磯幸 (已結業)

每次經過門口也覺得磯幸很昂貴，但又一直很想來試。終於被我發現它們有一個超值的二人餐，如果散點價值約千二蚊的！而二人去就會送龍蝦和啤酒，非常掋食！位於灣仔的磯幸面積雖小，但環境舒服，設有吧台和卡位。首先是蟹籽沙律，新鮮爽口的沙律菜配上脆卜卜的蟹料，是一道開胃的前菜。三點刺身有深海池魚、三文魚和赤貝，刺身鮮甜厚肉，肉質具彈性，口感十足。可選三款磯燒海鮮，我們選了北寄貝和日本蠔。北寄貝爽口彈牙，而日本蠔份量十分，大隻又鮮甜，更沒半點腥味。燒的時候師傅下了清酒，更能帶岀海鮮的鮮味，所以我們最後連汁也喝光。另外燒立魚的賣相也很吸引，魚皮燒得香脆可口，魚骨也不少，但勝在魚肉鮮甜軟滑，沾上酸汁更開胃。炸得金黃色的吉烈豬扒酥脆香口，粉漿份量恰到好處，肉質腍而入口，配上豬扒醬汁非常好吃，吃完也不覺膩口。串燒也可選三款。赤雞翼的雞皮燒得香脆，肉質鮮嫩多汁，擠上檸檬汁更可清油膩。我最愛便是吃燒豬腩肉了，這道鹿兒島豬腩肉油脂濃香，豬肉燒得非常腍，還有點入口即溶的感覺。日本小青椒串，上面放上木魚，口感一流。龍蝦已開邊，上面鋪上了一層啡色的醬汁，原來在燒龍蝦了用了龍蝦膏同醬，所以不用再調味。用了龍蝦膏果然非同凡響

曾經有位相士話過我前世是一個日本人，聽後我感驚訝 、其實我從小到大都真係好喜歡日本文化，如卡通漫畫，日本語言，時裝，日本料理，甚至乎工作上，交朋友上都以日本人居多。哈哈...有幾盡確喎。今日約了友人小黃晚餐，她明知我鐘情日本料理，特意帶我去一間新開不久的日本料理店，太驚喜了。水準不錯。白飯魚魚干酥脆可口，蘸少許沙律醬更添美味，佐酒一流的小吃。刺身三款有中吞拿魚腩，帆立貝和生蠔。帆立貝嫩滑，味道濃郁鮮甜。中吞拿魚腩脂肪和肉比例平均，肥厚，入口溶化。生蠔不一定法國，澳洲的最好，其實來自日本的蠔絕不遜色。肥美肉厚，入口甘香有質感，食後餘韻強勁，正！美食一浪接一浪，原隻燒龍蝦，表面塗上了龍蝦本身的膏，經燒後，金黃色的龍蝦呈現眼前了。肉質新鮮彈牙，啖啖肉，食到心心眼！燒蟶子同樣美味，爽脆有嚼口。伴菜都好出色，用紅酒釀製了的雪梨粒粒，微微的酒香加上清甜爽口雪梨，可清清喉嚨的味覺。嘩！原隻䲞魚燒起上嚟體態優美，原汁原味，肉質好鮮美，蘸少許酸汁可提鮮，超正！最後試了三款燒物，牛舌，黑豚肉和大啡菇。牛舌我最欣賞，味道濃厚，軟腍有脂香，熟度恰到好處。

wuuuuuu 其實由佢開左開始已經一直好想同媽咪黎試下☺️見月尾就豪豪佢 食下磯燒日本菜啦.白飯魚魚干 ($88)烘到乾脆香口 點埋個沙律醬作為前菜真係一流💕.刺身 - 活赤貝($60) 中吞拿魚腩 ($160) 北海道海膽 ($250)我地嗌左刺身三點～～ 活赤貝超爽口帶鮮甜味道☺️吞拿魚腩放入口入口即融 感受到魚油脂係口中化開嘅感覺 真係好幸福海膽係超級上等嘅貨質啊😳入口已經有一陣鮮甜味衝擊味蕾 然後陣陣回甘 太好味了❤️.燒生蠔 ($140)一人一隻燒生蠔 蠔唔算超大 但勝在肚仔谷谷 非常肥美❤️入口甘甜 海水味都幾重 係媽咪鍾意嘅味道☺️.蟹肉甲羅燒 ($88)每次都覺得膽固醇超標但又必定要嗌🙈 呢個蟹肉甲羅燒將鵪鶉蛋換成滿滿嘅蟹籽～～換成另一種嘅口感 真係超特別☺️蟹肉超鮮甜 連埋蟹膏食真係太幸福了～～.燒北寄貝 ($80)熬騰騰嘅燒北寄貝 師父處理到完全唔會韌口 係有彈性爽口質感niceeee☺️.薩摩赤雞 ($128)皮燒到極度焦脆而肉質保持嫩滑 配埋個柚子胡椒 辣勁十足 但真係一定要點黎食先過癮🤣.日本蕃薯 ($40)係日本甜薯 簡單烤烤已經好香好好食🍠.燒飯團 - 梅子 ($40

「磯燒」一詞是源於以前日本人捕撈海鮮後，然後於岩岸邊烹調，現引申為用最原始的方法料理，炮製出最新鮮的海鮮美饌，前幾日我就來到銅鑼灣的磯幸，親嚐原汁原味的磯燒海鮮。因為是新開張不久，裝潢仍是新簇簇，除了卡位外，還設置BAR枱，近距離觀看師傅在燒食材，香味撲鼻而來。黑紅主色裝修為和風注入摩登時尚氣息，富有型格美感。見到這個二人前套餐尤其抵食，只需$528，翻看主餐牌，如果散叫的話，這幾款菜式都價值過千了。蟹籽沙律爽口青瓜絲拌以清脆的粒粒蟹籽，清新開胃。三點刺身刺身總共有三款，包括肉質緊實爽滑帶油香的深海池魚刺身，肉身圓厚而鮮嫩甘甜的北海道活帆立貝刺身和散發清冽海洋風味的活赤貝刺身。磯燒海鮮選了鮑魚、蠔和車海老，即點即燒，新鮮熱辣，調味不重，細嚐海鮮食材的原味。上枱前鮑魚都已切成小片，食時更加方便，感受鮑魚的鮮甜海味與彈牙的細緻口感。燒過後的生蠔不會縮得太細，肉質亦未有變韌，蠔味濃郁，回味甘香。頭大大的車海老夠厚肉，形態豐腴肥美。肉質非常結實緊緻，不會燒得過了火候。二人前套餐附送燒龍蝦一隻，不過size偏細，不算多肉，而且肉質未夠爽口，略為失色了一點。串燒赤雞翼外皮金黃香脆，加上撒在表皮的香

駱克道一帶一向多食肆，其實平日經常經過，一直被『磯幸』這餐廳的門口吸引著，既高級又神秘，今晚終於有機會同朋友來，慶祝他的生日。 餐廳佈置富有日本風格，最喜歡是居酒屋的格局，眼前放著不同的海鮮，居酒屋格局可以對著認真準備食材的廚師，特別有感覺。餐牌選擇多元化，分別有壽司、刺身、磯燒、燒物、炸物、丼等等。 既然是慶祝好友生日，當然要食好Ｄ。首先點了『白飯魚魚干＄88』，製作方法好特別，如煎面餅一樣，脆卜卜，第一次吃這樣做法的白飯魚乾，作為前菜一流。 之後來點刺身，我們選擇了三款，分別是『活赤貝刺身$60』、『中吞拿魚腩刺身$160』及『北海道海膽刺身$250』。每份刺身也有兩件，『活赤貝刺身』咬落口感非常爽, 而且味道鮮甜；『中吞拿魚腩刺身』好肥美又滑有入口即溶嘅感覺；『北海道海膽刺身』 海膽嫩滑無渣，用青瓜作配搭，感覺好清新。三款刺身均是極新鮮，本來想點多幾款的，不過想點其他菜式，所以先點三款。 食完刺身，之後當然要開始食熟食。首先有『北海道活帆立貝$70』帆立貝肉身圓厚飽滿，簡單加上豉油和鹽，磯燒後道特別鮮甜，質感爽彈。 『薩摩赤雞$128』什麼叫薩摩赤雞呢? 店員耐心的介紹，原來薩摩

天氣雖然凍凍地但係唔會失去左想食日本野嘅興趣今日行完銅鑼灣見到呢間餐廳有個幾抵食嘅Menu唔單止有刺身仲有磯燒海鮮更加有串燒所以就入一入去醫一醫肚首先第一款是蟹子沙律用了新鮮的青瓜絲再配合沙律醬再加上蟹子味道不錯不過不失之後便是三點刺身有三文魚帶子及油甘魚三款刺身都用上了厚切的方法但係厚切的方法就唔會連埋根咁切所以食落口啖啖肉唔會有渣同根而且三文魚嘅味道新鮮鮮甜味道十足帶子啖啖肉鮮甜無比油甘魚香濃嘅味道充斥着整個口腔接着便到了今晚嘅主菜之一我們選擇了磯燒𩶘魚蠔同北寄貝𩶘魚用上了完全磯燒製的方法外面只加上海鹽調味所以淡淡食落口除了有燒烤嘅味道之外重更加食到出𩶘魚本身嘅鮮甜味道另外蠔同北寄貝加上了日本清酒完全吸收晒兩者的味道鮮甜無比令人食指大動之後串燒仲更加叫咗雞豬軟骨仲有豬腩肉全武都係即叫即燒的所以食落口仲係熱辣辣而且味道調制得非常之足夠又唔會過分地咸之後仲有一份吉列豬扒這個吉列豬扒也是剛剛炸好的不過不失最後這個餐如果有兩個人叫會送上了即燒龍蝦一隻龍蝦肉大大隻而且仲非常之咁先甜食落口非常之咁滿足最後仲會有雜菜湯烏冬來今晚畫上了完美的句號

假如大家最近有看我的Facebook專頁分享的話，也知道我最近有在努力keep fit呀(說穿了是肥了很多...）～ 話說，為左加強麥皮革命的成效， 連lung廚也間要去做gym同事說: 要食返18件麥樂雞奬勵自己Iki: (有道理，係愛呀)既然這樣的話，那就多吃日本菜吧！日本菜感覺有比較健康，還是吃海鮮的話，那該更理想吧～ 哈～日本凍蕃茄、 炸櫻花蝦、白飯魚干多汁的蕃茄給味蕾帶來刺激；炸櫻花蝦和沾沙律醬的白飯魚後更見鹹香～ 刺身:活響螺、北海道活帆立貝、活赤貝、北海道海膽、中吞拿魚腩、北海道牡丹蝦印象已經有一段時間沒有吃過那麼大和那麼盛大的刺身拼盤了～ 中吞拿魚腩是厚身，超有質感的！ 北海道甜蝦也好有質感的，新鮮的黏性很強，很讚！磯燒海鮮:原來 ‘磯’字的意思是原自日文的， 形容受海岸衝打的岩石，而「磯燒」則有將海鮮保持原味吃法的意思。在吃各種海鮮前先看看它們的原貌: 活諗蝦、活鮑魚、喜之次, 對辦。最期待的該是喜之次，畢竟新鮮的還是不易吃到。喜之次烤得剛好，魚油豐富，油花溢出，魚肉細緻～龍蝦也做得不錯，簡單的烹調已經可以吃出了海鮮最根本的鮮味，有趣的是伴碟是無花果來的。

先來一客青沙律清味蕾、青瓜清新爽甜、沙律醬份量剛好、不會過份多。深海池魚$70肉質爽滑、味道清甜。響螺刺身晶瑩通透、爽口、味道比象拔蚌更鮮。三文魚同樣肥美新鮮、富魚油香。炸豬扒肉質唔算好軟、但外皮炸得脆。燒蠔看起來脹卜卜、蠔汁緊鎖在裡面、咬下去好juicy、味道鮮美。花竹蝦燒得很香、有好多蝦膏。燒雞軟骨、燒雞翼火侯控制得宜、有少少焦香、雞翼肉質嫩滑。燒秋葵少了那種滑潺潺感、不錯。吃完刺身燒物來一個熱烏冬、頓覺暖笠笠滿足。

有識飲識食的朋友帶路當果然不同！由銅鑼灣站行過來只約五分鐘的這段駱克道已發展成一條小食街。朋友是常客，由他發辦。先來的是白飯魚魚乾，從來未想過白飯魚也可以這般好味，脆卜卜，有點似日本的魷魚燒餅，送酒一流。朋友點了三種刺身：活赤貝刺身、中吞拿魚腩刺身和海膽，三種都好新鮮，海膽無腥味，平時多數用紫菜配海膽，原來用青瓜一起吃也很好味，但朋友則覺青瓜的青味搶了海膽的鮮味。三樣之中我則最欣賞赤貝，一隻切開都有約六、七條，爽口彈牙。因為朋友不愛吃豬和牛，我於是點了薩摩赤雞，雖然不知道甚麼是薩摩，但切粒的燒雞肉皮脆肉嫩。朋友之前來吃過蟹肉甲羅燒，覺得很抵食，所以要推介給我。拆了肉的蟹，放在一個貝殼内，上面放了點蟹子，賣相精美，最特別的是附上薯片，把蟹肉放在薯片上食，竟然出奇的夾。北海道帆立貝，超大隻，彈牙好味。我覺得是重頭戲的磯燒活龍蝦：眼見細細隻，但肉厚，食到龍蝦的鮮甜味，超正！因為覺得每餐都應該吃點蔬菜，我們點了千両茄子，味道偏淡，但連薑蓉一起吃幾特別。最後，作為飯桶的我，要求加單點了三文魚燒飯團，飯團外面燒到脆卜卜，入面的三文魚份量十足，調味也好！完美的一餐，居酒屋格局，但食物一流！讚！

今晚打算去希慎買iphonex，點知遲左收工過左預約時間，唯有直接去食晚飯啦！係灣仔一路行向銅鑼灣，諗住睇下有咩好食或者新開既野啦～差唔多行到橋底辣蟹之前，經過呢間日本野傳出好香既燒烤味，就決定入去試下！睇緊餐牌個陣，有個職員埋黎問我地有冇咩preference 可以推介番，我地話想試下啲燒物同呢到出名既野！佢就幫我地點左以下既菜：1）白飯魚魚干好脆好乾身，有淡淡既咸味，好適合送酒，但可惜！我地冇叫酒！2）三款刺身：北海道海膽、活赤貝、中吞拿魚腩三款都係極高質素，尤其係吞拿魚好冇魚油香味。刺身與價錢成正比，值回票價！3）北海道活帆立貝呢個煮法好似似中式多過日式，帆立貝新鮮，但味道就一般！4）薩摩赤雞比預期中好食！皮好脆同香口，雞肉質好嫩，又岩岩炸起所以好熱好好食！5）蟹肉甲羅燒一上菜已經覺得好新奇！因為有一串薯片伴碟！原來係用黎送蟹肉食～蟹殻下面墊左啲海鹽，我估係係鹽燒處至過，撕好左既蟹肉有咸味，上面有啲叫做蟹面鼓既野，都好好味好開胃！至於薯片，都係冇咩特別，唔覺得佢同蟹肉夾！6）千兩茄子上面舖左木魚，同茄子都幾夾，但冇咩特別7）活龍蝦重點終於來了！龍蝦好大隻，啲肉好爽好新鮮，用乂一吉

呢晚放工約左朋友黎到呢度開餐一入到去就已經見到有不同種類既新鮮海產meun上面都有不同既選擇，當中仲有提供火鍋set添不過朋友話呢度主打磯燒海鮮，所以就無嗌到個火鍋set，呢晚由黎過幾次既朋友發板啦雖然無叫到酒黎飲，但朋友話呢到既“日本河豚干”HKd$88+10%同其他餐廳既有啲唔同，話要嗌黎俾我試試味道的確唔錯，一啲都唔乾，食落帶有煙韌既口感，會令人不知不覺間一條又一條咁接住食之後我地都想食下刺身，大家都出左糧就一於食好啲先：“活赤貝刺身”HKd$60+10%、“ 中拖羅刺身”HKd$160+10%同“ 北海道海膽刺身”HKd$250+10%活赤貝味道鮮甜，而中拖羅厚切肥美而個海膽更加係味道鮮濃，雖然定價不低，但份量都唔少，加上海膽的確非常新鮮又甜美，亦屬值回票價呢跟住又點少得磯燒海鮮呢首先黎到既係“燒北海道活帆立貝”HKd$60+10%，雖然貝肉鮮甜，但燒得有點過熟，所以有少少韌跟住“蟹肉甲羅燒”HKd$88+10%就幾好，蟹蓋內藏滿滿既鮮蟹肉絲、濃郁既蟹膏同脆卜卜既蟹子混合後食落固然鮮味十足，估唔到唔配白飯配薯片都好夾啵，仲多左份脆卜卜既口感添最後就係今晚既重頭戲：“燒活龍蝦”H

晚上宵夜食飯，行過見到新開張冇耐，仲有個二人餐好似幾好所以入去試下。先入去啲椅唔知點解張坐墊同張椅係分離，上面有膠水，一坐上去啲衫就會好易痴到膠水，唔只一張椅係咁，好多張都係咁。唔緊要，換椅。去到點個二人餐，個餐話明送兩枝酒，點知佢話未有酒牌，所以唔會有酒。咁我好奇怪.....咁你做咩話個餐送兩支酒？好似喺度呃我咁。跟住上菜次序完全錯晒，啲熟食所有野一次過上晒黎，啲野好快就凍晒，而個女服務員啲水晶甲差晒落啲餸同醬度好嘔心。而且佢隻手指仲痴住傷口膠布，可唔可以唔好叉晒落食物度。成日喺我地食緊野時差隻手喺我同朋友中間入黎收野。而個服務員係咁喺客人面前喺度傾計，係咁講自己放假要返工好慘咁，係咁好大聲咁講啲好悔氣說話。我明白傾計好閒，但客人靜靜地用餐中，可嘔可以唔好咁大聲當眾傾你啲慘心情？好騷擾....食物質素好一搬，個餐五百幾蚊差唔多六百，個蟹子沙律係元氣咁嘅味道，吉列豬扒炸到乾同鞋，魚燒得唔香，其餘除左個北寄貝燒得好味啲之外，其他都好普通。收呢個價錢但成晚服務到食物質素都唔得，我明白做冬要開工係慘，咁但係都唔駛咁？真係冇下次。

今日係金鐘開完會，約咗屋企人食晚飯。經過駱克道呢一間餐廳，二人套餐好似唔錯喎，就入去試一試。雖然套餐好吸引，因為想試吓日本𩶘魚，所以最後散叫。下次有機會，一定要試吓佢哋呢個套餐。叫左個日本凍番茄前菜，味道清甜，裏面啲蕃茄肉係起＂沙＂架，啲質感就好似起沙嘅西瓜一樣，配上特別嘅醬醋，好好味。活赤貝, 深海池魚及北海道牡丹蝦刺身都非常新鮮，其中深海池魚肉質鮮嫩，非常鮮味。磯燒活鮑魚，分量細細，但鮮味十足。日本𩶘魚，外脆內嫩，配埋酸酸甜甜嘅醬油汁，想再encore一條。薩摩赤雞，配上特別嘅辣醬，口感刺激。清酒煮蜆，蜆肉鮮甜。燒生蠔，都好唔錯，我相信如果生食都應該係好好味嘅呢隻蠔。蟹肉釜飯，上面嘅蟹膏，雖然賣相就麻麻，不過真係好好好好好好味呀，為呢一餐畫上完美嘅句號。想不到餐廳還供應火鍋餐，下次再來試一試

磯幸嘅海產大部分由日本空運抵港再養住佢，客人點菜先捉上嚟劏，保證新鮮。難怪一向食開好嘢嘅親戚都盛讚。如果坐吧枱仲可以望住廚師大顯身手。先食烤魷魚做開胃菜。好有咬口，佐酒一流，可惜我唔太好酒。見到養住嘅水產當然要食刺身。海膽份量都幾多。食落滿滿海水同鮮甜味。厚切池魚肉質緊實爽口，略滲油香。但最鮮甜嘅一定係象拔蚌。本身蚌類較彈牙，呢度更加係鮮甜。蟹肉甲羅燒比刺身便宜，但食落相當滿足。蟹籽、蟹膏、蟹肉喺蟹殼入面一齊用海鹽燒。再於喺薯片上一併品嚐。有創意得嚟又可以豐富口感。酒煮蜆酒香淡然唔搶昆布鮮味。好多隻蜆~望住佢由劏到上碟嘅燒車海老~好大隻~金黃蝦膏~燒魚單係外觀已經相當吸引~栩栩如生~魚肉剛剛熟，絕對鮮嫰。沾魚醬汁略酸，仲帶柚子香~豬手係意想不到地高質~一夾就散開，全因燒得較稔！骨膠原多到黏筷子！而且全嚿豬手都入晒甜醬油味。始終要有米到肚。一於食埋茶漬飯。服務一流~頻頻換餐碟、添水。仲好貼心咁預備咗衣架掛大褸。