環境
1
位於中環舊式大廈一樓，本來都以為係小店，但去到一樓都見到好大間，同埋有花心思裝修，尤其是收銀處叫掌櫃幾搞笑。
餐牌
以食辣麵為主，主要都係食set，都有缽缽雞同其他食物。
瘋狂牛肉麵套餐 $98
包哂麵、飲品、小食及甜品四款都係$98。小食揀左蒜泥青瓜，質素正常。甜品選成都老冰粉，為食辣之前打底。瘋狂牛肉麵選了BB辣，入口麻香較重，辣度低，食辣BB班絕對無問題，牛肉有啲帶軟筋位，增強口感，麵質可掛湯，能品嚐到湯底。
瘋狂大排麵套餐 $88
包括麵、飲品及小食三款就$88。呢份套餐小食就加錢要咗棒棒雞(+$32)，唔係平時食開嘅雞絲形狀，而係片狀，辣勁十足。至於大排麵就叫咗小辣，都唔算辣好多，大排肉質鬆軟，比起牛肉我更愛呢款！
總括而言，會保持正宗川菜嘅風味，本地店做到呢種水平難怪獲內地頒獎，想一嚐正宗四川菜嘅不妨嚟試下。
