盈館

營業中

休息中

因為琴日屋企人話好想食點心，諗諗吓已經兩個月冇去飲茶，於是乎就諗住買啲點心返屋企食啦！ 雖然諗落都有少少麻煩，一個點心一個盒開合到手攰啦！但係既然屋企人要求到就揀咗呢一間餐廳試吓，諗住近近地，拎到返屋企應該仲係熱嘅。蘿蔔形狀嘅鹹水角7/10蝦餃7/10燒賣7/10明蝦角7/ 10叉燒腸7/ 10蒸粉果5/ 10叉燒包5/ 10蘿蔔糕5/10芋頭糕3/10除咗芋頭糕真係真心難食之外其他嘢都係正常水平或以上味道3.5/5 （始終外賣嘅點心都係差少少唔夠糖食熱辣辣，但係今時今日咁樣都只能夠外賣先可以一家人坐埋一齊)包裝5/5 （因為係點心包裝盒非常多但係用咗紙盒比膠盒環保好多)服務5/5 （有打招呼有笑容，攞個外賣冇咩要求，而且非常準時就可以攞，唔需要等)

當日去到該址，經理安排的座位並沒有按社交距離措施，每枱至少相隔1.5米。眼見不少食客與食物未上枱前已經除掉口罩，甚或部份食客用膳過後仍然沒有戴上口罩，四處走動以及高談闊論，在場員工看見亦沒有勸阻。食物賣相相當反胃，首先是一籠完全未食過嘅漏餡叉燒包⋯⋯食過咁多年叉燒包，都未試過食一籠係個包完全無包實啲餡然後再上一籠無味豉椒蒸鳳爪，其賣相極為嘔心，好似比其他食客食剩湊埋一籠咁⋯⋯最後甜點選擇了薑糖紅棗糕，無薑味已經係預料之內，仲要煙韌到食擦膠咁，𡁻勁耐都𡁻唔爛千其唔好去食，㑀中之最。

與朋友約會在旺角晚飯，創興廣場多食店挑選，我們最後决定食中菜，於七樓的之前食過印象很好！ 限聚令下坐位有一定距離，食客不多每枱坐二人，環境孌得更清靜舒服。很多小菜都很吸引，在待應推介下選了份……二人共聚 抗疫大放送套餐; $ 398價錢 合理，三餸一湯還有甜品菜式配搭合心意……時令燉湯 x 2翡翠椒塩鮑魚 x 2一品脆皮雞 半隻清蒸沙巴班仔白飯 x 2甜品疫情下外賣菜式也很抵食！每份套餐都有一份前菜送！陳醋黑木耳 或 拍青瓜黑木耳調味很不錯酸甜味適中，木耳爽滑！醒胃！吃着黑木耳，很快首先上枱的是燉湯……湯水味道很濃郁，鮮甜，打開蓋椰香樸鼻，很足料！接着上鮑魚，肉質爽嫩外層蒜香脆口，很惹味！脆皮鷄，賣相誘人！外皮金黃香脆，肉質嫩而滑很有鷄味！製作相當出色！這條清蒸沙巴班仔足有十四両，非常有瞄頭！熱辣辣肉質鮮嫩，廚師工夫很了得！時間拿捏很準確，熟的程度剛剛好！我們吃得很滋味！兩款小菜都很好餸飯，連魚汁也放過呢~吃完感到美味又飽肚，大滿足！再品嚐這款清甜爽口美味的……桂花糕真是完美的晚餐！很滿意！

晚餐同家人一齊外出用膳，上年嚟到旺角記得上次試過呢間中式小菜印象幾好，今次再嚟試下其他小菜旺角食肆競爭大，呢度餐牌好多小菜都做特價，而且很多都係招牌菜一心嚟到第一樣就係想試冰鎮咕嚕肉，上枱既時候大家都嚇親，原來份量好大份🤣下面用足夠冰墊住，每舊咕嚕肉食落去裏面熱辣辣，外面有一層冰凍既炸皮，冰火交融令到口感更加豐富，而且咕嚕肉揀位肥瘦適中，好彩有試到佢👍🏻另外係特價餐牌亦叫左京式片皮鴨$138/隻，比平時主餐牌平$50，見到好多枱客人都有叫這道菜，隻鴨好大隻，店員喺我地面前逐片切出嚟，拎上手包既時候好熱辣辣，每塊皮好脆😍松露珍菌扣花膠煲好特別，雜菇加上松露更加帶出菇味

今次又去了旺角飲茶，最近由於衞生問題，已經儘量減少飲茶的次數，可實在忍不住了。先點了飲茶必點的叉燒腸粉，值得一提的是，外皮相當薄身，卻包含了不少的叉燒在內，證明師傅有相當的經驗，而且叉燒的調味相當出色，香濃的醬汁叉燒，配上有微微豆香的白色腸粉皮，再加上豉油，令我很難忘。然後是鳳爪排骨煲仔飯，不同坊間常見的大大蘢煲仔飯，此處是以相當迷你的型式把煲仔飯呈現，正正因為煲較細，材料多，令飯可於短時間內入味且煲熟，排骨肥瘦適中，適當的油脂可令整個煲仔飯油香更重，令人可多食一些。最後是黑金流沙包，雖然今次的外貌稍為遜色，但中間的流心奶香卻依舊出色，絕對是必點。加上其他點心，兩人大約消費$200，值得回頭。

今日放假同媽咪出下街 媽咪好鍾意行$12店 所以就去左創興廣場順便飲埋茶我地去左創興廣場7樓既盈館 聽講盈館食物唔錯同埋份量都大大件 就去睇下係咪真既我地叫左普洱茶飲同埋叫左兩個雙拼燒味配瀨粉咁兩個都一樣要白切雞同燒腩仔哈黎到有一碟係髀黎架 不過冇髀個碟d雞都係滑既 好味道而燒腩仔真係不得了 舊舊都脆卜卜 好正碗瀨粉都夠哂大碗仲有兩個點心 牛肉腸 鮮蝦腐皮卷 同埋飲茶必叫既燒賣燒賣隻蝦係好大隻好爽口牛肉腸同鮮蝦腐皮卷都好新鮮

成日行過旺角都見到呢幢大廈有好多唔同既餐廳廣告牌，一直都想上黎食飯，今次食完總結果然無令我失望。呢度選擇好多，林林總總酒樓食開既中菜都有，要揀真係唔容易，最後我地跟住張「抵食好介紹」黎叫：冰鎮咕嚕肉賣相一百分，因為夠晒多冰，啖啖肉都好夠凍，而且份量好夠，一流。片皮鴨賣相又係好吸引，燒得好靚，好香好好食，非常推介。涼拌海蜇爽口夠香。咸魚雞粒炒飯炒得好香，好足料，超多雞粒。松露珍菌扣花膠煲好足料，夠多花膠，同個松露香味好夾。

話時話，我哋A姐M佬都好耐無飲過茶啦！平時生活咁急速，難得放假，不如飲啖茶，食個包，休閒一下！今日嚟到旺角盈館，一於叫返一盅兩件，嘆吓先！香煎五香芋頭糕新鮮熱辣，外面煎到有少少金黃色，入口食到芋頭粒，芋頭味香濃！北菇棉花雞北菇棉花雞嘅重點係咩？當然就係棉花啦，即係魚肚！魚肚吸晒啲精華，仲有少少雞同北菇味，正！另外，滑雞肉質鮮嫩，北菇厚肉多汁。薑蔥牛柏葉A姐對牛柏葉情有獨鍾，見到有薑蔥牛柏葉，就一定會叫！一嚟到就聞到好香嘅薑蔥味，同牛柏葉好夾，非常爽口。原隻鮮蝦腸鮮蝦大大隻，鮮甜爽口，外面包着熱辣辣嘅腸粉，點埋豉油，完美呀！健康薑汁糕薑汁糕熱辣辣薑味唔係太重，不過食多出有少少薑辣味。放多陣等佢凍少少，薑味更濃！（記住Like同Share畀朋友）By A姐M佬 玩樂日記 www.aandmdiary.com

因為疫情關係好耐無得去街食飯，難得去信和買東西就去埋對面嘅商場食飯，估唔到商場裏面竟然有間中式酒樓，鋪面雖然唔係好大，但裝修不錯，由於唔係好肚餓嘅關係我哋淨係叫咗冰鎮咕嚕肉,聽聞係餐廳嘅招牌菜, 上菜嘅時候我哋見到好大個盤，上面鋪滿了冰塊，仲有熱辣辣嘅咕嚕肉，咬落口香脆而且醬汁酸酸甜甜的很開胃，我哋另外仲叫咗片皮鴨, 等咗大概10分鐘店長就推住熱辣辣嘅片皮鴨係我哋面前幫我地預備食物，配上那個包片皮鴨的皮，不用order飯都夠飽.我哋另外仲叫了一個海味雜菜煲, 要飲食均衡嘛! 下次要試吓晏晝去飲茶先得

本想在星期日和長輩們飲餐靚茶，誰知變一起中大伏。首先，第一次下單後，我們發現原本點了的流沙豬嘜包和黑松露香茜餃沒有在上菜單上出現，細看點心紙只見店員寫上「沽」字，但總來沒口頭上告知。一間酒樓假日一點到未到便賣光最signature的點心，本已令人失望，如此不告知客人所選點心沽清更令人感覺不良好👎🏻👎🏻👎🏻其次，出餐緩慢之外，食物的賣相和味道有待改善。八味脆豆腐的味道和外型還好。但其他點心略嫌普通。看馬拉糕和一品炒飯的相片便略知一二了。桂花糕更是比其他酒樓吃到的軟腍、不堅實、偏甜。再者，空碟放了良久仍未有員工主動移走。甚至在我們想加水到茶壺內的時候，我們找不到員工，只好親自去拿水壺沖水。整體而言，我們不會再去進餐！

每次去旺角 $12 店都會見到這店的招牌，常常都想找機會去。今次又經開旺角，友人想食片皮鴨，我突然想到這店有得食，所以我們就決定到這店晚餐。非常方便，一出電梯就見到食店，開揚寬敞，坐符舒適。食物款式不算多，但有些餸菜都比較有特色。我們當然點了「京式片皮鴨」及「盞鬼陳皮咕嚕肉」。京式片皮鴨，油脂豐富、香口味美 仲有特價，抵食！有「冰鎮咕嚕肉」及「盞鬼陳皮咕嚕肉」兩款，我們見盞鬼陳皮咕嚕肉個名幾特別，便選了這菜。原來盞鬼即是油炸鬼，配咕嚕肉又幾夾，再有陳皮香味，配搭新穎，又特別 片皮鴨可以兩食，我們最後選擇兩食，鴨崧生菜包，啖啖肉，粒粒可口，美味！沒有點粉麵飯，已食得很飽 

是次為慶祝父親節, 叫了一個套餐(半席), 質與量都理想, 6人一定夠飽,  食物也理想, 味道不錯, 有乳豬, 龍蝦伊麵, 松茸湯, 椒鹽大連鮑魚, 蒸魚, 炒飯, 炸子鷄, 上湯番茄浸時菜, 雙蚌炒時蔬, 甜品, 真係夠哂, 重送汽水或啤酒, 二千元有找, 旺角區份, 確是很好的選擇 ! 下次必再幫襯 ! 

首先講服務，關於菜單嘅野，樓面可能炒散，唔清楚唔緊要，叫我問部長，但係部長，面對面舉晒手都可以冇表示，另外衛生方面，真係不得了，好彩我見到嘅唔關我事，包左間房主題係榮休嘅客人就冇咁好彩，就喺我坐後面張吉枱，分桂花榚嘅阿姐轉碟果時，徒手排番整齊，有幾舊跌左落枱，又用手執番野食方面，價錢一般啦，碟就大呀，份量小囉，連最基本嘅白飯都唔掂，仲要嗌左最小15分鐘飯先到，餸都食左一半，小菜嘅味道還可以啦，總括嚟講，三個字，伏伏伏

飲茶一向係我至愛，因可以品嚐不同款式點心又可以放鬆心情與朋友暢談；真是一大樂事。今天約了女友出來聚舊，當然要揾間食物質素有保證的酒樓啦！因女友在新界出來，所以就決定了旺角廖創興廣埸樓上盈館，貪佢交通大家都方便。酒樓裝修普通但座位相隔闊落，坐得舒服。蘿蔔絲鹹水角一隻隻蘿蔔仔，買相很 cute。外皮應是加上紅蘿蔔汁做成橙色效果。咬落鬆脆而用料多，有很香冬姑味。松露菜苗餃餃皮薄身幾乎內裡食材可看得清楚。鮮蝦彈牙，菜苗嫩身；所以口感唔錯。若然松露可多些令香味提升更佳。手剁牛肉陳皮腸腸粉皮薄，牛肉味濃夾有陣陣果皮清香；最重要是食時仍然熱辣辣。鱆魚肉餅煲仔飯煲仔飯雖是迷你版但足夠我兩人食。一粒粒的飯煲得乾身，配上惹味鱆魚和肉餅滋味非常和香噴噴。蛋白杏仁茶即磨的杏仁茶是絕不欺埸的甜品。碗裏蛋白極多，杏仁味濃耶和香滑。聽部長講原來是卽叫卽磨卽做，唔怪得我們落單後等了一段時間才有得食，但感覺值得👍。

星期日陪屋企人歎晏晝茶，一家有老有少黎食盈館🤤又幾抵食喎！啲點心賣相唔錯，質素好高！❤️首先嗌左個超值自選套餐，海蜇拌燻蹄 、鮑汁花生鳳爪👍🏻係小朋友最鍾意食嘅橡筋🤣 鳳爪已經煮到軟爛而且好入味！跟住清清地嗌左個潮陽撈粗面，啲粗麵仲好煙韌 好味！😍黎到茶樓當然要嗌啲點心啦~黑金流沙包🤩入面流沙奶黃好濃郁係咁湧出嚟燒賣、牛肉腸同北菇棉花雞仲嗌多碟沙律明蝦角😻入面收埋咗好多粒鮮蝦 啖啖都食到爽脆嘅蝦肉 不得了！！！👏🏻👏🏻👏🏻加埋沙律醬一齊食真係超鑽！一家大細去飲茶食到好滿足👍🏻下次黎歎翻個早茶先😽