癡膠雞 (軒尼詩道)

營業中

休息中

天氣轉涼❄️就好想食返d熱野，今次去咗軒尼詩道出名食🐔花膠雞嘅餐廳，雞米線仲可以揀跟鍋上，食完個人暖笠笠。Yummy叫咗個🍶藥膳黃酒花膠雞米線（可以轉飯、米粉嗰d)，個鍋比想像中大🤣花膠有兩件，雞有5-6件咁多，而且都幾大件，另外仲有雲耳同蟲草花，夠哂滋補。 湯底藥膳味重，但仍然飲到黃酒香，建議食完料再食麵，覺得個米線煮多陣更入味。朋友就叫咗個🥥椰子雞米線，椰子味好香😍 湯底越煮越甜，最後米線入哂味。另外仲叫咗兩個小食，明太子釀雞翼同金磚豆腐，雞翼一入口有少許辛口明太子嘅辣勁（bb辣程度），都幾多肉，唔點沙律醬都夠味同唔乾😋金磚豆腐幾出色，脆度係剛剛好，外皮少脆但咬落入面係嫩豆腐，再加埋七味粉幾香口👍另外，店內嘅粉筆畫都幾靚，有熟悉嘅動畫幾有親切感。

醉雞米線不嬲都係我至愛，去襯米線舖都必嗌！今次就去左一間出名食花膠雞湯米線嘅舖頭試！我就嗌左黃酒藥膳花膠雞湯米線，好驚喜嘅係佢係連煲上，個火keep住滾個湯，成件事好打卡able加暖笠笠🤣不過差唔多時間要整熄個火，唔係嘅話啲米線就會煮得太腍🤣先講個湯一上枱其實已經聞到好明顯嘅藥膳同黃酒嘅香氣，一放入口，成個湯味道好平衡，有明顯嘅雞味而藥膳味又唔會冚住個雞味，加埋黃酒嘅香氣，飲完真係好舒服，所以我都忍唔住飲晒成碗湯😋而啲雞件個肉都唔會好嚡身，仲要保留有雞味，好食！而花膠質地都唔錯，唔會話係啲好劣質嘅嗰種。 食完成個米線成個人都滿足，如果係冬天食應該會仲開心。

之前見朋友食過好足料平時最愛飲花膠雞湯既我終於有機會去試吓啦😍而家秋冬飲下滋補下就最啱啦今日食豪d叫埋翅食先花膠雞煲翅 (1人份)HK$ 98 好似打邊爐咁原鍋上，平時想食豐富啲仲可以加餸花膠同翅都幾爽滑雞湯好濃好好飲連雞皮都好軟滑 正呀雞同花膠份量都唔少 價錢親民手拍青瓜$28唔會好辣 酸咸味道平衝得幾好 食得好爽時令田園蔬菜$28有白菜仔 木耳木耳好爽滑，好食
下午茶時間好抵呀 
蜜糖雞翼配薯條配熱檸水HK$ 35 雞翼好香脆又juicy 正呀 食落甜蜜蜜好滋味
癡膠雞 (軒尼詩道) (灣仔)灣仔軒尼詩道254號地舖

痴膠雞（灣仔）🍨足料，價錢親民，抵食👍今日係灣仔放工，專登行去癡膠雞食米線：📌招牌花膠濃湯米線$68花膠大大片，湯底豬骨及雞熬製，非常濃郁,雞肉嫩滑。湯底飲落好鮮甜。推薦👍📌藥膳黃酒花膠雞湯米線$68花膠大大片，湯底有紅棗、蟲草花、藥膳、雞熬製，湯底濃郁,保氣行血，雞肉嫩滑。好味推薦👍♨️抵讚👍大大鍋用鐵鍋裝住及連小火爐烘著。天氣凍凍哋保持一定嘅溫度暖入心。（我哋連湯都飲清光十分滿足）🥰📌黑松露醬薯條$28📌蟹肉忌廉薯餅$38叫咗兩份小食，即叫即炸脆卜卜，好味😋

好多人介紹主打養生同招牌花膠雞湯米線，都幾足料👀除咗招牌花膠系列米線之外，仲有好多選擇👍🏻 1️⃣ 金磚豆腐 $42 推介必試👍🏻呢個金磚豆腐炸得香脆，完全無油耗味，外皮炸到金黃，豆腐軟嫩滑口，調味做得恰到好處🤪2️⃣ 姫松茸竹笙花膠雞米線 $78 轉雞髀+$10 其中一款值得一試嘅就係姬松茸竹笙花膠雞米線，湯底清淡好健康，帶有淡淡嘅姬松刂未，加$10可以轉雞髀，肉質幾嫩滑，仲配有兩片花膠，骨膠原🆙🆙有好多條竹笙，好爽口吸哂個湯底🤤🤤3️⃣ 椰子雞米線 $60 轉雞髀+$10 呢個都係受歡迎嘅湯底，椰汁味道幾濃郁，不會過咸，帶有椰奶味，米線質地唔算煙靭好滑口，食食下連湯都飲哂🤤🤤📍Address📍癡膠雞 🦥灣仔軒尼詩道254號地舖🦥太子荔枝角道78-84號勝興樓地下D號舖

星期六上午11點零嚟到，成為第一枱客人。一行四人點左3個米線1個小食。我睇食評D相，明明米線鍋會跟爐上，但唔知由幾時開始，而家無再跟爐，改用呢D膠碗🤔招牌花膠雞米線$68我最先試呢個湯底，飲落好舒服，完全唔覺得鹹之餘，仲有雞味，成個湯飲哂都唔會覺得好大負擔。😏雞件份量幾多，而且好好彩比左雞髀位，肉質幾嫩；花膠有四小件，彈牙但無乜膠質，勝在唔腥。米線煮到啱啱好，無過淋。椰子雞米線$60第二款試椰子湯，幾濃椰子味、少少甜，飲落明顯比招牌鹹。胡椒豬肚雞米線$60由於食野之前我個人好凍，手腳冰冷，所以特登點胡椒湯暖一暖。三碗麵中呢碗最熱，胡椒聞落幾香，不過飲落唔夠辣，而且最鹹係佢，有少少失望。😐配料豬肚洗得乾淨、無異味，食落彈牙。金磚豆腐$42味道正常，上粉後炸，外脆內嫩滑，似百福/山水滑豆腐嘅味道。不過價錢略貴，成本唔高，但價錢幾乎等於主食，性價比唔高🙈。小店除現金外，仲支持電子付款方式。

每次行過見到個名都覺得好有趣，食雞應該好好味，甘岩今日經過就去試吓。內籠雖小，但十分企理👍🏻胡椒豬肚雞米線：豬肚鮮嫩爽口，雞肉滑嫩，配以胡椒湯微辣帶香，小小一窩連爐上食到最後都仲熱，冬天岩晒。口水雞酸辣粉：口水雞雞肉鮮嫩多汁，口水汁調得惹味，酸辣粉爽口刺激，粉條綿軟有彈性，口感豐富，酸辣開胃。金磚豆腐：豆腐口感綿滑細軟，外皮酥脆金黃，香氣四溢，風味鮮美濃郁，口感結合軟嫩和酥脆。食完一件又一件超正。

之前成日食太子間癡膠雞，原來灣仔都有分店，近排仲推出咗季節限定嘅米線。🍜姬松茸竹笙花膠雞米線天氣涼涼哋，今次揀咗用鍋上，一邊熱住一邊食。除咗招牌花膠雞，仲加入非常滋補嘅姬松茸同竹笙。店家無慳皮，每樣配料都份量十足👍🏻🍜椰子雞薯粉（番茄木瓜湯底）呢個湯底清淡得嚟食落好舒服😌米線轉咗薯粉，完全吸收番茄湯底味道。雞肉嫩滑，切小件易於進食。🥢金磚豆腐呢度嘅小食都唔好錯過，次次都會叫金磚豆腐，皆因真係炸得好好，炸粉唔厚，入面嘅豆腐仲好滑溜。🥢明太子釀雞翼 小小辣味嘅明太子釀咗係雞翼入面，惹味得嚟唔會太辣。🛎️必試指數：8/10🔆

平時返工lunch周不時都會去太子「癡膠雞」，今次就去到灣仔分店～店舖比太子乾淨企理，人氣亦都較旺盛，今次去食嘅時候前面有8至10人排長龍。😲「癡膠雞」主打養生及足料花膠雞濃湯米線💯，另有酸辣粉、其他飯麵及小食供應。而其中最有gimmick嘅一定係每鍋米線都可以選擇用小火爐烘著🔥，讓湯底保持溫度♨️啱晒打卡之餘，冬天食就可以暖笠笠～☺️招牌花膠雞米線（$68）‼️推薦‼湯底都算香濃，幾重雞味，有少許膠原感，花膠有2至3大塊，都算合理，雖然我哋冇加$10轉雞髀位，不過雞件份量足，肉質都算嫩滑。📌點餐時可以選擇跟爐上，要打卡梗係要跟爐上啦，而且可以保持最佳溫度👅，不過建議打完卡，滾起就好熄火啦。🤪因為雞肉會好易老，湯底亦都會收水。藥膳黃酒花膠雞米線（$68）‼️推薦‼湯底帶有酒香，加上紅棗，蟲草花，木耳等，感覺很滋補～花膠有2至3大塊，雞件有6-7件，都算幾抵食！金磚豆腐（$42）‼️推薦‼一份有成20粒咁多～😳即叫即炸熱辣辣，千祈唔好見佢個size係一口就成粒擺入口！🙅🏻‍♀️咬開一半入面係標晒煙！😂外脆內軟，加上七味粉嘅調味，微辣惹味🤤👍🏻椒鹽粟米（$32）‼️推薦‼炸到恰到好處，外脆內嫩，加上椒鹽

今日路過灣仔軒尼詩道見到有間餐廳個名好得意，叫“癡膠雞”，主打食米線，咁啱肚餓，就入去試吓，一入到鋪頭就聞到好香嘅藥膳味，再望下餐牌，有一個藥膳花膠雞米線，我就點咗尼個餐，湯底有淡淡當歸藥材味，十分滋補，雞肉都好滑，花膠大約兩三件，亦唔算細塊，整鍋用爐滾住，湯底熱辣辣，唔會食到凍曬。小食方面，我試咗三款，椒鹽粟米、金磚豆腐和蜜糖雞翼金磚豆腐，外脆内軟又入味，好有大排檔風味。椒鹽粟米，粟米粒粒漲卜卜、多汁香甜，加埋椒鹽一咸一甜味道好特別。蜜糖雞翼，外皮炸得好香脆，加上蜜糖香甜，必食之選。

一間位於灣仔嘅雞湯米線餐廳，以其招牌花膠雞米線聞名，吸引唔少食客過黎品嚐。餐廳環境簡潔明亮，座位雖然唔多，但都舒適，服務員都好親切同快捷。米線種類都好多，價錢合理，值得一試嘅餐廳👍🏼招牌花膠雞米線連埋爐上，一路煲住一路食，所以會越食越濃味，雞湯味道好鮮甜濃郁，肉質嫩滑，花膠質感彈牙🤤椰子雞米線用石鍋上，雞湯味道清淡加上淡淡的椰子香，仲有椰子肉，雞肉嘅肉質很細嫩又唔會油膩，天然湯底完全冇味精金磚豆腐炸得非常香脆，表面金黃色，裡面好嫩滑，要趁熱食蜜糖雞翼一樣炸得好出色，外脆內嫩，表面再加上蜜糖，香脆可口

📍癡膠雞 (軒尼詩道) (灣仔)灣仔軒尼詩道254號地舖@crazychickenhk 灣仔足料米線，天氣開始轉涼，想食暖身熱辣辣米線，推薦呢一間養生米線，米線可以跟爐上，一直keep 住保温，份糧大，雞肉嫩滑，材料豐富，非常足料☁️招牌花膠雞米線$68招牌雞湯濃郁，奶白色，不會太油和口渴，花膠充滿骨膠原口感，雞皮爽脆，雞肉嫩滑鮮甜，除咗米線，可以轉其他米粉，薯粉等，多款選擇。呢碗選擇咗跟爐上，會用鐵鍋上，全程米線都熱辣辣，好溫暖☁️姬松茸竹笙花膠雞米線$78益腎補虛之選，雞味濃郁，花膠，竹笙同姬松茸份糧好多，爽口好入味，米線軟嫩滑口，好暖胃☁️金磚豆腐$42即叫即做，外脆內軟，表面加左小小調味料，大約都有20粒，好惹味如果大家系米線控，推薦大家食呢間高質小店💕

📍 癡膠雞（灣仔）養生之米線🍜本人係十分鐘意食米線 但總會想健康一啲，成日食酸辣湯真係有啲厭～呢間米線舖，除咗岀名養生之外，店主仲好有新創意，一邊打邊爐一邊食米線🍜好適合冬天既天氣😍新食法，可愛😍🔸 招牌花膠雞系列湯頭好濃郁，飲完都唔會好口乾～花膠份量好多，每一隻都充滿骨膠原口感雞肉超滑，鮮甜雞味🐥又可養生，食完整個人都暖笠笠😍🔸 羊肚菌蟲草花花膠雞米線羊肚清洗乾淨，食落無羶臭味。蟲草花喺表面，十分滋補養生。飲啖湯即刻暖笠笠。🔸 金磚豆腐炸得外酥内軟 熱熱的吃超好吃😋

【⭐️ 灣仔·健康養生米線 🐷 ⭐️】餐廳位於📍灣仔A2出口附近，係一間專食雞既餐廳，有多款雞選項，除咗米線之外，都有薯粉、上海麵、飯配搭。沙薑雞濃湯米線 💰48湯底清清地幾好飲，冇味精飲完都唔會口渴，沙薑雞調味都啱啱好，唔會過鹹或者唔夠味😊椰子雞米線 💰60湯底好鮮甜，濃濃既椰子味🤭同樣都係飲完唔會口渴冇味精👍🏻 但係雞油多左d，要自己撈走啲油先飲。金磚豆腐 💰42豆腐好嫩滑，好惹味！我食過更好食既金磚豆腐🙈 冇對比冇傷害🤣🤣時令田園蔬菜 💰28上湯清甜，有雲耳蟲草花配上白菜仔，好食😋⭐️ 值得一試，我見有好多選擇，例如花膠雞湯、胡椒豬肚雞湯、藥膳雞湯、人蔘雞湯等，呢排天氣轉涼，呢啲都係幾唔錯嘅選擇，比較養生🥰

再訪癡膠雞 上次冇試到佢個椰子雞 念念不忘。今次返嚟 畀上次更有驚喜。 佢哋已經唔再用鑊仔上 因為安全問題 佢話好多食客會唔小心倒瀉。依家轉咗仿石鍋感咁上 份量再多啲！ 🥥椰子雞 $60 湯頭超級濃郁 呈奶白色 淡淡椰香好滋味😋 米線轉左上海麵 係我更喜歡嘅質感。份量多到我堪稱「吸湯大笨象」都飲唔曬！ 椒鹽粟米 $32 更似蒜香粟米。粟米炸得剛好唔會 乾爭爭 好香口～ P.S 佢哋仲請緊廚房斬雞備貨 人工兩萬起㗎 快啲踴躍申請啦～ 💡💡💡💡💡