近日搵到呢間超近佐敦地鐵站嘅漁正居酒屋🏮可以食好嘢又方便就腳，用openrice訂座有7折優惠，平日晚飯時段都好多客人👍🏻 🍥店長刺身拼盤😋 新鮮刺身包括甜蝦、帆立貝、三文魚、八爪魚、縞鰺池魚、吞拿魚、左口魚邊、油甘魚。左口魚邊配特製醬汁，吞拿魚同三文魚都好厚切！ 🍥柚子汁牛脷沙律 牛脷以慢煮方式烹調，腍而美味！ 🍥蟹子沙律🥗 超新鮮爽脆青瓜絲配上海量蟹子。 🍥烏賊紫蘇梅子脆卷 酸酸哋嘅梅子做餡，酸甜滋味，開胃生津。 🍥虎蝦天婦羅卷 炸蝦天婦羅🍤包入軟綿酢飯中。 🍥燒豬頸肉 醬汁香口，豬頸肉肥瘦適中。 🍥唐揚炸雞 新鮮即炸，雞肉滑嫩。 🛎️必試指數：8/10🔆

想食燒肉可以嚟銅鑼灣樓上店-金金。店舖佔足全層，座位極多。除咗燒肉，仲有好多特色小食！ 櫻花龍蝦沙律豆腐 櫻花蝦食得多，櫻花龍蝦就少見。汁料配合豆腐，成為美味嘅開胃菜。 自家製海之幸煎餅 海之幸即係海產，顧名思義呢一個小食就係海鮮煎餅了！餡料有海鮮同蔥，外脆內煙韌。 特上厚切牛胸腹（鹽蔥） 牛胸腹四件，作燒烤一流。肉汁味道突出，油花紋路細緻。 網燒雞腿肉（岩鹽青檸） 啖啖肉嘅雞腿肉好滑，青檸🍋‍🟩汁好清新！ 香草牛油燒大蘑菇 有錫紙盤裝住燒非常貼心，菇🍄充滿牛油香，不得不試！ 🛎️必試指數：8/10

成日路過見到呢間餐廳門面咁靚，都想入嚟試一次。放假有時間，過來食個brunch，感受吓異國風情。 🤎和風味噌燒特級豬梅扒配菠蘿蜜桃醬 豬梅扒較普通豬扒腍軟，肉質更為纖維細緻，無肉筋，爽口又帶點煙韌。鍾意佢哋嘅菠蘿蜜桃醬，夾雜住翠玉瓜同鷹嘴豆。 🤎自家制焦糖餅咖啡 焦糖控必選咖啡，見到放咗兩大塊焦糖餅，比用焦糖醬更好。 🤎香煎大蝦手拆蟹肉金沙咸蛋黃意大利麵 每一條意粉都食到手拆蟹肉，份量大，初初仲驚咸蛋黃會太膩，但食落又無咁嘅感覺。 🤎陳皮洛神花茶 呢個花茶消滯開胃，而且近日天氣好易病，飲吓陳皮茶可以滋潤吓。 🛎️必試指數：8/10🔆

今日嚟樂富行UNY見到呢間Alfafa，估唔到服務同食物質素都唔錯👍🏻 是日餐湯係南瓜甘筍湯，餐飲可免費配有機茶，我哋叫咗蘋果茶同埋雜莓茶。加錢又可升級其他飲品。 All Day Breakfast 黑松露醬炒蛋•炸阿拉斯加魚柳•雞肉腸•煙肉•火腿扒 番茄• 炸迷你薯餅•alFafa招牌沙律•法國牛角酥 聽個名就覺得好豐富😋炒蛋滑溜，成個combination 好平均，有菜、魚同肉，而牛角包🥐都唔錯。 大西洋鱈魚柳照燒汁炒意粉 大西洋鱈魚肉質厚實，照燒汁有日式風味，無西式芝士醬咁油膩。 呢度嘅甜品好吸引呀😍今次試法國芒果熱情果蛋糕，賣相好精美，有法國feel！ 🛎️必試指數：8/10🔆

鬧市角落發現一間木系餐廳，環境舒服，空間感大。餐廳播放著輕柔音樂，頓時感覺放鬆。 🤍炭燒法式豬鞍架伴紅桑子汁 升級主食可轉套餐。是日餐湯為雜菜湯，內有各種蔬菜。餐包為蒜蓉包。豬鞍架最有特色係佢嘅醬汁，紅紅哋色嘅汁混有紅桑子，另外仲有一個醬汁，都係甜甜哋，食落冇咁油膩。 🤍挪威三文魚忌廉茄蓉意大利飯 三文魚粒厚切，份量多，配菜仲有菇菌。忌廉茄蓉醬非常美味，完全滲入意大利飯之中。 🤍藍莓芝士餅 蘋果撻 兩個甜品嚟講，比較推薦食蘋果撻。一邊食蛋糕，一邊食到蘋果片，比較清新。 🛎️必試指數：8/10🔆

皇室堡Royal Inn門口有一個歐陸式大噴泉⛲️好有氣派！今日早收工過來食晚餐，可以坐到個靚靚打卡位。 法國鴨胸紅菜頭沙律 菜式以紅菜頭作為基調，混入紅菜頭醬料偏紅色，紅紅綠綠賣相唔錯。沙律菜加入合桃同芝士粒，法式煎鴨胸肉質軟嫩多汁。 炭燒8oz安格斯裙柳牛扒 裙柳係牛後腹內嘅一條窄長肌肉，與封門柳相似，肉味濃郁，7成熟好嫩好柔軟，油花滲透其中。伴碟有千層薯仔，切成片口感良好。 菠菜酥皮批 一切開就散發濃濃菠菜及芝士香氣，批身酥皮牛油香同夠鬆，芝士菠菜餡料唔會太咸。 🛎️必試指數：8/10🔆

中環一帶小店林立，原來餃掂都喺度開咗一間分店。 店舖座位唔多，卡座只有一兩張，亦唔會話好舒適，最緊要快、靚同正就good la🉐 玉蟹雲吞皇 估唔到除咗餃子，雲吞都好出色。第一次見餐牌有雲吞皇，入面有好多蟹籽，口感非常唔錯。 🥚黃金皮蛋 黃金皮蛋半透明，望落去醬汁疑似好辣，其實係唔辣，味道反而好特別。 至尊松茸餃配狀王九鼎湯 呢度食湯餃嘅開心位係有靚湯，好養生。松茸餃唔係度度有得食，一試愛上。 香煎軟心芝士餃 一口咬落粒餃子會爆d芝士醬出嚟，內有粟米🌽可減低油膩感。 飲品除咗豆漿，又可以揀其他養生系列，例如檸檬薏米水 。 🛎️必試指數：9/10🔆

樓上日式fusion bar AOAO 除咗提供多樣化酒精類飲品🥂仲有多款美食🍽️收工過嚟飲番杯，叫幾款高質小食，可以relax一吓。一入門口就比轉動嘅擺設吸引，望落呢間餐廳都好適合包場。

🔸HAMACHI
唔好睇佢細細碟，入面有唔少片油甘魚刺身，細細粒嘅配菜原來係用苦瓜同南瓜溶製成。

🔸PICKLED TOMATO SALAD
with tomato consommé cream
鮮甜番茄醃製過，甜甜地，配以滑溜嘅cream。

🔸CARAMELIZED PUMPKIN
Almonds, Cinnamon
杏仁同脆焦糖包住南瓜粒，非常創新嘅做法。

🔸A4 WAGYU CUTLET CHARCOAL SANDO
Grated Daikon with Mayonnaise
用竹炭多士包住嘅A4和牛，見到都興奮。和牛雖然厚實，但入口即溶化，西利西利👏

🔸CHARCOAL GRILLED EEL
店員會拎埋舊碳出嚟，燒一燒鰻魚嘅表層。鰻魚好高質素，爽口彈牙。

最後唔少得叫埋甜品，非常日系，抹茶蛋糕有好香濃嘅味道。

🛎️必試指數：9/10🔆

亞士厘道行到盡頭見到呢間好chill嘅泰國餐廳，內部裝潢好舒適，有渡假feel🏖️ 甲拋肉碎牛油果墨西哥夾餅 生菜包溶入墨西哥卷🌮夠新意！味道少少辣，夠惹味。 冬蔭功大頭蝦意粉 兩隻蝦頭超大隻，意粉醬係冬蔭公風味，有秀珍菇。 泰式燒牛肉沙律 好多燒牛肉，沙律醬酸甜，開胃。 芒果糯米飯甜筒 一個反轉嘅甜筒🍦倒插喺芒果糯米飯上面，擺盤特別。 Bangkok 以Whiskey、橙汁、芒果汁、檸檬汁、ginger beer同玉桂調製，杯同配料擺放講究。 🛎️必試指數：9/10🔆

OVO CAFE打破傳統食素好悶/無嚟味道嘅觀念，因為呢度由前菜、小食到主食都選擇眾多，令人喜出望外。 Wasabi三文魚沙律 配油醋汁 (蛋) 素三文魚有韌勁，沾上Wasabi味沙律醬，疑幻疑真。 是日餐湯 配純素麵包 餐湯為南瓜湯🎃無重重忌廉味反而更清甜。麵包脆身，可沾湯吃。 花枝魚餅(奶） 泰式風味，好吃又彈牙，口感非常唔錯。伴有素蝦片，脆卜卜。 OVO沙嗲薄餅 (辣,蛋,奶) 沙嗲薄餅有港式滋味，比較惹味，完全唔覺得自己食緊素食。 芫荽香菜蝦卷扁意粉 (蛋,五辛) 超喜歡有香草味🌿嘅意粉汁料，香菜蝦卷十分之出色。 熱七色花茶♨️洋甘菊，玫瑰，金盞花，桂花，胎菊，茉莉花茶，高原綠蘿花 基調係菊花茶，細味有唔同香氣。 🛎️必試指數：9/10🔆