瘋狂小面 (佳德商業大廈)

營業中

休息中

今日嚟中環，比我發現呢間味道正宗嘅川菜。絕對是愛辣者嘅喜訊😍揀咗套餐，除咗麵之外，仲有涼拌小食．四川特式甜品．飲品，可試哂幾樣野😍「瘋狂肥腸面」大大片，大腸清潔的好乾淨，好食。麵質好有口感，一碗好大份量，如果加麵底，應該足夠兩個人食😆麻同辣度，都可以揀選合適自己口味👍🏻「蒜泥青瓜」清爽新鮮，同辣嘅食物係好夾好配襯。「成都老冰粉」呢個甜品喺香港唔係隨時都可吃到，食完辣野，甜一甜，冰涼解辣。啱哂我...唔會太甜👍🏻呢個一定要試。裝修好有北方味道，坐得舒適。下次會夜晚嚟，再試埋2人套餐🤤

上次同朋友來這家在中環士丹利街的麵館，今日又同同事再來吃一餐。菜單提供的選擇很多，搭配靈活度高，可以只要麵和飲料，或再加小食和甜品。我原本想吃限定供應的瘋狂燒白麵，可惜已經售罄了。所以我們點了瘋狂大排麵加牛舌配白湯，瘋狂肥腸麵加豬肝配紅湯，棒棒雞，鐘水餃，成都老冰粉，金桔檸檬及烏梅汁。大排麵的白湯較清，配了大量蔥粒，湯裏有淡淡的芫荽味。麵條幼，很易咬斷。排骨的調味很好吃，肉質鬆軟，軟骨都能輕易咬碎。牛舌是薄切的，煙韌的很有口感。肥腸麵的紅湯可以根據自己喜好選擇辣度。豬腸和大家在街邊吃的大腸切法稍微不同，它是中間切開後讓内壁能夠攤開，很爽口。豬肝有很多片，也是非常爽口，肝味也很濃。棒棒雞是一片片薄切的雞腿片，浸在麻辣的醬汁裏，它不是很辣但卻很麻口，很過癮。鐘水餃是一片片水餃浸在甜辣汁裏，好像水餃版的紅油抄手，十分好吃。最後甜品的冰粉，做得很趣致，冰粉上分別放了花生，糯米，黑白芝麻和梅乾，增加不少口感。冰粉本身亦很清甜，是一個很健康的甜點。金桔檸檬和烏梅汁，一杯甘甜清新，一杯酸甜滋潤，在吃辣和重口味食物的最佳飲料。

瘋狂小面 位於中環既樓上鋪位置寬敞 設有多個set餐選擇我選左兩個A+B+C set ($98)瘋狂肥腸面 紅湯 (+牛肚$13)先講下個湯 可以自選辣度同配料,好貼心🥰今次嗌左少辣少麻而個肥腸同牛肚 都好易咬,而且仲吸左d湯味酸菜豬肚面 四川酸菜湯湯底比較清d 仲可以飲埋tim 🤤豬肚份量一樣係好多套餐可以嗌2個免費小食,不過我地就加左錢upgrade😚夫妻肺片 (+$32)蒸蛋(+18)飲品 upgrade 左冰糖雪梨汁(+$6)好濃既雪梨味 好推介👍🏻甜品 紅棗銀耳湯

We were so hungry when we passed by Stanley Street and decided to come upstairs for a quick dinner. Their crazy set menu was so clear and easy to tick with choices of different components, toppings, upgrades of drinks or appetisers. Both of us ordered a noodle set with a drink and an appetiser at $88+10%.I hadn’t had 擔擔面 in so long and couldn’t help but order it despite that there was no specified meat in the set. I topped it up  to add 牛肉 at $15+10%, 牛肚 at $13+10% and 牛舌 at $13+10%. I asked for

中環餐廳給人的印象都是西餐及高級餐廳，愛吃辣的我知道中環有美味川菜，當然要去品嚐一下。.一行二人，點了兩個A+B+C+D套餐($98)一個套餐包一個麵食，飲品，小吃和甜品。.瘋狂燒白面(白湯)分數: (8.5/10)每天只限量15份！白湯適合不吃辣的朋友，湯底味道亦不錯。燒白是四川的特色菜，亦就是北方的扣肉。燒白脂肪與肉的比例剛好，沒油膩感，肉很冧。配有酸菜，令人愛不適口。.瘋狂肥腸面(紅湯)分數: (8.2/10)紅湯是麻辣湯，又香又惹味，食得辣嘅我覺得辣味剛好，他亦提供小辣BB辣的選擇。豬大腸十分入味，大腸洗得乾淨，沒有怪味。.+鹵蛋(+$9)分數: (8.5/10)雞蛋連蛋黃也完全吸收滷水味。.棒棒雞(+$32)分數: (7.5/10)有麻香味，口感過癮，硬較，有點像豆干。.夫妻肺片(+$32)分數: (7.8/10)口感爽，有著牛的不同部位，香辣開胃。.成都老冰粉分數: (7/10)從未嘗過過這甜品，挺特別。冰粉像啫喱，配以芝麻，花生，提子乾，糖水一起吃，較甜，清涼很適合吃辣食後品嚐。.紅棗銀耳湯分數: (7.5/10)含有杞子，紅棗，雪耳，較滋潤，甜度剛好。.紅肉柚子(+$9

今日收工約咗🐢🍯食晏，好似好耐冇食過酸辣粉，諗起之前喺呢度食過一次好好食，所以又返嚟間野度食酸辣粉。我哋都鍾情於酸辣粉，所以兩個都係嗌返酸辣粉餐。我就因為上次覺得BB辣唔係太勁，所以今次試吓小辣。雖然碗湯好似好紅咁，但係其實唔係真係好辣，最重要係佢夠酸，酸同辣嘅比例啱啱好。佢個粉都索晒啲湯，好好味。而我覺得佢呢度其中一樣必食嘅係滷水蛋，因為佢哋個蛋黃真係好香而且好入味。🐢🍯果碗就叫返bb辣。顏色係咪好唔同呢。然後今次我哋試吓佢個燒椒茄子，上到嚟先知原來係涼拌。切到一條條咁都幾容易索味，味道都唔錯，唔會太鹹或者太辣。另外我哋嗌左個蒸水蛋，呢個水蛋不得不讚，因為真係好滑。甜品當然唔少得成都涼粉啦，解辣得來又好味。而飲品我都幾鍾意佢哋自己煲嘅羅漢果冬瓜茶，所以即時的熱飲我都仍然揀佢。

 今晚同男朋友去中環買野，佢帶我去試吓瘋狂小面，佢話有同朋友食過好正！入到餐廳留意到裝修得好古代咁都幾得意~我哋坐低之後叫咗兩個套餐，價錢都算合理，有麵、小食、飲品同甜品~ 瘋狂豬腸面加大排同豬潤，湯底揀紅湯BB辣！湯底望落好濃好辣，但入口的確同外觀吻合，豬腸洗得好乾淨，豬潤入口好爽身，大排亦炆得好淋好入味！另加個小食捧捧雞，凍凍的唔太辣又無骨，啱晒鍾意啖啖肉嘅我們！我就叫左個酸菜豬肚麵，麵質彈牙同埋個湯好夠酸菜味簡直係絕配，豬肚整得好淋好入味！另加左個蒸蛋好滑、好有蛋味！最後甜品時間叫左一碗成都老冰粉同紅棗銀耳湯，老冰粉上面有山揸餅、芝麻、花生、提子乾、酒糟加啲糖水，冰粉本身無味道，只係靠糖水，但口感似啫喱咁又夠凍，銀耳湯好香紅棗味，感覺好滋潤，又唔太甜！  

係中環睇完婚紗後順便係附近食晚飯，找到一間川菜食辣野，正呀🥰🥰餐牌好多選擇，又小食又麵食又串串心大心細，最終叫左兩款湯麵: 瘋狂牛肉麵同瘋狂大排麵，一碗紅湯小辣，一碗白湯不辣。首先個湯底好濃味，而且辣味都十足，好好食。牛肉很有牛味，還有牛筋，而且炆得好軟淋🥰🥰 而大排其實係豬軟骨，啖啖肉好有咬口。另外加了牛舌同滷蛋，好豐富呀😛小食點左蒸蛋和棒棒雞。蒸蛋很滑，但味道無好特別。棒棒雞點上麻醬辣油好惹味開胃，做餐前小食一流。甜品點左成都老冰份，好滑溜好似啫喱，還有提子乾、花生等配料，比較甜。飲品點左羅漢果冬瓜茶同藍蝶花雪梨，清甜解辣又解毒100蚊有齊麵食、小吃、飲品、甜品，其實幾抵食☺️ 下次再試埋串串先

未食之前唔知佢瘋狂喺邊 食完就知原來係瘋狂地油油到不能自拔不論係我碗麵定係個捧捧雞 沒有最油 只有更油我嗌的是大排面 主角係豬 errrrr好鞋🤦🏻‍♀️麵質適中爽口只怪湯底好不行 食得好不爽 那兩條飄浮的菜心都變咗油菜了 哈捧捧雞其實就瘦得過份哦冰粉是唯一ok的 夠甜夠料夠滑總結泥講係瘋狂overpriced~味道：3.5/10瘋狂小面瘋狂牛肉面套餐 $98瘋狂大排面套餐 + 牛舌 $111捧捧雞 +$32成都老冰粉 紫貝天葵檸檬烏梅汁📍中環

2月14日，呢到情人節d 消費節日，大家都爭相去食燭光晚餐。計我話，只要過得幸福，天天都係情天節，right ?! 今年我跟my boy 就實際得多啦～ 為左肚皮福祉著想，我地去中環經濟實惠餐廳吃飯~ 無睇錯係中環，仲要唔止經濟實惠，服務仲好好牙~名副其實既係瘋狂，瘋狂甘抵食, 我地今次點左2個set : 麵+小食+糖水+飲品 $98豬大腸麵要麻有麻，要辣有辣，加埋四川配菜，真係好好好好開胃。大腸煮得夠淋身又乾淨，一d蘇咪都無，食得出係比心機煮。非一般擔擔麵麵質好彈牙，麵條粗身，但又唔會一住住甘，條條麵都分明有咬口。另外，醬汁都有層次，唔會係只得芝麻醬，有點似出前1丁既advance 版，組合好鮮又出奇地match ,食得好過癮👌小食就真係唔小啦～ 我地order 左夫妻肺片同雞，份量同質素，真係好得，完全無慳功力，讚!

呢間隱世川麵位於中環士丹利街，仲記得第一次去食，都搵左好耐🤭今日又黎翻兜先🤤先來就係瘋狂牛肉麵，追加左牛肚，由於我同朋友都唔係好食得辣，所以就帶咗BB辣同BB麻🤭個就好喜歡佢地既麵，麵質好爽好彈牙，同時又索晒湯嘅精華🍜叫咗一碗紅湯，第二碗梗係要返碗白湯啦😉呢款就係酸菜豬肚麵，另外追加左肥腸同酸菜，值得一提嘅係，呢度嘅酸菜好好食！成日都出街食，好似好唔健康咁，係咁意都叫番掂上湯素菜，自我感覺良好啲呀嘛！壓軸嘅係我最鍾意食既棒棒雞，雞件好嫩滑，如果同我一樣鍾意麻多個辣嘅朋友，就一定要試吓啦，棒棒雞嘅麻香味好重，邊個會抗拒到啊‼️

🔹瘋狂缽缽雞 $238(二人份)👰🏻:🌕🌕🌕🌕🌑🤵🏻:🌕🌕🌕🌕🌑缽缽雞有分2,4,6人份，湯底可以揀麻辣/藤椒，亦有分熱湯同溫湯我地揀左溫湯既麻辣，係少少辣多多麻既牛油底.二人份量有30串葷，30串素，大部份款式係2 串，有啲就有4串素類大約有菜心，粟米仔，秀珍菇，雞髀菇，本菇，蓮藕👍🏻， 鮮腐竹，勝瓜， 薯仔👍🏻，青瓜，萵筍👍🏻，鮮淮山，西蘭花👍🏻， 豆乾等等.蓮藕好正好脆好索味， 係有少少薄萵筍脆得來有啲小清新脆到核爆嘅鮮淮山，但中間會有啲好似秋葵黏黏嘅質感大粒嘅菇建議早啲食， 放得太耐索太多味， 有少少咸.葷類有蝦，鵪鶉蛋👍🏻，豬肚， 雞軟骨，豬耳，雞腎牛展👍🏻，好厚嘅牛脷， 鳳爪筋👍🏻，雞翼尖， 鴨舌👍🏻， 黃喉豬耳外面腍到好似豬手咁牛展好香好淋，好重牛展味鳳爪筋夠晒爽脆雞軟骨就腍左少少😥.🔹瘋狂擔擔乾撈麵加肥腸 ($78連飲品，肥腸+$14)👰🏻:🌕🌕🌕🌕🌗🤵🏻:🌕🌕🌕🌕🌗有得自選辣度同麻度，揀左多麻少辣個麻辣味好正，帶少少咸味開頭覺得有啲乾有啲難撈，底度有啲紅油，配上青瓜絲同蔥，有少少似印尼撈嘅感覺最鍾意係啲花生夠晒脆😆個肥腸已經抆好屎，一啲都唔肥，重好香口㖭.🔹冰粉(另外

最近少食辣 要warm up warm up!!每次黎瘋狂小面 都糾結食瘋狂牛肉麵定招牌碗豆拌麵🤓...最後都係「瘋狂牛肉麵-多荽茜-多花生」#crazynoodles #瘋狂小面

這家店主打巴蜀風味，菜式都是以麻辣為主，讓食客過一股辣癮。當然也有少量不辣的菜式，不過特意來到這裡吃川式風味，怎可能不吃點辣瘋狂一番呢？先吃涼拌小食，蒜泥青瓜清甜，涼拌木耳爽口，蒜味重，酸酸甜甜更令人胃口大開。棒棒雞：亦是小碟之一，第一次吃，雞肉浸在紅油、芝麻及甜醬油裡，反而不算太辣。每一片雞肉非常薄切，連著皮一起吃，肉質很彈牙結實，味道有點像豆干。瘋狂擔擔麵：著名的四川特產、傳統麵食都是沒有湯的，主要以拌醬汁乾撈來吃。佐料有花生、豬肉碎、青瓜絲、蔥花和蔬菜。肉碎份量多，鹹鹹的很多汁，拌勻麵條就剛好了，幸好不是肥豬肉，吃到底不會特別油膩。選擇了少辣，以免太辣而吃至淚流滿面嘛，那餘韻的辣停留在口腔中；另外選擇了加麻，所以花椒之麻香較重，吃到嘴唇及味蕾也麻痺起來，很過癮。由於太肚餓的關係，加$10就多個麵底。麵條雖然幼細，但富彈性，挺喜歡這款麵質。

搵埋鐘意食川菜既朋友，一齊去食瘋狂小面，每一道菜都令人瘋狂愛上❤️叫左兩款飲品：1.羅漢果冬瓜茶羅漢果嘅味道酸酸甜甜咁，好開胃2.藍蝶花雪梨好清新好香甜，影相打卡一流今次叫左棒棒雞做小食，棒棒雞有辣油同醬料浸住，非常之入味！主菜有瘋狂燒白麵（推介）同正宗重慶酸辣粉，瘋狂燒白麵有厚厚嘅豚肉，肥瘦剛好，配上大量蔥花同埋幼麵，好有川菜嘅風味。幼麵索左湯底嘅味道，非常入味，值得推介！正宗重慶酸辣粉我叫左小辣，覺得辣度剛剛好，配料夠多，滿足曬我對酸辣粉嘅要求。成都老冰份，冰粉超滑溜，再加埋酒糟米、提子乾等配料，清甜得來又好味。餐廳入面好有中國feel，而且地方都算都幾好坐，係個入口比教難搵，不過我一定會再番黎食！