瘋狂小面 (佳德商業大廈)

營業中

休息中

等埋朋友放工先黎到呢度食麵，八點鐘左右上到黎，估唔到已經係差唔多last order，快快落單先。未係好用心研究餐牌，見樣樣都想試下就黎個A+B+C+D set（$88），食晚餐喎，豪少少叫多幾樣啦😁瘋狂牛肉麵朋友本想點燒白麵，但已賣哂，轉了次選牛肉麵，牛肉軟腍入味，都好正喎。湯底意外地不算辣，仲以為四川野一定好辣添，哈哈，後來老闆出黎解釋話四川菜都分好多種，佢呢度係正宗成都口味，辣度有層次，非一味死辣。酸菜豬肚麵既然朋友點了紅湯，自己就點個白湯試下，豬肚有咬口，口道唔錯。湯底濃郁，酸菜下了不少，酸酸鹹鹹好好味，差唔多飲哂成個湯底。麵質好正，好滑又有口感，吸飽了湯汁都不會過腍。個人覺得一碗麵份量不算少，夠飽有餘。夫妻肺片（+$20）個辣油好香呀，同紅湯種辣不一樣，內裏的牛肚牛脷雖浸滿辣油，但又不算很辣，多了一種麻，越食越過引。棒棒雞（+$25）棒棒雞其實係咩呢？滿滿一碗雞塊。雞塊完全無骨，肉質結實，上層的雞皮完全不油膩，口感特別，啖啖雞肉又幾正喎。紫貝天葵檸檬（+$8）＆冰糖雪梨汁（+$5）飲品轉了特飲，自己點了紫貝天葵，酸酸的好解渴，而且好大杯。朋友點了雪梨汁，略甜，正好解解辣。成都

我的亞嫂是四川人，她經常話在香港吃到全都是乾辣，很少香辣，直至到吃了這間瘋狂小麵，才明白她說甚麼。我喜歡吃辣，老婆喜歡吃麻，我每次和她在香港吃川菜，嘴唇都會麻到無知覺，不過在這𥚃吃到的麻辣，有辣和麻香味。裝修好有中國特色。七點後，見到大部分客人都是來自國內，想必食物質素不錯，因為此品牌來自中國。這裡有combo麵餐，老婆要了瘋狂肥腸麵＋烏梅汁＋醪糟粉子，共$78。我要了瘋狂燒白麵+紫貝天葵檸檬(另加$8)+成都老冰粉，共$86。加了一個瘋狂缽缽雞($238)，藤椒味湯㡳(多麻少辣)。瘋狂肥腸麵內的肥腸，是沒有肥膏，因為已經清除了，而豬腸本身是爽脆煙靭，做法和廣東式有分別，不過都沒有豬酥味，至於麵質就唔係彈牙，只屬於淋身，反而湯底有花生香味，有些似擔擔麵，由於我們要小辣，所以都唔會太辣，係香辣，如果食得辣，可以揀中辣。瘋狂燒白麵，燒白屬於梅菜扣肉，只係四川將梅菜叫做芽菜。燒白已經炆煮得好淋好入味。這個麵很特別，好似廣東和四川混合體。瘋狂缽缽雞，葷30串，素30串，藤椒係同花椒都有麻的感覺，不過藤椒比較香，侍應話浸五分鐘先食會好味些。平時外面吃的麻辣燙，都是熱的，這裡是凍的，不過食落口都幾

這天晚上約了朋友到中環吃晚餐，我們決定吃四川菜。「瘋狂小面」位於士丹利街，近扶手電梯那邊。雖然有齊地址，但也不算易找，連附近大廈的管理員都不是太清楚，最後我是穿過一間樓上髮型屋才找到。餐廳裡面古色古香，很有古中國的味道：灰色的磚牆﹑棕紅色的桌椅，我們像是走進了電影場景。食物主要有兩種：1. 瘋狂套餐2. 瘋狂缽缽雞點餐主要依賴點餐紙，然後店員亦會double check一次，確保準確。套餐有四個大範疇，我們每個都選，所以一個餐要$88。四個範疇分別是瘋狂小面﹑瘋狂飲品﹑瘋狂小吃和瘋狂甜品。瘋狂豌雜面我選擇加鹵蛋$8和大排$20。鹵蛋醃得很入味，很柔軟，連蛋黃也變得易入口。有三件大排，每件都啖啖肉，$20有這樣的份量算是超值的了。但肉質偏乾和硬，不知道是不是故意煮成這樣的。蕃茄煎蛋面看顏色以為很辣，但其實完全不是那回事。朋友加了豌豆$8，軟軟的，有微甜。煎蛋像是溫泉蛋的質地，如果可以煮得再焦一點會更好。蒜泥青瓜是冷盤來的。蒜的味道充足，青瓜很爽脆。不算酸，估計沒有加白醋。素菜加了$20才有，因為想健康一點。主要是白菜和菇，其實麵裡面也有菇，只是份量較少罷了。瘋狂缽缽雞：落單的時候店員說要

😍第一次凍食麻辣火鍋😍，感覺好特別。先講下店內裝修，古色古香的味道，非常舒服。 🍲瘋狂砵砵雞火鍋🐥 🍴瘋狂二人餐（$238） 🍡葷30串、🍢素30串 🌶麻辣口味 😋正常辣 店員告訴我們這個麻辣火鍋是凍的，比一般吃的麻辣火鍋原不同，這個沒有這般熱氣，更不易上火，所以比較健康點。 店員還告訴我們上桌後浸5分鐘後味道更佳，所有精華麵鎖在食物內。 30串葷30串素份量也很多的，但每串其實只有1件或2件，一串又一串，很快便吃光了。 店內經乎枱枱點這個火鍋，所以早點到達會比較好，我到訪的那天很八時多就賣光了，想吃好東西還是早點到！ 另外還點了個🔠瘋狂套餐🅰️+🅱️+©+D($88) 🅰️：瘋狂豌雜麵🍜🌶（+$12肥腸） 🅱️：🍋紫貝天葵檸檬（+$8）🍹 ©：🌶🐷夫妻肺片（+$20） D：成都老冰粉🍮 豌雜麵是店內招牌，麵質爽滑，完美地吸收麻辣汁味道，配上豌雜和肉醬，超美味！ 還按個人喜好加入了大腸呢！ 紫貝天葵檸檬這款特飲，想不到調配得非常出色，酸酸甜甜，配麻辣食物一流！ 夫妻肺片麻香味足，肺片非常入味，如能配上青瓜就更好

聽朋友講係中環開咗間好正宗嘅成都麵食😋😋😋 二話不說就衝左上嚟，估唔到個裝修咁有復古嘅氣息以臉譜為主題，而且食客之間有足夠嘅私隱度，幾有特色。另外見到佢門口有呢個麻辣串燒，而且有成60串，當然要叫黎試下😁不過因為想識佢哋方面，所以少左幾串嚟食。一嚟到嘅時候其實都有啲失望，因為每一寸嘅份量得一粒🙈🙈🙈但一食落嘅時候，覺得佢哋嘅辣椒同出面做嘅麻辣味好唔同，唔會有一種攻擊緊你條舌頭嘅感覺！而且好好食。問返個侍應先知，係用緊藤椒做湯底，而市面上好少成都餐館會用另外仲要左一碗牛肉麵，食落覺得好好食，江面底唔係好彈下嗰隻，但係有好豐富嘅麵味，早啲食完你會想再食嘅感覺！湯嘅味道唔叫好突出，但係食得到用咗好多唔同種嘅辣椒混合而成，唔太辣但係好香。最後叫咗紫貝天葵，同出面飲到嘅差唔多，但呢一種飲料唔係成日係餐廳見到👍🏻👍🏻👍🏻

香港食辣嘅地方有好多，款式又多，例如：酸辣、麻辣....但係「籐辣」呢款....我响香港未聽過，今次總算試到新嘢！呢間瘋狂小面，主力賣四川麵同小食今次同兩個朋友唻食，叫咗豌雜拌麵、酸辣粉、紅油耳片、棒棒雞、蒜泥青瓜、涼拌木耳、缽缽雞同埋冰粉。豌雜拌麵，係豌豆加豬肉碎撈四川麵，麵煮得啱啱好，撈起麵上唻唔會爛晒，碗底又唔會太多水份整到啲汁稀晒！好正！酸辣粉，竟然食到濃濃嘅酸菜味，唔會一味得個辣字，啱晒鍾意食酸菜嘅我！至於幾款小食都相當唔錯！紅油耳片同棒棒雞好香花生味，涼拌木耳同蒜泥青瓜又夠入味，尤其青瓜勁解辣！另外，缽缽雞最啱三五知己坐埋一邊食一邊傾，我地今次揀咗「藤辣」，最初以為湯底會好似火鍋咁熱住食，點知埋到枱先知個湯係凍嘅，又以為凍食唔會好辣，點知原來個辣唻得慢，食多幾串就會覺得好辣，結果我地要點個成都老冰粉解辣！呢個冰粉有點似涼粉，不過透明嘅，少少甜，入口透心涼，相當解辣，食咗咁多辣嘢，以冰粉作為終結，十分完滿！

近來吹起左一鼓川菜潮，尤其是火鍋。今次見到呢間唔係食火鍋，而係食缽缽雞，所以專誠去食下，睇下到底咩係缽缽雞！唔好以為無人食呀，其實係我地食到人地收舖而影既！環境都有中國風同似係街頭既風味小食。呢個餐牌show哂啲圖，好貼心。套餐既落單紙！仲有呢個瘋狂缽缽雞既落單紙！如果你乜都會食既話可以點套餐，會平少少！唔係既可以散叫，都唔係貴！<瘋狂燒白面，小麻小辣>本身唔知咩係燒白，見佢話限量就點左黎試下，絕對比到驚喜我！個麵條係絕對值得去讚，好有韌度，好彈牙。雖然比較幼，但係唔似一般咁腍，仲有好香既蛋味！呢個就係燒白喇！燒白原來有分甜燒白同咸燒白，甜燒白可以用黎夾紅豆沙或者芝麻蓉，而今次就有咸燒白做麵既配料！其實係咸燒白姐係扣肉，燒白既味道好香濃，唔算太咸，食落好似入口即溶咁，而且一啲都唔膩！我地加左個牛肚，薄切牛肚盡顯刀工！牛肚唔算腍唔算韌，我覺得好味！<缽缽雞，小麻小辣>一見到咁大鍋我地都嚇左一嚇，驚食唔哂！呢個麻辣湯底勁香，首先有好香既芝麻再加上好多唔同既香料，算唔上好辣，但係好香，會令你不停想食！<雞肉片><嫩粟米><

中環又開咗間食多款川式粉麵，菜名都以瘋狂行頭，不過當日我被另一美食所吸引，就係缽缽雞麻辣串呢杯飲品係藍蝶花雪梨，飲落好香甜又有雪梨嘅清潤，入面仲有果肉瘋狂二人餐$238入面有30串葷，30串素，葷姐係肉類而當中有雞牛豬不同部位較多，素就蔬菜跟菇同豆製類，湯底我選了麻辣味，小麻小辣試咗佢個程度去到邊先，小都算接受到程度，好香帶少少麻雞肝同心好惹味，牛舌同牛黃喉好爽口，仲有豬腸跟鴨舌都好正，腐竹豆味幾重，其它菇類同菜都新鮮，以麻辣去提起個味道，不過製作時間都有啲耐，我等咗快30分鐘

最近吃川菜吃上癮，都算有點瘋狂吧。看到雜誌介紹，中環開了一間川菜叫瘋狂小麵，它有種超特別的食物叫缽缽雞，我從未吃過，嘴饞的我超想知道是甚麼來的，所以「拉」朋友來揭曉。鍾愛豬腸的朋友大讚瘋狂肥腸麵，肥厚大腸光看就流口水，紅通通的湯汁看起來就很過癮。湯頭鹹香中帶有辣味，讓軟嫩肥腸特別好吃，厚切口感也非常棒，而且肥腸處理得乾乾淨淨，一點肥油也沒有。牛肉軟嫩不乾柴，口感非常的棒，牛肉不只很入味，本身牛肉甜味也有鎖在裡頭。麵條扎實帶點嚼勁，超會吸湯汁的，加上湯頭滋味，麵條越嚼越香。缽缽雞是四川成都特色小食，據說從清朝流傳至今已有過百年的歷史。缽缽雞簡單來說就是將肉串和素串燙過，用竹簽串成一串串，以缽盛裝湯汁，浸泡使食材充份入味，可算是冷盤小吃。湯底方面，我們選擇了藤椒味，它有股獨特香氣，味道清香，口感香麻，比花椒還要麻。食材保持天然原味，不加任何添加物，也沒有任何調味。一串串美味的葷串與素串放在缽內，真令人食指大動，我們都直接一串串拿起來吃。藤椒麻不辣不膩，帶點郁香，吃起來很清爽。蔬菜的種類還蠻多樣的，白菜，西蘭花，鮮腐竹，嫩玉米，秀珍菇，海帶，滷豆腐乾，山藥，土豆片，蓮藕等，都是我愛吃的，瘋狂

喺中環工作的朋友知道新開左間川菜館，誠意推介我去試，就算唔食辣的我，都想食下正宗的川菜。今日放工和同事去見識下。中國風的裝修很適合食物的主題。餐單主要sell兩大類食物，一係缽缽雞，另一係麵類。我地就叫左缽缽雞瘋狂二人餐($238)和麵餐($88)。缽缽雞餐包湯底、葷30串和素30串，即係四川的小食串串香。對食開西餐和日韓食的我黎講，非常特別，感覺到中國真喺地大脈膊，估唔到係HK都可以食到。可以揀麻辣或藤椒湯湯底，唔食得辣緊係揀麻味較重的藤椒湯。上枱先見到真樣，原來係一串串的食物放在常温的湯底內。食物種類豐富，有蓮藕、雞肉、雞肝、鴨舌、蝦仁、土豆片、白菜、西蘭花等，配上藤椒湯，味道非常特別，很惹味，食幾串已經感覺到口很麻，呢D就係真正的川味。60串輕鬆完成，下次可以挑戰麻辣湯底。麵餐有多種combo，前菜、飲品、主食+甜品，只需$88，揀左撈麵，瘋狂豌雜面，可揀辣度BB辣，多花生、多葱先好味。豌雜麵有豆蓉和肉碎，份量和醬汁稀濃度調配得剛好，花生特別香脆，麵質很有彈性和口感，非常有水準的撈麵。蒜泥青瓜相對比較淡口，可中和麻味。+$20夫妻肺片，有牛肚、牛舌、牛，面一層的紅油，令到肉有另

週五晚選擇同朋友黎左呢間喺中環嘅四川小麵試下，曾經喺ig上都睇過唔少人打卡，被店名「瘋狂小麵」吸引，都要睇睇到底有幾瘋狂。個人未有去過四川、重慶呢啲地方，一直以來對於川菜嘅概念都係辣、辣同埋辣。睇番唔少介紹都話呢間小麵嘅口味正宗，今日一訪都算長知識了入座時間尚早，未見很多客人，以麵店黎計，空間非常大，位置多，有卡位坐得舒適，裝潢都花過唔少心思，磚牆木屏風木枱配上紅色椅子，以幾塊面譜造型修飾員工房間，走點中國風路線。餐牌供應湯麵、干撈麵、小食、甜品，仲有不能錯過的缽缽雞，定價合理。晚市黎到依然係「午市組合」嘅餐牌，可選麵、飲品、小食、甜品，定價$68/78/88，以中環價黎講，都相當可以接受，所以聽聞佢地午市好旺場。下午茶時間更加有8折。麵食方面選擇頗多，有牛肉、肥腸、豬肝、酸辣粉、豬肚、擔擔麵等，可選紅湯/白湯，辣度自選，可bb辣、小辣、加辣。唔食辣嘅亦都好多人揀蕃茄湯底麵。瘋狂牛肉麵 $78（配飲品+甜品）因為第一次黎唔知呢度嘅辣度如何，所以只係點左少辣試下，如果食得辣嘅不妨點正常辣/加辣。牛肉嫩腍冇筋，份量適中比較特別係麵底，第一次食呢種麵，麵質爽身彈牙，後來店員話呢種麵係為佢埥嘅

朋友在中環工作，説士丹利街新開了間掋食又正宗的四川餐廳。很小聽到中環和掋食兩詞結合，所以下班後便見和朋友來試試。餐廳富有中國古典色彩，面積也頗大，所以坐得很舒服。雖然套餐印上 "午市組合"，但其實晚市也適用。餐牌簡單易明，有麵、飲品、小食及甜品，選擇不同組合就有不同價錢，價格由 $68 - $88 也有。位於中環，這個價錢簡直超值！為了嘗試最多的食物，我們點了最貴的 $88 組合。 小食點了蒜泥青瓜和涼拌木耳。木耳看起來平平無奇，又不紅又無辣油，但不要被它的外表迷惑，它原來很辣的。木耳是用泡椒醃製，泡椒是川菜特有的調味料。木耳脆嫩帶點辣，這種不是火辣的辣度很開胃。蒜泥青瓜就不辣，青瓜青甜爽口，味道酸酸的很醒胃。我點了紅湯瘋狂大排麵。一直以為自己很會吃辣的我對著這碗紅麵也甘拜下風。吃了頭數啖還不覺得辣，但越吃越辣，最後辣得我連眼水也跑岀來了。原來紅湯是由它們在四州的工廠做的辣油，用了三天製做，所以其辣味十分特别。愛辣的朋友必須要試紅湯。因寶寶怕會太辣，所以點了無辣的蕃茄牛肉麵。湯底反而有驚喜！蕃茄湯是用餐廳自製的，每天用數斤蕃茄炒成茄湯，温度和質感也達標準。所以湯的蕃茄味十分濃郁，湯質稠

今晩俾朋友仔捉咗去中環試下川菜，本身聽到食四川嘢都嚇到有小小腳仔軟，仲要係中環。諗住會超貴但原來價錢都好親民喎。即刻鬆一口氣。豆漿豆味濃郁，唔係好甜，啱我口味。本身諗住嗌蒸蛋，話係用高湯蒸。可惜今日只限有 15 份，所以我哋都無緣食。最後就我所以叫咗碟鹵水拼盤 (+68) 小食。拼盤有牛肚、牛脷、豬肚和牛展。這種白老鹵屬輕鹵，所以味道較為清淡，同平時食台灣菜啲濃味鹵尾截然不同。另外仲會上一碟仔辣椒粉，嫌唔夠濃味可以點下。小食就叫咗棒棒雞 (+25)，必食！雞用中辣椒泡製，食落又唔算好辣。雞肉嫩滑有咬口，好惹味。朋友嗌咗個紅湯瘋狂肥腸麵。原來四川嘅肥腸一啲都不肥，淨係得皮。正宗做法係師傳會花功夫將白色嘅肥除去，佢哋嘅習慣係唔食一圈圈嘅嘢。走咗肥嘅肥腸嘅特别又好食！我驚太辣，所以嗌咗個唔辣嘅白湯瘋狂牛肉麵。白湯係用豬骨同雞汁熬成，發清甜又唔油膩，真心好食。甜品叫咗一個四川流行小食醪糟粉子，粉子軟糯，汁甜味醇。味道唔會太甜，粉子煙煙韌韌超好食。

我喜歡食辣，又喜歡食麵，朋友話舊上層南記有辣麵，就去試試。點餐紙見到個名唔知係乜，間店又無貼相，係下面招牌有張腩肉麵相，也不知係咩名。a+b係麵+飲品$68，有幾款揀，凍飲+3， 可樂+8， 咁一定唔會點可樂囉。a+b+c/d(小吃或糖水），我點了這個餐。$78落單見有good的小白就點，侍應話這是腩肉就試試。碗麵黎到，不是我喜歡的湯底類別，油油咁，味道ok既。食完都未飲完野，男的走來問食完未可否早些交枱，我即時吓！剛放低雙筷野都未飲完，佢話哦唔緊要，問問啫。回頭望有人等位，怪不得催還枱。埋單，又唔係平，要加一86蚊，service charge在於有人落單，有人上菜，要排隊比錢，和被催還枱。呢種湯底唔係我喜歡的，仲要唔坐得唔好坐，價錢亦唔係平，咁唔會係我有下次的選擇囉。

在中環行了很久都不知道吃什麼，行下行下見到有間食麻辣，於是行上去試下，一入到店內裝修很古典，店員馬上走來招呼我們，又細心地介紹他們的菜式，之後我們就点了兩個餐，等了大約五分鐘，食物就到，發覺味道不錯，和在重慶吃的沒有分別，叫了小辣後來發覺不夠辣，店員馬上幫忙加花椒粉，態度很好👍，價錢在中環來說已經覺很抵，求其食茶記都要五六十蚊，所以下次一定會試吓他們的晚餐，另外午餐跟的甜品一吃了後，口內便馬上沒有了麻辣的感覺很正