瘋狂小面 (佳德商業大廈)

營業中

休息中

近年流行食川菜，那川菜館是否只食麻辣火鍋咁簡單，今天早利亞跟友人就來到中環一間樓上舖瘋狂小面，試試四川當地的民間食品，午市多人，特意2點後才到，避開人潮。店子午市有午餐組合： (A) 麵食、(B) 飲品、(C) 小吃 (D) 甜品 ，不同配搭，最低消費 A+B $78，而全套餐A+B+C+D 價錢為$98，另加一服務費。點了兩個瘋狂套餐，所謂小麵，就是四川地道的麵，有著蔥蒜醬醋辣椒調味的麻辣麵，分為乾撈和湯麵，我們各點一份。心中首選瘋狂燒白肉麵，可惜每天限量供應十五份，店員表示開店未到一小時便售罄，可惜，唯有改為同是豬肉的大排麵。因為很想試特別推介的鐘水餃及棒棒雞，我們選擇了加錢升級小食。鐘水餃 造型比一般水餃小巧，皮煙煙靱靱，原來店子特別請麵廠特製的，香滑而豬肉餡料有肉味，雖然紅油望落有點嚇人，但辣味不重，加埋蒜香，味道層次豐富 ，我們吃著一隻接一隻。另一款小食棒棒雞，雞肉片不算多，醬汁味道帶點酸味，原來這是當地正宗味道，蠻特別。店員端上甜點醪糟粉子及成都老冰粉，奇怪，主食都未到，細問下原來當地人地道食法是以此作飲品，用以解辣，因甜味可以紓緩麻辣既感覺，但來到香港後才作甜品，另加飲品

今日同朋友系中環行街，突然想食麻辣野，於是上網搜尋，搵到呢間餐廳「瘋狂小面」餐廳設計充滿四川風味，進店內還聞到陣陣麻辣味道，燈光稍暗，不便拍照，店員有禮，經常檢討餐廳食物！小編坐低後同朋友點左瘋狂二人餐（$238），呢個餐有60串串串香，當中包括30串肉30串菜，味道揀左藤椒湯味，食落口亦有麻辣感，但對比麻辣湯無咁辣，唔食辣既人可以試下！另外，我地點左飲品，柑桔檸檬，味道偏酸，有濃濃既柑桔，飲完好開胃，但就少左檸檬味，若兩者能平衡一d就好好喇！最後，大家唔好睇小呢個餐，真系好多，小編同友人都食到飽飽咁走，而且能滿足到想食辣既感覺，只系食物有d咸！所以大家不妨試一下，感受下四川風味！

又是Ot夜...😖今晚同同事去咗中環 食🌶川菜, 餐廳位於士丹利街佳德商業大廈一樓(半山扶手電梯附近)餐廳裝修風格以古色古香既中國風為主, 好有特色, 今次我地就揀左bar檯坐既, 櫈下有小籃子放個人物品, 非常貼心🥰食物種類選擇唔多, 主要以🍜麵食為主, 不過可以自行組合套餐, 價錢都算優惠因為見隔離檯食緊瘋狂缽缽雞好似幾過癮咁, 我地就唔揀麵食喇😅🌶瘋狂缽缽雞二人餐 - 藤椒湯 ($238)湯底可以揀麻辣湯或藤椒湯, 店員推介藤椒湯味道比較正宗同比較少地方有得食, 所以我地就左藤椒湯, 上檯浸一陣等D串串更入味就開始食啦😋一共有60串 (🥦素30串同🍗肉30串), 每款各有2串茹類食物最入味🦐🐙蝦同魷魚彈牙🐓雞粒同雞軟骨最夾味呼, 以為每串一粒粒會唔夠飽, 點知原來都好滿足🤤今次我地兩個都第一次食呢D串串, 雖然唔知正唔正宗, 但覺得好味既, 如果辣味多少少可能會更有風味(我對川菜既印象係好辣好辣, 可能餐廳做得比較適合香港人口味啦), 仲有差少少就係食到一半開始覺得有D咸🍋🍊柑桔檸檬 ($28)食辣野點可以唔飲返D冰凍既野🤗

餐廳以中國成都/重慶的食物、麵食為主，裝修都滿滿中國風餐廳坐得舒服, 位置幾大, 仲有卡位可以坐餐廳以套餐為主, 麵套餐很多選擇，可跟飲品、小食同甜品, 大食同細食都一定飽今次兩個人都唔係好大食, 就一人一個套餐，唔洗甜品已經好飽了湯底好濃郁，一飲好香花椒同麻辣味，好惹味，中意食辣既就一定中意肥腸好肥美爽口，而麵煮得好有咬口，兩者都好掛湯，每啖都可以吸啜濃湯友人比較怕辣，所以叫咗個白湯，係酸菜白胡椒湯底，味道濃郁，麵條十分煙韌，仲有好多爽口既豬肚，好豐富小食方面，點了「紅油耳片」及「夫妻肺片」豬耳切到薄薄地，非常爽口，加埋麻辣汁，撈埋一齊好惹味夫妻肺片好爽口入味，有牛肚, 牛舌, 牛展，用紅油浸住，香辣惹味藍蝶花雪梨汁，飲落鮮甜潤肺，岩晒食辣野後飲紅肉柚子就好似鮮西柚汁，酸酸甜甜，好開胃又解辣餐牌總括黎講:中環黎講價錢合理，味道正宗，可以叫做一個中環飯堂選擇p.s. 最後俾錢嘅時候知道要加一

继上一次喝到了药膳雪豆蹄花汤之后，一直心心念念想再尝一遍，这次和先生一起再次光临疯狂小面，毕竟美食是要分享才更好吃呀，况且是这种台风天也挡不住的美食！依旧重磅给大家推荐2款我每次都必点的主打美食：药膳雪豆蹄花汤和藤椒钵钵鸡因为太火爆，如果真的非常想要尝试这两款的小伙伴可以提早打电话去预订，我们今天7点左右到店点到了今日最后一份蹄花汤，简直lucky！开心开心推荐Top1：药膳雪豆蹄花汤新鲜食材，精心熬制数个小时，再加上加入有益身心健康的药膳，就是这一份牛奶一样白白的高汤了，还散发着淡淡的药膳味，好闻又暖胃！高汤自配一份葱，一份辣椒酱（增香，不是特别辣），如果喜欢食辣的朋友可以再另加一份6HKD的香辣干碟。因为我喜欢饭前喝汤，所以忍着咕噜噜叫的肚子怎么也要等到汤上来了才开动筷子。汤里面有分量十足的猪蹄（处理的真的非常干净，我没有找到一根残留的毛），松软的雪豆，以及药膳片，其他好像没有乱七八糟的食材了，所以要做到这么浓郁，真的是花了好多时间煲的。猪蹄我足足吃了两块，完全不腥，非常软糯，每一口都感受到了胶原蛋白！蘸着配套的辣椒酱感觉就是“鲜、香、糯” 十分带感！推荐Top2：藤椒钵钵鸡我们点

成日都想食啲正宗既辣面，自從知道有呢間瘋狂小麵，短短半年已經黎食左3次😛入面古色古香中國風既裝修。睇大餐牌就有圖有真相，其實落單係用細紙😂先黎個酸辣粉，上次加辣覺得重手得滯，今次少辣，撈埋所有配菜香料剛剛好。🤤另外黎多個擔擔面，又係一樣要撈晒先好食，配上青瓜絲，口感爽滑。小食嗌左燒椒茄子同棒棒雞，茄子冰凍涼快，棒棒雞其實唔辣。甜品必嗌成都老冰粉，其實無乜特別味，但係感覺好冰涼，幫舌頭降下溫。另加一個紅棗銀耳湯，好用心煲，煲到雪耳都溶溶地，啲糖水好有膠質，一定養顏😍紫貝天葵檸檬同埋藍蝶花雪梨，一個清新開胃，岩晒食野前飲。另一個鮮甜潤肺，岩晒食辣野後飲。😎

食辣野真係好可以練，愈食愈辣之外仲會上癮偶爾會想麻同辣下的感覺「瘋狂小面」初看到名字，究竟什麼來頭呢？一間以川辣麵食為主（都有唔辣選擇），帶有重慶成都中國風的裝潢。麵套餐很多選擇，可跟飲品、小食及甜品二人都選擇了套餐組合：A+B+C+D=$98可揀一款麵，飲品，小食同甜品小食：泡椒鳳爪同紅油耳片估唔到泡椒都幾辣，但愈食愈過癮停唔到口紅油耳片好爽口仲有醬汁好香口好惹味，如果鍾意食辣的朋友唔好錯過，份量再多點就好，唔夠喉呀！瘋狂肥腸麵肥腸洗得乾淨，麵質都好有咬口唔會太腍，兩者都好掛湯每啖都可以吸啜濃湯瘋狂燒白麵+肥腸+豬肝本來我唔夠食太辣，我諗佢地都配合返香港人口味唔會做到好嗆口我都只叫了BB辣同BB麻每日只有15碗既瘋狂燒白麵所以必試，燒白係用五花腩整，做得好入味而且入口即溶以為用五花腩好肥，佢地會用油先燒再炆迫出油份所以唔會覺得膩，推介👍🏻紫貝天葵檸檬整得好靚好似分左兩層，上層係紫貝天葵下層係檸檬，酸酸地既開胃亦可以解辣左前：成都冰老冰粉口感好似啫喱面頭灑上花生芝麻葡萄乾等，食落冰涼清甜，新奇又好食右前：紅棗銀耳湯紅棗雪耳都是滋潤，做糖水口感潤滑香甜食埋糖水真的為整餐添上一個highl

早排試過一次瘋狂小面，覺得風味都幾正宗嘅四川巴蜀風，今日特登拉埋個朋友再挑戰！上次試過少辣無乜料到，今次叫番正常辣，結果辣度剛剛好！今次食重慶酸辣粉，的確係幾有四川又麻又辣嘅風味。但係我發現個酸辣粉用筷子都幾難夾，下次都係叫番佢d麵，會食得爽快d。另外一個係牛肉麵，上黎個賣相有少少似台灣牛肉都。雖然都係紅湯，但佢同台灣牛肉麵嘅風味完全不同，係正宗嘅四川風！另外個鹵水拼盤都幾有驚喜，雖然要$72，但佢上面有一碟乾嘅辣椒粉，可以將鹵水肉點上去，辣得好過癮！另外，棒棒雞仍然保持水準，味道類似口水雞咁。順帶一提，男士可能要加底先夠食！

這家店的位置唔係咁好搵，係樓上舖來嘅。如果不想上深圳食麻辣串串，可以來這家店。店內裝修算係有特色.食此店的麻辣串串必須配上一碗解辣的涼粉 ，我覺得麻辣串串➕涼粉係一種絕配！建議若要嘗試這家店，最好多人一齊去，咁就可以嘗試更多小食。

趕住食Lunch最驚要排隊😫所以今日就用個App幫手排Crazy noodles如果唔係Lunchtime要排好耐ga環境唔算寬闊但係勝在有d中國風既decoration瘋狂大排面🐷🍜+烏梅汁🥃 （$78）好香！第一次飲呢種味湯，覺得幾特別又辣又麻🌶雖然嗌咗少辣少麻不過我都食到流鼻水至於三舊大排即係大排骨亦都好好味因為有醃過咸咸地，有胡椒味由於係排骨，所以肉質肥美🤤瘋狂牛肉面🐮🍜＋烏梅汁＋成都老冰粉（$88）牛肉份量正常肉質爽口麻辣面嘅質地有d似拉面個人認為大排面同麻辣湯底更加夾冰粉有少少令人失望只食到糖水溝無味Jelly上面有pat 有酒味糯米總括而言，十分推薦大家去試瘋狂xx面

踏入週末，就是要瘋狂一下！兩口子去瘋狂小面吃麻辣串串，越辣越想吃，兩個人瞬間吃掉60串呢！瘋狂二人餐（$238）：有素串30支、肉串30支，可選麻辣湯或藤椒湯，仲有熱定凍揀。我地揀左麻辣熱湯，不消一會串串送到，先浸一陣等d串串更入味！60串串，我粗略估計每款有兩串，食得出的配料有：本菇、秀珍菇、雞比菇、冬菇、荷蘭豆、西蘭花、蓮藕、鵪鶉蛋、淮山、萵荀、菜心、馬鈴薯、腐皮、絲瓜、粟米芯、豆乾魷魚、雞腎、蝦仁、豬耳、雞翼尖、牛舌、去骨雞鳳爪、雞肉、鴨舌、牛𦟌非常豐富，而且雖然每串好迷你，但食食下都夠飽呢！食辣嘢一定要配返碗非常解辣的成都老冰粉（$25）！

呢排做野做到好燥底，就決定搵啲辣野食去發洩一下，知道士丹利街有呢間瘋狂小麵，係南記隔離上一樓就到。晚市呢度都幾多人。卡位坐滿左所以我地揀左做吧台位。呢度裝修好靚啊，裝修好有古代感覺。呢度全日用同一個餐牌，都有套餐選擇，我地每人叫左個A+B+C+D=$98既套餐。瘋狂大排麵，揀左紅湯，即係帶辣既湯，要BB辣同BB麻，大排即係豬軟骨，燜得幾腍，而且都有三大舊，好足料！早聽聞呢度比較辣，我以BB辣度啱曬我呢啲平時係出面食開少辣既人，而又不失風味。如果完全唔食得辣既人都以揀白湯。麵口感幾似擔擔麵，好有咬口既質感，超鍾意！飲品我唔想飲凍飲，就加$6要左杯柚子茶，甜度剛好，就算係熱飲，解辣都一流！我朋友就點左瘋狂肥腸麵，一樣好足料，而且豬腸整得好腍，肥瘦適中，d腸吸埋d 辣湯一齊食，別有一留風味。我朋友就加$6點左冰糖雪梨汁，杯野唔會太甜，可以中和返麵既辣味。我加左$32要個夫妻肺片，都有四五塊，每塊都爽口彈牙，用紅油浸住，而又唔太辣，夠曬正宗。我個朋友就加左$32點左個侍應推介既鐘水餃。呢碟賣相有d似紅油抄手，但一食落口就食到滿滿既肉汁同新鮮豬肉，而且味道出奇地唔太辣，入面有啲醋，酸酸地，算係有

香港人返工壓力大，在節奏急速的中環更是壓力重地，所以那天中環朋友帶我來到他平時的減壓食堂 - 「瘋狂小食」。餐廳裝潢非常中國風，櫃台的招牌名更是簡體字，讓人猶如置身內地一樣。點餐紙以麵食為主，而$98就能帶齊麵類、飲品、小食加甜品，非常抵食。最抵讚的是套餐的麵可選辣度，由BB辣、少辣、加辣，甚至BB麻、少麻、加麻都可選擇。前菜我們加錢點了蒸蛋（$18)和棒棒雞($32)，蒸蛋蛋味香濃，滑嘟嘟不過熟； 棒棒雞麻香辣香四溢，不過雞肉不算嫩滑。終於來到主菜，貪吃的朋友點了「瘋狂擔擔麵」，加了鹵蛋($9)、牛肉($15)、牛舌($13)，BB辣和BB麻下這款干拌麵頗開胃；而小小辣已令朋友非常「爽」，因為辣椒素有開胃作用，加速代謝，讓人感到輕快。 而我自己則點了「瘋狂豌雜麵」加豬肝($13)，第一次吃豌雜麵的我感覺非常新鮮，豌豆軟糯，雜醬是瘦肉餡，微辣鮮香，吃得非常過癮，幾天過後仍然回味無窮。飲品我們各自加$10點了「藍蝶花雪梨」和「紫貝天葵檸檬」。紫藍色的藍蝶花茶浮在淡黃色的雪梨汁上，兩層混合來喝甜度剛好。而紫貝天葵加檸檬味道清新開胃，在炎炎夏日有清熱之效。最後甜品我們亦各加$10點了「成都

誠意推介比愛食辣嘅你你你❣️-✅環境坐得幾舒服之餘最緊要冷氣夠唔焗促💯(自己食辣最怕越食越熱, 食到成身大汗, 再好味都會變到無胃口🙈)-✅食品選擇多, 組合隨你配搭套餐由A B C D區揀返自己想食嘅野, A+B得, A+B+C/D得, 要晒A+B+C+D又得, 得左🤪A▫️瘋狂小面🍜B▫️瘋狂飲品🥤C▫️瘋狂小吃🍢D▫️瘋狂甜品🍧幾麻幾辣自己揀, 仲可以瘋狂加料🤩-💁🏻‍♀️正宗重慶酸辣粉➕滷蛋&大排骨丨瘋狂肥腸面➕牛舌BB辣〰️酸辣粉👉🏻係正宗同我最鍾意嘅味道🥺 配料有齊花生 肉沬 蔥 芹菜 芫茜, 夠酸夠香夠味💯 仲係我鍾意嘅紅薯粉😌少辣加麻〰️瘋狂小面👉🏻男友表示十分滿足, 有得加麻夠過癮, 肥腸真係好大好肥🐷 面嘅口感亦好好, 唔會林pat pat一餅野咁👍🏻-💁🏻‍♀️冰糖雪梨汁丨紫貝天葵檸檬冰糖雪梨汁甜甜地好滋潤🍐紫貝天葵檸檬就比較fresh🍋-💁🏻‍♀️蒜泥青瓜丨棒棒雞冷盤嘅蒜泥青瓜同辣野真係好夾, 爽口又解辣🥒棒棒雞就係雞肉片, 一啖一塊😋-💁🏻‍♀️成都老冰粉丨醪糟粉子成都老冰粉〰️解暑一流, 冰粉配上芝麻 提子乾 花生等材料, 好得意😆醪糟粉子〰️淡淡甜香味, 粉子軟糯, 同杞子一齊食更

今日晏左收工，同事提議食麵，來到士丹利街的佳德商業大廈，餐廳位於1樓，十分方便易找。餐廳主打四川風味，感覺十分地道，餐廳在成都大有來頭，眼見餐廳十分火爆，相信十分不錯。餐廳還供應特色啤酒。看看餐牌，多款選擇：套餐組合 A+B $78A+B+C/D $88A+B+C+D $98A類瘋狂小面：干撈面類/湯面類(紅湯/白湯)我選擇了瘋狂大排面(紅湯)，還可以"瘋狂的加料"我加了煎蛋+$9，排骨大大件，肉厚入味，我選了紅湯，麻辣風味，不會死辣，整體很香，十分喜歡。朋友不吃辣，選擇了蕃茄牛肉面，他還真的"瘋狂加料"，煎蛋+$9牛肚+$13酸菜+$8，蕃茄味香濃。餐廳對口味十分貼心：可選BB辣/BB麻/少辣/少麻/加辣/加麻/走蔥/走花生/加面$10/走芫荽B類：瘋狂飲品多款飲品，我選了冰糖雪梨汁+$6，羅漢果冬瓜菜(熱)C類：瘋狂小吃，凉拌/前菜等上湯素菜+$32，蒜泥青瓜D類：瘋狂甜品瘋狂老冰粉(凍)醪糟粉子(熱)最後還點了中式甜品，很有特色。