盈館

營業中

休息中

難得今日有啲時間，所以就去咗同屋企人飲茶😀因為係晚市，所以就冇食到點心嗰啲，叫咗一個片皮鴨同埋飽魚雞煲。鮑魚雞煲食落好有驚喜，因為真係有四隻幾大隻嘅鮑魚，好似都幾新鮮，而家煲嘅份量同埋味道都唔錯，我哋每人都叫咗一碗飯😊另外就係片皮鴨啦，佢會即場有一個員工拎住隻牙出嚟即場切，同埋隻眼仲有嗰啲博片都係熱辣辣嘅，食落啱啱好😚佢茶界係$13 ，我哋今次就飲咗香片，飲落味道都唔錯下次可以試吓其他茶同埋佢嘅流沙包，不過今次因為都有啲飽所以就冇再試下😙

黎到創興唔一定要食雞煲同火鍋既創興7樓有間酒樓岩晒同屋企人一齊食晚飯可以點小菜又得，點隻片皮鴨食又得總有一款岩大家片皮鴨黎到又點可以唔叫佢既名物見到台台都有點一隻咁濟姐姐會起你台邊即片隻鴨見到隻鴨好大隻呀一D都唔會將貨就價片出黎都好大碟會配埋京蔥同青瓜用餅片包住食，青瓜清爽京蔥帶有少少辛辣鴨皮烤得香脆油脂感足所有一啖過，口感真係好豐富陽江豆豉雞煲雞煲岩岩整好上台熱辣辣好香豆豉味，滿滿既醬汁包裹雞肉雞肉皮爽肉滑，好入味呢個煲拎黎送飯真係一流👍🏻南瓜什菜煲一餐飯點可以少得蔬菜什菜有菜心、南瓜、茶樹菇、白菜同冬菇好豐富呢個煲仲落左蝦米做湯底好鮮味，仲有粉絲吸收晒湯底味😋

平時我同朋友都喺創興中心做gym，創興中心入面有好多餐廳，其中中菜代表有盈館。今日我同幾位朋友做完gym決定落去盈館食個晚飯。盈館係一間傳統酒樓，裝潢同我想像中差唔多。大圓枱、地氈同魚缸係傳統酒樓必備元素🤩- 北京片皮鴨配料有蔥白絲、青瓜、甜醬。師傅切出嚟嘅片皮鴨既肉幾厚，而且切得唔係太工整。雖然刀工麻麻，不過份量好多，而且只係$168，所以其實好抵食👍🏻- 冰鎮咕嚕肉咕嚕肉被一堆冰塊包住，食落外皮冰凍同少少脆口，入面肉質鬆軟，不過略嫌太過濕潤，無咗外冷內熱嘅口感🤔- 香芒脆蝦球職員建議連埋生菜一齊食，但我地以為只係裝飾所以無食到🤣。蝦球酥脆，配上少少芒果肉同沙律醬，味道甜而不膩。- 甜麵醬黑豚肉炒花生芽我認為最有驚喜既一道菜式，估唔到花生芽如此甘脆爽嫩，口感同一般芽菜截然不同。黑豚肉炒得香口，配上甜麵醬更香濃惹味。- 黑白爽身慢煎龍躉扒因為慢煎關係，龍躉扒係壓軸出場🥳。龍躉扒幾鮮甜，而且煎得幾香口，旁邊有爽口既黑木耳。以上菜式平均$150，份量好大，味道以甜麵醬黑豚肉炒花生芽同香芒脆蝦球最出色👍🏻

喺旺角健身之後，約屋企人食中菜創興大把好嘢食嚟到創興7樓一入到嚟俾佢個大魚缸吸引咗超多新鮮海鮮🦞原來係超級傳統嘅中式茶樓旺角夜晚好少有原來花生要$15一碟㗎北京片皮鴨 $168姐姐即場新鮮片俾我哋睇非常之有娛樂性配料有葱段、切到好細嘅青瓜絲都幾考刀工皮算薄反而想讚一讚過片皮鴨肉質唔錯夠彈牙片同埋肉嘅分布平均一啖咬落去好有口感黃金鮮鮑魚雞煲 $168上面最緊要有最吸引嘅四粒靚鮑魚夠晒矜貴雞件夠多，又嫩趁熱食最正醬汁調配得啱啱好茄子炆鴨件 $78成班朋友最鍾意就係呢味茄子做得非常之好吸收晒鴨油蚊出嚟嘅油脂😍夠哂香餐廳佔地唔算係非常之大，但坐得舒服😌都幾推介旺角呢個位置

每逢來到旺角，幫襯的總會是放題、cafe，今次朋友忽發奇想要食中菜，就臨時找到這間樓上酒樓。原以為樓上舖應該沒什麼人氣，沒想到未入內已見場內坐滿8成客，相當意外，更加期待一會兒的中式盛宴🍚——————————🔸冰鎮咕嚕肉 $128之前在其他餐廳食過，相當有驚喜，見到這裏有當然要試！一上桌已覺驚喜，超大的碟裝有大量冰塊，咕嚕肉被半掩埋，再以三色甜椒作點綴，視覺效果💯咕嚕肉外冰內熱，就算被冰蓋過，外皮亦不會因而變軟，仍然保持脆口鬆化，無骨更是加分！🔹客家酸菜海爐魚片 $128沒想到酒樓居然有酸菜魚，湯底酸中帶辣，柔和不嗆；魚片薄而嫩滑，不過建議多煮幾分鐘，有幾片可能不夠熟，魚皮略韌～🔸芝士流心脆蝦球 $168侍應推薦，聽講是大廚最近的得意之作👨‍🍳脆脆做成小碗裝，裝有水果沙律，加上一粒飽滿的脆蝦球，一咬爆汁，外層是彈牙的蝦滑，中心是流心的芝士汁，類似芝士龍蝦伊麵的湯汁，不會過濃，蓋過蝦肉的鮮美🦐🔹川味麻辣雞煲 $138以為此雞煲是彼雞煲，但原來不是😂這個感覺更似微辣的豆豉雞煲，雞肉嫩滑香口，相當惹味，但如果做得更麻更辣，加點芫荽就更好了～🔸大良脆炸鮮奶 $98驚喜之作！炸皮香脆，內裏香甜，

📍盈館旺角彌敦道593-601號創興廣場7樓新推出優惠片皮鴨$168，見好抵食就去試吓。其實以呢一個價都冇咩好投訴。酒樓門口有個大魚缸，地方唔算好大，有一種懷舊酒樓嘅感覺，大圓枱都坐得幾舒服。京式片皮鴨1隻 $168有個師傅推架車仔出嚟，然後喺我哋對面隔兩張枱面前片嘅😂。配料有皮，黃瓜🥒條、葱白絲、甜醬。呢個價錢絕對唔會對會佢有好高要求。皮肉相間，中間個皮有少少脆脆地，鴨的油香唔重，都過得去啦。加埋所有配料一齊食，可以中和鴨油嘅油膩感。鴨肉炒茄子🍆 $70加$70就有個鴨架炒菜，都好抵食，有涼瓜和茄子選擇，我哋揀咗茄子。鴨肉的分量比想像中多，每一件肉都好大件。但我最鍾意食係茄子，炆得好淋，吸收晒啲鴨汁既精華，好好味😋。黃金鮑魚雞煲$160有四隻鮮鮑魚，一人一隻夠分。鮑魚炆得好入味，口感Q彈，雞煲醬汁好惹味，雞肉嫩滑，目測應該有半隻雞的分量。

行開旺角, 經過創興廣場差唔多每一層都食過.今日一於試一試7樓呢間盈館粵菜.門口酒樓入面枱同枱夠距離, 坐得都好舒適.今晚叫左2份野食, 北京片皮鴨+上湯龍蝦伊麵.員工會推隻鴨出黎枱前面, 即場片肉, 配餅皮, 甜醬, 青瓜條, 京蔥.上湯龍蝦伊麵就加左$40轉加芝士, 但味道一般, 龍蝦肉又唔係好多.員工推隻北京片皮鴨出黎, 會問你駛唔駛影下相先.北京片皮鴨龍蝦伊麵一般總結黎講呢間酒家環境舒適, 員工服務都可以, 係旺角市中心,普通飯局可以一試.

全晚8個人叫左大約10個餸，招牌既冰鎮咕嚕肉上枱時係熱嘅，等凍左再試亦吾覺得特別好食！另外叫咗酸菜魚，但同茶餐廳質素差唔多，魚肉少 ，味道亦好普通，甚至偏向比較差！仲有招牌嘅扁皮鴨都比一般出面食嘅差。另外我地仲叫咗黑金流沙包，2款糕點，黑糖薑汁糕同埋桂花糕，流沙包唔好食，兩款糕點算係全晚最正常嘅！叫左個孖寶b餐，有龍蝦伊麵同一個雜茶煲，啲面都林晒，整體味道都好一般，偏鹹，全晚基本上冇一道菜系覺得好食，但以呢個價錢黎講會有更好既選擇。所以吾推薦！！！

今晚同屋企人食飯，叫咗八個餸。大部分菜式都可以，個片皮鴨又話係主打，但係個餅皮又厚，又求其搵隻碟上，最攪笑係啲青瓜同韭王係切粒唔係切絲，唔明點解可以做主打。咁都算，叫咗個梅菜扣肉，等咗半個鐘都唔到咪吹囉，點知一上菜，啲扣肉細細片，sorry確啲來講係腩片，都算啦，咬落去重凍㗎，咁咪叫老闆過嚟，點知佢只係冷淡講咁咪取消咗佢，真係俾佢吹脹，你無嗰樣嘢咪係無，唔好求其煮啲嘢俾客食。我真係以後都唔會幫襯佢。

想食片皮鴨，見到佢$168就去試吓。其實以呢一個價都冇咩好投訴。一早喺OpenRice訂咗枱。最怕係有啲餐廳冇得訂枱要去到Walk in排隊。呢間有得預先訂枱就揀呢間。食片皮鴨唔需要預訂。餐廳環境係一般傳統酒樓。感覺好似去返細個嘅時候同親戚去飲茶咁。晚市冇咩人。book咗7:00嘅枱，由我入去到我食完走，餐廳都唔滿。侍應嘅服務態度好好，親切，有禮貌。因為唔多人，唔會好嘈，亦都舒服。四個人，叫咗五個餸。有炸鮮奶，片皮鴨，椒鹽鮮魷，冰鎮咕嚕肉，同埋酸菜魚。個炸鮮奶嘅味道似係韓國香蕉牛奶嘅味道。如果唔鍾意食香蕉嘅人，就唔好叫啦。片皮鴨$168 ，所以對佢嘅要求唔係好高。個皮脆脆地。鴨香唔重。反而佢嘅胡椒味幾重下。我覺得過得去啦。再唔係，我當佢係一隻無骨嘅燒鴨咁食。冰鎮咕嚕肉幾好。鍾意佢完全冇骨。椒鹽鮮魷嘅魷魚細細粒 炸得唔係太脆。但係都香口嘅。配飯一流。個酸菜魚一啲都唔辣。適合啲食唔到辣嘅人。買單大概每人$200。

同幾個靚媽食飯，搵個大家就腳嘅旺角區食小菜慢慢傾計。酸菜魚今次嘅酸菜魚湯頭鮮甜，只係有少少少辣，酸味足夠，魚肉鮮嫩又滑冇骨，最喜歡有大量酸菜同芽菜做配菜，開胃唔油，忍唔住飲多幾碗。芝心龍皇球併黃金百花球炸得香脆金黃，每粒顏色均勻，而且大大粒啖啖肉，蝦膠肉夠彈牙。芝心龍皇球亦係蝦膠肉，加入流心芝士，彈牙之餘又好creamy，好有層次。梅菜扣肉煲Lee個菜式非一般中菜嘅做法，五花腩切成薄片，最重要唔肥，肥瘦分佈平均，肉質軟腍，梅菜甜香，融合了扣肉鹹香，真係好下飯。陽江豆豉雞煲雞件肉質嫩滑而且入味，配料有酸喬頭，豆豉，紫洋蔥，香氣撲鼻。鮮沙薑煎焗走地雞沙薑不嬲同雞都係絕配，加入鮮沙薑來烹調，令雞肉更添香味香口，雞件熟嘅程度才亦控制得好好，肉質嫩滑而且濃郁香味。欖菜肉鬆四季豆

今日又約咗幾個喜歡食嘢嘅朋友聚會，其中有朋友話想食中菜，我哋就去咗地點方便嘅旺角「盈館」。酸菜海海鱸魚片魚湯很鮮美鮮甜，微微辣，魚片薄切沒有骨的，魚肉幾滑，好多芽菜及酸菜， 夠飽肚又惹味。陽江豆豉雞煲唱得好惹味，雞件好入味，肉質算滑， 多種配菜，有蕎頭、豆豉、是洋蔥等，好豐富。芝心龍皇球併黃金百花球炸得香脆可口，蝦膠有蝦味，算彈牙，芝心龍王中間加入了芝士，一咬開就會流出，熱辣辣的。欖菜肉鬆四季豆四季豆新鮮有咬口，肉碎份算多，仲有欖菜，幾惹味，送飯一流。梅菜扣肉煲梅菜非常多，鋪上扣肉面，鹹鹹甜甜幾開胃， 扣肉切成薄片，容易咬口，醬汁入味 。

難得跟朋友一起聚餐，喜歡充滿人情味的盈館位置在創興，交通很方便又就腳。酸菜魚一嚐魚湯很鮮甜，後勁帶點辣椒香，魚片切薄無骨，肉質嫩滑，大量酸菜，芽菜，非常開胃。芝心龍皇球併黃金百花球炸物一直深得大家所愛，炸至圓滾滾又金黃香脆，百花球很鮮美，蝦膠很彈牙。龍皇球亦係蝦膠，很燙口，入口仲有芝士流出，很creamy，食落去勁有層次梅菜扣肉煲扣肉片跟坊間中菜廳不同，切成薄片，醬汁更能滲入腩肉肌理，腩南鬆化，油脂分佈均勻。梅菜香甜，鋪在扣肉片上，開蓋時仲聽到滋滋聲。陽江豆豉雞煲雞件醃得入味，肉質嫩滑，有雞脾肉，亦有雞骨部份，岩曬不同人的口味，而且份量夠食，配料有酸喬頭，豆豉，紫洋蔥，食落去勁香。鮮沙薑煎焗走地雞雞件煎至半熟，然後再直接入窩焗熱，醃料主要新鮮的沙薑蓉，所以雞肉食落去更香嫩。因為製作需時，享用美食要有點耐性。欖菜肉鬆四季豆四季豆翠綠而鮮嫩，食落去無渣。欖菜份量剛好，四季豆沾滿了欖菜，肉碎，送飯一流。

係旺角行完街，約左爸爸食餐飯，老人家鍾意食粵菜，所以揀咗間位置方便嘅酒樓，等佢唔洗搵得咁辛苦。酒樓唔算好大間，但坐滿人，都等咗一小陣先有枱可以入座。店員都好好人，主動介紹唔同嘅菜式比我地。今次我地叫咗四個小菜同一籠呢度好出名嘅黑金流沙包𝐎𝐫𝐝𝐞𝐫 ::⧐北京片皮鴨 | $168⧐櫻花蝦高麗炒銀絲 | $108⧐私房蜜椒豬肋骨 | $148⧐流心脆蝦球 | $168⧐黑金流沙包(3個) | $32⧐朝日啤酒 | $38北京片皮鴨我好耐無食過，同時我都想食好耐，職員會係你面前即片比你睇，刀功好好，好快片好，包好配合醬料同配料，口感一流。櫻花蝦高麗炒銀絲炒得好有鑊氣，味道唔錯蜜椒豬肋骨係一個幾有驚喜嘅菜式，蜜糖同黑椒形成咗一層脆脆包住咗豬肋骨，味道極佳，同埋好特別咁配上咗煉奶炸饅頭做伴碟，超好食流心脆蝦球賣相相當唔錯，蝦球中間包住滿滿嘅芝士，再配上酸辣醬，幾開胃黑金流沙包係呢度嘅主打點心，外皮鬆軟，如果奶黃可以再多一啲就完美喇員工都好細心，知我地叫咗啤酒，拎咗幾隻冰杯比我哋，非常貼心酒樓整體比我感覺都幾好，食物味道都唔錯，下次會再同屋企人黎食！—📝評分味道 ⁴ / ⁵環境 ⁴ / ⁵服務 ⁵

—————————————上網搵下旺角有咩嘢好食，就見到有間特色中菜小館-盈館，上網都睇到啲菜式都幾特別，所以今次專程放工同朋友去咗食晚市。𝐎𝐫𝐝𝐞𝐫:⧐北京片皮鴨|$168⧐芝心脆蝦球|$168⧐私房蜜椒豬肋骨|$148⧐黑金流沙奶黃包|$32⧐櫻花蝦高麗炒銀絲|$108⧐朝日啤酒|$38私房密椒豬肋骨係首推，係出面未食過依一味餸，甜而且又脆卜卜，有一種麥芽糖嘅感覺，仲配煉奶曼頭伴碟，可以話一味兩食，好正😋。北京片皮鴨，同出面酒樓比起黎係比較平，幾抵食。片皮鴨最緊要皮薄皮脆，當然依到都做到，加埋粉皮包埋青瓜同蔥食，味道好夾。芝心脆蝦球炸到好鬆脆，即炸上碟即食，咬落索索聲👍🏻。櫻花蝦高麗炒銀絲，食菜嘅時候可以食到蝦肉感覺都唔錯。啤酒上埋嘅時侯仲有冰酒杯，好貼心😍。—————————————📝評分味道 ⁵ / ⁵環境 ⁴/ ⁵服務⁵ / ⁵衛生 ⁴/ ⁵抵食 ⁴/ ⁵—————————————📍盈館旺角彌敦道593-601號創興廣場7樓