百樂門宴會廳 (已結業) 查看

係 KCC 返工, 伯樂們可以話係酒樓嘅最好選擇, 因為就係公司樓下，日曬雨淋都唔驚。服務就真係好一般啦！因為好好生意，差唔多日日都爆棚，我哋唔 book 位都冇咁大張枱.啲阿姐有時好似唔明我哋講乜嘢，啲嘢食落左又要等好耐，時有漏咗張單冇囉！講返食物就唔錯嘅，蝦餃燒賣最基本合格，小菜上枱熱辣辣，好鍾意佢哋個青瓜海蜇，醃得幾好味。炸豆腐皮夠晒薄。啫啫芥蘭煲夠晒鹹香。腸粉夠ok 滑。茶就唔好飲。甜品我要左蛋白杏仁茶，唔太甜，但我就覺得好似水浠咁，唔夠杏仁香味。