瘋狂小面 (佳德商業大廈)

營業中

休息中

今日同朋友經過中環，見到一間食四川野既餐廳，個名好特別，就比佢吸引左，佢間餐廳入面既裝修好有四川既風格，有啲面譜既裝飾！呢間餐廳有小面套餐同埋麻辣串串套餐可以選擇，我地揀左兩個小面套餐。我地叫左一個瘋狂燒白面套餐，紅湯BB辣，燒白面入面有薄薄既豬腩肉，啲麵幼身質感好！跟餐點夫妻肺片，同埋紫貝天葵檸檬，同成都老冰粉，好豐富啊！另一個套餐就叫左瘋狂大排面套餐，湯底揀左唔辣既白湯，另一種好味！跟餐點左棒棒雞同埋羅漢果冬瓜茶。

一向辣控的我，最鐘意去搵唔同的spicy food 🥘,今日就約同事到中環的樓上餐廳去尋找辣辣食物就係四川菜喇！ 見到店名叫「瘋狂小面」，真的想試試如何瘋狂！因為中午關係， 不是太餓所以我們就叫了兩個麵的午餐一齊分享吃。果然沒有令我失望， 可以選擇辣味程度，我當然叫大辣紅湯啦， 而朋友就點小辣。 午餐有麵、有小吃、有餐飲及糖水， 好好味道又好豐富喔！四川食物真是好正，我還見到夜市有不同食物， 下次要來吃晚市先。 yummy 😋

近排凍凍地，係時候食番d辣野暖暖身，瘋狂小面係中環都薄有名氣，食辣嘅人大部分都應該食過。專注做四川風味，香、辣、麻既紅湯，但不嗜辣既人都仲有白湯選擇。重口味愛好者仲有乾撈~聯同都係食辣的朋友收工黎，地點幾方便，天梯附近，不過要行兩層樓梯。7點鬆啲去到，人不多，帶一股淡淡嘅慵懶氣息，坐左係餐廳正中間既高枱，雖然係高枱，但腳下有木箱墊腳，凳亦有放袋嘅籃，所以坐得幾舒服。餐廳采用套餐形式，可以根據自己既食量決定要小食同甜品與否。面同飲品就基本的~因爲天氣凍，食慾大增，加上每樣都好想試，我同朋友都各叫左$98set。先黎左飲品，藍蝶花雪梨同紫貝天葵檸檬~兩個都有雙層效果，清清甜甜，解辣一流主食叫左瘋狂大排面加滷蛋(紅湯)同瘋狂牛肉麵加肥腸(紅湯)大排用上帶軟骨嘅排位，滷得好淋，滷蛋亦非常入味牛肉以方塊狀呈上，一口一塊，肥腸軟糯，面係白幼面，非常掛湯，湯底麻麻辣辣，混合葱香， 正!!小食加錢轉左棒棒雞同鍾水餃，棒棒雞類似口水雞，但雞已去骨切成條狀，啖啖肉鍾水餃就類似紅油抄手，不過用上水餃，水餃細細隻，好可愛最後仲有甜品，左一個冰粉，一個酒糟粉子好欣賞冰粉除左普通嘅提子乾芝麻，仲落左山楂同花生，酸

喺中環返工嘅舊同事J小姐，真係隔一排無見佢，都會囉囉攣。趁M佬出咗trip，我哋當然又要敍舊同update吓啦。今日去到中環接佢收工，再一齊喺附近搵食。佢知我係辣妹，所以今日就去瘋狂小面食四川麻辣麵，食到我哋鬼死咁hot，當然要轉場去蘭桂芳飲杯嘢啦。蒸蛋限量供應嘅蒸蛋，真係好嫩滑！蛋味香濃，而蛋嘅上面有啲肉燥，好惹味。滷水拼盤拼盤滷水味香濃，鍾意辣嘅仲可以加上辣椒粉，味道更有層次。瘋狂牛肉麵（紅湯）辣度同麻度都可以自己揀，麵身爽口，掛湯力強，但就略嫌麵嘅粉量較少。牛肉好入味，筋腩位都有，口感一流。瘋狂肥腸麵（白湯）爆緊瘡嘅J小姐，就揀咗唔辣嘅白湯，估唔到湯底都好香濃，而肥腸粉量好多，最重要係好乾淨。成都老冰粉食完重口味嘅川菜，又點少得冰粉，解辣同解香料味都得。冰粉加上酸梅片、葡萄乾同花生，唔會太甜，好好味。

一試難忘， 第一次嚟食真係 諗緊 中國風嘅嘢食 市場係點嘅呢唔熟路搵呢間餐廳都有啲難度呀如果唔係太熟路真係要睇google map我都用咗google map搵咗十分鐘先搵到因為佢gps讀得唔係咁好 餐牌亦都唔係話非常多嘢食但係呢個砵砵雞 真係拎出嚟有啲surprise一上台即MOUTHWATERING~~ 好香,好多野食呀點解 看圖有真相check it out一盤有成30素30吋葷加埋成60吋串㗎啦係60串呀~~係60串呀~~係60串呀~~湯底可以揀麻辣或者麻 ~ 今次我就食左麻~~~好有feel~~~~~~ 冬天食更佳人又唔多 坐又坐得舒服可以慢慢食~~~有60串~~~好多串睇相啦

窮遊香港-中環瘋狂麻辣牛肉麵 冬天梗係食辣暖身先講餐單（可睇圖）最平$73 加飲品最貴$93 加飲品 加小食 加甜品.我叫左⭐️瘋狂牛肉麵 叫咗小辣👍🏻湯底夠麻 夠香 大概小辣食完冰粉可完美解辣👍🏻麵質比較似拉麵 唔錯👍🏻呢個重點牛肉 好評👍🏻唔硬 唔算痴牙 加分（一碗有2條菜心）.朋友叫咗一碗唔辣嘅 感覺普通🤔滷蛋係全熟嘅 想食流心嘅可能會失望⭐️蒸蛋每日限量都幾滑 唔錯⭐️棒棒雞基本上其實係 口水雞 有中辣 食完有流汗🤣⭐️成都老冰粉👍🏻加上花生 甜米酒釀 提子乾 甜甜地 唔錯👍🏻解辣一流‼️好評.總結黎得呢間一定食麻辣環境乾淨 都幾似一間客棧.#瘋狂小面 #crazynoodles 地址：中環士丹利街66-72號佳德商業大廈1樓.⭐️評分：味道：4.5/5 麻辣湯真係好正環境：4/5服務：4/5衛生：4/5抵食：3.5/5 中環區算係咁.

今日難得喺中環附近食飯，之前已經想試呢間野好耐，今日lunch就過嚟食啦12:30去到，比門口長長的排隊人龍嚇親，估唔到咁早去都咁多人一位都要等差不多15分鐘呢好啦入到去之後就要諗食乜嘢啦，午餐提供嘅瘋狂套餐其實價錢都幾相宜，一個面+1個嘢飲就$78起，另外仲有多款小食可以加添，如果多人嚟就可以開心share。最後我嗌左一個瘋狂牛肉麵，熱檸水加紅棗銀耳湯($88)紅棗銀耳湯最早想到，呢碗係凍嘅糖水，想洗碗，但都有兩粒紅棗同埋一舊帶銀耳，算係咁啦，食辣野之後可以食返碗冰凍糖水10分正，可以舒緩辣味好啦之後碗牛肉麵都上咗啦，一睇個碗紅色，就流晒口水啦，急不及待想試吓，牛肉有五六舊 ，份量都算幾多，仲有我最鍾意嘅芫荽鋪面，正呀。我叫咗小辣同埋BB麻，辣到啱啱好，麻辣湯底好正宗，同大陸嗰啲一樣。正呀

將近過年，朋友送贈年曆並相約到中環食飯，並推介到瘋狂小面食四川麻辣麵。面對麻辣二字頓時變得豪無抵抗力，一口答應了。這間麵店確沒令人失望，位於中環，店內空間十足，裝修甚似一間客棧。經職員簡單介紹後就點了以下套餐: 瘋狂大排面(少麻少辣)+冰糖雪梨汁+棒棒雞+成都老冰粉 及 瘋狂豌雜面(BB麻BB辣)+金桔檸檬+夫妻肺片+成都老冰粉。瘋狂大排面是一款湯面，裡面的排骨都煮得好嫩，而且面質都好滑好爽，加上少麻少辣配合起來好好食。瘋狂豌雜面則是一款撈面，裡面有好多豆及肉碎，撈起上面又有另一種好食的感覺。至於夫妻肺片及棒棒雞兩道小食，浸在特製醬汁內味道好足夠，作為前菜小食，配菜或送酒物都好合適。冰糖雪梨汁和金桔檸檬都不是一般街邊的罐裝汽水味道，而是認真製作，很有雪梨和檸檬的香甜，值得稱讚。在中環高級商業區，以二百多的價錢食到二人滿足份量的一餐，而且川菜味道突出，是性價比很高的一餐。

今日又來到瘋狂小麵食麵，午餐時間比較多人，所以我同朋友選擇了下午茶時間，人少d好坐好多，發覺下午時間都幾合適人傾野傾生意。我地都分別點了套餐，full set 的話會有四款野揀, 麵，小吃，野飲同埋甜品。我同朋友一的麵都選擇了紅湯小辣，湯底味道剛剛好，不算太辣也夠濃郁，我的是瘋狂牛肉麵，加了豌豆，她的是瘋狂肥腸麵，兩碗麵都好好吃，肉也超級嫩滑的。再來兩份小吃，一份是棒棒雞，一份是夫妻肺片，小小辣但也很野味，配喝啤酒最適合不過。但我們當然沒有喝啤酒，選了解熱氣的羅漢果冬瓜茶，是自家煲的所以特別解上火。最後甜品一份成都老冰粉，一份醪糟粉子。冰粉甜甜的，而且口感滑溜溜，而粉子就像糯米粉團感覺，整碗像酒釀丸子，吃完辣麵吃這兩碗甜品真的是錦上添花的感覺。我和朋友在這個舒服的環境邊吃邊聊，渡過了一個開心的下午。

上星期二約左中環朋友食野，朋友介紹中環有間四川麻辣麵做得好好食。即刻跟佢上去一齊試下6:30上到去人好少嚇一嚇，之後7:00到就開始多人了。朋友話中午先最多人，可能閒日中環晚市都比較少人吧。鋪頭環境都幾有特式，仲有卡位。位都幾闊寛望下個menu見到晚市先有嘅缽缽雞，朋友自己都未試過，我地又試下同時叫多個肥腸麵餐缽缽雞辣度一般，辣汁比較浠。串串無木耳同時有菜心覺得比較奇怪，缽缽雞整體比較一般。之後再食肥腸麵，真係好好食麵條彈牙煙韌，湯汁辣之餘有麻感，唔會好浠，肥腸又夠肥，好值得推介完左再加個冰粉，簡直太正。三個人埋單$535

在士丹利街南記隔離的商業大廈嘅一樓，原來有一間古色古香嘅川味粉麵餐廳，裝修古色古香、整齊整潔、靠牆的全部都係卡位，餐廳中間以屏風做間隔。麵餐用餐紙落單，唔同配搭有唔同嘅價錢，基於我實在太想食薯粉，我點左佢入邊唯一一個用薯粉嘅面，就係酸辣粉！配料唔多，所以我另加左牛舌（$13）和牛肉（$15），兩者份量都不多，這樣點，加起來是有點貴。套餐$98 可以選埋飲品、小吃和甜品。我這杯是紫貝天葵檸檬（+$10），賣相靚，酸酸地幾開胃解辣。酸酸地幾開胃解辣。小吃我選了涼拌木耳，辣辣地令人想一口接一口。甜品當然要選成都老冰粉，呢度嘅配料都幾多，有花生、山楂、黑白芝麻、仲有少少酒糟！

身為嗜辣者，當然就不時都要去搵辣野食，中環有間辣麵店一直想食，本地店但獲獎，主打正宗四川菜，豈能不試！環境位於中環舊式大廈一樓，本來都以為係小店，但去到一樓都見到好大間，同埋有花心思裝修，尤其是收銀處叫掌櫃幾搞笑。餐牌以食辣麵為主，主要都係食set，都有缽缽雞同其他食物。瘋狂牛肉麵套餐 $98包哂麵、飲品、小食及甜品四款都係$98。小食揀左蒜泥青瓜，質素正常。甜品選成都老冰粉，為食辣之前打底。瘋狂牛肉麵選了BB辣，入口麻香較重，辣度低，食辣BB班絕對無問題，牛肉有啲帶軟筋位，增強口感，麵質可掛湯，能品嚐到湯底。瘋狂大排麵套餐 $88包括麵、飲品及小食三款就$88。呢份套餐小食就加錢要咗棒棒雞(+$32)，唔係平時食開嘅雞絲形狀，而係片狀，辣勁十足。至於大排麵就叫咗小辣，都唔算辣好多，大排肉質鬆軟，比起牛肉我更愛呢款！總括而言，會保持正宗川菜嘅風味，本地店做到呢種水平難怪獲內地頒獎，想一嚐正宗四川菜嘅不妨嚟試下。

今晚黎到瘋狂小面，睇完餐牌，叫左兩個套餐，包一碗麵，飲品，小食同甜品。黎左前菜先，涼拌木耳同棒棒雞。兩個都好夠麻辣，好惹味。木耳好爽，雞就好入味。主菜一個係擔擔麵，另一個係番茄牛肉麵。麵質幼滑，係好食既麵條。第一次食乾撈版擔擔麵，不比湯版遜色，撈完更濃味，夠麻辣。番茄牛肉麵加左滷蛋同豬肚，牛肉係牛腱，份量多，夠飽肚。甜品叫左成都老冰粉同醪糟粉子。兩個都唔錯，食左辣野，正好食返溫柔既野黎舒緩。野飲加錢要左紫貝天葵檸檬同紅肉柚子，酸酸甜甜。

今日同媽咪嚟咗食呢間，我哋每人叫左一個set!!🤪🤪瘋狂碗雜面+牛肺片+冰粉+飲品瘋狂燒白面+豬耳+紅棗糖水+飲品雜面有勁多肉碎，味道啱啱好！👍🏻白湯個碗好濃豬骨味❤️❤️❤️，仲要有勁多豬肉😭❤️！以佢哋嘅面底係超級好食，麵身好爽口！😢❤️❤️❤️❤️❤️❤️兩款小食都好味，🙏🏻👍🏻👍🏻但又未到好味道好特別個種！😂超級推介食冰粉🥰！佢好似啫喱咁，仲有少少提子乾做配菜❤️❤️飲品我就覺得正常啦🤪

中環上班族有陣時真係好難決定食咩，如果鍾意食辣的話，今次我就想介紹下瘋狂小麵呢間餐廳，岩曬鍾意食辣同川菜風味的朋友。呢間麵店有好多款式揀，如果套餐的話就可以揀瘋狂套餐，會有ABCD款揀。A就是麵款，我選了瘋狂肥腸麵，而辣度及麻度可以自己調教，我就選了BB辣BB麻，個肥腸其實幾好食，唔會好似外面食d肥腸咁肥膩的感覺，而個湯底也是不錯，有小小麻辣度已經好正。B就係野飲，我們一人一杯，我揀了藍蝶花雪梨，朋友係冰糖雪梨汁，兩杯的味道類同，都係甜甜地十分清甜，食幾辣都無有怕啦。朋友就選了瘋狂牛肉麵加滷蛋，個滷蛋好夠味，牛肉也是夠嚼勁，味道也不錯。C就係小吃，小食方面外面點了蒜泥青瓜，夠曬爽口解熱，而鹵水拼盤就更唔話得，沾少少佢地既辣椒粉，味道剛剛好。而D就係瘋狂甜品，我們都點了成都老冰粉，這個冰粉特別，有花生，黑白芝麻相配，混在一起十分好吃，剛好也解了吃過的辣，很好的配搭。這裡的裝潢比較中國風，坐得也舒服，大家下次可以來試下這裡這麼特別的麵。