瘋狂小面 (佳德商業大廈)

營業中

休息中

I  have been here about six times since December.This is the last visit sadly because everything has gone downhill from the broth which is now bland and you can see the colour is different.The Sichuan Jelly is also different and they don't serve green raisins anymore.Fortunately, I didn't have time to comment on how good it was earlier as it has clearly gone downhill.

中環的樓上大廈竟然隠藏住間特色四川菜，同個朋友點左個二人份量的bb辣缽鉢雞，個侍應好好服務招呼我們先從蔬菜食起，之後再食肉，食物浸得越耐越惹味，味道麻而不辣，岩曬不食得辣的我，而且我仲叫左瘋狂牛肉麵，第一次食呢種四川撈面，感覺十分清新，有淡淡的綠豆香味，值得下次再來

朋友推薦的川味餐廳，要我一定要去試試。店在樓上、不仔細找很容易錯過。爬上樓進店立刻豁然開朗！空間很寬敞、不像一般香港小店那麼侷促！而且因為不是正午時間去的、人也不多、安安靜靜的、第一印象滿分！我們點了不同辣味和topping的麵套餐！根據個人口味不同可以做各式的調整、非常人性化。友人不太能吃辣、普通辣已經叫天天不應叫地地不靈了哈哈哈哈！我叫了extra spicy，然而也很難說有live up to my expectation ——大概我真的太能吃辣的了吧。量上來說可以再多一點。因為女孩子一般不加extra也應該能吃飽才對吧？！口味上不算最地道、鮮度差一點、辣味上可以再瘋狂一點！值得一提的是服務的小哥非常熱情❤️、滿臉笑容也很有耐心！加分加分加分！

近排天氣陰陰濕濕, 個人又濕又重真係食咩都冇胃口. 呢d時間真係最啱食辣野😍去到中環以前成日排隊食lunch的地方竟然見到一間新店, 見到個名都知好啱我地所以就衝上去試試.店面裝潢好靚, 行中國風好有特式! 地方好寬敞同之前食lunch 時好大分別一打開menu同點餐紙😍成張野都紅卜卜嫁,真係好想狠狠的刺激一番! 一名似老闆的年輕店員好親切咁前黎逐一介紹, 推薦左幾個食完會好辣到好過癮的麵食俾我地. 所有麵除左可以選辣度仲可以選擇麻度, 我地呢班瘋狂既人當然要叫多麻多辣啦首先係四川擔擔麵配鹵蛋, 睇落好平易近人普普通通真係殺人於無影呀. 味道香口野味, 咀嚼幾啖後就有一股黎得好慢的味道, 一股麻中帶辣的味道湧晒出黎. 個種感覺同食wasabi 一樣好爽呀.另一碗係瘋狂牛肉麵我地加左鹵蛋同店員極力推薦的肥腸. 果然呢度既肥腸同出面好唔同, 好爽好乾淨中間仲要冇肥油. 牛肉唔係乾柴的牛肉而係炆到好入面好林的牛肋排, 湯底係有d油不過個種重麻中辣的味道真係令到我地停唔到食. 真心愈食愈過癮. 呢個瘋狂缽缽雞真係不得了😆😆分左麻椒或者麻辣. 我地未試過麻椒係重麻所以就試下. 呢盤一共有60串(

放工唔知食咩好，同事話附近有間川菜小面，麻辣鮮香，受不住麻辣誘惑的我跟著地圖就上左來。餐廳裝修好有復古風，暗暗的燈光都幾有情調。「瘋狂小面」梗係主打「麻辣小面」。呢個套餐安排幾合理，大食細食有得揀，價錢都幾合理。我地兩條友，咩都想食，叫左A+B+C+D😂老闆推介呢個豬手湯，美容養顏，膠原蛋白豐富，份量都啱啱好兩個人食，見到個menu幾吸引，可惜我地想留個肚食缽缽雞。下次再來食呢個晚市推介豬手湯！【瘋狂擔擔麵】配菜豐富，肉末，花生，小菜，同埋各種鮮香麻辣的醬料，撈一撈佢，每一條面都好入味。雖然冇面湯，啲醬料真係神來之筆。【夫妻肺片】+【拍青瓜】滿滿一碗辣油，上面漂著芝麻，賣相滿分！雖然睇黎好似好辣，但食落辣度啱啱好，入面啲牛肉都好足料，薄切易入口。青瓜就係唔辣嘅，蒜蓉淡下口都好，唔係全部都係辣。【成都老冰粉】第一次見有埋黑白芝麻，花生，酒釀，提子乾，紅糖的冰粉，好多料！食落又唔會太甜，解辣正好！終於到了期待已久的【缽缽雞】叫左中辣，雖然睇落好辣，食落卻唔會燒胃，因為係凍食（其實係常溫）所以冇咁辣。特別係，個湯底叫麻辣真係有麻有辣，唔似有啲餐廳麻辣得個辣字。不過要食到最後先發覺，原來都幾麻

現時啲餐廳都換畫得幾快，呢到都變咗一間食麻辣野嘅餐廳，所以我又約埋另一個好辣之人，一齊去辣下、爽下~ 係地下未必會發現到呢間餐廳，因為成棟大廈都係唔似有餐廳嘅商業大廈黎，但係估唔到一上到去，都有唔少人係到食野野食主要以麵食為主，另外有其他小食等等，最好一人填一張落單紙，因為揀完邊碗麵之後，要選擇唔同嘅辣度、麻度等等，分開填就清釋唔驚亂啦先黎嘅係瘋狂擔擔麵，呢個係撈麵黎嘅，所以唔會見到紅紅嘅湯底，將食材拌勻之後就可以食喇，朋友就叫咗多麻少辣，食落真係有少少麻，不過我覺得可以再重啲，而個麵就幾好，有彈性又有嚼口，配埋微辣嘅湯底，真係幾開胃口，因為擔擔麵本身都無咩肉，只有肉碎，所以都可以加料要其他餸菜我自己就揀咗碗瘋狂肥腸麵，亦都係多麻少辣，有得揀走芫茜，但係就無得揀多芫茜，所以我呢個芫茜愛好者，就主動叫多芫茜喇，湯底望落係微微暗紅色，一睇就知辣啦，味道就夠曬喇，麵都係彈牙嘅口感，另外仲加咗牛舌，幾大塊，又唔太薄，都唔錯啊跟餐仲可以揀一款小食，我地就要咗涼拌木耳同泡椒鳳爪。估唔到睇落無咩顏色嘅汁醃嘅木耳竟然係辣味強勁，味道比起我碗紅紅辣湯仲要辣，不過佢爽爽嘅口感，又真係好容易食上癮，停唔到口

咁過同嚐辣buddies係中環試完衫要食dinner 就係附近搵呢間食麻辣既瘋狂小面🌶每人嗌左碗麵再嗌左個串串 麵陣味有啲似紅磡個間川粵既味道 不過不失🍜 個串串就令人稍為失望 辣度唔夠 百幾蚊但其實都係食啲蔬果類多 每支籤得一粒蔬菜咁大把 完全唔值 啲串燒又唔係浸到入味 好唔值又唔過癮

今次跟辣椒小姐的約會，我特地選了家正宗四川人開的餐廳，想著要滿足她的辣癮... 但是，卻讓我們見識廣闊了，待會就知道呢！一進去就有香氣，聞著都肚餓呢。餐廳的格局是有廂座，也用屏風隔著木枱。窗的設計也很古色古香，場內空間感十足。餐點大部分用這點菜紙就搞定。餐廳叫瘋狂小面，當然麵是主打。圖片參考在此~店員推介砵砵雞，只聽名字會以為是用缽裝的焗雞，但原來是像深圳麻辣燙那麼東西~ 砵砵雞無雞，就如菠蘿包沒菠蘿一樣，名字來的而已。烏梅汁酸酸甜甜的，醒胃又解渴。然後我倆都很需要可樂上的祝福我們選了最受推介的瘋狂豌雜麵，是撈麵來的。白色的是又滑又有豆香的豌豆蓉，深啡色的是用濃厚醬汁包著的豬肉末。叫了加辣，所以紅紅的，但味道沒想像中辣~ 他們的麵條好長好滑，煙靭有咬口，作撈麵最合適不過。砵砵雞是超大的一盤，內裡放了120串食物半素菜半肉，果然很瘋狂。一上菜就香氣四溢，原來店內滿佈的香氣就是因為這道菜。點菜時店員問我們需不需要加熱，我們才知道原來平時是凍食的，不過我們不習慣，所以還是加熱來吃。每一串都只有一塊，進食方便。吃下去的味道完全不辣(對大家來說應該是不太辣)，反而是非常香口，充滿麻油和辣油的香味

上星期, 係中環返工既好朋友, 忽然話可以放工同我晚餐 於是就立即去中環等佢啦~ 去到中環, 佢話想食麵, 仲想食麻辣少少既, 與其係去譚仔同人迫 不如就上樓上鋪坐得舒服少少, 慢慢食!~ 我地揀左瘋狂小面, 主打麻辣味小食同埋麵食, 環境裝修唔錯, 幾有中國風味, 價位方面, 可以有三個選擇; 1) 一款湯面/干面+飲品= HKD 73 2) 一款湯面/干面+飲品+小吃/甜品 = HKD 83 3) 一款湯面/干面+飲品+小吃+ 甜品= HKD93 要齊四款, 咁加一後都係一百蚊, 坐得舒服招呼唔錯, 都幾抵食呀! 朋友叫左瘋狂牛肉面, 藍蝶花雪梨水, 燒椒茄子, 成都老冰粉 我就叫左 瘋狂豬肝面, 冰糖雪梨汁, 泡椒鳳瓜, 成都老冰粉 瘋狂豬肝面 - 好好食!! 其實湯底可以點紅湯(麻辣)或白湯(少少辣, 但有點黑椒味) 我就大無畏點紅湯BB 辣, 湯底好香好惹味, 舌尖沾了點湯, 隨即有少少彈彈之感 唔太辣但好過癮!!! 另外豬肝薄切, 咬落更加脆口又冇難聞豬味 面都好彈牙好爽口, 整體感覺美味! 瘋狂牛肉面 (白湯) -不嗜辣的朋說白湯都好有難度! 不過面都好彈牙

朋友嚐辣，愛吃川菜，這天放工後，她就帶我到中環的瘋狂小面吃晚飯。 餐廳主打正宗四川風味，就連舖面的設計都以四川川劇變臉的臉譜為設計。 餐廳上的瘋狂缽缽雞賣相非常相當吸引，聽說是四川的地道小食，我們點了2人餐，屬於冷鍋，內裏有30串的素菜及30串的葷。 鍋內以紅油為湯汁，用菜籽油煉製，再以串燒形式將食材浸泡於湯汁內，令食材變得入味，而串串的材料種類繁多，有鵪鶉蛋、鴨腎、蓮藕片、雞翼尖及魷魚鬚等，每款相同材料的約有2串。 而湯汁味道屬於重口味，個人認為味道偏鹹，但就帶有辣椒香味，不過辣度一般，口感不算油膩，不過，值得一讚以泡浸方式至入味，但就絲毫沒有影響食材本身的爽脆感。 另外，我們各自點了瘋狂套餐，價錢HK$73起，想豪食一點，就點麵食、飲品、小吃及甜品組合，價錢為HK$93。 瘋狂豬肝麵湯底有紅湯及白湯選擇，我點的是白湯，待應雖說表示白湯不辣，但湯內加了大量胡椒，所以味道還是有點辣，而個人認為整個湯麵的味道都非常好，豬肝口感爽脆，麵條富彈性，容易掛湯，辣辣的湯底亦令湯麵變得更惹味。 蕃茄煎蛋麵也許朋友被紅湯的紅油嚇怕了，最後竟然臨陣退縮，選擇最清純的蕃茄煎蛋麵來吃，蕃茄湯 味道

之前看到有個四川朋友常在朋友圈po她來這家麵店吃辣，心想四川人都吃應該不錯。這家麵店很隱蔽，在士丹利街上南記旁邊的寫字樓上，這棟樓不是食廈所以樓下沒有明顯的招牌。在IFC或扶手電梯附近工作的朋友們過來這邊非常方便。這家餐廳空間還蠻大，裝潢走中國風，磚牆加紅色屏風感覺很中式。我們點了一份缽缽雞二人餐（$238）和一份瘋狂牛肉麵（$85).缽缽雞鍋是四川樂山嘉州的地道小吃，我還是第一次試，下單的時候店員問我們喜歡吃辣還是吃麻，喜歡冷食還是熱吃。對於我這個連韓國辣雞麵都只能吃幾口但是又愛吃麻辣的人來說我還是喜歡麻多點，所以店員推薦我們藤椒湯底。加上我們不想吃冷的，所以請店員幫我們來溫的。但冷食更地道，肉質也會更滑。這個藤椒湯底真的很麻，但又不會很辣，讓不能吃很辣的我們過了把癮。這鍋裡面大概有30多串吧，每支竹簽插著一種食物，有支竹，西蘭花，小粟米，蓮藕，豆腐，魷魚，雞肉等等。每個都很入味，邊吃邊喝我的冰藍蝴蝶花雪梨茶贊贊贊！話說這杯凍飲還蠻漂亮，上面一層是藍色的，下面一層是透明的，層層分明，喝起來也不是太甜，不錯。我們另外還有點了一碗牛肉麵，要了bb辣，看起來好像一層都是紅油但我們都還能駕馭

今晚突然好想食辣嘢，但中環唔多川菜食店，上網搵倒呢間瘋狂小面就同朋友嚟試下。我見個個都推薦瘋狂缽缽雞，所以就同朋友嗌咗個二人份量試下，有30串肉，30串菜（$238）。店員同我哋講，正宗四川食法係凍食，會無咁熱氣，但如果我哋慣食熱嘢的話，佢可以整暖d比我哋。咁我哋最終揀咗熱食，bb辣。佢係一盤咁上，每樣食物由一支竹籤拮住，幾得意。我以為一定會好油，點知都ok喎，唔算太油。我記得嘅食物有魷魚，雞腳，蓮藕片，腐竹，菇，菜心，西蘭花。另外我哋再share咗一個麵餐，揀咗A+B+C+D ($93)。我哋要咗酸辣粉，凍檸茶(+另加$3)，棒棒雞(另加$28)，成都老冰粉。個酸辣粉我哋揀咗bb辣，又係唔算油，都幾好食。至於個棒棒雞個份量比我想像中少，但佢好多芝麻，個汁好香！最後食甜品，第一次食冰粉，其實唔知咩嚟，好似jelly咁，都幾解渴架！係中環嚟講，有set食，有麵有餸有飲品$100倒其實都唔算貴，店員服務態度又幾好，下次會再同朋友嚟食！

四川菜一向比我既感覺係辣同油，唔太吸引。但係d friend 極力推介之下，決定一試!! 依度既環境舒服乾淨，服務員都好nice，有耐性咁推介菜式特別之處。因為朋友之前黎過，佢二話不說就order 左個"瘋狂缽缽雞"，畢竟依個係令佢再到訪原因，haha~瘋狂缽缽雞order 左2人份(30串)滕椒+bb辣，依款係即叫即整既，包括左雞，蝦，蓮藕同菇等等……佢地特別將每樣野食都整得薄薄地，為求令到汁同食物完美融合，d汁反而做到麻而不辣唔會搶走食物既鮮味，正~雪豆蹄花湯裡面既豬腳份量大，入口彈牙，軟硬適中，湯有雪豆及, 黨参同當歸等, 飲落有滿滿骨膠原既感覺之餘又唔會有好重既藥材味，一口接一口，聽服務員講對皮膚好好架, 啱哂女仔飲!鹵水併盤 (豬脷、牛肚、豬耳、牛脷等) 特別在無鹵水汁都食到濃濃既味道，就算唔洗配辣粉都ok, 原來佢地係預先用鹵水風乾，心機之作。成都老冰粉係令這依餐飯畫上完美句號既關鍵!裡面有透明啫喱、花生、山渣、酒糟、芝麻、提子乾等， 味道清爽微甜，剛好解了油膩感，下次會再試!

最近，有朋友介紹呢間位於中環嘅樓上餐廳比我， 佢知我鍾意食啲特式嘢嘛！果然夠朋友！我從地鐵出口行5-10分鐘已經搵到，招牌亦都好明顯，入到去，竟然安排到卡位比我地，仲有靚靚既咕臣，坐得舒舒服服，感覺太RELAX喇~餐牌簡簡單單咁，對於選擇困難症既我，真係啱哂！另外，有一張非常多變化既套餐剔剔紙，套餐(A-麵,B-飲品,C-小食,D-甜品)各選一項都係$93，包您大滿足！我地3個女仔叫咗一個套餐、四川缽缽雞(2人份量)及雪豆蹄花湯~講吓個套餐先︰A-番茄牛肉麵有朋友唔食得辣，只好就一就佢，唔叫出名嘅辣麵，諗住唔會有咩驚喜，點知佢個番茄湯底咁真材實料，飲得出佢有真番茄而唔係用嘢開水，口味帶酸，真係好開胃！B-凍檸茶一般，無咩特別~C-滷水拼盤一上枱見到佢，每片都好薄(師傅好刀功！)而且乾身，一啲汁都無，但配有一碟辣粉，明明我地食開既都有滷水汁嘅~點解呢個無嘅?見啲侍應都幾friendly就問吓，八卦吓先，原來佢地滷完入哂味之後會晾乾佢，切得薄係要點辣粉時接觸面要夠，講真，佢既嘢又真係夠哂味，如果有滷水汁加埋，的確會過咸，而且佢咁做，功夫仲多，出面真係好少見咁有heart既做法喇~D-成都老

尋日行到去中環，想揾下啲隱世啲嘅，唔係人人都知比人宣傳到爛嘅嗰啲餐廳試下。上網揾揾下就比我見到呢間嘢🤣本人係一級鍾意川菜，所以一見到啲川菜館就癲咗咁要衝去試我大概夜晚7點嚟到，餐廳入面唔算多人，但就好闊落，好舒服，而且裝修都幾有中國風味。我就揀咗四樣嘢，一碗麵+一杯嘢飲+一款小食+一款甜品，四款嘅總數係$93。先嚟嘅係酸菜豬肚麵😍鍾意食酸菜嘅人一定會鍾意😍佢啲酸菜夠多，但同時又唔會酸到蓋過咗個湯底本身陣味。因為之後叫嘅都係辣嘢，所以就叫咗個唔辣嘅麵嚟中和一下😄跟住落黎嘅係個小菜，叫棒棒雞😂(要另+$28)因為佢上面有好多芝麻同蔥花，所以令到成碗嘢好香👍🏻我就鍾意夾一嚿雞，再連住一堆芝麻同蔥花，一齊擺入口🖖🏻正🖖🏻不過唯一有一點我覺得差咗少少嘅係佢底嗰個汁有少少苦。可能係因為炒個辣椒汁嘅時候過咗火少少，所以呢到令到個雞食起上嚟有啲失色😐除咗上面講嘅四款套餐外，我就叫咗呢個缽缽雞，簡單啲呢講即係平時聽到嘅串串香之類嗰啲friend😀我就叫咗$238兩人份嘅，有菜類同肉串各30串。因為男朋友唔太食得辣所以我就叫咗少少辣同少少麻only，但對食得辣嘅朋友嚟講真係完全唔夠喉🌚佢好似有三款湯底選擇