百樂小館 (已結業)

平時比較少一班朋友去食中菜，因為一般酒樓都比較嘈，但今次朋友推薦食呢一間潮式中菜，裝修好young，同一班朋友去感覺都幾正喎！一坐低服務員已經為我地斟左茶，餐具擺設都好新穎好靚！滷水鵝肉片配墨魚片呢一道菜真係好潮式啊打冷嘅感覺！鵝肉好嫩滑，唔會好硬。墨魚片就好爽口，配埋入晒滷水味嘅豆腐，感覺好正宗好好味！潮式糯米炒肉蟹呢隻蟹好大隻，係out of expectations！肉蟹啖啖肉好正，而且炒得幾入味，令人食唔停口！而特別嘅係喺下面亦都有一層糯米飯，一齊食嘅時候口感更好！杏汁白肺湯一上枱嘅時候已經覺得好驚喜！因為成個湯同一般飲到嘅老火湯唔同，佢係奶白色的！相信非常足料，而且入面嘅湯料豬肺亦都好多，真係真材實料！飲落去嘅時候有少少似甜品杏仁霜，好特別好滋潤啊！薑蔥油浸大石斑呢個真係推介呀！平時嘅我唔係好食蒸魚，因為嫌佢有浸腥味，但呢個真係好有驚喜！睇得出佢係炸過先再蒸，可能咁樣就令到條魚冇咁腥，而且配埋薑蔥豉油，真係食得出好鮮味好正！糖醋伊面全餐飯最特別可能係呢一個，因為之前真係未見過！面頭嘅伊面煎炸過，而下面就係煮熟左嘅伊面，食法係配上糖同埋醋，口感好特別，味道亦都出奇地夾！值得一試

今晚同朋友嚟到尖沙咀嘅一間潮州菜館，佢位於美麗華商場4樓，環境相當之唔錯，食物水準亦都好高，今晚嘅嘢食都好好食！首先我哋試嘅有滷水鵝肉片同墨魚片，風味十足,味道都好好!另外，我哋仲試咗潮式糯米炒肉蟹，大大隻嘅蟹，仲有好多膏，糯米飯亦都好香！杏仁白肺湯係呢一度另一個好出名嘅菜式！豬肺湯十分之有益，加上杏仁嘅味道好香，絕對值得一試！最後我哋都試左湯圓甜品，仲有佢哋嘅功夫茶，亦都相當唔錯！今次呢間餐廳價錢唔算太貴，性價比都算高，朋友聚餐絕對一流！

美麗華商場上層原來有一系列中高價位餐廳，選擇遍及中西日，今次來到百樂小館，餐廳裝潢雅緻，座位佈置為開放式卻又不失私人空間，食物水準亦高。杏汁白肺湯，湯底異常稠厚，杏仁味濃郁，豬肺亦燉得軟腍潮式糯米炒肉蟹，所選肉蟹大隻厚肉，肉質厚實鮮美，糯米飯炒得入味招牌滷水鵝肉片拼墨魚片，鵝肉肉嫩多汁，墨魚片煙韌有咬口，滷水入味但不會太鹹薑蔥油浸大石斑，石斑蒸焗時間剛好，魚肉不會過老，保持鮮嫩滑溜，經過油浸處理，石斑多了一陣微微炸過的油香，特別滋味

朋友請既生日飯🎂龍鬢子母中蝦🍤，成$50一隻，入面係好大隻，因為另外有蝦膠包著隻蝦，炸得幾脆。杏汁白肺湯都好好飲🤤，杏汁好厚身好似奶咁。滷水鵝片併墨魚片$158，呢碟真係揾笨，兩樣都係得幾片又細細片，仲要鵝片一陣酥味，其他食物如：糖醋伊麵$98，花生糖糠湯丸$54，蓮子紅棗糕$38 都係不過不失。呢度服務又唔見得好，水又無人加，係咁上菜但又唔執起佢其他食完既野，到食甜品又趕時間收工咁，係咁收埋餐具，我用手食咩🤦🏼‍♀️

很少約朋友吃中菜，因為平常和家人一定是吃中菜，難得和朋友出去通常會選西餐，不過在朋友的推薦之下，今次來到了這間新「潮」的小館，一嚐型格潮州菜，一吃難忘！首先餐廳的茶具和餐具都十分別緻，對我這些喜歡拍照打卡的人來說，真的很加分另外一提，餐廳的佈置也很新潮和有型，不過當日太多客人，想拍個環境相都有點難呢。鹵水鵝肉片拼墨魚片鵝肉非常香，墨魚片彈牙，醬汁十分香濃秘製乳香骨，外皮十分香脆，南乳香突出，排骨肉非常嫩，個人而言最喜歡這道菜不怕熱氣狂吃哈哈鮮百合炒雜菌，滿足一下想吃素的朋友，清新的來夠惹味，高水準之作杏汁白肺湯，杏汁極香濃，湯很順喉，真的好久沒在餐廳喝到過這麼好味的湯。薑蔥油浸大石斑，魚有稍稍淺炸過的感覺，裡面保持嫩滑的肉質，薑蔥油的比例剛好，味道適中十分喜愛這道糖醋伊麵，煎過的麵餅，蘸上白糖和醋，十分惹味糯米炒肉蟹，糯米吸收了蟹的肉汁十分香，蟹也炒得很香口。花生糖糠湯丸，煙韌香脆，裡面是芝麻蓉。不會很甜，配上一杯茶解膩，PERFECT！看到有食評說這裡服務態度不理想，但我完全覺得相反呢，當天的服務人員都態度十分友善和勤快，讓我們很滿意

菜色一流嘅小館過年嘅時候聽朋友講，美麗華呢間'百樂小館'啲菜式同味道好得，所以今日我哋就四人行一於嚟試下啦！ 一入到去呢間酒樓啲裝修好新穎，唔知啲嘢食得唔得呢？我哋就睇下餐牌，叫嘢食先。我哋叫咗麻醬手撕雞，啲手撕雞啲肉好香甜，芝麻醬好香加埋啲麻味，簡直係一絕，再加埋啲配菜配搭得好好。另外仲叫佐明火例湯，啲湯超甜，用料好充足， 啲湯渣啲蓮藕都好林，同埋啲豬骨都好好食，連湯渣都可以食買，好值得推介，下次嚟一定要再叫，仲好飲過阿媽煲嗰啲，呢間酒樓果然好不計成本，啲湯用足料，而且好夠火喉，我哋仲叫咗好多嘢食㖭！最後食到好飽至走，朋友果然冇介紹錯，呢間酒樓水準一流，價錢仲唔貴添！ 下次大時大節，屋企有飯局，一定要再约來試吓其他菜式，其實見到menu仲有好多嘢想食，不過今日人唔多，只可以叫有限幾款試吓，下次人多有好多款式一定要再叫嚟試吓！

行過美麗華見到有間裝修好別緻嘅酒樓， 見到門口有啲套餐都唔貴而且見佢裝修咁特別就入去試下啦。 座位與座位之間好寬闊一啲都唔迫夾 感覺上好適合朋友聚會或者同客食飯。坐低冇耐侍應就遞上功夫茶同埋啲茶芥， 功夫茶味好香濃不過我麻麻地功夫茶所以冇飲，但友人話好味。原本入到嚟諗住叫套餐，但係見到餐牌上面啲食物都好吸引於自己決定散叫。麻醬手撕雞- 原本見佢上枱時細細碟 點知原來份量都好大應該大概有半隻雞咁多， D雞肉好嫩滑配上麻醬好惹味。潮州凍馬友魚飯- 嚟食潮州菜 點可以唔叫凍魚？ 條魚上到枱好大條而且已經去曬骨， 不過食時一定要配上黃豆醬， 先可以帶出條魚嘅鮮甜味。五香炸芋絲卷- 呢個係用芋條捲成一條條狀然後落去炸，上到枱口感脆卜卜味道都唔錯。明火煲靚湯- 一煲例牌大概有足6碗， 我哋嗰日嘅係蓮藕豬展湯都好香濃， 佢仲有埋啲湯渣畀你食添

美麗華四樓有一間裝修好特別嘅 中菜館行近睇原來係一間新潮潮州酒家。 酒樓裝修好特別門口座位有幾個大雀籠而且空間感十足。 咁啱同一家人行過決定入去試下啦。潮州凍馬友魚飯 - 原條馬友上枱，啖啖肉唔多骨，配上黃豆醬鮮味不絕。 推介!!潮州蠔烙 - 呢個蠔烙好足料，啖啖肉食到好多蠔喺入面，而且上枱嘅時候仲煎到脆卜卜，好味!玉蘭菜脯炒河 - 呢個炒河上檯嘅時候賣相一般， 原本冇乜人食 ，但係有人試過之後大讚好味之後幾分鐘內俾人食曬， 估唔到加咗菜脯之後嘅炒河個味道可以咁好味。百樂一品煲 - 是日唯一一個有素菜嘅煲，煲嘅份量唔係好大，但係裏面嘅材料好豐富有花膠海參帶子西蘭花等等味道都唔錯。蛋白杏仁茶- 食到尾聲嘅時候其實個個都飽飽哋，不過又叫咗甜品都試下啦。蛋白杏仁茶原盅上枱，好香杏仁味， 而且佢啲蛋白都好足料。

先旨聲明本人唔熟潮州菜。叫左以下餸菜：麻醬手撕雞欖菜肉碎四季豆椒鹽豆腐茄子粒涼瓜炆排骨煲雜菌炒牛仔粒欖菜肉碎炒飯其實味道真係平平無奇，當中個炒飯同椒鹽豆腐仲要係有少少燶味。每碟份量細小，或者你可以話佢價錢唔係特別貴吧。我唔肯定係咪因為我叫的唔係潮州菜式，所以未能夠食到個水準。如果你要我點都要搵樣野黎讚，我只好講生日飯外面買左個蛋糕，收你$100切餅費，待應會先放低蛋糕俾大家影相許願，之後主動幫你用酒樓的刀幫你切開咁多份分上碟仔俾大家食，叫做$100抵俾吧。假如你打算叫非潮州菜，勸你唔好抱任何期望喇。

今日老豆生日，上網睇下有咩地方好食，我哋揀咗美麗華呢間百樂小館試吓，一嚟到裏面裝修好靚，而且座位幾寬敞，唔知啲嘢食o唔ok呢？我哋睇餐牌叫咗好多嘢食，跟住侍應俾咗幾杯功夫茶我哋飲，飲落去啲味道好特別好香甜，我都係第一次飲功夫茶，應該係食潮州嘢之前，飲咗會開胃啲，同可以提升食物嘅味道！另外仲有幾碟前菜喺度，我哋好肚餓，先食左前菜先，啲前菜都好特別，味道唔錯 ！我哋叫咗好多嘢食，講都講唔曬，不過我覺得最值得提嘅係個-五香炸芋絲卷，個卷炸得好金黃香脆，而且芋絲味好重，啲芋絲好新鮮，啲芋頭味又好香濃，係我至愛。最後我哋仲叫咗杏仁蛋白茶，啲蛋白茶啲杏仁好香好有杏仁味，都係我至愛，最後連老豆嗰份都飲埋，啲杏仁味真係好香，而且呢度啲師傅做得好好。

講起食潮州菜，唔想食美心潮庭既話，百樂小館都系一間幾值得去既餐廳，比起俗氣既連鎖店好得多。呢度點菜可選小份/ 例牌，分別適合1-3人 / 4-6人享用，而例牌比小份貴約25-50%不得，如差距不大，例牌感覺還比較划算。可以先飲一杯功夫茶，茶味較甘香濃郁，飲完呢杯再飲壺香片，即時高下立見......滷水鵝掌翼 (例牌) - 滷水鵝翼/ 滷水鵝系必食，滷水汁調得唔錯，幾香甜，鵝翼都滷得入味。最緊要系肉質夠爽口之餘，又容易咬開，唔會痴住曬龍鬚子母中蝦 (例牌) - 龍鬚(麵包絲)炸得酥香又唔膩，包住爽口彈牙既中蝦，啖啖肉唔洗自己拆殼。欖菜肉碎炒飯 (例牌) - 個飯炒得幾香口，表面黄色既系蛋絲，成個飯充斥住欖菜既香氣，仲有好多肉碎，竟然又幾惹味好食。潮州反沙芋頭 (例牌) - 反沙芋真系食潮州菜先有得食，唔系周圍都有，所以有機會都真系要試。外面系一層好酥脆既糖粉，包住粉嫩既炸芋，既有特色又好好食!

餐廳位於尖沙咀美麗華商場四樓“食四方”樓層，四樓的elegant裝潢與樓下商場稍有差別，彷似置身於酒店樓層般，相當得體。定位中價潮州菜，周一晚上全店滿座，極具人氣。紫菜肉碎蠔仔湯: 以大量紫菜及肉碎滾湯，而蠔仔卻成整窩湯的精髓，其鮮甜能充分提升湯的鮮味，使其更為可口。儘管看似簡單，但卻帶來無限滋味。大量蠔仔肉均非常鮮甜!梅菜茄子蒸鱈魚腩: 回想起來，一般吃鱈魚也是西式的煎鱈魚，而蒸鱈魚這中式的食法還真的少吃。鱈魚腩鮮香，味道較突出，梅菜倒沒有太大幫助，魚肉夠滑，啖啖肉(但有橫骨)。欖菜肉碎炒飯: 炒飯粒粒分明，飯粒夠乾爽，炒功不錯。既不油膩，又能散發獨特的鹹香，調味適中，鹹度剛好。味道還真不錯，吃了兩大碗。潮州返沙芋頭: 此為飯後甜品，別聽見芋頭便覺得太膩而吃不下。這正正相反，雖為澱粉質及糖粉，但卻毫不覺得油膩。芋頭先大火炸至黃金粉，再用糖快炒芋頭。其夠乾身，外皮酥脆，內裡鬆軟之餘亦夠粉，為推介之選!

百樂小館門外因農曆新年放置了桃花和年花。走進百樂小館，裝潢光猛，座位寬敞，沒有壓迫感。先來每人一杯茶。之後前菜先開胃。再來滷水鵝拼盆，有鵝有蛋有尤魚有豆腐。不肥膩但碟邊很多油。之後蘿白灌漿，這個不得了，外面炸到脆面入面是蘿白絲。感覺完全無違和。很喜歡！點了杏汁白肺湯，杏汁好香，肺洗得乾淨。但杏汁不是每個人都喜歡，而且杏汁好像比較適合甜食多點。九肚魚烙，感覺像蠔餅，因為沒有骨，所以不喜歡吃魚的我也吃了很多。碧綠川椒雞，以為辣但原來不辣。雞幾嫩滑，而我喜歡的卻是旁邊的炸葉😂😂也點了甜品，清心丸綠豆湯，清心丸很好吃。

一入到去 座位都好闊落 侍應會畀功夫茶我哋飲 我覺得佢呢到D功夫茶 飲落口好舒服 會令你好有食慾嘅感覺前菜會有潮州慣用嘅鹹菜一碟 鹹菜味道啱啱好唔會太甜 唔會太鹹 你好不知不覺 做識咗好多 同埋有另外一款前菜小食 花生加腰果 我覺得呢兩樣都應該好多人會鍾意食同埋叫咗半隻潮州咸雞 想睇下 同其他有咩分別 半隻雞都好夠食 雞會有一碟醬汁畀你點 味道唔會太鹹啱啱好 肉質都滑嫩 個醬汁都不妨點下 甜甜地會帶出雞嘅味道 好好食同朋友今日想食下魚 所以就叫咗碟 豉汁粉絲 蒸鱈魚腩 鱈魚好新鮮 又唔會有腥味 個豉汁 唔會搶咗雪魚嘅味道 不知不覺就會食好多嚿潮州酒家當然要食埋個糖醋伊麵 個伊麵會配埋白砂糖同埋醋 伊麵外面脆卜卜 我就比較鍾意點砂糖當然要叫個甜品 蓮子棗皇糕 係一籠上 好夠熱 紅棗味道啱啱好 好煙韌好特別 蓮子一粒粒 喺上面 睇得出師傅好畀心機做呢個甜品 真係要試下！

近排食得多西餐 偶爾想食返中菜黎balance下所以揀左美麗華既百樂小館食潮州野以為7點鐘尚早 點知都已經好多人一坐低有功夫茶飲 好濃茶香味 飲完好舒服我地叫左兩隻乳鴿併沙律 乳鴿皮好脆口 肉質都好鮮嫩 而且唔好以為bb size無乜肉食 其實都啖啖肉架再叫左個沙茶牛肉 沙茶味好重 但配返下面既菜心中和返哂 牛肉好軟身又無筋 好好食！湯方面叫左個太極羮一試 侍應好好幫我地分好哂一碗碗 飲落都幾香口而且順滑 無試過呢啲潮州特式野既都真係要一試！最後叫埋甜品紅棗糕 佢入面真係好足料有粒粒蓮子 食落仲好煙韌！超推介飯後一食侍應見我地有啲野未食哂 仲主動幫我地打包添