癡膠雞 (軒尼詩道)

營業中

休息中

Blingbling美食推介✨📍灣仔癡膠雞✨超人氣養生小店💠💠💠💠💠💠💠💠最近去完旅行，想食返d中式野~所以男朋友接收工，就嚟到灣仔超人氣養生小店癡膠雞🐔位於軒尼詩道，無論係lunch time定收工時間都超多人！！佢哋主打花膠雞湯底米線，湯底濃郁但唔油膩、滑溜滋補 ，真係養生之選🥰🐔癡膠雞（半隻）$148配白飯（+$15）米線（+$15）厚切雞肉配合超濃雞湯，好養生🩷雞肉質嫩滑多汁，而且分量多！鷄鍋有明火熱住，唔怕食食下會凍曬☺️鷄湯拌飯/米線都超好味~ 🍋凍檸檬茶（跟餐）（+$6）清新微酸，甜度適中，一杯清口夠醒胃，解辣一流👍🧀日本芝士竹輪 $28芝士拉絲，口感層次豐富又邪惡，係我其中一樣最愛火鍋配料☺️！餐廳環境：💎💎💎💎💎/5服務質素：🌸🌸🌸🌸🌸/5食物味道：😋😋😋😋😋/5性價比：💰💰💰💰💰/5癡膠雞 (軒尼詩道)📍灣仔軒尼詩道254號地舖

最近天氣凍凍地，食D熱野就最好！平時食米線就食得多，但係呢間食米線係可以有個小火爐熱住食，唔會怕食得慢就凍晒！我好鍾意食雞，呢間有花膠雞米線我梗係唔會放過！其實我之前食過佢既花膠，所以今次就唔再揀佢既花膠，我地今次揀左胡椒豬肚雞半隻做火鍋，我再另外加錢要個牛同埋薯粉；老公就叫左個水煮牛米粉。先講水煮牛先，佢個米粉係幼果啲，我老公鍾意食。而個味道唔錯，有麻辣味，但又唔會係全部油係面果啲。個米粉熱辣辣，連埋啲湯好食，啲牛肉唔會太鞋，冇諗過食花膠雞都有得食水煮牛，而且都唔差喎！評分：👍🏻👍🏻👍🏻/5跟住就到個豬肚雞火鍋，我叫左半隻雞，個鍋有個爐熱住，個湯好飲，不過就有啲雞油，豬肚同雞既份量都唔錯，仲有啲蟲草花，個雞都好滑，不過就襯個湯滾之前食，因為我怕個雞會變鞋；另外加錢既牛都唔錯，都有好多塊；而最後我加左個薯粉，索晒個雞湯，好正呀！評分：👍🏻👍🏻👍🏻/5我地亦都加左個炸粟米小食，好好食！評分：👍🏻👍🏻👍🏻/5埋單都唔洗$300，呢個天氣食到熱辣辣，價錢咁平民，好正呀！整體味道指數：😋😋😋/5性價比：💰💰💰💰/5環境：❤️❤️❤️/5服務：✅✅✅/5

⚜️【羊肚菌花膠雞米線】 $88湯底一飲就知煲左好耐！完全唔會出現飲完口乾的情況👍🏻湯底帶有淡淡羊肚菌香氣 清甜又暖胃❤️米線爽口彈牙 花膠雞滋補養生必試！⚜️【癡膠雞（一人份）】 $68同餐廳名字同名🙈Keep住煲既雞湯飲落更加濃郁！🤩飲落好順口🙂‍↕️一人份量啱啱好 同樣有雞肉同花膠✨超滿足～👉🏻加配【日本芝士竹輪】 $28✨ 咬開爆芝士流心好好味🤤要小心燙口‼️👉🏻加配【米線】 $15✨ 吸湯神器 熱辣辣仲可以自己選擇軟硬度😍👉🏻套餐加配【凍檸檬茶】 $6 配米線超解膩！📍癡膠雞灣仔軒尼詩道254號地鋪#養生米線 #花膠雞湯 #平民美食 #香港美食 #香港必食 #灣仔米線 #花膠雞 #養生之選 #港式湯麵 #灣仔美食 #灣仔 #遊客推薦 #香港打卡 #香港美食指南 #香港美食日記 #hongkong #hkfood #hkfoodie #hkfoodblogger #hkfoodlover #foodiehk #852food

好友約我去位於灣仔軒尼詩道254號地舖的<癡膠雞>食花膠雞，由港鐵灣仔站A3出口步行五分鐘就到啦。環境舒適，坐得舒服。我哋點咗：🥢招牌花膠雞米線：跟爐上，配木瓜蕃茄湯底及轉上海麵+娃娃菜，配凍蜜桃烏龍冷泡茶（走冰、 少甜）$88蕃茄湯底味道濃郁，花膠大條好食，雞髀肉滑嫩好味，凍蜜桃烏龍冷泡茶清涼好飲。🥢椰子雞米線：跟 爐上、轉上海麵，配凍桂花烏龍冷泡茶 （走冰、小甜）$70椰子味道濃郁，雞件嫩滑。桂花烏龍冷泡茶清甜好飲。🥢金磚豆腐 $42一口豆腐炸得香脆可口，豆腐幼滑好味。

【🐥灣仔癡膠雞｜明白點解排長龍都要食花膠雞】之前都多人排隊，今日見唔使排，使去食吓！.🐥姬松茸竹笙花膠雞湯飯期間限定，姬松茸菇味濃，有份養生滋補感覺，花膠清清地，加埋竹笙好爽口。湯好飲，將飯浸入湯慢慢食，爐仔興住保持熱度，覺太熱可以請店員幫手熄爐，再慢慢食。.🐥藥膳黃酒花膠雞米線食完會掛住嘅黃酒藥膳風味，紅棗好香，雞夠滑，滾住米線感覺食得好舒服。🐥明太子釀雞翼雞翼脹卜卜，咬開裡面釀咗明太子餡，幾惹味。·湯都飲晒，美人照鏡🪞

呢間嘅花膠雞食過幾次，次次想食雞都會嚟呢度，因為啲雞真係好滑，湯底又好飲～-今次例牌食返椰子雞米線（$60）再加木耳絲，啲雞都係雞髀肉，但唔會有雪藏味，啖啖肉又滑嫩🤤最鍾意個湯底，有椰子香味，飲完又唔會口乾👍🏻-另外沙薑雞濃湯米線（$48）個湯底就好香雞湯味，沙薑味啱啱好，唔會蓋過湯底味～-始終都係花膠雞專門店，對佢嘅小食本身無乜期望，但口痕想食熱氣嘢，就叫哂蜜糖雞翼（$42）同埋黑松露醬薯條（$28）試～估唔到2款小食都好正🥰雞翼同薯條都係即炸熱辣辣，個蜜糖醬有啲桂花味，同啲雞翼好夾😋連啲薯條我都係點啲蜜糖醬食😛

nothing beats a HUGE piping hot bowl of fish maw chicken noodles! the broth was so rich we almost drank it all. definitely coming back soon!!冇嘢比得上一大碗熱辣辣嘅花膠雞米線！個湯好味到差啲飲曬，絕對會返來🍄mushroom fish maw chicken shanghai noodles 姬松茸竹笙花膠雞上海麵the chicken was lean but tender, and the bamboo fungus soaked up all that umami goodness. we also got to choose our noodles. i tried the shanghai noodles which were rlly chewy, just the way i liked it 雞肉瘦得來夠嫩，竹笙索曬啲湯，仲可以自己揀面(米線/寬粉/上海麵/飯)，我揀咗煙韌嘅上海面，啱曬我口味🐣signature fish maw

位於灣仔的港式粉麵店，主打養生花膠雞米線。太子也有店，而港島就是這間灣仔店。食物足料，平民價錢，人流絡繹不絕，非常受歡迎。飯類：沙薑雞飯雞件鋪在飯上，雞皮爽彈，雞件蠻厚肉，沾上沙薑醬汁，很下飯。麵類：口水雞擔擔麵擔擔麵湯底醇厚，帶有濃郁的花生及芝麻醬香，有粒粒豬肉碎及蔥花，配上上海麵，還另加魚片；口水雞雞肉淋上麻辣醬汁，麻麻辣辣，惹味非常。麵類：嫩雞煨麵除了招牌的雞件外，還有嫩滑的雞塊，不帶骨頭及雞皮。另外額外加添配料，花膠及腐竹，花膠多片，很厚身。湯底同樣是雞湯，清甜而不油膩。

平時等車都會見到呢間餐廳門口有人排隊，今晚見門口冇人，便入去食飯。坐下後，用手機掃二維碼落單。🔸椰子雞米線店員送上椰子雞米線已傳來陣陣的椰子香，湯底呈奶白色，味道清甜，雞肉嫩滑，味道濃郁，仲吸收咗椰子湯的精華，米線掛汁。🔸招牌花膠雞米線轉雞髀加$10，花膠雞湯真材實料，湯底清澈，花膠的骨膠原豐富，雞髀肉質嫩滑，用火鍋形式上枱能夠長期保持熱度，味道越吃越濃烈。🔸時令田園蔬菜生菜用咗雞湯烹煮。🔸凍薏米檸檬水薏米檸檬微甜，帶檸檬香。🔸蜜桃烏龍冷泡茶烏龍茶夠冰凍，帶點點蜜桃的甜味。離開餐廳時，見到門口又有人排隊，可能我早咗入座才避過排隊。

上次去太子食過養生鍋米線，一直念念不忘🤤呢日去開灣仔又有癡膠雞，即刻去回味下但原來呢間午市係無爐提供🙃睇完餐牌，反正無得烚烚下，就改為伴面，今次試咗呢幾樣野：-1. 口水雞伴麵 💰$62 + 10面底我地轉咗同撈撈好夾既薯粉+ 小辣，另加咗$10 蚊轉雞肶，雞肶啖啖肉，薯粉掛滿辣汁加埋雲耳爽口彈牙，岩晒夏天無乜胃口，食呢個就最岩👍🏻👍🏻2. 胡椒豬肚雞米線 💰$60 (轉配米粉）胡椒豬肚一向同雞都好夾，性價比高，勁足料，雞件一啲都唔鞋，雞胸啖啖肉，豬肚夠爽口，米粉質感好食，如晚市用爐上。更滋味🤤3.蟹肉忌廉薯餅 💰$381碟有3件，外表脆卜卜，內裡滿滿餡料，超creamy 4. 手拍青瓜 💰$28好fresh 好清爽，我自己就好食得辣，如果再酸辣d 就更惹味🥰5. 金磚豆腐 💰$ 42外脆肉軟，好好食，topping 配上7味粉，提升味道，一碟份量都好多飲品： 冰凍泰國梳打 +💰$10 啱晒炎夏日，冰涼清新

專做滋味十足嘅米線，平民價錢但味道一流！佢哋主打招牌花膠雞米線口水雞酸辣粉真係惹味到停唔下來！雞肉切片嫩滑，醬汁酸辣開胃微麻嘅風味好過癮。粉條Q彈有嚼勁，芫荽仲添咗啲清爽口感，食落好平衡，辣得啱啱好。呢碗花膠雞米線真係招牌級享受！湯底用雞湯熬成，濃郁清甜，飲落暖胃又滋補。花膠炆得軟糯入味，入口即化，雞肉嫩滑多汁，滿滿鮮香。米線滑溜溜，吸晒湯底精華，食落好順口。金磚豆腐外酥內軟，炸得金黃香脆，咬落豆腐嫩滑，帶點淡淡嘅豆香。表面灑咗啲椒鹽同香料，微辣香口，食落好有層次。當小食或者配米線都超正，簡單但好滿足，食完真想再點一份！

今次帶大家去咗一間超抵食嘅港式花膠米線餐廳，呢間餐廳真係好誇張，日日晚飯時間出面都大排長龍，原因冇他因為佢哋嘅套餐非常抵食！ 😘### **🍲招牌花膠雞** 招牌菜真係招牌菜，花膠大過我塊面！湯底濃到黏嘴唇，花膠煮到超淋超入味～🐔雞肉嫩滑得嚟有咬口，配埋白飯索晒湯汁，每一啖都係膠原蛋白嘅味道！💕 ### **🍗沙薑雞脾飯** 🍗沙薑香氣撲鼻，雞脾勁大隻，肉質juicy到爆汁～最正係配埋個沙薑油撈飯，香口到不得了！ ### **🥓燒豚肉配生菜（韓國辣椒醬）** 豚肉燒到邊位焦香，油脂分布靚到暈～🌶️韓國辣醬甜辣惹味，用生菜包住食清新又解膩！### **🍯熱柚子蜜** ### **🥤凍泰國梳打** 跟套餐可以以優惠價錢叫飲品，叫咗一杯熱柚子蜜，飲完成個喉嚨都舒服晒，仲可以潤喉tim！至於梳打就氣泡感十足！🍹清新解膩，飲完成個人都refresh晒！ #港式米線 #高CP值 #少女食評 #街坊美食 #平民盛宴癡膠雞 (灣仔)灣仔軒尼詩道254號地舖

🥇呢間雞湯米線絕對係我灣仔區三大最愛之一！🐔椰子雞米線($60)我試過佢椰子雞湯，花膠雞湯同埋胡椒雞湯米線，其實每款都好出色，但係我自己就最愛椰子雞湯米線，超香椰子味，又唔會蓋過雞湯嘅味道，最重要係佢食完唔會頸渴，真材實料嘅感覺，配米線就最入味，有時個胃唔好嘅時候我就會揀上海麵，都一樣好食至於雞呢，份量都幾多，味道其實就普普通通，算係合格以上，只係自己本身唔鍾意食烚雞，不過雞湯真係好出色🔥佢晚餐呢就可以上，煲住熱辣辣就更加好食啦！🐤至於今次冇叫嘅花膠雞湯，相對冇咁奶，雞湯味就出啲，其實都好好味。另外我試過花膠雞湯底打邊爐，但係好快就俾啲食材嘅味道蓋過咗原本嘅花花雞湯，所以試一次就算啦。🍲除此之外，佢嘅小食都好出色㗎，好似金磚豆腐咁，佢炸到脆卜卜，入邊嘅豆腐滑嘟嘟，豆味好重，唔會過火，不過個量都幾多，一個人就食唔到啦😭唯一嘅問題係佢坐得唔係幾舒服，位置比較窄，但係冷氣係舊嘅，只係一班朋友吹水就唔係好適合啦，不過好多時佢會展睇show之前都會去食！#hongkongfood #hongkongfoodie #yummy #fat #wanchai #hongkong #人氣美食 #香港美食

久不久便想吃雞湯米線，今天特意來吃這家，不久便全場爆滿，相當受歡迎招牌花膠雞米粉 $68我轉了銀絲米粉，幼滑吸湯，花膠軟糯，雞肉很香濃的黃油雞味道，雞湯濃郁，不愧是招牌椰子雞米線 $60轉脾 +$10加竹笙 +$15椰子湯充滿椰奶香氣，加錢轉雞脾，肉質彈牙嫩滑，竹笙爽口非常吸湯，幾乎整碗喝光雲耳豬肚絲 $38麻辣汁很香且惹味，豬肚絲足料軟腍，雲耳爽口，滋味小食凍蜜桃烏龍冷泡茶 +$10跟餐凍飲價錢合理，蜜桃味很香從不失望的雞湯小店，會再來

今日細雨微寒，正需要一碗熱騰騰的湯品驅走濕氣，所以揀左呢間主打濃雞湯的人氣餐廳。餐廳有一系列雞肉料理，從米線、飯類到火鍋，選擇豐富。🐤花膠雞翅煲 (一人份)上桌時以小火爐持續加熱，確保由頭吃到尾都保持暖笠笠的狀態。湯頭確實濃郁，色澤金黃，香氣撲鼻，味道鮮美。用料相當足誠，花膠厚身軟滑，魚翅份量亦不少，仲有金華火腿片，三者都帶出鮮味，為湯底增添層次。雞肉選用雞髀部位，肉質嫩滑，整體一人份量相當飽足。🍲嫩雞煨麵 (加配美國牛肉)份量驚人，超大一碗。嫩雞肉同樣高水準，嫩滑入味。加配的美國牛肉份量慷慨，鋪滿碗面，視覺效果十足，滿滿的蛋白質。煨麵的湯底也是雞湯，但感覺比花膠雞翅煲的稍為清淡d。🥤跟餐配了凍檸茶和凍柚子梳打。餐廳的招牌濃雞湯底確有特色，濃郁香醇。花膠雞翅煲用料十足，花膠、魚翅、嫩滑雞髀肉都體現誠意。