百樂門宴會廳 (已結業) 查看

有廠家請食晏, 老闆揀了貴一點又環境好一點既酒樓, 每次公司食野, 都係我負責點菜, 我鍾意食小菜, 同事愛點心, 所以會 MIX 甘叫!蒜頭炒白菜仔, 好夠蒜味, 只係白菜還有點硬, 如果再林身少少, 會更 PERFECT!呢個在點心紙, 叫冰鎮豬手, 但原來係藥材既, 感覺中伏, 因為我吾喜歡中藥味道!虾餃皮薄彈牙!這個很驚喜, 虾大隻, 又爽口, 份量足!啖啖肉係我至愛!燒味吾會太咸, 但豉油雞有點瘦!海鮮卷入面有不少千島醬, 感覺過多了!湯望落好油, 但好好飲, 有濃濃肉味, 暖暖胃!魚蒸到剛剛好! 望落不大, 但都搵到好多肉出來!最後蕃薯糖水, 好重薑味, 大愛!!

朋友介紹呢間百樂門星期六日公眾假期全日點心6 折，趁星期日同屋企人去試試。地點係kcc，同葵興地鐵站相連，落雨打風都唔怕濕身。而且係商廈，星期六日人流極少，一到即有檯，完全唔駛等，仲好自助咁諗坐邊張檯。開左茶，睇下點心紙，都係啲大路點心，仲有多一張早茶特價點心紙，選擇算幾多。見6折，咩都想食，但得3丁友，只好叫啲貴啲啲嘅！第一樣食貴啲啲嘅梗係灌湯餃！全名係竹笙花膠灌湯餃，係食到竹笙，但花膠就唔多覺，都係平價灌湯餃質素，豬肉、蟹柳、冬菇咁。另外食貴啲啲嘅梗係搵啲有蝦海鮮類嘅點心，包括：蝦餃、燒賣、蝦腸、鮮蝦菜苗餃、蒜蓉蒸鮮魷。蝦餃好大粒，多蝦，但皮略厚。腸粉質地幾好，唔會太琳。燒賣就麻麻，好大舊豬肉無剁碎。蒸鮮魷啲調味料太多又未攪均，太重口味。整體食物同服務都係一般，但以6折黎講算係假日之選。

一早，收到母親大人電話，說時近年尾，天氣又好，想提早去玄圓學院還太歲，免得之後人多、天氣轉冷時才去就麻煩。既然是母親大人吩咐，當然不會推搪，我倆連早餐都不吃便趕去陪她還太歲。母親大人很細心，每個步驟都一絲不苟，買生果、買糖果、寫太歲衣、奉香、奉品、化寶都好認真，整個還太歲過程差不多花了兩小時。坐專線小巴離開時，肚子已經餓到不得了。此時，輛到我們要求母親陪我們去吃午餐，祭祭我的五臟廟了。為了遷就母親口味，一於去飲茶。假日的中午，酒樓竟然那麼少人。酒樓推出假日午市優惠，果然較正價平宜得多。水滾茶靚，茶位每位$8。【明爐叉燒腸 $19.8】: 正價是$37.8。粉皮較厚，叉燒有點韌。【原籠蒸馬拉糕 $19.8】: 正價是23.8。一個馬拉糕可分為六件，件件鬆軟。【無錫排骨 $38】: 鎮江醋味濃，排骨炆得入味，軟骨部位都可以吃。【迷你福建炒飯 $68】: 絕對不迷你，材料又多，每人吃了兩碗後，還剩下半碟。要求服務員拿去打包，剛好載滿一個外賣盒。連加一，結帳只需$188，平均每人只需六十多元，很平宜啊!離開時，見門外掛出一幅大餐牌，超值全包宴半席$888、全席$1788，真平宜。母親大人說，過

老友一家移民英國兩年多，今次趁個仔學校放長假，一家三口由英國曼徹斯特「班師回朝」、「回鄉探親」之餘，順便探望我呢個老死。之前從Whatsapp 問過佢想約去邊度見面，佢話不如搵朝早去飲早茶食點心，因為佢好掛住香港的點心。還說，在曼徹斯特那邊雖然都有茶樓，但是，地點距離佢屋企好遠，而且點心的價錢好「拿脷」，一碟蝦餃閒閒地都賣五六十蚊港紙一籠，而且味道不能跟香港的同日而語，所以，兩年幾以來，去茶樓食點心的次數五隻手指都可以數得晒。對我來講食茶當然無問題，我還建議到我較早前「發挖」到的一間位於葵興工廠區的酒樓慢慢歎茶食點心，因為都係嗰句，貪佢人少，尤其是在假期。佢撇低老婆同個仔，朝早九點鐘就來到，一如所料，無需等位，任坐。睇下張點心紙，通常在假期，一般的酒樓都是會貴些，但這間卻相反，在11:45之前結賬離座就可享特價優惠。老友真係唔係講笑，一開波就狂點點心，兩個人竟然點了十一個之多。我還揶揄佢係咪在曼徹斯特睇得太多曼城同曼聯踢英超，點嘢食都要好似英超咁快速，點心數量都要學足球員出場數目11個? 哈哈!我哋點到成檯都係點心，韮黃鮮蝦腸、翡翠帶子腸、四寶滑雞扎、潮洲粉果、鮮蝦蒸粉果、鮮蝦菜苗餃、

昨晚睇英超真播睇到凌兩點幾，今日一於來個自然醒，瞓到十點幾才起身。放假，一個人好自由，諗下點樣去 Hea 番一日先。第一餐，不如去嘆下茶，總好過去吃西式的 brunch，不過，又怕人多，諗諗下，就去咗較為吊腳的一間酒樓，貪佢呢個時間唔會多人。間酒樓位於葵興。以前是工廠區，現在很多工廠大廈都轉為商廈，更有些被大財團收購後改建成為大商場、大商廈和服務式酒店，活化了這區。時間尚早，附近的打工仔還未湧到來吃午飯，所以，酒樓較為冷清。侍應說﹕「隨便坐」，其實真係隨便任我揀位坐。卒之，揀咗個靠近窗口的座位，坐下，點了一壺香片。水滾茶靚，哆落有茶味，算唔錯。睇下張點心紙同小食紙，諗來諗去都唔知揀咩好 (選擇困難症又發作)。見隔離嗰檯食緊銀芽肉絲炒麵，睇落都唔錯，唔執輸，我都點番一個先。碟炒麵好鬼大碟，銀芽、肉絲、木耳、韮黃蘑菇茨汁舖滿麵，好彩無叫其他點心，否則，食唔晒會做大嘥鬼! 鍾意吃銀芽肉絲炒麵的原因好簡單，就是貪佢一個麵，一開始可以吃到熱辣辣脆卜卜的口感，然後就是茨汁滲入麵內之後，變成軟林林，不知幾過癮! 而這個炒麵又真的沒有令我失望，滿足到我預期的兩種口感，味道又好，點一些浙醋來吃更加好味。

乳豬全包宴冇乳豬⋯⋯變咗燒味拼盤，過份⋯⋯仲要係叉燒黑炭........ ！那位男部長及其他送菜員服務態度超差，不知所謂！上餸又慢，上完一碟餸等咗一粒鍾，投訴後才上餸，好彩最後經理處理事情稍好！沒有下次幫襯！

係 KCC 返工, 伯樂們可以話係酒樓嘅最好選擇, 因為就係公司樓下，日曬雨淋都唔驚。服務就真係好一般啦！因為好好生意，差唔多日日都爆棚，我哋唔 book 位都冇咁大張枱.啲阿姐有時好似唔明我哋講乜嘢，啲嘢食落左又要等好耐，時有漏咗張單冇囉！講返食物就唔錯嘅，蝦餃燒賣最基本合格，小菜上枱熱辣辣，好鍾意佢哋個青瓜海蜇，醃得幾好味。炸豆腐皮夠晒薄。啫啫芥蘭煲夠晒鹹香。腸粉夠ok 滑。茶就唔好飲。甜品我要左蛋白杏仁茶，唔太甜，但我就覺得好似水浠咁，唔夠杏仁香味。

Took 20 minutes just for the staff to understand we wanted our set meal to be served; nobody helped out the server to place the plate onto our table so she just placed it on a nearby table and left; our request to see the manager was flatly denied. Overall it was the WORST SERVICE I'VE EVER SEEN AT ANY RESTAURANT

公司附近有兩間酒樓，百樂門是我們會去的，貪集團經營有保證它位於葵涌九龍貿易中心，每次去會電話預約，試過訂位滿額，有時就算有，要坐電梯口！酒樓同一般沒有分別，值得讚是它擁有一邊落地窗，令到食店環境有自然光，食飯都醒神D四個人叫了4款點心，另加一個荷葉飯+燒腩仔套餐。食物逐個評蝦餃-蝦爽，皮較厚鮑汁雞腳-入味义燒酥-酥香鮮竹卷-味道不夠荷葉飯-有荷葉香，飯較濕燒腩仔-皮肉較硬百樂門在商業區營運，雖然食物一般，但可以為打工仔提供不是快餐選擇！個人評分食物：C環境：C服務：C

吃了鹽焗雞、加拿大上湯龍蝦伊麵、南乳齋煲及xo醬炒甜豆螺片，共五百多元。鹽焗雞裏竟夾雜炸子雞、xo醬炒甜豆螺片欠xo醬、南乳齋煲太咸，當中更有臭"缩"味西蘭花，龍蝦伊麵的龍蝦殼多於肉，四蝶菜上菜時只是微温，從沒吃過這麼差的中菜！

今日去左葵興工廠區飲下午茶，已經是2點半，都有很多人，想不到星期日工廠區都會有咁多人。我地點左D點心，都好快上，重係熱上果種。點心味道唔錯，腸粉都夠滑。灌湯餃都算大隻，一碗燒煵仔賴粉，都係21.8一碗，平時係19.8炸。我地4人叫左10種點心，食到飽晒都係273元，都算低食。

同事farewell,太多人而選擇了飲茶。一直都有幫襯開，因為食物質素有一定水準，是附近比較好的茶樓。蝦餃燒賣足料、蝦仁新鮮彈牙。最好味的是燒腩仔和叉燒，每次都會order. 午餐通常都位無虛席，要提早一兩日訂位

只要有我老闆嘅地方，我食飯就一定食得好食得飽食得舒服、老闆就最照顧我哋, 就算開會都驚我哋會肚餓、一定超 大方任我哋食!Lunch 原先以為叫外賣, 老闆大人一到步,就即刻叫秘書小姐訂枱食飯, 仲要係VIP房坐得舒服食得舒適老板應該係點了行政午餐有最靚嘅燒鵝王, 一上枱已經聞到好香，最緊要就係趁熱食, 好味！同芝士蝦伊麵都唔錯，又夠飽肚啲，蝦幾彈牙。午餐食炒聖子都係第一次夠大隻 鼓椒好惹味~聖子彈牙

我的心靈伴侶週末中午門前還沒有亮燈,代表我的咖啡午餐泡湯,飲不到咖啡不如飲茶去。最近的酒樓應是新型商廈裡曾來飲茶的威軒,到埗才知道同一地點已變了連鎖酒樓百樂門宴會廳。經過沒有知客小姐的接待處後是一列鏡子長廊,兩側有白色樹枝及仿真紫色蝴蝶蘭作裝飾,在此設宴的新人踏進會場時也算花團錦簇,為了有更多生意額,在這長廊也設有不少二人座位。未到午茶高峰時段,孤獨精客人還有最後一張二人臨窗小桌安坐,無論視野或舒適也比長廊中的二人位良好很多,玻璃窗透入的日光對相機先吃的月巴人提供更佳的拍攝條件。新穎吊燈似曾相識,相信是物盡其用的用回威軒的物品,不但燈飾還有牙籤,物資完全沒有浪費哦。香片茶($8)用上頗碎的茶葉,泡出的茗茶出現茶葉枝幹,香片茶也沒有散發太多花香,非常一般的香片茶水準。位處商廈的百樂門看來也是主打商家午飯,因而點心價格在週末週日全日也是優惠時段,價錢也不算得太昂貴,不過還是要看看點心質素才能定論。剔剔點心紙裡也有不少選擇,總有幾款點心會合心意的。韮王鮮蝦腸(頂點$27.8)連碟子也熱熱的,希望是即拉的布拉腸粉的邊綠竟有點韌韌乾乾的,腸粉太容易折斷,粉漿調得不算很好;鮮蝦仁大隻夠爽口又有蝦味

百樂門正正位於九龍貿易中心寫字樓的商場樓層，部門或HR請食飯時，經常也會來這裡飲茶。除了近，便是方便不用煩惱吃什麼，吃點心便行。蛋撻相當精巧，實在嬌小玲瓏，上菜時熱力盡散，全是冰冷。涼掉的蛋撻沒有蛋香，蛋撻皮亦無牛油味，以吃蛋撻的標準來說，這是失敗的。但以飽肚來作標準，這還算可食用的吧。椒鹽金磚豆腐同樣冷掉，並不香脆惹味，豆腐雖滑，但整體並不香口。香煎蘿蔔糕仍然保持其一貫冷冰感，想不到百樂門大部份煎炸食品也是不香不脆不熱的。蘿蔔糕有少許糊糊的質感，味道一般無特別。炒河粉味道偏淡，質感欠奉，不大建議食用。相對來說，炒飯是熱的，已是非常驚喜，飯粒算是粒粒分明。配料普通，味道雖無特別，但經前幾款食品的煎敖後，普通的炒飯已令我感到自豪sosad