更多
2019-08-27
1512 瀏覽
呢排做野做到好燥底，就決定搵啲辣野食去發洩一下，知道士丹利街有呢間瘋狂小麵，係南記隔離上一樓就到。晚市呢度都幾多人。卡位坐滿左所以我地揀左做吧台位。呢度裝修好靚啊，裝修好有古代感覺。呢度全日用同一個餐牌，都有套餐選擇，我地每人叫左個A+B+C+D=$98既套餐。瘋狂大排麵，揀左紅湯，即係帶辣既湯，要BB辣同BB麻，大排即係豬軟骨，燜得幾腍，而且都有三大舊，好足料！早聽聞呢度比較辣，我以BB辣度啱曬我呢啲平時係出面食開少辣既人，而又不失風味。如果完全唔食得辣既人都以揀白湯。麵口感幾似擔擔麵，好有咬口既質感，超鍾意！飲品我唔想飲凍飲，就加$6要左杯柚子茶，甜度剛好，就算係熱飲，解辣都一流！我朋友就點左瘋狂肥腸麵，一樣好足料，而且豬腸整得好腍，肥瘦適中，d腸吸埋d 辣湯一齊食，別有一留風味。我朋友就加$6點左冰糖雪梨汁，杯野唔會太甜，可以中和返麵既辣味。我加左$32要個夫妻肺片，都有四五塊，每塊都爽口彈牙，用紅油浸住，而又唔太辣，夠曬正宗。我個朋友就加左$32點左個侍應推介既鐘水餃。呢碟賣相有d似紅油抄手，但一食落口就食到滿滿既肉汁同新鮮豬肉，而且味道出奇地唔太辣，入面有啲醋，酸酸地，算係有
呢度全日用同一個餐牌，都有套餐選擇，我地每人叫左個A+B+C+D=$98既套餐。
瘋狂大排麵，揀左紅湯，即係帶辣既湯，要BB辣同BB麻，大排即係豬軟骨，燜得幾腍，而且都有三大舊，好足料！早聽聞呢度比較辣，我以BB辣度啱曬我呢啲平時係出面食開少辣既人，而又不失風味。如果完全唔食得辣既人都以揀白湯。麵口感幾似擔擔麵，好有咬口既質感，超鍾意！飲品我唔想飲凍飲，就加$6要左杯柚子茶，甜度剛好，就算係熱飲，解辣都一流！
我朋友就點左瘋狂肥腸麵，一樣好足料，而且豬腸整得好腍，肥瘦適中，d腸吸埋d 辣湯一齊食，別有一留風味。我朋友就加$6點左冰糖雪梨汁，杯野唔會太甜，可以中和返麵既辣味。
我加左$32要個夫妻肺片，都有四五塊，每塊都爽口彈牙，用紅油浸住，而又唔太辣，夠曬正宗。
我個朋友就加左$32點左個侍應推介既鐘水餃。呢碟賣相有d似紅油抄手，但一食落口就食到滿滿既肉汁同新鮮豬肉，而且味道出奇地唔太辣，入面有啲醋，酸酸地，算係有驚喜。
甜品方面就揀左酒槽粉子。入面係一粒粒角切，白色既粉粒子，口感同丸子差唔多，都係好有咬口，但份量就多好多，鍾意口感既人士一定覺得好爽！
另外我地又點左成都老冰粉。冰粉晶瑩通透, 味道清甜，撘配剛剛食完既辣麵，一辣一甜，味道不錯。
張貼
