「松葉蟹腳刺身」好鮮甜😋「赤貝刺身」好爽脆👍🏻生蠔-分別有2款食法 「醬汁味」「原味」生蠔大大隻，好隻呀😍😍，原味鮮甜👍🏻 醬汁味有另一番味道😋😋😋「琵琶蝦粥」嘩嘩嘩👍🏻👍🏻👍🏻 豐富的蝦肉，粥底結身，夠哂飽肚🤗備註：員工nice🤗內部裝修好有日本風🥰

而家晚飯無得出街食咁就同朋友去食lunch提早慶祝聖誕節🎄喇！當然就要食好少少大家一致揀左食日本野呢間既午餐好抵食呀浜燒定食都只係$168咋浜燒定食 $168+$50轉大帆立貝有齊帆立貝、白貝、魷魚、刀貝、赤蝦仲有專人幫我哋燒埋跟餐湯：大蜆湯個湯好清澈，非常鮮甜一碗真係唔太夠好想飲多碗！刀貝燒既時間岩岩好，肉質一啲都唔韌加左清酒浜燒，鮮甜味道更突出！魷魚口感好爽，加左日式醬油，更惹味不過稍有不足之處就係條筋位，如果可以清除先燒會更perfect幫我地開埋邊食落更方便仲可以輕輕鬆鬆咁食埋啲蝦膏赤蝦好新鮮，肉質爽彈之餘，又唔會燒得好老黑松露燒帆立貝帆立貝超大隻鮮甜味十足加左黑松露一齊燒，令味道更有層次！赤貝刺身好肥美呀蟹腳刺身質感好軟滑，極有鮮味生蠔永遠都係我哋嘅最愛原味：口感更爽身，味道有微微既海水鹹味，夠哂新鮮！size起碼有手掌咁大超好食酸砟汁：另一種食法係加左明太子&醬油，成個感覺好日本風，鮮甜度亦好豐富不過我還是更喜歡原味櫻花蝦炸豆腐櫻花蝦炸到好脆，咬開之後就遇上了滑滑既豆腐好正，有雙重口感同埋係熱辣辣架琵琶蝦粥呢個粥不得了個粥甜到呢係滿滿都是蝦既鮮甜味而個粥煮到有啲似risso

雖然疫情，但由於是周年紀念，還是找了一間高檔的吃個午餐。海鮮好正，老公真係冇揀錯。赤貝刺身呢隻刺身真係好清甜，勁爽，又好有貝類嘅厚實感覺，好正啊！活北寄貝兵燒廚師加咗海大，連個湯都可以飲埋，我真係好鍾意❤️。活帆立貝兵燒點解可以咁多肉，已經將它分成四粒，但係每一粒都仲好似一隻帆立貝咁，真係好好味😋好肥美。海之幸丼呢個係套餐，真係好抵食，因為有意想不到嘅咁多海鮮：大蝦、蟹膏、帶子、三文魚、吞拿魚、蟹子、仲有成個蟹鉗😍好正😋😋😋😋😋😋😋😋😋😋好食😋醬汁燒魚成條魚都好好食好入味，肉好嫩滑新鮮，連骨都吃埋，但係唔記得咗條魚叫咩名。

女朋友生日這個大日子，當然要找些特別的餐廳來慶祝一番，磯野水產的磯燒海鮮應該很適合我們。野菜條沙律伴鯷魚醬先點了一客前菜令胃部準備一下開動，鯷魚醬極為香濃，魚鮮味極重，不喜歡吃魚的人或者不愛吃，但我倆偏愛這種濃厚味，用新鮮爽口的蘿蔔條青瓜條點醬來吃可以中和一下味道。原條深海池魚刺身吃刺身最喜歡點一條季節時令的鮮魚，師傅會挑選當時最好味的原條鮮魚切片做刺身，食材及刀功也要講究，白身魚的深海池魚鮮甜濃香，而且擺碟很精美，打卡一流。磯野壽司盛合八款有一般大眾也愛吃的豐腴三文魚腩壽司及馬糞海膽壽司，鮮甜無比，其中最吸引的要算是這件拖羅壽司，魚香油重香滑鮮甜，真正融在口裡。味增蟹甲羅燒蟹肉份量豐富，味增不會過濃而搶味，配合鬆脆的餅乾一拼吃，口感更上一層樓。活鮑魚浜燒在未燒之前職員會拿過來看到它還在動，新鮮程度無庸置疑，師傅還細心地去除了鮑魚的排泄部分，鮑魚肉身豐厚，點一些柚子鹽更能吊起鮮甜味。鱈魚蟹腳浜燒蟹腳很粗壯令蟹肉量多，蟹肉裡還能吃出鮮甜的海水味。活帆立貝浜燒用了黑松露醬汁來醬燒，做法新穎獨特，為本身清甜的帆立貝帶來另一重鮮味。鹽燒牛小排點了五成的生熟度，可以見到火喉控制得好，牛小排的血水

今晚和朋友慶祝生日，於是選了一間專門吃浜燒海鮮的日本居酒屋來吃晚餐。晚上都比較多人，幸好提前訂了座，很快便有位。餐廳環境舒適，富有日本風格，氣氛熱鬧，很適合聚會聊天。蔬菜條配鯷魚醬是開胃之選，鯷魚醬會一直熱住，味道更鮮，惹味香甜，一點也不腥，用爽脆多汏的蘿蔔條和青瓜條等沾來吃很配搭。梭子魚原條刺身賣相美觀，切得薄身輕盈，肉質晶瑩剔透，彈牙爽滑，有啫喱般的質感，魚香味濃郁，鮮甜美味，可以點上蘿蔔蓉和蔥粒等一起吃。活海鮮浜燒組合材料豐富，有活鮑魚，鱈場蟹腳，味噌蟹甲羅燒配餅乾，活帆立貝等，十分吸引。職員會好貼心幫忙在另一張檯燒好端上。活帆立貝浜燒，用牛油燒，肉質厚身嫩滑，鮮甜多汁，牛油香味滲入帆立貝當中，惹味香滑。虎蝦浜燒蝦味濃郁，肉質彈牙爽口，燒得剛好熟，蝦膏也很飽满。磯野壽司盛合八款用九宮格裝上，很有心思。有池魚，炙燒吞拿魚腩，磯煮鮑魚，黑松露帶子，赤蝦，拖羅和海膽等壽司，美味香甜。特別是拖羅和海膽壽司，拖羅肥瘦適中，油脂分佈平均，嫩滑香甜，海膽入口即溶，香滑無比。鹽燒牛小排伴有味噌辣胡椒和芥末子醬汁，牛小排燒得嫩滑多汁，油脂比例適中，入口油脂香味散發，肉質嫩滑香甜，牛肉味濃郁。梭子魚

晚上兩個人，訂了這裡聊天喝酒，以前未來過。疫情下只有一半顧客。裝修挺有地道日本居酒屋風味，價錢也不算貴。可是空調調的太冷，不能久坐。點了燒雞泡魚乾小食，燒貝類套餐，燒螃蟹腿。吃完那貝類套餐，已經好飽，後來加燒蟹腿都是為了配酒。食材新鮮，燒烤的也是很香，雖然跟日本本地吃的還是有點距離，也算可以了。到了埋單看下收據，就有一點不高興了。原來啤酒買一送一，我兩不知道只喝了三杯，服務員也不提示一下，這不是錢的問題，而是態度的問題。覺得很不爽，不會再來。

大姊生日，疫情看數字有穩定下來，就來一個慶生晚飯選了磯野水產，位置便利，而大姊最愛海產類，就選定了。前菜就先來了野菜併盤配了鯷魚醬，是用了沙旬魚多春魚混合的自家醬，帶有鹹香，用來點西芹，紅蘿蔔很不錯深海池魚簿刺身 食日本野又怎少了刺身，點了深海池魚刺身，可配薑蔥和酸汁，個人喜愛不點醬汁，帶出刺身的鮮甜味道貝類盛盒 有職員幫忙磯燒，十分忙碌，整晚也沒停下來白貝 刀貝 文甲貝 都十分鮮甜美味鮑魚配了胡椒醬，口感爽口彈牙北寄貝是最大的一個，帶有海水味道，十分鮮味酢汁白子 粉嫩的口感 ,開頭還擔心會帶腥味原一點不會腥，配了酸汁，十分開胃鐵板牛舌鋤燒 牛舌夠厚，很有咬口，令人回味白子蒸蛋白子本身沒什麼味道，配上滑溜的蒸沙，就好似棉花一樣軟熟麵豉湯最後用了池魚起出來的魚骨煮成了這麵豉湯，鮮甜無比，也可暖暖胃最後來了一盤點品福餅，大姊十分興奮，打卡又打卡，十分完美的一晚。