835
53
37
| 餐廳: | 瘋狂小面 (佳德商業大廈) |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
開飯介紹
餐廳環境寬敞，在不少細節上加入了中國風。主打傳統重慶小麵，麵上加入花生米、豌豆醬、青蔥等佐料，再拌以辣椒油，十分惹味。亦提供缽缽雞、四川冰粉等正宗四川菜。
繼續閱讀
營業時間
今日營業
11:00 - 21:00
星期一至六
11:00 - 21:00
星期日
11:00 - 20:00
公眾假期
全日休息
公眾假期前夕
11:00 - 21:00
*截單時間: 星期一至六 20:40; 星期日19:40
以上資料只供參考, 請與餐廳確認詳情
相關文章
餐廳：瘋狂小面地點：中環士丹利街樓上餐館菜式：川菜餐牌：主打小麵（即係傳統重慶小麵），餐牌基本上就係三款組合既麵餐，麵+飲品 $87麵+飲品+小吃／甜品 $98麵+飲品+小吃+甜品 $109另設加一。飲品同小吃都可以加錢升級。另外可以再加料。麵可以揀乾撈麵或者湯麵，同埋麻度同辣度。自己剔紙落單。瘋狂擔擔面 今日好熱，叫左個走湯嘅麵。瘋狂擔擔面有新鮮水麵，餐牌寫明非油炸或掛麵，又真係食得出，好健康。d麵都唔會話太軟身或一pat pat，分量足，加有足量肉醬，好惹味。我叫左BB辣同BB麻，肉醬辣度剛剛好，只係微微辣，撈埋青瓜絲，蔥花，脆花生，仲有3條菜心苗，口感味道都唔錯，夏天食幾好。加煎蛋 加$9 另加一煎蛋係脆皮！而入面蛋黃就全熟，少少乾。加豌豆 加$9 另加一豌豆份量唔少，口感滑溜。烏梅汁加冰 加$3 另加一唔洗加錢飲品有4款，簡單叫左烏梅汁加冰。烏梅汁同冰係分開上，烏梅汁好酸吓，加完冰就剛好，啱哂炎夏飲用。總括而言，呢度d麵都唔錯，上菜快速，地點方便。
繼續閱讀
【中西區】【瘋狂小面】同皮蛋哥特登走入中環試一間四川嘢，主要係因為見到有其他 foodie 介紹過覺得幾吸引，之後又聽講佢哋幾隱蔽，呢啲餐廳就更加引起我嘅好奇心。去到發現原來佢哋個門口真係幾難搵，一個唔小心就好容易錯過咗。佢哋係喺一幢商業大廈裡面，要上樓嘅。入到去見到裝修都好靚，好有古代中國風味。我哋都係叫佢嘅套餐組合，皮蛋哥試 $87 嘅「A+B套餐組合」瘋狂大排面套餐，有「瘋狂大排面」，仲加 $9 要咗「鹵蛋」，各加 $14 要埋「牛舌」同「肥腸」，配「烏梅汁(常溫)」，佢就話好食，麵同餸都正。我就試 $109 嘅「A+B+C+D套餐」，個瘋狂豌雜面套餐裡面有「瘋狂豌雜面」配「烏梅汁 (常溫)」，仲有小食「泡椒鳳爪」同甜品「成都老冰粉」，幾樣嘢都好有特色好好味，尤其個麵底令我非常難忘，杯嘢飲都唔錯。埋單 $256，食到咁多特色嘢，唔算貴。。。（地址：中環士丹利街66-72號佳德商業大廈1樓）@crazynoodles.hk#1amfoodie #foodie #hkfoodie #thatfoodiething #food #instafood #globaleats #dessert #foodpics #followforfollowback #love #eat #1am中西區 #中環 #香港 #瘋狂小面 #瘋狂大排面套餐 #瘋狂大排面 #鹵蛋 #牛舌 #肥腸 #烏梅汁 #瘋狂豌雜面套餐 #瘋狂豌雜面 #泡椒鳳爪 #成都老冰粉 #1am1387 #1ambackup
繼續閱讀
男朋友話想試川菜，我唯有捨命陪君子，去左中環嘅瘋狂小麵。去到發現有驚喜，原來川菜都唔一定係辣嘅，都好多元化，有酸菜湯，亦有蕃茄湯⭐️瘋狂肥腸麵套餐男朋友話就我，揀左白湯，另外加左酸菜，肥腸清理得好乾淨，入面嘅脂肪都冇埋，正！⭐️羅漢果冬瓜茶有羅漢果嘅甘甜，配埋冬瓜茶，幾好嘅配搭，好飲！⭐️蒜泥青瓜本身清淡嘅青瓜，同蒜泥加埋一齊，簡直係絕配，好食！⭐️酸菜豬肚麵套餐豬肚唔會好un，個湯底好香，仲加左隻卤蛋，食到有d香料味，好鐘意佢嘅麵質，有種食日本拉麵嘅感覺，食得慢嘅我，食到最後，個麵都唔會漲曬😍⭐️烏梅汁正！真材實料，好夠味，好好飲😋⭐️涼拌木耳落單紙有兩隻辣椒，我勉強食到幾舊，留返比男朋友，佢話好啱食⭐️成都老冰粉白涼粉個面有山楂粒、提子乾、米粒、花生、芝麻，配埋一齊甜甜地，好清爽，又可以令口腔清新一下，入口又有唔同口感，好食！
繼續閱讀
中環食野好貴就知，呢間$100樓下有大大碗面同飲品，晚市嚟講都唔錯瘋狂牛肉麵（小辣）呢碗瘋狂牛肉麵，小辣㗎，食落去就係一陣濃烈嘅牛肉香氣，啲牛腱子肉切得啱啱好，軟綿綿唔會太糊口感啱啱好。紅燒嘅調味令牛肉更加鮮味，啖喺口入面香氣四溢，完全唔油膩。湯底係呢碗麵嘅靈魂，最好食係個麵，煙煙韌韌，有口感，同埋好掛湯，夠晒味瘋狂大排面（BB辣）大排食落似豬軟骨，好入味，唔難，豬肉味香。加埋啲辣味調味，好好食🤤仲有蒜香青瓜同冰酸梅汁
繼續閱讀
今日行完中環諗住去食個飯，先整返起有人推介過呢間瘋狂小面，係四川嘅過江龍，好似仲攞咗好多獎添主打唔同嘅面類，有紅湯白湯同埋乾撈，今日都試咗佢兩隻麵😝紅湯瘋狂牛肉面(加牛舌)濃郁的紅湯為基底,加入大塊的牛肉和嚼勁十足的牛舌,口感層次豐富。湯料醬香四溢,入口濃郁鮮美,配上彈牙的麵條,值得一提嘅係呢度嘅麵條係用新鮮水麵，所以口感特別好紅湯瘋狂大排面同頭先嗰碗一樣，不過叫咗大排，其實會有啲似豬軟骨，餐廳都炆得幾入味，唔單止出邊味濃，而且裏面都有味泡椒鳯爪有大量泡椒醃製，一樣非常入味，幾開胃
繼續閱讀