影片
開飯介紹
餐廳環境寬敞，在不少細節上加入了中國風。主打傳統重慶小麵，麵上加入花生米、豌豆醬、青蔥等佐料，再拌以辣椒油，十分惹味。亦提供缽缽雞、四川冰粉等正宗四川菜。
繼續閱讀
營業時間
今日營業
11:00 - 21:00
星期一至六
11:00 - 21:00
星期日
11:00 - 20:00
公眾假期
全日休息
公眾假期前夕
11:00 - 21:00
*截單時間: 星期一至六 20:40; 星期日19:40
以上資料只供參考, 請與餐廳確認詳情
相關文章
餐廳：瘋狂小面地點：中環士丹利街樓上餐館菜式：川菜餐牌：主打小麵（即係傳統重慶小麵），餐牌基本上就係三款組合既麵餐，麵+飲品 $87麵+飲品+小吃／甜品 $98麵+飲品+小吃+甜品 $109另設加一。飲品同小吃都可以加錢升級。另外可以再加料。麵可以揀乾撈麵或者湯麵，同埋麻度同辣度。自己剔紙落單。瘋狂擔擔面 瘋狂擔擔面用新鮮水麵，餐牌寫明非油炸或掛麵，又真係食得出，好健康。d麵都唔會話太軟身或一pat pat，分量足，加有足量肉醬，好惹味。我叫左BB辣同BB麻，肉醬辣度剛剛好，只係微微麻辣，撈埋青瓜絲，蔥花，脆花生，仲有兩條菜心苗，口感味道都唔錯。我另外加左幾款料。大排 加$21 另加一呢個價錢有三件大排，肉量唔少，軟骨完全可以食，都有唔少肉食，非常重滷水味。牛肉 加$15 另加一呢個價錢有三大粒牛肉粒，係帶筋架，口感唔錯，味道都係非常重滷水味。煎蛋 加$9 另加一煎蛋基本上全熟，皮脆唔乾，唔錯。鐘水餃 加$52 另加一大份鐘水餃一客10件，唔太大隻，整得皮滑餡靚，最正係個汁係少少辣而帶甜味，味道唔錯。檸檬冰底Zero 加$15 另加一罐裝Zero配一大杯冰加三片檸檬，解辣一流。紅棗銀耳湯 一大碗滿滿雪耳，加有幾粒杞子同兩粒紅棗，質感厚身，味道味甜，可以就咁倒落口，感覺養生。今餐超級大滿足！呢度d麵都唔錯，上菜超快速，果然係中環效率，地點又方便。
繼續閱讀
週末到中環走一趟辦工，完成工作，便邀請朋友一同到中環一間樓上麵店吃午餐。麵店提供散叫餐和套餐組合，我和朋友二人各點一個套餐。湯麵方面，我們選了一碗瘋狂大排麵白湯和一碗番茄牛肉麵白湯。飲品方面，我們選了常温烏梅汁和熱羅漢果冬瓜茶。小吃方面，我們選了蒜泥青瓜和泡椒鳳爪。甜品則選了凍成都老冰粉和凍紅棗銀耳湯。湯麵：瘋狂大排麵白湯 ~ 三大塊排骨，排骨入味之餘又軟腍，麵身軟中帶點咬口，還有三條菜心和很多蔥花。番茄牛肉麵白湯 ~ 五大塊薄切牛腱心，酸甜番茄湯底很好喝，同樣麵身軟中帶點咬口，還有菜心、很多蔥花和芫茜。(**麵店使用新鮮水麵，絶非經油炸或掛麵，所以麵很好吃。)飲品：常温烏梅汁 ~ 酸酸甜甜，很好喝。熱羅漢果冬瓜茶 ~ 偏向甜，味道不錯。小吃：蒜泥青瓜和泡椒鳳爪各一小碟 ~ 青瓜份量多，鳳爪只有三隻。青瓜細小粒狀，蒜蓉香味，青瓜爽脆，朋友喜歡吃。相反，泡椒鳳爪帶麻椒，我們各自吃了一件都感到很辣，舌頭和嘴唇都麻痺。甜品：凍成都老冰粉 ~ 第一次嘗成都老冰粉，感覺很特別。透明啫喱狀的冰粉，口感滑溜又清新。配搭花生、白芝麻、提子乾、酒釀等材料，拌勻後一同吃，口感豐富，甜中帶鹹香，解除泡椒鳳爪的辣。凍紅棗銀耳湯 ~ 這個甜品也不錯，也能解辣，銀耳配搭紅棗和杞子，滋補又生津，最適合夏天食用。麵店還提供專為全素食人士、不吃辣的人士而設的麵食。
繼續閱讀
喺中環扶手電梯開頭隔離，有間平靚正嘅川式麵館，中式裝修風格，打卡一流，附近好多打工仔日日幫襯。 .🌟酸菜豬肚麵套餐 白湯啱晒唔食辣嘅朋友，湯底濃得嚟唔鹹，配啲有咬口嘅麵超正，豬肚份量足，入味又好食，一啲異味都冇，酸菜爽脆，開胃又醒神。 .🌟瘋狂牛肉麵套餐 牛肉半肥瘦，炆到淋得嚟又唔散，咬落去肉香爆棚。紅湯辣到過癮，麻中帶香，飲一啖即時標汗。麵條索晒湯汁，煙韌度啱啱好。跟嘅酸菜爽脆解膩，食完成個大滿足。 .🌟棒棒雞 棒棒雞做得夠晒正宗！雞肉撕到嫩滑唔嚡，芝麻醬香到暈。辣油同花椒配合得啱啱好，麻得嚟唔燥，層次豐富。份量適中，做前菜一流。 .🌟烏梅汁 解辣神器！凍到入心，酸酸甜甜超開胃。烏梅味好出，甜度啱啱好唔會膩。食辣麵飲啖，即刻降溫又消滯。
繼續閱讀
瘋狂小麵🍜位於中環，食辣出晒名，中式裝修環境舒服，得獎麵店，湯麵、拌麵都有，一心做好地道風味👍🏻今次特登黎試下辣以外既茄湯😋蕃茄牛肉麵，上枱好大碗，先試湯，果然係濃縮精華，好濃而厚實，好味😍茄得黎唔酸，正，牛肉用既係牛𦟌，厚身有口感，另一個調味，相當高質👍🏻食麵！麵條彈牙有蛋味，最正都仲係啲麵，同啲湯又夾，推🤤高湯蒸蛋，每日限量，中式版茶碗蒸，個蛋滑到⼀個點🫶🏻啖啖有高湯，又滑又好味😻好多好惹味肉碎係面，正👍🏻必食既小食麵絶對NO.1，超強😆茄湯都做得咁出色就係有心，食過返尋味🤞🏻好正既麵店，仲愈來愈多啤酒、小食仲要價錢貼地，支持！🩵
繼續閱讀
今天同朋友去了「瘋狂小面」，堂食，之前有食過，環境就正常麵館咁樣，不過出餐還挺快😊 先嘗瘋狂牛肉麵套餐，麵好有咬勁，牛肉足料，加左肥腸和烏梅汁搭配著，味道豐富，點左湯頭白湯不辣，差點就把它喝光。然後是瘋狂大排麵套餐，大排肉嫩，麵量也足，白湯同樣順口😊 配的烏梅汁常溫喝著解膩，蒜泥青瓜清爽，成都老冰粉冰冰涼涼，紅肉柚子和泡椒鳳爪當小食也不錯，鳳爪夠入味😍 整體算下來，性價比不錯，吃得挺滿足，喜歡麵食的可以試試，下次想再去嘗其他澆頭的麵～🤗好味指數：8/10 性價比指數：9/10餐廳名稱：瘋狂小面餐廳地址：中環士丹利街66-72號佳德商業大廈1樓
繼續閱讀