影片
更多
2020-07-12
322 瀏覽
晚餐同家人一齊外出用膳，上年嚟到旺角記得上次試過呢間中式小菜印象幾好，今次再嚟試下其他小菜旺角食肆競爭大，呢度餐牌好多小菜都做特價，而且很多都係招牌菜一心嚟到第一樣就係想試冰鎮咕嚕肉，上枱既時候大家都嚇親，原來份量好大份🤣下面用足夠冰墊住，每舊咕嚕肉食落去裏面熱辣辣，外面有一層冰凍既炸皮，冰火交融令到口感更加豐富，而且咕嚕肉揀位肥瘦適中，好彩有試到佢👍🏻另外係特價餐牌亦叫左京式片皮鴨$138/隻，比平時主餐牌平$50，見到好多枱客人都有叫這道菜，隻鴨好大隻，店員喺我地面前逐片切出嚟，拎上手包既時候好熱辣辣，每塊皮好脆😍松露珍菌扣花膠煲好特別，雜菇加上松露更加帶出菇味
張貼
