瘋狂小面 (佳德商業大廈)

營業中

休息中

瘋狂小面晚上同朋友2個女仔去呢間店食四川菜我地叫既食物如店名一樣咁瘋狂(如圖)介紹下D食物有幾瘋狂先!•瘋狂牛肉面• 另加魯蛋我係一個牛癲，極度嘗牛！呢個面有一個幾重口味既湯底，同棟起四川果度食係一樣味既！牛肉用左牛𦟌部分，跟埋個湯底一齊食！好麻囉～食上癮～記得攪勻先食，因為會愈食愈辣! 隻魯蛋就不過不失吧！成件事重點係個面，佢係用水面，做水面過程好麻煩，所以香港係好少面舖用水面既！係咩舖用成本自然高，面質要細嘗先會分到特別之處，係的確唔同一般既面，同湯底好夾嫁都～好四川丫！•蒸蛋•呢個蒸蛋就不得了！滑到你欲罷不能～唔係講笑...個蒸蛋上面仲有一堆仔既肉醬，少少麻咁啦！愈以為佢無驚喜，佢就愈有驚喜！•凍冰粉•本身見佢奇貌不揚唔多想試，但3款甜品之中只有佢係凍既，咁無計啦！硬食～點知～～～佢又勁好食！最最最重要係佢係用黎解辣既，佢會起你一落完單就上俾你，所以唔好投訴佢上甜品上得咁快喇！•瘋狂大腸面•湯底就已經介紹左！講下佢條大腸啦！好好食啊～原來四川人食大腸係會走腸入面既肥膏，所以呢度既大腸係無膏既，岩哂我心意！如果你都怕果Pat野的話，呢個面你走唔甩，必叫！呢間店仲有其他四川小食既，一

平時都好鍾意食辣野，今次去開中環，搵到呢一間專食辣野嘅鋪頭，就去試吓啦！入到餐廳都仲未算好多人，舖面好大有好多位，坐得都算闊落！其實餐廳食物嘅選擇唔多，全部都係麵食，但係揀嘅時候都用咗好多心機啊，因為樣樣都好想食😍😍我叫左呢個瘋狂碗雜面，佢裏面有肉燥又有好多豆，感覺上都唔會剩係得肉會感覺好肥膩好滯！我叫左少麻少辣，食落啱啱好！而且個面有夠大，食完好飽啊😍😍朋友叫咗呢個瘋狂牛肉麵，正常麻正常辣，我食多幾啖就覺得有少少辣，但係試咗幾啖個湯都覺得好夠味，個湯好有口感，真係好好食🤤🤤🤤我哋加左錢叫咗個棒棒雞，係有少少辣同麻，但係辣得來好香，而且啲雞好滑好嫩，雖然睇落細細碗，但係其實入面已經係好多，兩個人食啱啱好🙈另外仲叫咗個滷水，雖然睇落又係好細份，但係其實都真係好多，兩個人食夠晒有突！一開始見到佢冇滷水汁以為佢唔夠味，但食落其實已經煮到好入味，而且煮得好林😍

本身響中環返工，見好多外賣app都有瘋狂小麵點，數十元一個餐包一碗麵、小食、飲品響呢區價錢都相宜，已經好想試，可惜一直未有機會今次咁岩朋友黎探班，又係愛辣之人，機會黎喇食野之前當然睇食評啦，點左個瘋狂缽缽雞，有三十串肉、三十串素，夠晒睇頭，呃like一流之前未試過咁樣食，經店員介紹地道食法個湯係常溫上，凍凍地，點左多麻，可惜我覺得唔太夠辣，不過本身店家主打麻而不辣，好，我接受食落好清涼，個人比較鍾意素果三十串，大部分蔬菜都好爽口（青瓜，窩筍...），另外都有吸湯類既菜心、西蘭花，菇類都好入味，仲有腐竹同豆干肉方便有牛展、雞肉、鴨舌、雞腎，雞尖等等，因為本身應該用老水汁醃過，個人覺得有少搶左個辣味超滿足既～仲點左個套餐，有酸辣粉同棒棒雞，酸辣粉好濃味，有少少肉未超正棒棒雞就係咁多樣之中最麻最辣既，雞肉都好嫰食完既簽可以放響度環境好唔錯，吹水一流😊

我一向有鋪鐘意食辣嘅隱，無辣不歡。有朋友介紹左一間都幾隱蔽嘅川菜餐廳，位於中環嘅樓上鋪。餐廳賣嘅主要係四川嘅麵食野食以套餐形式，麵食+飲品+小食+甜品。裝修係中國傳統style。店員都會好細心咁講解有咩好食。瘋狂豬潤面。面底偏向幼身，食落都幾入味，夾起身仲掛住少少湯，面條食落都有彈性。豬肝大概有六舊，唔會太熟食落唔會太老身。棒棒雞。雞肉連皮切片淋上辣椒汁，係一道凍食。雞肉有雞肶位同胸位，份量唔算多，大概屋企食飯碗嘅一碗份量。入口會食到雞嘅鮮味同麻辣味，一啲都唔油。瘋狂牛肉麵。牛肉份量都幾多，煮得好入味。牛肉有筋有腩，好有肉味。湯底偏向濃一啲，有好香嘅麻椒味。蒸蛋。見佢限量15份就試下la，雞蛋好滑，上面嘅肉碎連蛋一齊食仲好味。缽缽雞。係夜晚先會有嘅野食，2人套餐$238包括左30串素加30串葷。有凍食同熱食，四川傳統係凍食，但因為同行友人想試熱食，我地揀左正常辣同正常麻，辣味都足夠，但就惹厭唔夠麻。串類都有好多選擇，有雞肉、雞爪、魷魚、蝦、冬瓜、木耳、筍同菇類。題外話: 店員好有禮貌超級nice ，一面幫我地收碗一面講唔該曬！

自己本身都係好鍾意食麻辣嘅人，見到呢一間瘋狂小面都係賣四川麻辣嘢食 所以就上來試下我地叫左個A+B+C+D餐組合先$93 幾平呢個就係普普通通， 但如果影相嘅話係好靚嘅成都老冰，好正，佢好似涼粉咁 但裏面有埋提子同堅果類。當你食緊辣野嘅時候，再加一口呢個成都老冰，完全可以減消辣既感覺可以再繼續再戰辣野棒棒雞，佢呢個係凍食來，類似口水雞，但有少少似雞絲粉皮咁係凍食都好好食。同埋佢雖然凍但好入味，唔經唔覺好快食晒缽缽雞，佢係藤椒湯底，所以相對唔會辣就會比較麻。一開始食落去只會有少少麻痹嘅感覺，跟住不停咁食嘅時候佢就會麻既感覺會不停咁累積落去。食到會出熱 好爽佢呢個紅油麵線，非常之入味，可以同朋友一齊share來食，其實份量都多

今日突然心血來潮想食辣，有朋友介紹左係中環一間都幾隱蔽嘅川菜餐廳。老闆應該係四川人，餐廳賣嘅主要係四川嘅麵食。野食以套餐形式，A+B+C+D咁叫。我就叫左瘋狂豬潤面+棒棒雞，棒棒雞係雞肉切片淋上辣汁，睇落以為好油但食落好只會食到雞嘅鮮味同麻辣味，一啲都唔油。個豬肝面用嘅面條比較幼身，所以食落好似入味啲，夾起身仲掛住少許湯汁，面條食落都有彈性。豬肝約有六舊。個湯嘅椒麻味其實都好出下，會有少少痺嘅感覺。女朋友嘅係酸辣粉，我本身唔食酸菜，叫親酸辣粉會走酸菜，所以每次個粉都係得辣無酸。呢個粉本身已經無一舊舊嘅酸菜但又會食到有酸味，係我幾欣賞嘅一個位。另外有一個係晚夜先有嘅缽缽雞，2人套餐係30串素加30串葷。我地揀左正常辣同正常麻，食落同BB辣嘅面比唔會太辣，麻味都唔太突出。但就有好多選擇，有雞肉、魷魚、蝦、冬瓜、木耳同好多唔同嘅菇類。

去中環happy hour前惗住填下個肚俾我見到呢間正野 連餐具筒都好有特色麵食有好多睇落全部都非常惹味 最尾叫左客肥腸麵+牛肚見到都覺得過癮上到枱無論所有野都係熱辣辣既感覺真係不錯好想即刻大啖大啖咁食麵既掛湯厲害惹味既味道沾曬上麵 幼身麵食落係爽既肥腸好大塊切開既肥腸 清得非常乾淨可以安心食用 而且唔會太肥太濟 很滿意牛肚好煙un配合湯汁係畫龍點睛棒棒雞(凍食)雞皮唔會太肥 雞肉亦好冧 上枱凍到連個碟都係超冰凍所以d雞亦唔會太快變室溫 鉢鉢雞(可選凍食或熱食）我就簡左熱食麻既味道恰恰好 亦好香 咁多串既野食一路吹水一路食係最好裹面好似百寶箱咁咩都有一路食一路探索裹面有咩既感覺 好新奇又有趣肉類好夠味 應該係醃製過來但菜類又好清爽 平衡翻個口味而裹面既海鮮亦不少海陸空三樣野食曬袖子汁碟豆花飲品呢個凍冰粉一定要試裹面既冰粉再加上佢恰恰好既口味解渴又解辣冰爽香咁既口味之後 仲有好多有咬口既材料點綴令人好圓滿咁完左一餐

中環士丹頓街樓上有一間小店， 唔講唔知原來係四川好有名嘅連鎖店。 本著試下嘅心態，但點知出乎意料地好食 。因為好肚餓既關係，所以叫咗有四樣嘢嘅套餐組合。主食我揀咗紅湯瘋狂牛肉麵， 雖然係紅湯但係上面都唔係話好多油， 所以我係連個湯都飲埋 。加上個面質地幼滑，吸曬牛肉湯嘅精華，好好味。 另外我仲加咗大排，煎蛋同埋豬肝，但本人覺得最好食都係本身嘅牛肉， 半筋半肉 煮得好入味小食叫左棒棒雞， 佢切成一片片又冇骨， 又夠濃味，配麵食一流。飲品我叫咗藍蝶花雪梨 ，淨係望佢個樣都已經好吸引， 飲落甜甜地，入面仲有好多雪梨碎粒， 呢杯嘢係出面賣都已經20幾30蚊，但係呢度食套餐加8蚊就可以飲到，好抵。甜品就係熱嘅紅棗銀耳湯 ，入面有好多紅棗同銀耳，非常足料。 雖然係甜品，但係唔會太甜 ，啱曬唔係好食得甜嘅人。

要o係中環搵間正宗麻辣小店，好似冇咩選擇。好彩呢排喺石板街附近開咗一間新嘅。四川麻辣小麵店叫做瘋狂小面，價錢大眾化又抵食，啱晒所有喺附近返工嘅白領人士黎試啦！佢套餐有三款選擇揀。最貴個款都係＄100有找，有面有飲品有小食有甜品。瘋狂肥腸面加滷蛋（$8）加酸菜（$6）佢呢度嘅麻辣湯底有少少麻但辣度十足，啱晒鍾意食辣嘅人。而且你食得到佢係落咗好多款香料，自己製既湯底。面份量剛剛好，而且豬腸煲到好稔又無異味，必叫啦！口水雞份量都好大呢，雞肉非常滑，配埋個辣醬同豉油好快就食曬成碟啦。燒椒茄子呢個都係一個涼拌菜，個汁雖然有好多切碎左嘅辣椒碎，但係可能係因為青椒嘅關係，所以食落口其實唔辣！兩個涼拌菜絕對可以幫你減一減輕面嘅辣度。醋糟粉子白色一條條嗰啲其實就係似長條形湯圓。呢個甜品好清淡，而杞子就帶幾分藥膳既味道咁，飲落好舒服。成都老冰粉就係寒天啫喱咁，加埋啲提子乾花生黑芝麻山楂片等，都好特別呢！＄100有晒四樣嘢。其實真係非常抵，我諗中環都好難搵到第二間。

今晚出開中環做野，約左爸爸出去食飯～口淡淡想食辣野，就搵左呢間「瘋狂小面」試下～間餐廳喺一楝大廈入面，差D就行過左。。。入面既裝修都幾得意，有Bar枱有卡位，都坐得幾舒服食物既選擇就唔算好多，以套餐為主，有分3種，價錢係100蚊以內，最基本係一個麵加飲品，可以再加小食或甜品本來想試呢個瘋狂缽缽雞，有30串葷，30串素，但原來入面有好多係內臟，所以最後無要呢個，揀左2個套餐再追加小食 爸爸揀左瘋狂牛肉麵Si揀左瘋狂大排麵，麵既辣度同麻度都可以揀，因為第一次試，所以只係揀左BB麻同BB辣，大排其實就係肉排，D肉唔韌，個麵既味有少少似公仔麵呀 套餐有包飲品，爸爸同Si都加錢升級，揀左紫貝天葵檸檬同金桔檸檬呢個係跟餐既蒜泥青瓜，細細碟唔辣既呢個係追加既上湯素菜，有D菜同菇 追加既燒椒茄子，初初以為係燒既茄子，但原來係冷盤，係茄子加左麻辣調味，不過都唔算辣既，味道OK追加既棒棒雞，點既時候以為係一串串既，但原來又係冷盤，味道係咸多過辣追加既滷水併盤，同平時食既滷水併盤唔同呀。。有牛𦟌、金錢肚、豬肚、豬耳等等，都幾大碟呢個係跟餐既成都老冰粉，係一個甜品黎既，但上面有芝麻有花生有提子乾，都幾特別個質

現在的香港人嗜辣程度已經街知巷聞，四川酸辣粉、麻辣米線，本人一星期最少吃三至四次，本人對辣的追求相當重要瘋狂小麵是四川的風格的味道瘋狂套餐$238/2人份量，缽缽雞是賣點，我們正是因此而被吸引一共有60支竹簽的食物，包括30串蔬菜和30串肉，我們選了熱湯的藤椒口味，藤椒比花椒麻，但辣度一般，入口少麻而且香，一口一串，好過隠，有萵筍、菜芯、腐皮、靑瓜、秀珍菇⋯肉的配搭也有豬肚、雞腳、牛肚、蝦、魷魚⋯⋯⋯蝦肉爽口好味又精緻上上簽筒湯麵任君選擇我們再order一個套餐$93酸辣粉～紅蕃粉較彈牙，煙煙韌韌，食到sir sir聲，湯底有肉碎、芫萎、香料好惹味，只是bb辣紅棗銀耳湯～甜度適中，清潤的味道藍蝶花雪梨～有一點點的雪梨味，但只是少甜，顏色很漂亮既可解辣

入得呢間當然為咗食辣，不過我都唔會去得太盡，都係平衡啲好。叫咗個瘋狂套餐$93，包括瘋狂牛肉麵，冬瓜茶，棒棒雞要加$28，再加多個成都老冰粉。辣度任你選擇。湯底有白湯同紅湯任你揀。瘋狂牛肉麵有沒有塊牛肉，肉汁豐盈，量數適中，個湯底就叫咗小辣，所以辣油唔算多，但依然有辣香味。個棒棒雞加$28蚊都值，份量唔細，雞件幾嫩滑，配埋紅油夠晒辣香惹味。成都老冰粉係第一次食，質地似係白色涼粉但實啲，上面有糖漿同芝麻花生粒伴食，幾新鮮。到重頭戲瘋狂缽缽雞，有30串素，30串肉，總共60串，雖然每串只有一至兩件，但每人30串食落都覺幾飽。裡都包括有雞翼尖，雞肉，魷魚，鴨舌，雞肉，蝦仁，絲瓜，牛柏葉，薯仔，仲有好多四川火鍋材料，配埋可以選擇冷、暖或熱湯嘅紅油麻辣湯底，算係過足口癮！

麻辣潮都係香港盛行多年，但我自己始終都想去一次成都四川當地食一次當地既麻辣香港最常見既一定係麻辣米線，當中有標榜地區既會係桂林，冇標榜地區既只寫住麻辣二字但佢有冇標榜地區都好，風味上都係重辣輕麻，麻辣唔係以麻為主導!?另一樣就係重慶麻辣雞煲，先唔講佢既雞靚定唔靚，但風味同樣係重辣輕麻而且去過重慶既朋友同我講，重慶其實冇麻辣雞煲的~猶如去到泰國，你唔會見到泰式鳳爪一樣重慶雞煲只能夠話係港式風味吧~ 中環返工既朋友知我好麻嗜辣，見到又有新既川菜館就叫左我去試，我當然沒問題!期待之下黎到瘋狂小面! 店名沒太大既中式味道，但可能係麵食為主? 又有何瘋狂之說? 真係要見識下!餐廳係商業大廈入邊，出lift之後我都覺得應該係office room黎。直至餐廳門口，中國風湧現! 傳統磚牆，紅木柱樑，瓦面簷篷餐廳內睇得更清楚，仲有紅木窗框，如果台橩都用中式木台橩更具風味，但可能成本太高吧餐台擺設簡單，亦無放太多調味料，最多得一支醬油，睇黎餐廳對自己係味道上既控制好有信心打開menu，餐廳的確以麵食為主。不過對於我黎講，用咩材料做主食都唔係問題，食川菜最緊要係佢既香，麻同辣!!睇到單餐紙既價錢，當然係a

同個朋友好耐無見，今晚約左去中環食辣野，呢間係朋友指定要食呢間餐廳好似大陸都有分店，擺設真係有d似大陸餐廳咁價錢唔算貴，我地先叫左個A+B+C+D餐餐組合呢個係瘋狂豌雜面，食材配料十足，遮住曬成個麵！我地選左bb麻辣，麵係熱的，撈完後食落去勁香，黃色那種食材好得意，覺得好似黃豆蓉咁樣棒棒雞，感覺好似口水雞！呢個我覺得唔辣，但有麻油香味，而且雞無骨，好似係雞肶肉我地食左二人砵砵雞，因為見openrice咁多人讚，決定一試！份量好驚人，有60串！侍應叫我地先食左菜先，因為肉浸耐一陣更入味，呢個砵砵雞絕對值得一試，因為越食越入味，越食越麻，食食下唔經唔覺就食左60串，可選擇熱食或涷食。成都老冰粉，呢個食落去涷冰冰，可解辣！入面有花生，黑芝麻，山揸粒，提子乾。好食竟然有烏梅汁飲，朋友中意飲下次再來試呢個

在香港地想搵一間正宗地道既川味小食是十分艱難既事情🤭經朋友介紹一間瘋狂小面既餐廳聽個名都覺得很有趣便黎試食啦無論環境還是場地佈置都附有中國風既味道，很特別.棒棒雞😂😂 一嚿雞連同蔥花和醬汁一同入口超級正，而且最好既地方就係完全無骨架😝😝個汁亦都非常香好野味😍缽缽雞😂真係覺得Lee度菜色名字好取得好得意😂雖然望落好似好辣，但其實係麻而不辣，一支一支咁食好得意，第一次食咁樣既菜式充滿好奇