影片
更多
2018-02-24
76 瀏覽
尋日行到去中環，想揾下啲隱世啲嘅，唔係人人都知比人宣傳到爛嘅嗰啲餐廳試下。上網揾揾下就比我見到呢間嘢🤣本人係一級鍾意川菜，所以一見到啲川菜館就癲咗咁要衝去試我大概夜晚7點嚟到，餐廳入面唔算多人，但就好闊落，好舒服，而且裝修都幾有中國風味。我就揀咗四樣嘢，一碗麵+一杯嘢飲+一款小食+一款甜品，四款嘅總數係$93。先嚟嘅係酸菜豬肚麵😍鍾意食酸菜嘅人一定會鍾意😍佢啲酸菜夠多，但同時又唔會酸到蓋過咗個湯底本身陣味。因為之後叫嘅都係辣嘢，所以就叫咗個唔辣嘅麵嚟中和一下😄跟住落黎嘅係個小菜，叫棒棒雞😂(要另+$28)因為佢上面有好多芝麻同蔥花，所以令到成碗嘢好香👍🏻我就鍾意夾一嚿雞，再連住一堆芝麻同蔥花，一齊擺入口🖖🏻正🖖🏻不過唯一有一點我覺得差咗少少嘅係佢底嗰個汁有少少苦。可能係因為炒個辣椒汁嘅時候過咗火少少，所以呢到令到個雞食起上嚟有啲失色😐除咗上面講嘅四款套餐外，我就叫咗呢個缽缽雞，簡單啲呢講即係平時聽到嘅串串香之類嗰啲friend😀我就叫咗$238兩人份嘅，有菜類同肉串各30串。因為男朋友唔太食得辣所以我就叫咗少少辣同少少麻only，但對食得辣嘅朋友嚟講真係完全唔夠喉🌚佢好似有三款湯底選擇
上網揾揾下就比我見到呢間嘢🤣
本人係一級鍾意川菜，所以一見到啲川菜館就癲咗咁要衝去試
我大概夜晚7點嚟到，餐廳入面唔算多人，但就好闊落，好舒服，而且裝修都幾有中國風味。
我就揀咗四樣嘢，一碗麵+一杯嘢飲+一款小食+一款甜品，四款嘅總數係$93。先嚟嘅係酸菜豬肚麵😍鍾意食酸菜嘅人一定會鍾意😍佢啲酸菜夠多，但同時又唔會酸到蓋過咗個湯底本身陣味。因為之後叫嘅都係辣嘢，所以就叫咗個唔辣嘅麵嚟中和一下😄
跟住落黎嘅係個小菜，叫棒棒雞😂(要另+$28)因為佢上面有好多芝麻同蔥花，所以令到成碗嘢好香👍🏻我就鍾意夾一嚿雞，再連住一堆芝麻同蔥花，一齊擺入口🖖🏻正🖖🏻
不過唯一有一點我覺得差咗少少嘅係佢底嗰個汁有少少苦。可能係因為炒個辣椒汁嘅時候過咗火少少，所以呢到令到個雞食起上嚟有啲失色😐
除咗上面講嘅四款套餐外，我就叫咗呢個缽缽雞，簡單啲呢講即係平時聽到嘅串串香之類嗰啲friend😀我就叫咗$238兩人份嘅，有菜類同肉串各30串。因為男朋友唔太食得辣所以我就叫咗少少辣同少少麻only，但對食得辣嘅朋友嚟講真係完全唔夠喉🌚
佢好似有三款湯底選擇，麻辣(半麻半辣)，椒麻(多麻少辣)同清湯，我啲呢個係麻辣。
我自己有去過深圳食咗無數川菜，所以有對比下覺得呢個一係一般。嗰到嘅員工話四川人嘅食法係凍食，所以個湯其實係凍嘅，咁就會冇咁熱氣🤔個人就認為冷熱唔太影響個味道，佢係有嗰種川菜嘅香喺到嘅，但就真係實在唔太夠濃味，食完唔會話勁想番尋味上咗隱嗰種。因為我係個好重口味嘅人🤣所以最後我都+$6叫咗個乾碟，每串都點一點個乾碟先食🍢
簡單講幾樣入面有嘅嘢:
菜類🥦: 青瓜片，蓮藕片，木耳，腐竹，各類菇，蘿蔔片同菜心等
肉類🍖: 魷魚，雞肉，牛肚，鴨舌等
最後一樣嘅係成都老冰粉😍唔知有冇人食過冰粉，有少少似仙草啫喱咁👅上面有啲花生，芝麻，提子乾，米酒嘅米粒同類似山楂乾嘅嘢。
撈好之後，冰粉連同上面啲配料一齊擺入口，加上個糖漿唔會太甜，所以成個感覺幾好👍🏻幾清新👍🏻叫做幾特別嘅，喺香港唔係到到都食到😂
總括黎講，環境幾好，服務態度都唔錯，唔識點叫可以叫嗰到有個五十幾歲左右嘅呀姨同你講解下xd佢會好詳細😂😂😂
喺中環地段嚟講，唔會話好貴，但就咁計嘅話，算中等偏高少少少，加完一之後每人大約$200埋單。
張貼
