百樂小館 (已結業)

屋企人生日想食中式菜，我地好耐都無食過潮州菜，所以特登為屋企人揀左百樂小館。百樂小館響尖沙咀美麗華商場，地點方便，裝修清新高雅，值得一讚係坐位既佈局，令到每一張枱都唔會太貼隔離，一家人食飯傾下計都個覺得唔會比隔離枱聽到曬。一坐底每人有一杯潮州功父茶飲，茶會比一般濃，可以開胃準備食美味既潮州菜。鹹菜豬肚湯尼個湯帶有輕微既胡椒味，唔會搶走咗鹹菜既鹹甜味，豬肚爽口彈牙好好味，一窩盪有豬肚有肉排有鹹菜好足料，四個人飲足夠有餘 。潮州凍黃油烏頭魚潮州菜必食既就係凍魚，我地揀左黃油烏頭，烏頭魚大小適中，魚肉同魚皮之間充滿黃油，因為嚮蒸魚既過程中唔會打走魚鱗，所以可以保存所有既黃油嚮度，點少許豆醬，味道一流 。黃金炸雙棗雙棗包括左蝦棗同蟹棗，雙棗外脆內熱，充滿左蝦肉同蟹肉，我個人比較喜歡蝦棗，因為蝦肉令到蝦棗夠彈牙，尼個菜式值得一試。鮮蝦水瓜烙豐滿而充滿水份既水瓜烙煎得外面香脆但裡面仍保持水份，份量唔算大但口感相當好，下次一定會再食。手打魚蛋津菜煲手打魚蛋同魚片爽口彈牙，但食完比較濃味既菜式再食尼個清清地既津菜煲會變得普通一d 。最好我地食飽左都仲想食甜品，所以就叫左兩碗芋泥share，食埋就大滿足

同媽咪食飯，佢最鍾意食中菜，今次試吓美麗華商場4樓嘅「百樂小館」，環境唔錯，裝修華麗時尚，座位寬敞舒適～ book咗位唔需要等位就可以入去，晚飯時間非常滿座，百樂小館係食潮州菜，未點菜店員已經送上潮州特色嘅功夫茶，濃濃甘香味～ 前菜有兩款，炸腰果花生，非常香口好味，另一款係潮州鹹菜，酸酸地非常爽口，食不停，好開胃～ 鹹菜豬肚湯 $148非常香的胡椒味，鹹菜同豬肚味十足，個個都讚好，非常推介👍🏻😋潮州凍黃油烏魚飯 $168潮州菜必點菜式，一整條凍黃油烏頭魚上枱，店員會幫手分開，然後可以沾上普寧豆醬食用～雜菌炒牛仔粒 $88分量唔算多，但牛仔粒嘅份量都唔少，肉質腍而牛味十足，雜菌亦好好味，整體覺得唔錯～黃金炸雙棗 $120亦係潮州特色菜，「雙棗」即係「蝦棗」同「蟹棗」，兩款味道都很好，蟹棗咬開已經見到一絲絲蟹肉，蝦棗亦非常好味，口感唔錯，兩款都可以配潮州甜醬食，味道更佳👍🏻😋福果芋泥 $48甜品之中，最鍾意就係食芋泥，哩個都做得非常好，甜度適中，口感好好，白果亦係做得非常出色，推介👍🏻

平時好小食潮州菜，今次同行朋友極力推薦呢間位於尖沙咀美麗華商場既潮州菜餐廳-百樂小館今次完全由朋友發版，我地一共叫左7樣野，分別係：1）滷水鵝肉拼盆🐦材料有魷魚、三層肉，鵝肉，豆腐、雞蛋全部都好入味，唔會死咸2）潮式蘿白灌章🥞好似食緊蘿白糕，但比起蘿白糕，佢又加軟身，每一啖都有好多蘿白3）杏汁白肺湯🐷一上枱已經嗅到好香濃既杏汁香氣，乳白色既湯好足料4）金瓜九肚魚烙🐟金瓜好香甜，魚烙煎到香脆可口，每一口都食到細膩既魚蓉5）碧綠川椒雞🐥睇菜色名川椒以為係辣，但食落完全唔辣，好香既香料味，配埋旁邊已經炸個既海苔，非常香脆6）火腩春菜煲🌱火腩用上肥美我三層肉，食落好油香，春菜主要用上菜心和芹菜，仲有炆得好入味既冬瓜7）清心丸綠豆爽☘️最後當然唔小得甜品，好中既佢地既清心丸，入口好似竽圓，帶有冰糖既清甜

四個人來吃生日飯，全部點小份，就可以吃多點菜式。杏汁白肺湯真的太讚啦，特別濃郁。點了個金不換檸檬蒸烏頭，真的是個很有心思的菜，上面鋪檸檬皮，底下還墊了茄子，真是一點味道都不浪費。個椒鹽九肚魚都好得。會再來，無雷區，宴客好選擇。

早上跟長輩拜年，之後一同到深井吃美味的燒鵝午餐，相機先食的我，當然沒有提起手機拍照，要尊重長輩。晚上又跟友人團拜，選擇我們很喜愛的百樂小館。大家點了多款餸菜，滷水是必吃，潮式糯米炒肉蟹...等等。今早已用了很多quota，所以今晚乖乖地只選擇兩款食品。我特別喜愛杏汁白肺湯，湯是奶白色的，豬肺處理得好乾淨白雪雪，入口便感受到杏汁的香濃，一碗之後再一碗🤗這裏有很多款甜品 杏仁茶、芋泥、清心丸綠豆爽，每款都做得很出色。今日我只吃了綠豆爽，滿足一下女士的第二胃。其他的留待下次再品嚐！

上網見E間潮州菜裝修唔錯，而且openrice可以直接book，方便快捷，所以試一試。。胡椒排骨花膠煲。好味！好暖胃。個湯感覺好滋潤。眼見都算有唔少花膠，比較足料。。蝦子扒柚皮。第一次試E道菜，應該都唔係好多地方食得到。柚皮做到好腍，完全無苦澀味。栗子方魚焗雞球。比較多栗子，好飽肚食完都唔太清楚咩係方魚.....。鮮蝦水瓜烙。潮州菜名比較得意。E 個水瓜烙餅味道好好！。滷水鵝肉拼盤。味道不過不失，好細碟。。炸魚。炸皮鬆脆，唔錯。餐廳環境OK，今次5個人食位置都鬆動。而且可以慢慢食，飲下茶傾下計。建議家庭聚會可以試試！

百樂小館D潮州菜好食, 環境坐得舒服係人都知,但今次我都係第一次黎, 真係大鄉里出成, 未見過大蛇屙尿。午餐與友人B 一齊黎, 叫左個二人餐, 跟餐都幾多野食1: 鮮蝦菜苗餃 (唔差, 正常)2. 時菜鯪魚球 (不過不失啦)唔少得潮州滷水3. 滷水墨魚拼豆腐 (呢個真係好好食)4. 胡椒豬肚湯 (飲完個身興合合, 正啊)5. 椒鹽九肚魚 (呢碟菜自己係屋企永遠炸唔到, 正啊)6. 鵝肉撈面 (好味, 好味, 好好味) 另外, 又叫左隻乳鴿, 呢隻野同出面酒樓二、三十蚊果D比唔到...正最後仲有甜品 7. 杏汁桂花糕, 讓這餐幗上完美的句號。感謝朋友B~~

I am not a fan of 潮州 cuisine, maybe it is because I am not from 潮州. I know some of my friends whom parents came from 潮州, so they eat 潮州 congee  almost everyday. Haha. I did not know there is such a restaurant before, but my friend highly recommend it, so... we decided to give it a try!We were arranged a very spacious and private seat. There were 5 of us, but I believe the space is enough to put in 7-8 people! Throughout the entire dinner, we could talk loudly and not being blamed albeit how rowd

之前聽過哩間百樂小館有幾好食😍😄所以都心思思想食 所以就趁媽咪生日帶佢嚟食啦 咁我就係openrice到book位同埋揀左生日同埋寫左少少要求 但當天拎位時我再三confirm 那位經理話無喎 我地無哩啲野 只係得甜品 個人當時的感覺不太爽😶🙄如果做唔到咁唔好係book位個度問有咩要求啦 對嗎？😠😠其中一份前菜點了麻醬手撕雞 雞肉肉質不錯 都很嫰滑 但敗筆在於麻醬 雖然係🈶️麻醬味 們味道還是怪怪的 未去到一想再食的層次 哩碟送係okay嘅 如果換另外支麻醬 味道會更佳吧另一份前菜就是這個鹵水拼盤 食材有鹵水蛋 豬腩肉片 鹵水鵝肉 墨魚片 哩碟前菜真係好好食 真心推介 所以味道都很適宜 很有鹵水的味道 而且豬腩片也不算太肥 大家可以trytry喔芋蓉香酥鴨 剛剛好一人一舊 炸得都幾靚 顏色呈現金黃色的 味道食到有芋頭的香味 仲好似食到有薄薄的鴨肉 感覺不太膩 我覺得幾好 會推介☺️☺️杏汁🐷肺湯 絕對係高質 未飲湯前已經聞到好香 飲埋真係無得輸 雖然有好濃郁的杏汁 但絕對係一個好清的湯 飲落好舒服 仲有🐷肺 洗得好乾淨 無任何不應該有味道👍🏽👍🏽真係好好飲 想encore!!!!潮州蠔烙 煎

食物和環境很不錯！ 帶了日本朋友一群人，點了很多小食和啤酒，但埋單也很合理。食品質素和味道都很正宗，good!當然，不是吃那些鮑參翅肚，只是一般打冷常點的菜，但這才是最有風味，和考驗味道好壞的指標

今日同事約食飯，為咗去慶功，咁梗係搵一間四正啲嘅餐廳呀我同事話上次試過呢間潮式餐廳幾好食，咁就一於去返呢間呀。先來一份杏汁白肺湯，份量都幾大，每人最少有兩碗，聞落就知用咗大量材料，湯水顏色都呈白色，一飲就知道南北杏好足料，令到分湯好香又夠清，加埋湯底本身有雞味，係非常好味嘅湯，仲有主角之一嘅豬肺，豬肺清洗得非常乾淨，咬落質感好彈牙，而且索晒杏汁同雞汁嘅精華，所以飲落零舍養顏。另一樣充滿潮式風味既係黃金炸雙棗，所謂雙棗即是蝦棗和蟹棗，將佢地炸到金黃色，外皮脆口又彈牙，裡面既蝦肉蟹肉就打到非常飽滿，用料係新鮮蝦肉同蟹肉，所以食入口係鮮甜，仲有海鮮汁係裡面添，絕不馬虎。要食飽肚又點少得呢煲腊味飯，腊味非常多，有腊腸，腊肉，潤腸，腊鴨，係腊味大集會，而且腊味本身質素高，食落爽滑唔會有益味，係冬天既時令煲仔飯，加埋秒製煲仔鼔油簡直係無得輸啦。冬天食呢味菜真係好暖胃，仲有成大班人一齊食就更窩心。

朋友約食飯，黎到尖沙咀呢個商場，朋友話好耐無食過潮州野，咁一於試下百樂小廚。食潮州野又點可以無凍魚呢？呢碟潮州凍黃油烏魚就岩晒啦，首先黃油烏頭比一般烏頭高質，魚油甘香不在話下，油而不膩，魚肉更加比一般烏頭魚有肉質又夠滑，煮既時間剛剛夠，令肉身滑上加滑，而凍食令肉質收縮，食落更口感豐富。餐廳備有一份豆醬，能夠將魚肉鮮味更提昇。跟住係另一味潮州菜，金華大芥菜煲，金華帶鹹又帶香，金華醬汁充滿豬油香，令簡單大芥菜更出色，大芥菜經過與金華火腿炆後，變得較淋身又夠入味，又香又甜，加上用煲仔上碟，能夠保持菜的溫度。天氣夠凍又點少得腊味飯呢，呢煲腊味飯用料充足，腊味份量足夠4-6人吃，而腊味質素不俗，除了乾身外，基本上與新鮮材料無異，夠晒香滑充滿家鄉風味，而飯味濃，又沾上腊味香味，真係食得合時又夠暖胃呀。

屋企人吹雞去食飯，咁興致高昂當然要出席啦，話說呢間係潮州餐廳，我重更加鍾意添呀。第一道係川椒雞，賣相已經幾靚仔，紅紅既雞肉同埋綠綠既伴碟互相輝映。雞肉口感非常滑，食得出係有食物質素，味道相當惹味，川椒味突出，吃辣既朋友不能錯過，因為鮮味與辣味並重唔係咁容易。另一樣係金華炆大芥菜煲，芥菜食落無苦澀味，仲甜中帶鹹，相信同金華火腿有關，而口感咬落多汁而爽脆。至於用金華火腿黎煮既汁係零舍入味，甘香而層次豐富，將簡單菜式變得美味，殊不簡單。最後係合時腊味飯，真係超多腊味呀，而且唔算肥但又好香，其中腊鴨肉係好滑添架，陣皮更加係無得頂呀。由於用煲仔上，腊味飯已經滲滿腊肉味道，食落充滿腊味香，但又唔覺肥又唔覺鹹，又唔會遮蓋住飯香，正。

百樂小館是個混合了潮州小村風貌和現代設計風格crossover的潮州餐館，在這兒你可找到傳統美食和現代小吃，迎合年輕市場。來到這兒，有個湯你不可不試，就是 杏汁白肺湯。乳白色的湯汁充滿杏仁香味，入口感到它的滑，太好味啦，此湯還有滋補養顔潤肺功效。潮式糯米炒肉蟹 超好味，大大隻肉蟹，蟹身、蟹鉗的肉質也相當結實甜美，配合軟綿糯米吸收了蟹的鮮甜香味，兩者味道溶會一起，互相輝影。滷水鵝肉拼白肉 是潮州食肆的鎮店寶，這兒也不在話下，鵝肉鬆軟多汁，白肉的帶肥部份也不油膩，好滋味。欖菜肉碎四季豆 簡單的小菜，由賣相以至味道做得同樣出色。甜品我喜歡清心丸綠豆爽，清心丸晶瑩剔透，開邊綠豆在糖水中顯得清爽，合起來帶有豐富的口感。福果芋泥是一道很傳統的潮州甜品，為配合現代人的口味，甜度也相對降低，雖然油份也不能太少，但偶一品嚐也無妨。

老細話收工請食飯，咁就一於選擇間近近地既係公司附近，打電話去book枱，好在約到，餐廳話係預約枱最後一張。黎到餐廳，果然接近滿座，留左有梳化位既枱，同事介紹叫左招牌菜潮州凍黃油烏魚，呢條唔係普通烏頭，係黃油烏頭魚呀，所以食落係零舍唔同架，淡淡黃油香味加上烏頭既鮮甜味道，無得頂呀，由於係潮州凍食，食起上黎肉質更滑，但入口又變左即溶喎。天氣咁乾燥，當然要叫返煲湯飲下啦，呢煲杏汁白肺湯就夠晒時令啦。湯汁白白的，充滿著南北杏既香滑，飲落就知養顏，豬肺仲可以當一味餸咁食添，因為豬肺清潔得好乾淨，而且口感彈牙又夠爽，加上湯底有雞同金華火腿黎做底，令味道更豐富。最後係黃金炸雙棗，係充滿潮州風味既一道小菜，將佢地炸到金黃香脆，然後裡面好足料，分別係蝦棗同埋蟹棗，口感彈牙又夠爽，點少少醋令味道鮮味更出，確實係一味風味小菜。